亞萊泰 (淘大商場3期) (已結業)

街坊落街食餐飯，無乜期望試新開張泰菜！星期一唔洗等，即入座！想不到非常好味，我喜歡泰菜，夠多香料，夠味濃，味道豐富，這裡真的做得到！全餐最好味嘅係👇🏽，好味但太多汁响底，又可能因為多汁，所以好味？！我餐餐都要飲湯，今日轉飲羹！好多魚肚，幾十蚊當然唔好預係高檔貨啦！燒雞都好味，好入味！大家預左，好食背後就係好多味精，一路食一路飲好多水，呢度添水速度都好快！最後來支青島，大滿足！

收工唔知食乜，求其同朋友揀左一間泰國菜餐廳食飯。椰汁珍多冰普普通通啦，同平時飲既都分別不大。椰香炒雜菜椰汁味都幾香濃，蔬菜都入味。古法甜咖哩呢個味道都有驚喜，因朋友唔食辣，所以就叫左甜咖哩。不過本來都怕甜既味道唔會好match咖哩, 亦怕太甜唔好餸飯，點知出黎都有咖哩味之餘，都吸引我撈汁餸飯。缺點係呢個餸我等左半個鐘有多，等到我個飯都凍哂。泰式甜品拼盤（細）佢有分5件（細）同12件（大），兩人食就叫左個細，勝在可以試哂咁多款之餘，份量又剛剛好。而味道同口感都算不錯。

LUNCH SET都幾多選擇, 見有SOFA位, 環境舒服店員又HELPFUL所以一試.海南雞飯 - 雞真係幾滑, 有雞味. 黃薑飯好大碗,  $52算抵食.菠蘿炒飯配串燒雞 - 真係好足料亦足香料味. 炒飯好濃的, 好多提子乾 (比菠蘿還多), 2串雞好大舊, 抵食!鮮蝦炒金邊粉 - 味道又係好濃, 帶甜的, 有點過份的甜. 份量比其他細碟. 

早餐-多士炒蛋沙爹米與價格不符，寧可到茶餐廳吃，米粉是粗米粉，沙爹汁味道不濃，牛肉正常海南雞飯價錢算是ok，一個set有冬瓜湯加飲品，份量亦較多。喜歡他的配料，酸酸的，比較開胃。雞肉肉質嫩滑，但不入味，姜黃飯完全不行，不夠油份，沒什麼味道。海南雞飯上菜速度比其他快很多。菠蘿炒飯加雞肉串炒飯的份量很多，飯內有提子乾，菠蘿不酸，整個炒飯吃下有一點兒甜甜的味道，不錯。雞肉串表面有點像叉燒的燒法，不算嫩滑，開端和尾部稍為偏硬，配的應該是類似沙茶醬的醬汁，雞肉串整體麻麻，不會額外散叫

見該店新開、標榜泰國菜, 而附近又無乜泰國嘢食 就想去試試～～ 夜晚7點， 排咗一陣隊～ 入去一睇， 都好大間下喔. 滿心期待～ 但..... 結果係我咁大個女食得最唔滿意嘅泰國餐廳！！！ 1. 廚房人手不足， 落完單要等好耐， 起碼20幾分鐘先有1味餸拎上來！！ 而且一碟餸 竟然送錯2次！！ 而個阿姐居然唔知自己拎緊嘅菜叫乜名！ 錯完又錯！ 2. 軟殼蟹 超級細！ 108蚊價錢唔算貴，但.... 細到只咬到粉嘅感覺真係失望透了！ 2個人3樣餸, 埋單300幾～～唔會再去～ 呢個價錢值得有其他選擇！

2016.9.21晚18:30時，見新開張入內光顧，叫1.炸蝦餅，味道一般。2.馬拉盞通菜變了馬拉盞椰菜。3.炭燒豬頸肉，味道麻麻，凍上唔暖，差。最離譜4.泰式抄粉絲等了40分鐘仍未有，叫黑衫職員跟進，轉頭回覆抄緊，又過15分鐘仍未有，再叫白衫職員，check單後話無落單，白衫職員話依家幫我落單，我問佢等得耐唔耐，如果耐我就唔要，我就會埋單，白衫職員諗到唔諗就同我講，我幫你埋單。服務態度勁差，不再光顧，中伙

