京華酒樓 (已結業)

雖然會去點心專門店食點作主餐，但是亦會到酒樓食番一盅兩件，滿足一下在酒樓食點心的心㽼。今次去了位於太子的京華酒樓，食個點心，又點話。很少會 點來春卷，而且近來少食，今次食卷，卻又覺得幾脆而又香口的，加上喼汁，又有酸微微的味道。例必點來一碟腸，而這牛肉腸粉正是今日的腸粉。整個腸粉是幾滑的，且冇香茜的味道，但是皮就略為厚了一點吧。鮮蝦菜苗餃是在下一向都會食的點心之一，既有鮮蝦又有菜苗，一舉兩得，鮮蝦的爽口和菜苗的清新，口感不錯吧。現今的叉燒包很少會有這麼的大，而且一籠三個，正好是從前的份量。當中的叉燒富有蠔油味道，與以前吃過的無異。這個雞扎，也許是從前吃過的模樣，腐竹包裏著雞件豬肚和魚等食材，是傳統的做法，而且味覺與從前無異，是豐膄的。叉雞飯帶來飽肚的效應，叉燒基本上是瘦的，沒多點肥肉，不過又夠軟腍，雞選用了雞翼，亦冇肉吃的，算幾滑的。雖然今次飲茶點選的點心不多，但是卻又很滿足了。

今晚我們去咗太子聯合廣場嘅「京華酒樓」食晚飯！喺餐牌上見到他們做緊多款抵食優惠嘅推廣！我們叫咗姬松茸燉豬𦟌湯燉得火候十足，湯料非常足料，味道相當鮮味濃郁！海鮮孖寶：豉汁蒸海倉魚配喜灼海生蝦「半斤」！豉汁蒸海倉魚嘅肉質非常新鮮嫩滑，豉汁嘅味道唔會好鹹！喜灼海生蝦「半斤」真係超新鮮，肉質超鮮甜彈牙！懷舊粉絲蟹煲嘅蟹係經過「走油」，無厚厚嘅炸粉，肉質極之鮮甜嫩滑，薑蔥嘅香味滲透晒粉絲入面，令到味道更加惹味，而且炒得相當乾身，真係超正呀！係本人嘅必食推介！秘製白玉醬油鷄「一隻」嘅肉質非常嫩滑，配上秘製嘅醬汁，令到鮮味更加提升！甜品：高力豆沙超香滑軟熟，豆沙蓉非常香甜軟滑！店員嘅服務態度相當親切有禮，特別係其中一位女侍應會用會親切嘅笑容去服務每一檯人客，必定係經過經理訓練有素！今時今日咁嘅服務態度，真係值得一讚！

太子京華酒樓，平時勁多人，今日12點幾到，不用等位，馬上有位，酒樓好大的水晶燈，好靚生煎窩貼，四隻，夠熱，面層夠多汁，底層金黄色，夠香，入面多汁肉唔多，好味粟米粥，煎蝦米腸，粟米粥夠多粟米，甜甜地好味，腸粉多豉油，煎到金黃，好味，有蝦米及葱。鮮竹卷好味，唔會咸，入面唔多肉的，ok珍珠雞好味，入面的配料有肉，乾身，咸蛋黃，都好足料。生煎包三隻入面有湯汁，夠熱，好香，肉都夠味的。

今晚我們去咗太子聯合廣場嘅「京華酒樓」飲中午茶！我們叫咗京華蝦餃皇、蟹籽燒賣皇、北菇棉花鷄、紫菜糯米卷、蘿蔔絲酥餅、叉燒腸粉、白切鷄瀨粉同高力豆沙！京華蝦餃皇嘅餃皮好薄身同煙韌，蝦肉相當爽甜彈牙！蟹籽燒賣皇嘅肉質好爽滑彈牙，而且肉汁都幾多！北菇棉花鷄嘅魚肚炆得好腍好入味，鷄肉嘅肉質好嫩滑！紫菜糯米卷嘅糯米相當煙煙韌韌，餡料好豐富，外層係紫菜包住嚟食，感覺好似食卷物咁，味道都幾惹味！蘿蔔絲酥餅非常酥脆，入面嘅蘿蔔絲切得好幼身，味道好清甜！叉燒腸粉嘅腸粉好軟滑，叉燒嘅味道好香甜！白切鷄瀨粉嘅鷄肉肉質好嫩滑，唔會有好「嚡」嘅感覺，瀨粉嘅麵質好爽滑彈牙！高力豆沙極之香滑鬆軟，豆沙嘅味道啱啱好，唔會過甜！

