亞萊泰 (淘大商場3期) (已結業)

猶記得以前九龍灣係無泰式餐廳，今次重遊舊地，係淘大驚現泰式餐廳，位置仲要非常方便，行完淘大商場/睇完戲先黎食飯都得，食完飯仲可以去對面食甜品😜🙆椰汁珍多冰 $29 特飲買1送1，好抵飲。珍多冰味道唔錯，椰汁香濃，珍多亦好多👍🙆泰式小食拼盤 $108有泰式春卷、蝦餅、魚餅同鳳凰卷。份量多，但講真 味道麻麻，蝦餅魚餅唔彈牙，亦無鮮味。🙆 大頭蝦冬蔭公湯 (細) $72 湯好香濃，香茅檸檬葉等香料味突出，酸辣度協調得唔錯，仲有兩隻大蝦，肉質爽彈👍🙆 泰式鮮蝦金邊粉 $75要知一間泰式餐廳龍定鳳，要先試佢地既Pad Thai🤔呢到既Pad Thai好大碟，幼身金邊粉炒得尚算乾身，但食落有油膩感。大蝦爽彈但無蝦味。Pad Thai之所以可以試到大廚功力，全因為佢既味道係甜 、酸、鹹、辣共冶一爐，味道掌握得恰到好處絕對係一大學問。可惜，呢碟Pad thai只有強勁的甜味同微酸，缺少了鮮鹹同辛辣味，令整體味道唔夠豐富🙁🙆芒果糯米飯 $55芒果應該係水仙芒，芒果味雖不及呂宋芒般濃，但較清香。整體糯米飯偏硬身，幸好中間部份軟熟。

我同M佬今日又去咗九龍灣淘大花園，據我哋非官方統計，淘大都算係我哋拍拖嘅常去地方，想捕獲我哋，就要多啲嚟淘大花園喇！但點解我哋咁鍾意去淘大花園呢，除咗有巴士直接返到屋企之外，餐廳選擇都唔少，而最吸引我哋嘅係市區少有嘅平價戲院！今日我哋就係睇戲前，食番個泰國菜 — 亞萊泰Aroi Thai！泰式串燒（豬+雞）：試晒兩款口味，豬肉、雞肉各3串。而我就鍾意豬多啲喇！口感啱啱好，唔會太乾，而豬肉味濃，仲好juicy添！點埋個沙嗲汁一齊食，就更加正！香草鮮青檸明爐蒸烏頭：我同M佬對烏頭真係好極端，佢就好鍾意，我就超唔鍾意，因為成日都覺得烏頭肉好似好梅同好有泥味，但偏偏佢就係話咁先正！估唔到呢條烏頭都幾驚喜，肉質結實唔梅，加上湯底似冬蔭公湯味，再加上青檸同蒜頭，泥味完全消失，好啱我食呀！泰式海南雞（半隻）：喺香港食雞邊有雞味架，唔多雪味已經合格喇！呢度雞肉好嫩滑，講真雪味就總有少少，但配埋醬油、薑蓉同酸辣醬，已經好好喇。泰式荳醬飛天通菜：呢個絕對係食泰國菜嘅蔬菜必選，2個人夠晒食。通菜都夠新鮮同好嫩，仲好惹味！泰式菠蘿海鮮炒飯菠蘿海鮮炒飯：嗰炒飯夠晒足料，非常惹味！仲有好多提子乾、菠蘿同雞肉，大件

初來淘大花園，心血來潮想吃泰國菜❤️，我們選了這間亞萊泰試試，食物質素有驚喜，性價比幾高👍🏻👍🏻先來個沙律，酸酸甜甜，非常開胃！而且份量超級多！然後當然少不了菠蘿炒飯同小食拼盤吧！菠蘿炒飯非常多料，有蝦、魷魚、腰果、提子！仲有大大粒酸甜菠蘿❤️❤️至於小食拼盤也好味道！大推炸蝦餅，沾上酸辣醬巧惹味啊～～我們非常好胃口，仲點左海南雞飯😀😀雞肉幾滑，份量也幾多！飽餐一頓，點少得泰式芒果糯米飯❤️❤️椰汁飯椰汁好入味，芒果幾新鮮！整體性價比高，值得一試👍🏻👍🏻

星期六，同媽媽家姐睇戲前食個早餐，則呢度好似比較好座，價錢又唔貴，就入左去！我叫左泰式豬扒拼雞翼檬粉，媽媽同家姐叫左仿鮑魚火腿絲通粉拼奄列多士！我嗰個檬粉湯底味道太濃烈，其實係特別嘅，有少少肉骨茶嘅感覺，但太濃了，絕對唔適合早餐食，而且雞習鞋到一個點。。。。豬扒有三小件，我咁重口味都覺得好咸！但相反，家姐嗰個就淡到咩味都無，連個粟米火腿奄列都係一啲味都無，所以我唔係好明呢間餐廳嘅食物到底係濃味定無味？！！

