京華酒樓 (已結業)

朋友食飯唔知收幾點，咁就諗酒樓晚市，可以飲住茶慢慢等。位於聯合呢間酒樓好耐了，好耐無黎過了，順便跟朋友一齊支持下。海蜇薰蹄，肉質爽口，配白醋味道不錯；經典咕嚕肉，果然啖啖肉，仲有點肥肉，醬汁酸甜度適中，配菜份量適中；花支片炒時蔬，甜豆食落有點老，花支片等炒得爽口，好似少許辣味；小籠包看似皮厚唔吸引，咬落都幾多湯汁，呢個驚喜值得推薦再來金銀蛋莧菜，呢個炒得幾好食。坐得舒服又味道可以，呢個地段黎講，中菜好選擇…哈哈

琴晚有朋友搞送別會，我哋就去咗京華酒樓度食中菜。由於人數多我哋就訂咗房，然後叫了兩個圍餐。由於訂了私人房所以環境都算不錯～ 有私人空間～我地自己帶了很多洒～一到步就叫了豬蹄、滷水豬手同牛展～ 配搭飲酒很開胃。 八點鐘上第一碟菜，就是燒乳豬，貌相算不錯～ 皮也很脆～但略嫌脂肪太多。有點肥。其他菜式賣相都不錯、在酒樓這個價錢來說還可以吧. 沒有什麼太大的驚喜😂😂 我最喜歡的魚來了～ 我一個人清晒整條魚😜魚身肉質都滑～ 新鮮的～ 但最好食是他的壽星包～ 入面是鹹蛋黃蓮蓉❤️這個很好吃😏😏 不過很肥～一次不要吃太多😂然後他的荷葉飯也不錯我也吃了兩碗🎊😜

說是公司團拜，其實之不過是幾位感情深厚的同事一起吃開年飯。趁著新春沒那麽忙，吃個長午餐。這家酒樓乃是其中一員提議的，他說平日也常到此飲茶，既然大家都無異議，小人自然跟大隊。叉燒蜜味香濃，油潤多汁，然而肥脂多到滴油，太過肥膩。反而燒鴨偏乾，雖然一大隻，卻欠油份，瘦似皮包骨。腰果炒蝦仁屬中規中矩之作。可能很多茶樓的蝦仁都是中至大蝦，這碟的蝦仁倒是十分稱職的只是蝦仁，較預期失望。蒸龍躉算是不差，那麼大條的魚，蒸出來仍是滑的，豉油鹹甜適中，這條魚我們都搶得很快！蒜蓉炒通菜炒得不夠透，蒜味少，略嫌生澀。某同事一定要吃的馬拉糕，別看它外表乾爭爭，吃下又是另一回事，鬆得來中間有氣泡，還吃到黃糖的香。是一餐開心的開年飯！

同親戚去食晚飯。因侍應話啲餸上得好快，所以親戚就寫好餸菜既number等佢地慢慢入單。其中有講明其中片皮鴨係要半隻。（佢寫既number係半隻number)之後侍應回覆話會跟number入。點知過左1陣話某個餸無左合桃。我親戚想轉另一樣。但2個侍應係咁講另一樣餸都係果啲野一樣姐，（如果同一樣點解要2個名呀？）佢地係咁同我親戚互拗，唔想同我地轉，因佢廚房已整好左。之後怪我地比number佢入搞到唔知我地點左咩餸。其實佢幫客落左單唔可以同客復單嫁咩？同埋無合桃唔可以煮之前同我地講咩？搞到我地梗食左。之後個片皮鴨勁耐先上，我地食晒所有野先上，問佢地果時都係講燒緊隻鴨，到終於上桌，待應又無講係全隻，到食食下覺得唔對路先知佢又落錯單。結果食唔晒我地要拎走仲要收$2飯盒錢。結果又梗要比多啲錢又食唔晒。全因個侍應落錯單。食到我親戚一肚氣，以後都唔會黎。

難得閑日放假，所以同媽咪飲早茶，平啲呀嘛~每枱都有一個小保暖壺，確保水滾茶靚，又唔使下下叫加水咁麻煩，都幾好。嗌左個套餐，有叉子燒餅，擔擔面同金錢肚，三樣野都係$48蚊好抵食。大食嘅我地仲嗌埋蝦餃同花生豬骨粥xd燒餅同餡料係分開，自己塞啲料落個包都幾好玩，而且熱辣辣，餡料好有肉汁同口感，因為有菜甫粒，好推介！擔擔面花生味重，加上辣辣地，每一條面都掛滿湯汁，好滿足呀另外金錢肚唔“un”好入味；每粒蝦餃都有兩粒爽滑大蝦；粥入面嘅咸豬骨好好味！成餐都係100蚊鬆啲，但就食到高質點心！！！