認識京華是因為一次要找洗手間他們好慷慨，洗手間設在酒家外任何街坊不用問可以借用一個個優惠套餐有骨有魚做得不錯但你要精明因為小菜樣樣原價不同錦繡拼盤化算也大分担担面原價22元即中点做特價16.8不錯色香都對口感是濃厚多花生醬，也夠辣面是油面湯卻十分地道好好吃85分公道合理價雖則配料只是炸菜大量蔥花沒有一点朱肉醬現代人倒是歡迎這京華做許多京滬，廚房部小菜油雞師傅小食推介雞好多客捧場經常高朋滿座會哄人客一老闆

我們一行幾位供應商, 因急事約定在這家酒樓舉行午餐聚會 ~ 照舊每人點一度菜 share 來吃, 我點的是乾炒牛河 ~乾炒牛河當侍應生端來這碟乾炒牛河時, 頓即火起三千丈 ! 河粉實在是未炒勻, 有些河粉是未上色的, 也有粉是未炒得開, 仍然是黐著的, 牛肉亦不夠味 ~真有興趣想知道, 炒這碟牛河的廚師是何許人, 究竟是三鑊 ? 還是廚雜 ? 相信 大家樂 的水準也不至於此 .... 是 Hea 炒給客的吧 ~本篇完 ~

一行四人來了這間中式酒樓吃了一頓母親節晚飯，座位先到先得。是日晚餐點了半隻扁皮鴨、蒜炒時菜、雜菌炒帶子、豆腐煲、干燒伊麵、白飯兩碗及燉湯。老火燉湯好火喉亦很足料，沒有味精，每人可喝到兩大碗。扁皮鴨皮脆肉嫩，餅皮QQ而且是熱的！干燒伊麵好味道且不會炒得太過乾身，炒時菜及炒帶子水準合格但沒什麼特別，豆腐煲的豆腐壞了，跟職員反映後便主動幫我們取消豆腐煲，只不過為配以豆腐吃的白飯便無用武之地最後埋單6百多元，酒樓亦配合母親節到來送了一枝玫瑰花。

下午茶時間和家人去了這間酒樓最特別是有京式的點心很特別葱油餅是一層薄薄的皮，入面是蔥油，很香蔥味，外皮做得好酥呀，好香口，可惜是咸了一點担担麵麵條似拉麵，湯頭是加了大量麻醬，其他上吃不到辣味，又係加得比較咸，而且麻醬太多，成碗油，十分影響口感，可取是麵有彈性，不太淋

不知不覺, 幫親左京華已有15年.久不久都會同一大班朋友或家人來食.原因係地方就腳, 食物水準甘多年都保持好食及平日晚上來不用等位.每次必食既一定係小籠包, 真的要讚個師傅, 皮薄肉汁又多, 而且入面舊肉既分量係好足.食足甘多年都無失手過. 必需推介比大家第二必食一定係片皮鴨, 即叫即燒, 仲要係次次隻鴨都係無咩肥個下好野.同我去大都食既味差唔多, 價錢仲要平甘多, 所以無理由唔食.最後一道叫既菜係琵琶豆腐, 由細到大都好中意食黎個菜, 不過好小酒家有黎個菜啦.所以第一次向京華個menu見到有就馬上叫啦, 味道好好, 只係個汁咸左小小.因為我食食下先記得拍照, 所以得番幾舊. 原本一碟約有十粒左右.另外最中意去京華既另一個原因就係,佢既飯後甜品, 紅豆沙係首選, 而芝麻糊因為本人不太喜歡, 所以不能評論.總結: 來京華晚飯真係無得輸. (食左甘多野埋單都係HKD242-)

星期六接近一點鐘黎太子京華飲茶, 竟然咁繁忙既時間都唔洗等位, 實屬難得! 自己本身係港島人, 比較少出九龍飲茶, 朋友話京華點心好正, 即管試試佢~鮮蝦春卷新鮮熱辣岩岩炸起上枱, 香脆可口, 入面有韭黃絲, 豬肉同蝦, 傳統中式春卷味蝦米煎腸粉本人極力推薦! 腸粉外表香脆, 入面好軟熟, 食得出唔係一般街外交貨既水平, 街外貨多數會煎到死實實, 又或者煎完散哂, 呢個唔會, 而且煎到外脆內軟好考師傅功夫!鮮蝦燒賣相對其他比較一般, 蒸過火甩皮甩骨, 但食味OK小籠包絕對唔會輸比出面上海舖, 小籠包汁多有肉香, 唯一要扣分係皮比較易穿珍珠雞一般珍珠雞有兩個版本-汁多VS汁少, 呢度珍珠雞係汁少既版本, 個人就冇咁鐘意, 但入面有雞肉, 咸蛋黃, 菇, 算足料炸饅頭新鮮炸起, 外脆內軟, 饅頭有麵粉香, 必食!潮州粉果比較一般服務又冇樓下講得好差, 服務員都好落力加水, 又冇話黑面, 上菜速度都好快