睇戲之前撐檯腳食就最啱！！木瓜沙律 食thai菜一定要叫，味道比想像中酸辣，竟然唔貴因為香港人口味而整到冇咁酸。所以絕對係夠開胃！！茄子炒豬頸肉，茄子炒到唔係好入味。不過勝在端出黎夠熱，豬都頗暖。純粹成碟太濃既紫蘇味 令到我唔係好慣 同埋搶左味道泰國菜必食炒椰菜苗！！！但呢到椰菜苗好多棵 所以唔夠嫩，但馬拉盞炒法令到好惹味total幾乎全齋宴咁哈哈！仲有個生菜包～ 夠酸辣 但肉嫩D會更加好最後仲食埋 芒果椰汁糯米飯～ 芒果唔夠甜 但糯米飯暖笠笠好正 椰汁又唔過甜。

住在淘大的朋友,絕對可以到阿萊泰試試這裡的泰國菜式.特別是星期1-5的午餐和下午茶時段,人流相對少,而午餐選擇多,可以用相對廉價的價錢嚐到這裡晚市不菲的菜式,是不錯之選.午餐除了基本款式,亦加可一點錢附上泰式串燒! 串燒豬肉醃制過,入口相當香濃,帶香茅的檸甘香味,還有芫荽的香味! 面層的沙嗲醬更是出色,花生醬味濃,甜甜中滲出辣味!$20不夠便吃到的優秀串燒,絕對推薦! 推薦指數: 5/5另一方面,午餐所選的豬頸肉金邊粉也相當出色! 金邊粉烚得剛好,浸在湯中慢慢吃也不怕過軟.湯底味道濃郁,有一點像肉湯混了鹵水的感覺,沒有辣味; 只有淡淡香料味道,不太濃.豬頸肉燒得軟滑,惹味香口,吃了幾遍阿萊泰的豬頸肉都保有水準, 相當可靠的好吃啊!推薦指數: 5/5不得不提, 湯粉似乎選用了泰國芽菜.泰國芽菜較一般芽菜壯大,耐煮,而且較為爽脆. 泡在湯汁中亦能保持清脆的感覺! 龍眼冰: 龍眼冰有點甜. 一般泰國菜的飲料是偏甜的,但這杯也沒有甜得那麼誇張,也許冰塊融掉過後會好一點吧.但作為清涼解渴的飲品,這杯龍眼冰算是不錯的.推薦指數: 4/5餐廳住得舒服,添水的話,店員也迅速回應; 所以也有一種親和力在

住開呢頭 一直都未試過呢間餐廳 前幾日見幾多人排隊 就決定試下呢間入面好多人 但等位都幾快叫左咖喱海中寶 泰式串燒(雞肉同豬肉) 龍眼冰 椰子冰同埋冬陰功上菜速度有d慢個串燒賣相唔錯 而且送上黎個陣係熱既 燒得好好食 豬肉好嫩唔會鞋 又惹味之後個咖喱海中寶 明明menu係寫小辣 但完全唔辣 有d失望 但係分量十足材料都多 而且仲另外上多一小碗咖喱 唔驚食淨個包配白飯應該幾好食兩杯飲品係買一送一 雖然龍眼冰係廚師推介 但真係好甜 食唔出龍眼既清甜味 而椰子冰就幾好飲最後個冬陰功湯 好足料 酸辣味都有叫左細碗 入面都有兩隻開邊蝦 但係唔彈牙雖然有d貴 但係係值得一試既餐廳！

從前年輕時的淘大已不復反，換來是一間又一間新派食肆、滿街是人除了居民，還有一眾OL以及住客以外人士走來搵食， 在私人屋苑內的搵食方便程度可媲美屋邨、 絕對適合一些不想洗碗的人士實太方便。。。由大街往商場內走 ，食肆眾多、今日沒有為走訪前做作準備， 所以只是一面行一面隨心的挑上餐廳、 看上名字感覺上不似連鎖式經營的大型食肆， 所以抱著八卦心態推門而入、 店仔設計簡約沒太大花巧、 但座位就排得較為密密麻、 而且聲浪噪音比（大X樂)還強， 絕對希望這一刻我沒有遺忘耳筒機產生、這才可能有會有少少私人空間~先來的是餐飲咖啡, 茶餐廳之味道、 咖啡香味不算太強、花奶比重略嫌重手少少，亦可能咖啡豆味道不屬較強、所以沒有令人驚喜之感~要上一個黃薑飯配海南雞HK$52. 送枱速度不是十分快， 但端上來的海南雞卻給人一種以切好一時， 分頭分美尾再拼砌好而成的一碟, 沒有雞皮之胸肉，看上去色澤油光略為暗啞、 亦好證明在空氣間氧化的時間、 雖則這件雞胸入口不至過嚡~至於黃薑飯個人就覺得甚為可取， 不算太油 飯質亦較鬆軟、 配上一碗簡單之冬瓜湯，配角級數頓然提升~走出街上再圍繞這個曾經熟悉的淘大花園 看一圈，原

