京都勝牛 (Tower 535) (已結業)

睇名就知, 呢間吉列牛扒係黎自日本京都餐牌入面大部分都係吉列野雖然而家我既飲食越來越注重健康同營養不過真係太掛住日本...所以今餐就破戒啦一上檯我已經心心眼好豐富呀!翼板牛 : 有少少韌, 但用鐵板輕輕一焫就解決問題, 而且牛味都變得更出更香 吉列鰻魚 : 蒲燒鰻魚就食得多, 吉列真係第一次食,  保持到鰻魚既嫩滑, 更多一份外脆內軟既口感, 大愛大家都3成熟下, 菲力牛比翼板牛嫩得多, 口感似食吞拿魚刺身平時食牛至少5成熟既我, 無諗過3成熟會係另一番風味焫同唔焫2種食法, 完全2種感覺呢度食物質素唔錯外, 環境都舒適最值得一讚係侍應們既服務態度超好除左會同我介紹唔同醬汁, 唔同牛部既分別會主動提供鐵板以免我地唔食得咁生不停問需唔需要添加飯/湯/菜走果時仲會問番我地對食物既意見同埋話出面落緊雨, 叫我地不如坐多陣先走所有野加埋, 真係解左少少我思日本之情

之前有個星期五晚過來想食呢間, 點知條龍都唔知要等幾耐先有位, 結果就放棄左, 呢次就揀星期四晚過來, 真係人少好多, 只係等 10分鐘左右就有位, D staff 既態度好親切好有禮貌, 放低餐牌講少少介紹就叫我地慢慢睇, 起碼唔會睇睇下就來催落單, 因為第一次來食, 其實好想要埋個凍飲 + 甜品套餐, 不過要加 $72, 感覺好似幾貴,  最後都只係就咁要 2份套餐等左唔使 10分鐘就先來左第一份 - 炸特選三文魚柳套餐, 一攞埋來就聞到香味, 魚柳炸得岩岩好, 亦唔會有腥味, 隔左一陣另一份都到, 呢份係 - 名物翼板伴鰻魚套餐, 又係一樣埋來已經聞到好香, 放低之後, 個 staff 會仲樣汁醬解釋一下係點咩來食, 非常細心, 呢個餐最主要係份牛扒, 夾起上來一睇, 牛扒大概係 4成左右熟, 肉質仍然好紅, 但入口唔會覺得生同無血水, 入口非常軟滑, 而鰻魚唔會炸到好乾, 係岩岩好, 亦都唔會腥 ! 跟餐既沙律菜, 飯, 同埋湯都係可以免費添加既, 每個套餐都有一小碟漬物套餐份量岩岩好, 唔會太多太少,  唔夠又可以添飯, 難怪咁旺場 

同閏密喺SOGO shopping完，有D餓，想食個晏先，行行吓就去咗，銅鑼灣謝斐道Tower 535 地庫嘅京都勝牛。我哋分別叫咗兩個套餐，第一是霙花翼板牛排套餐，配芒果奇異果味有汽特飲；我就點了一個香脆炸里脊豬排套餐，配白桃蒟蒻冰茶。每個套餐都包括了味噌湯，椰菜沙律和麥飯，要提一提，沙律、湯和麥飯，還可以無限追加呢，保證食得飽！先講講份霙花翼板牛排套餐，原來「霙」係解作雪花，牛扒上還很有心思地鋪了一層白蘿蔔蓉，比喻作雪花，其實真正嘅雪花，係喺牛肉入面嘅脂肪均勻地遍佈在牛扒上，就好像雪花一樣；此外牛排還配上牛排汁、山椒鹽和鰹魚昆布汁，就是配料方面也花了不少心思呀！至於份香脆炸里脊豬排套，豬排一上枱時是熱騰騰的，還冒着煙啦，食嘅時候小心盪口啊，豬排鬆化加上脆脆嘅外皮，一落咬口卜卜聲；此時再將椰菜絲配上沙律醬，跟豬排一起放進口，椰菜絲中和左豬扒嘅熱氣，配搭相當好！食得炸物咁上下，有啲口乾，再飲番啖佢哋嘅特飲，食完整個餐，都已經飽飽了，邊個唔夠嘅仲可以追加麥飯、湯和沙律，下次真係要再嚟過！