這間分店開了不久, 但人流每晚都多, 尤其3-4位枱等位時間比較長, 7點去到攞位, 起碼要等15-20張枱, 結果上次放棄了試食, 今晚終有機會試, 一行5人, 今次可以攞5-6位枱, 7點去到只需等5張枱, 當然中途有人棄權可以加快入座時間, 餐牌每樣食物或飲品價錢都要中上價, 我地叫了11款食品, 出菜時間不會等太久, 唯獨海鮮濕炒河要追幾次才到泰式小食拼盤 - 炸蝦餅, 炸魚餅, 春卷, 炸魚卷, 各款味道不錯, 配似泰式甜酸醬, 更為惹味生菜包 - 生菜起碼有10-12細片, 肉碎份量亦多, 肉碎底再舖了幾片生菜用來吸油, 肉碎加辣椒粒配生菜一起, 口感不錯, 如不吃辣的朋友, 這款會覺得好辣炒雜菜 - 有椰香味既炒雜菜, 但賣相不算太吸引無骨鳳爪 - 味道不錯, 鳳爪爽口, 鳳爪底又放了幾片生菜紫菜雜菜湯(細) - 這款湯比較清甜, 湯內有幾種菜,紫菜和粉絲海鮮濕炒河 - 這碟等了又等, 追了又追, 遲遲才上枱, 但味道是不錯的, 材料亦算多柚子沙律 - 只見柚子和底層生菜, 一啲都唔吸引, 雖然柚子都算甜不太酸, 但不覺有什麼特別青檸梳打 - 同一般泰國菜館既無太大分別,

知道"阿萊泰"係淘大商場開張, 一直好想試佢地泰國菜,未去食到泰國菜時, 就發現佢竟然有早餐食, 所以一於去試下啦 ~假日的早餐, 竟然都有咁多人, 等左10分鐘先有,入到去, 好光鮮亦好衞生, 職員好快比左餐牌我地啦 ~最後揀左2個沙嗲牛麵, 磨姑粟米奄列多士配熱杏霜, 熱咖啡先上 磨姑粟米奄列多士, 除左塊多士叫正常, 奄列難入口, 蛋皮薄到無晒口感,只見粟米, 完全無磨菇 !!!! 沙嗲牛麵, 牛肉完全無味, 只係個麵煮得叫正常一下 ! 只以為飲品會正常...點知都係中伏...我要的杏霜, 見到勁烯...飲左一啖完全想放棄, 因為似飲熱水加左小小的杏霜,實在太唔掂, 所以叫左經理幫我加多一點杏霜, 雖然飲落係多左杏霜味道,但係都唔算係正常的杏霜....所以真係好失望.早餐的確唔會再試, 唯有寄望佢的泰國菜會正常吧 !

中秋節三日連假，預左多人出街食，8點左右攞位，等到差啱多8點9先有得食~食左個炸魚餅，好重香茅味，加泰式甜酸辣醬，好惹味~~再加個泰式煎蠔餅~~蠔仔新鮮，蛋味重~咖哩牛腩加蒜蓉包，絕配~香芒蟹肉飯，芒果香甜，不過嫌蟹肉味唔出，少許失色～ 蒜蓉炒通菜就普通，不過不失綜合而言係可以再番食嘅泰國菜餐廳

利申： 1. 本人極愛泰菜，經常走遍香九食泰國2. 本人對食飯不是沒有要求，但不是吹毛求疵我地一行三人晚上9點半來到店員安排我們去圓檯坐 心裡好開心 因為裝潢好但檯底垃圾好多 多到 要度店員清潔後先坐店員是很合作可是餐具衛生情況很差 有菜漬（匙羹和碗也有）另外食物方面芒果糯米飯 吃了一口竟然是酸的 店員給我們waive 單 但仍走來走來說：我唔覺有幾酸wo還叫了 飛天通菜 冬陰公 蝦頭油海鮮炒飯頭兩樣已叫了少辣 但仍辣到食不了 店員回覆：廚師是泰國人，可能預計不了而海鮮炒飯太過咸可一不可再 但部份員工態度很好 是值得讚賞的

叫了個喇沙海南雞金邊粉，實物與圖有天淵之別，雞肉＂鞋＂，湯又完全無味，勁失望！另外叫了一個炸雞中亦凍檬，雞亦吾熟見血，杯菠蘿冰甜到不得了，但菠蘿就酸到死，感覺極差，一定吾會再來食下午茶

附近開左新的泰國餐廳，一向喜歡試新野既我一定衝去試試，於淘大食街開新舖，有一定的期望，食左個海南雞飯，um....普普通通啦，雞唔夠滑。另外食左個金邊粉 OK啦無驚喜😁

見到晚上很多人排隊揾食，今朝前來看看竟然有早餐食，便入去一試。一看Menu，竟有泰國早餐食，主要係金邊粉同冬陰公湯底，加上香茅豬扒拼雞中翼，價錢亦相宜。最後都係冇試，食了個膽早，沙爹牛公配煎蛋腸仔，看來普通，煎蛋外脆內軟，多士即烘還熱有誠意，下次再來晚餐

想食泰國野，終於唔洗下下走出九龍城，開張以來第二次幫襯，新張期間仲要唔洗加一下午兩點鐘，舖頭入面都坐滿哂人，假期想食下午茶就要等到三點先開始Set lunch 選擇都好多款，有咖哩，有湯河，炒粉麵等等啲雞去哂骨，啖啖肉，雞肉好滑好淋個飯好香，食落一啲都唔油，冬瓜湯都好好飲個炒飯好大碟，啲菠蘿肉係用新鮮菠蘿，酸酸甜甜好開胃，串燒好入味