今天中午大概11點半，嚟到呢間太子聯合廣場2樓的京華酒樓，地方很大，客人很多，比較嘈，我們有五個大人兩個小朋友總共七個人嚟食午飯，叫了幾個點心，其中一個點心潮州粉果，落了很多胡椒粉，粉果個皮也很厚，很難吃

京華酒樓屋企人好鍾意呢間酒樓，第一位置好便利，第二平日晚上嘅套餐非常抵食，今晚一行幾人有嚟到呢間酒樓，半隻片皮鴨＋1個雜菜煲，只係＄158，龍蝦係＄78/1隻，仲可以加錢配伊面底。分量真係好足夠，性價比當然高，味道都係正常中式酒樓嘅味道，水準都可以保持到。至於個片皮鴨，唔好期望佢係絕對嘅出色，外皮係好香脆，但係肉太多啦，應該皮同肉嘅比例要恰當先。呢度仲有個極大嘅優點，就係每張枱之間嘅空間感十足，唔會坐得好迫，中國人最鍾意就係坐喺酒樓，舒舒服服傾吓計，食個飯，呢度絕對符合以上幾個要求。

今日我們喺旺角花墟行完之後去咗聯合廣場嘅「京華酒樓」食晚飯！一坐低嗰陣我們見到隔離檯食緊好運燙手乳豬，睇落好似好正咁，好想叫嚟食，但又怕食唔晒原隻咁多，諗著問吓店員可唔可以要半隻？點知店員真係話可以，我們非常開心，所以就叫咗半隻嚟食，好運燙手乳豬燒得相當皮脆肉嫩，差唔多無多餘嘅脂肪，完全唔會有好油膩嘅感覺！豉油皇煎海中蝦煎得外層好芳香，肉質非常爽甜彈牙，豉油皇嘅味道唔會過鹹，而且好惹味！海底椰燉金腿豬𦟌嘅湯底味道相當鮮味濃郁，因湯料真係超足料豐富！龍躉兩味：碧綠炒龍躉球嘅肉質好爽滑彈牙！金針雲耳蒸龍躉頭腩好鮮甜嫩滑，而且魚皮嘅質感非常煙煙韌韌，有好豐富嘅骨膠原，真係好正呀！

約同事太子食晚飯，想了幾間，最後決定去京華酒樓，因為自己未食過，有朋友話好，就去試下。點菜時，員工推介龍躉2食，即時生劏，今晚做特價，都想試試。類似2味食法嘗過不同酒樓，但滿意的都佔小數，不是太油，魚唔新鮮，就是煮工太差。然後再加個脆果爆蝦球。先上蒸頭腩，肉質新鮮，不是雪藏魚 ， 有彈牙感覺， 而且腩肉多個頭骨肉，油量不多，金針雲耳紅棗蒸，簡直絕配，不用太花巧。另一味炒球，比一般酒樓厚身，可以充分嘗到魚膠的味道，但油稍為多了，失色之處。另一個脆果爆蝦球， 沒有想到碟頭那麼大，而且蝦球超正 ，普通酒樓多數用中蝦， 但這一間是用大蝦炸球， 蝦球走油之後沒有太乾， 仍然保持蝦的水份，入口有蝦汁流出，非常鮮味， 我們三個人 ，每人可以食到2至3個以上，超值。最後送上甜品 ， 可以選綠豆沙或芝麻糊， 我們選了芝麻糊 ，通常酒樓是用小碗上的， 但今次使用飯碗， 容量大 ，但稍為黏咗啲 ，不太甜，夠健康。現在很多酒樓 ，甜品需要另外收費， 有免費送， 不可以計較太多。最後埋單，不用400元， 價錢合理，有機會 會再試另外一些菜式。實在太大碗，比個 close up 大家睇下，哈，哈....