智慧齒折磨左我三日，牙肉又腫，吞口水又痛終於好快d，就即刻食返餐好少少既系淘大商場一間泰國菜餐廳食飯叫左串燒，有雞肉同豬肉揀，我地就試晒兩隻，各有三串，串燒口感岩岩好，吾會太乾，配埋吾辣既沙哆醬，正!小食拼盤大大件，好抵食，$108，有4款食身物，每款4件，中間個春卷好奇怪😥😥😥 入面好硬，味道吾知點樣，但個蝦餅就好正!仲有我最愛既金邊粉，好開胃!仲叫左個通菜!!! 吾知佢用咩配料! 但好惹味，同平時食既吾同，值得一試 叫左兩杯野飲，因為like 佢Facebook就買一送一!!!!👍👍👍 上菜好快，叫左十分鍾都冇，d菜就陸續黎!因為太肚餓，在路途中叫朋友影住menu 俾我😂😂😂所以post埋上黎同大家分享

今日與友人來九龍灣咁岩見到呢間野新開係出面聞到好似幾香 同埋個餐牌啲野食影得幾靚入到去嗌左個喇沙豬頸肉豬肉丸湯河啲野食好快到 但係個賣相就......個賣相差唔緊要 但重點係食落去既味道同賣相一樣咁差啲粉係一大舊 加上個湯黎到既時候都索左好多搞到成個粉一pat野咁啲豬頸肉又未熟哂咁呢碗粉真係令到我不得不開個openrice account黎負評佢!環境都佈置得整齊既 但無奈個地下痴立立 令到我同友人都坐得非常唔舒服希望大家可以避免中伏！！！

曾經去過呢間食過中伏早餐後, 一直都無再去, 今朝去睇早場, 經過見到好多人喎 ! 唔知有無改善呢 ? 反正早到左又會食早餐, 約左的朋友又未夠鐘, 一於去試下。餐廳門口已有餐牌比你睇, 價錢都OK啦 !揀左五香肉丁麵, 餐肉煎蛋拼厚多士, 熱華田 $31五香肉丁麵肉丁都好多, 目測都有8-10件, 比起出面茶餐廳算多。麵身都彈牙。餐肉煎蛋拼厚多士餐肉煎蛋都正常, 但厚多士完全唔覺得厚, 只係普通方包, 呢個有點誤導成份。熱華田上次我飲熱杏霜出事, 今次飲華田就OK, 濃淡適中。整體改善左好多, 只係個厚多士就真係有問題。

總結:食物味道佳。可能因為星期2所以唔使點等位。座位都幾闊落。不過價錢就貴左少少。呢間野都開左一段時間，一直都想黎試下。今日終於有機會啦。白色既外皮煙煙韌韌，加埋裡面既沙律菜，感覺上好健康呢個炒飯好味串燒我揀咗半豬半雞。豬串燒軟硬適中，雞串燒我覺得“韌”左少少。

店名就話明，食好味泰國嘢，但下午茶餐牌只見好似茶餐廳嘢食，見新開，來試試佢。我叫了個喇沙，完全唔係嗰回事，湯底味度唔夠，好浠，完全唔係嗰回事。老公叫了個㗎咖喱牛腩飯，賣相比快餐店，茶餐廳還差，牛腩鞋十十，咖哩味一般(好彩！).

LUNCH 一個人,又唔想食意粉,又無銀兩食日本野泰式平靚正好彩雖然多人,但好快有位又想食面又想食咖喱最後決定,青咖喱雞肉飯好多咖喱,飯小小硬身雞肉大大件,青咖喱甜甜地,都幾香其實都不過不失只係我之前食過其他比較好味

約左朋友去九龍灣食飯，經過見到開左間新嘅泰國菜。環境唔錯，坐得都舒服。泰式小食拼盤($108)，有炸蝦餅，魚餅，春卷，雞肉丸。每樣小食都係啱啱炸起，熱辣辣，好香口，蝦餅同魚餅都好彈牙，加埋雞醬仲好食。春卷同肉丸一般，春卷餡係粉絲同木耳，冇咩味同有少少乾。鮮蝦豬頸肉炒貴刁，賣相唔錯，但貴刁太碎，用筷子比較難夾，要用匙羹輔助，略嫌唔夠味同唔夠鑊氣。豬頸肉同蝦都不過不失。馬拉盞椰菜苗，食泰國菜必點，因為平時好少食到椰菜苗。份量唔多，但2個人都夠食。椰菜苗都幾新鮮同嫩，但咸左少少。龍眼冰，唔會太甜，但半杯都係冰，建議叫少冰。