銅鑼灣一帶美食多籮籮，今晚想吃日式餐廳，晚上六時，餐廳還沒有很多食客。餐廳以大地色為主調，加上木製桌椅，感覺溫馨舒適。餐牌上的選擇很多，除了炸牛扒，還有炸豬扒、炸海鮮等等，值得一提的是甜品也很吸引呢。套餐包括椰菜、燕麥飯和麵豉湯，都可以免費添加⭐️元祖炸牛排套餐$158炸牛排已經切好，一塊塊細細長長，我們要了一塊烤板，再輕輕一烤，入口更有溫度。吃起來嫩嫩的，肉味慢慢咀嚼出來，如果味道濃郁一些，還可以沾咖哩醬。⭐️霙花翼板牛排套餐$168霙花翼板牛排小小一塊，上面鋪滿了蘿蔔蓉，口感較元祖炸牛排紮實一些，味道也是相當不錯。咀嚼起來牛味突出，清爽的蘿蔔蓉帶走肥膩感。椰菜加上柚子醋和芝麻醬很美味。⭐️藍柑荔枝味有汽特飲$36這杯特飲非常給正，彷彿給了你一個海底世界，頂層是透明，最底是深藍色。喝起來有淡淡的荔枝味，很清爽。⭐️日式柚子茶$28一大壺柚子茶，除了有柚子的香味，還有茶的味道，解膩不錯。

bookmarked this place for awhile, finally got a chance to try. Kyotokatsugyu is japan’s no.1 gyukatsu place from Kyoto, specialising in katsu gyu (beef cutlet). I ordered this 牛三味set, including tenderloin, Chuck flap and sliced thin beef (醬味薄牛）My friend ordered beef Chuck flap & pork filet set. I think the 醬味薄牛 was actually the best among the three cuts, the tenderloin seemed quite tender at first few bites, but some parts were a bit hard to chew.. the Chuck flap taste a bit too gamey for my li

In view we will be having sake free flow at another shop later, we decided to eat something that is deep fried. (hopefully to slow down the alcohol absorption)For their set meals, the salad and rice can be refilled. As I wanted to try all 3 types of beef, I ordered their Beef Chuck Flap, Fillet & Sliced Beef Set. It was really crunchy without being oily. However, for the sliced beef, in view that it was thin, so the crunchiness was not that prominent and its flavor was least prominent. I loved t

今日同好姊妹外出午膳，避開最繁忙時段，2點後約會，之後仲可以一齊shopping對於我特別喜好牛的這次點了霙花翼板牛排套餐，牛排經高溫炸至鬆脆金黃，而牛質就大慨只有3成熟， 朋友就笑說我茹牛飲血，但餐廳有提供小火爐，以供客人可再烹調至想要的生熟度，而沙漏是用作起爐後一分鐘就可以用。牛肉質外脆內軟，還有燒汁，山椒鹽，同昆布汁有不同風味， 而牛肉上的是蘿蔔蓉，另有柚子汁可淋上面， 這樣可減熱氣，但個人還是喜歡吃脆脆的外層而朋友點的香脆炸里脊豬排套餐是，充滿肉汁，十分嫩口，朋友也讚口不絕套餐包了椰菜，麥飯各味噌湯，而更是可免費添加，椰菜十分爽口，配上芝麻醬更可口，不停一口接一口。朋友飲品藍柑荔枝味有汽特飲，感覺好似富士山， 而我點白桃蒟蒻冰茶，白桃茶非常解渴，而且有多粒粒蒟蒻可以咬下，很過癮。侍應都很有禮貌，下次會再來