一班人有時食厭左炸雞，打邊爐，日本野，就想食番中菜，京菜朋友帶路，話聯合間京華酒樓抵，又有片皮鴨食，咁就去試下 上到2樓就見到好大個2奶架，人氣推介，睇落價錢都好化算跟住坐低見到menu，有好多孖寶餐，其實晚市酒樓好似好多都係咁？！咁我地6人就點左海蝦配半隻片皮鴨蝦都新鮮，彈牙，但片皮鴨就差左，貌相一黎唔討好，二黎凍，微溫都無，好大機會切好，放涼左一段時間跟住我地再叫左兩個菜$148兩個菜都算抵，份量十足，鮑片汁略咸，但都惹味菜煲雜菜一堆加粉絲，有蝦有魚肚，湯有甜味，清清地去油膩！四個菜邊夠六個大食鬼食，再叫左特價龍蝦，非常抵，78蚊一隻，每人半邊，味道有蒜泥，清湯選擇，芝士另加30，伊麵底加40😀貌相都靚仔㗎，熱辣辣，侍應仲會幫你分碟上，蒜味夠，不過蒜泥量我覺得偏少，但都好味雞絲粉皮係必食呀！！！估哂到咁多碟餸，最好最好食係佢，粉皮唔厚又夠凍，麻醬量剛好，唔會太多，食落口唔會有油膩感覺海蜇不得不提，完全失敗，零味道，海蜇無麻香味，連少少咸味都無味，可以話係全晚最失敗的前菜最後食柚子京燒骨，熱辣辣上碟，酸甜汁夠哂開胃，配埋小量柚子肉，值得堆介回頭率：⭐⭐⭐味道：⭐⭐⭐溫馨提示：8點後見

薑蔥魚頭腩：有驚喜！鮮味十足葡式雜菜：兩種菇類跟兩種蔬菜組合成的焗烤有點偏鹹、如果不要太鹹應該會很好吃。西檸雞：外酥內軟、鹹甜酸味道拿捏得宜。與家人聚會值得再度光臨😊

一入去reception 個人玩緊電話，唔叫佢都唔理人，俾張卡寫左枱號，但冇人帶位，要自己搵枱。。都幾特別。。冇帶紙巾，問個姐姐借張紙巾，佢黑面話我地冇紙巾==.

以間京華酒家 服務態度不知所謂到完全晤會想幫襯！話說一朝早想去飲茶 見門口又冇人 咪直接行入去搵台坐啦 見有服務員經過 我就叫茶 點知佢地叫咪晤知講左D咩門口個啊姐就好大聲咁指住我黎鬧要攞飛架 你話入就入咩我當時真係好嬲 我黎比錢食野 重要受你氣 之後我行出門口 就問個啊姐我要點做佢重好不禮貌地大聲答我 拎飛囉！之後我話晤洗啦！我上上面好彩！今時今日重有以D既服務態度！我相信都晤方會做得長！我都會幫貴公司宣傳開去 你地有咁好既質素！比錢還要受氣嗎？連門口果個都咁有禮貌就一定有好多客黎啦！

我係大胃王Family day 飲早茶 晨早就食飽飽係幸福既（不過唔包狂食佢地staff 既氣 自問EQ高 唔介意既過黎踩場啦！）如果要食到特價早茶就一定要10點前罷位啦醒目既我梗係識做啦 等左一陣就有位啦今次又係叫左好多好多野食咸水角—熱辣辣脆卜卜 不過皮厚少料奶皇包—推介雖然唔係流心，但算性價高！牛肉—好細粒 縮哂水蝦餃—必叫！招牌蝦餃粒粒都係蝦今次順便試埋啲新野 娥姐粉果—一般出面街食果啲係齋花生果啲，但哩到有蝦有肉，有驚喜！野食質素係👌🏻👌🏻，但啲staff 會比埋bonus 你 ，包你食到一肚氣先係碗碗碟碟污污糟糟 痴線飯同茶漬，要求換無人理，到落柯打 嫌三嫌四話你寫得唔清楚，到你要乜幫手就無乜。除左一肚氣，都係一肚氣

今日係2016年嘅最後一日，我們選擇咗去太子聯合廣場嘅「京華酒樓」食晚飯！我們叫咗孖寶推介：京式片皮鴨「半隻」，他們嘅片皮鴨係人客落單後即燒出嚟，而唔係一早燒好，所以肉質比平日食開嘅更加皮脆肉嫩，而且店員仲會將所有肥膏起晒，真係相當貼心！值得一讚！杞子肉碎浸時蔬嘅味道好清甜，而且份量相當多！海鮮孖寶：薑蔥焗大肉蟹係新鮮即劏，所以肉質超鮮甜嫩滑，再吸收埋薑蔥嘅芳香味，真係超正呀！燒汁石斑柳外層炸粉唔會好厚身，肉質相當嫩滑，燒汁嘅味道好惹味！姬松茸燉瘦肉湯燉得好夠火候，湯料份量十足，味道非常鮮甜濃郁！柚子排骨嘅肉質好爽滑，除咗柚子醬汁之外，仲有新鮮嘅柚子肉，味道酸酸甜甜相當醒胃，食落感覺好清新，唔會有好油膩嘅感覺！