週末於京華酒樓出席了一場飲宴，酒家裝潢一般，擺位明顯較迫。服務水準同樣感覺一般，自覺度不足，另有常見趕收工的問題。飲宴菜式大同小異，不作詳述。食物質素總算中規中矩合預期，其中燒雞做得不錯，皮脆肉嫩；甜品馬拉糕亦做得熱辣鬆軟。花膠鵝掌賣相雜亂無章，大有改善必要；海斑魚肉稍韌，有點可惜。

本人第一次寫食評,今次經歷不吐不快.今日吃父親節飯,被安排在門口接待處旁的桌子吃飯，其間由於酒樓人手不足,全睌电話在我身邊響過不停,不勝其厭,最後我終於按耐住接聽,好言相勸來电者遲下再打來.最後不知是酒樓經理或是部長竟然還好意思出來說我是.完全沒有為他們的疏忽道歉。此酒樓食物沒質素也箅,連最基本的待客之道也做到.太差了!當脕三個人吃了四百元,會有下次

京華係我去甘多間酒樓之中,食物, 價錢同服務都比較好的一間,星期六中午等位大約20分鐘. 不算太久.點心選擇都幾多下, 真係想點晒佢!! 點左白菜苗, 份量不少,滿足我呢個無菜不歡的人.帶子腸都ok,有小時候成日食既 腸粉味, 好食!!雞包仔d 幾大又多肉, 包亦冇蒸太耐而濕晒, 蝦餃不太好, 皮易爛,一夾即散. 蝦亦太細隻整體黎講都不錯啦!!!

之前已經食過好多次，食物質素可以，但今日打電話book位，由於佢果邊好吵，我聽唔清楚答錯一句，佢就好惡咁回我一句，我問你性乜ar,態度好差，不過我都算了冇同佢吵，都唔明點解會請呢D人聽電話！建議大家唔好打電話book,如果唔係未食已經一肚氣，希望今晚唔使再受氣T T！我準時去到，服務ok.由於我拿住蛋糕，我一行入去知客就好有禮貌咁幫我拿，而且好快帶我到座位，今晚點咗四個送，片皮鴨,龍蝦伊麺餐加芝士$268，以前都食過但明顯配嘅青瓜同蒽好少，青瓜得幾條，所以要叫佢拿兩次，龍蝦伊麺D龍蝦好大隻，芝士味重，不過可惜最遲上，所以太飽食唔到太多，仲有瑤柱西蘭花，幾好味，但西蘭花好大件，叫咗個三杯雞$78，味道都ok.堂食服務都可以，但繁忙時間叫埋單就個個扮見唔到招手。不過整體食物都算ok

又係久唔久一次嘅教會細胞小組飯局，今次雖然唔係齊晒人，但都坐滿成圍枱，多謝大家俾面出席。揀嚟太子京華，純粹較就腳，因為其中一員完咗教會事務先從又一村趕過嚟，太子區算係不二之選。而京華，睇過網上食評，唔貴之餘，味道唔差，適合大棚人「柴嘩嘩」，而且睇食評見有啲餸菜仲偶有驚喜，試得過！未人齊，先由小弟發板揀食乜，度掂之後再俾大家過過目，佢哋真係「過過目」，揀好嘅餸菜傳個圈就俾返我。晚市有提供京滬美點，所以，點咗幾客點心，等大家邊食邊等；見有啲小食類，又叫咗兩款，作為餐前小食，又可以當兩味餸；全包宴雖然豐富，但覺得唔係咁抵啫，反而佢有啲孖寶、三寶仲實惠啲，故此，又揀咗一款，再加多3個餸都差唔多，唔夠先再添，無謂食唔晒盞嘥！京滬美點有14款之多，都係啲常見嘅款式，如南翔小籠包、生煎窩貼、京式蔥油餅……，款款$30，最後揀咗下面幾款：京式生煎包 $30一直嘅認知生煎包都係上海嘢，京式又會係點呢？食完同跟上海生煎包無咩分別喎，真係整古做怪。包身鬆軟，包底煎得香脆，肉餡就普普通通咁啦。蘿蔔絲酥餅 $30外皮做得鬆化唔油，裡面蘿蔔絲清甜濕潤，如果再炸燶少少金黃啲就仲靚仔、仲香口。京式炸饅頭 $30只係普