🔺 京都勝牛 (銅鑼灣)琴日老公接收工帶我食好西，通常我都會揀呢d 餐廳專係星期六日夜晚放工食，因為唔似放題任食果d 咁，特別時間收貴d, 所以留返呢d 日日都同一個價錢係星期六日食就最好啦😂🔻元祖炸牛排套餐（$158)套餐跟飯同沙律任食既，枱面有任用芝麻醬🤤🤤呢款即係翼板牛，牛味較重有咬口唔un, 一上枱大約3成熟，唔係熱辣辣有d 失望。🔻京都勝牛雙味套餐（$198)佢係翼板牛同埋菲力牛，菲力牛牛味冇翼板牛咁重牛味，肉質就較淋易咬，睇你自己追求口感定係牛味，我自己就比較中意翼板牛。總結：後尾睇返先知原來可以借煎pan ,煎熱d 牛，但同我幻想中放係熱石都辣熟佢好大分別，而且被安排坐既位置太細，放阻2個餐之後就冇晒位，想擺煎pan 都冇位擺，呢到就有d 失望。而呢到既服務都唔錯，個個員工都好有禮貌，如果可以改善到食物上既質素就更好了🥺🥺

來自日本既吉列牛過江龍🐉————————————🔻元祖炸牛扒套餐 $148我覺得係我唔好彩🙈呢塊食落去好un咬唔開🥲放喺鐵板上再煎一煎會好食啲外皮都炸得幾香脆不過牛扒嘅質素就真係一般般套餐有唔同醬汁點牛排食 叫做有少少變化總括味道就正正常常既又唔算好出色🙈如果要排好耐就真係唔值得By M

明明黎咗但又話我到不過好在我都冇儲開分😂😂😂三文魚蟹子丼配溫泉蛋 $138脆炸豬鰻魚套餐$148價錢小小點貴，不是說好好食黎到唔記得應該要食牛但又冇食到炸豬一般，可能呢炸牛會好食好掛住之前去日本食過炸豬排丼還記得食完勁滿足還可以任添味憎湯和白飯

等咗幾個月終於可以去試，剛開業真係大排長龍，而家假日去係唔駛排，滿懷希望拉阿sir陪我去試，點知期望越大真係失望越大，無論食物質素同服務都只算合格，但唔會有下次喇。🥢京都勝牛三味套餐 $228 (翼板、菲力及薄片醬味牛)⭐️⭐️⭐️第一次試梗係叫個招牌啦，唔係點知邊款牛好味，其實牛上到枱已經可以食得，如果怕太生，可以叫店員比個爐你自己燒，我想試勻生熟效果，所以開爐自己燒，結果係生比較好味。三款牛當中，我只覺得菲力牛最好味，有牛味又容易咬，呢個真心推介，而翼板牛就最差，無牛味又超韌，但好多個餐都有呢款牛，而薄片醬味牛，全熟甜甜地不過不失。🥢鮮嫩脆炸豬柳伴鰻魚套餐 $148⭐️⭐️⭐️因為未食過脆炸鰻魚，所以叫咗呢個雙併套餐，首先講下我鍾意食嘅鰻魚，炸完之後鰻魚唔會變乾，仍然保留魚肉本身軟熟同水份，仲有鰻魚唔會太薄，口感幾好，大推，至於豬柳，又無豬味又無豬應有嘅口感，我覺得似食緊雞柳多啲，超失望！如果食炸豬，真係去勝x殿好喇。二人共消費：$414

日本京都大熱的吉列牛扒專門店 - 牛カツ京都勝牛，登陸香港銅鑼灣啦! 曾經在日本品嚐過，如今未能去旅行，幸好也在香港尋回日本的滋味呀! 店內充滿日式風情，採用木系簡約設計，跟京都店的裝潢大致相同。餐牌圖文並茂，吉列菜式包含各個部位的牛、豬、蝦和三文魚等，總有一款合你胃口呢~ 每份套餐都包含麥飯、椰菜沙律和味噌湯，而飯和沙律更可無限量追加，吃得相當滿足唷! 極上和牛M9後腰大脊 $285 採用澳洲極上M9和牛製作的吉列牛扒，質素相當好呢! 利用190度高溫大豆油快炸60秒的牛扒，薄身的麵衣炸至金黄酥脆，內裡的牛扒則維持3成熟，油溫掌握得剛剛好。色澤鮮紅的牛扒，脂肪含量高，肉質超腍軟，太好吃啦~ 鹿兒島A4黑毛和牛西冷 $438 勝牛除了有澳洲和美國牛肉，亦有油脂豐富的鹿兒島A4黑毛和牛供應呀! 黑毛和牛的色澤比M9和牛更粉嫩嫩，因為它的牛脂含量更高，而且分佈得更均勻。 把吉列牛每邊燒5至10秒，熱力把脂肪溶化，使牛肉更加甘香、更加美味、肉質更加幼嫩!店家自創出多款醬油，例如: 醬油、山椒鹽、咖哩、和風沾醬和酸汁等等。沾醬後令味道層次更豐富，一口肥美鮮嫩香和牛，一口軟糯麥飯，滿滿的幸福感呀

Looking at everyone’s photos I was very excited to go and try Kyoto Katsugatsu out for myself. We reserved a table at 6:30 and we’re promptly seated inside. The menu’s got lovely pictures and we choose four sets: the pork loin with fried eel, beef don, salmon don and wagyu beef set. Beef Don - decent, but quality of beef is not that great. Kind of felt like the quality I would expect from a readymade Eon sushi. Same goes with the salmon Donburi - it does not look like in the photo. The salmon is

日本過江龍炸牛扒專門店全球超過60間分店 香港亦有2間除左主打吉列牛外 亦有丼飯 炸豬排同甜品供應˜”*°•元祖炸牛排套餐($158)🥩•°*”˜˜”*°•名物翼板拌大海老套餐($188)🍤•°*”˜味道: 3/10滿心歡喜諗住可以食到久違嘅日本的味道點知完全唔係嗰回事雖然沙律菜 味增湯 同白飯依然係無限refill♾️但原來燒吉列牛並唔係一人一爐🔥 有啲失望據聞牛排係以190度油溫快炸60秒至三分熟餐廳已經預設大家係會接受到佢拎出黎嘅生熟程度 所以冇打算比個爐大家自己燒而我地四個人嘅吉列牛生熟程度都有啲唔同我嗰份特別生 然後啲肉係生到咬唔開 同埋大家嘅牛黎到已經唔熱好似食緊凍冰冰生肉咁於是問職員可唔可以要個爐最後竟然係得到煎pan一個翼板牛冇牛味 亦冇乜油花 唔好食反而炸蝦比較出色 而佢令一賣點係有9種調味料比你配搭但全部都唔特別好食 咖喱更加唔好食越食越失落 質素同價錢唔成正比 以吉列牛專門店黎講 一啲都唔推薦

窮遊香港-銅鑼灣日本過江龍吉列牛 呢間日本都幾出名 之前去左試試 當中如果點套餐 湯 沙律 飯都可以任添.⭐️東京風里脊猪排鍋膳套餐$138😋旁邊有滑蛋 吉列豬 肉質比牛更鬆軟🤔吉列豬排放左係滑蛋上面🤔所以要盡快食 如果唔係底會變軟得好快有沙律喺旁邊 台面可以自己加芝麻醬.⭐️霙花翼板牛排套餐$168👍🏻吉列外層好貼身 唔易散 加分👍🏻牛肉生熟啱啱好 見到粉粉地😋花翼板油花多 但唔會過油.除此之外 👍🏻麥飯 高質 粒粒分明👌🏻味增湯 ok正常冇特別飲品方面賣相都幾夢幻 小小漸變色 ok啦⭐️白桃蒟翡冰茶$32⭐️藍柑荔枝特飲$36. #京都勝牛 (銅鑼灣)地址銅鑼灣謝斐道535號Tower 535地庫B01號舖.⭐️評分：味道：4/5環境：4/5服務：4/5抵食：3/5