亞萊泰 (淘大商場3期) (已結業)

今天在淘大新開不久的UA看完電影已經七點多，晚餐時間到處都是排隊的人潮，於是便挑了家裝修簡單又也較少人的一家。我們一行5人，叫了七樣菜。人不可以貌相，餐廳也一樣！他們各款菜的味道都不錯，比得上在泰國當地吃的那些，不得不提的是「咖哩炒蟹」，螃蟹的殻不會很硬，用牙就能咬碎，我們叫了薄餅沾著咖哩醬來吃，香甜的咖哩醬和有嚼勁的薄餅簡直是天生絕配價錢是有點小貴，但絕對物有所值！不過椰汁珍珠冰就讓人有點失望😞是以椰汁濃漿開的，太甜！珍珠亦煮得未夠透，中間很硬😞

九龍灣一向都多餐廳選擇，無論連所店定小店都一應俱全，今次黎到淘大商場的戲院睇戲，便決定在附近先醫醫肚，行行下見到亞泰萊有下午茶餐嘅價錢都算相宜，就入左去，呢個時候（2:30）餐廳內唔算爆，可以不用排隊。本身自己都喜愛食喇沙，睇到餐牌有推介就點了 泰式喇沙海南雞湯河（HK $46) 點餐後不久就上菜， 湯頭濃郁，雞肉嫩滑，份量十足 友人點了吉烈魚柳沙律（HK $35) ，魚柳香脆，沙律則是港式水果沙律，中和炸物油膩感

味道不上不下但是在裡面吃出了包裝紙應該是冷凍豬手的外包裝如果是老人家和小朋友吃到了，導致喉嚨哽塞，要入醫院，可以accuse嗎？當時亦有兩名女性服務生在收拾桌面時見到了。另有一名男性類似管理層人士在旁關注。三人皆在知情的情況下未作出任何反應，但兩名服務生在我們付錢時收拾桌面，並竊竊私語。餐廳的cctv可證實本人此言非虛。事後向亞萊泰反映了情況，但未收到任何回覆。故此決定發出來以警戒其他人這家店的食品安全問題。

第一次黎呢間食泰國菜，因為唔係住係九龍灣附近，專登係附近行完街過黎睇下邊間可以食晚餐，最終見呢間無咩人等位所以就入左去幫襯了，叫了烏頭，通菜同手撕雞，整體還好吧。泰國手撕雞，用既汁幾特別幾惹味，而且都有唔少雞絲既，所以還可以，又有菜係底部，算係健康既。份量都還可以吧。通菜，馬拉盞，份量都算唔少，味道有少少辣既所以都可以的。呢條烏頭都算幾大條，肉質可以啊，又唔算多骨，雖然湯有少少少辣不過幾好味既。而且一邊食一邊煮熱，越食都越有味，因為用湯浸住條魚所以都慢慢浸到入味，魚頭都浸到林林地，所以。服務方面，上菜方面都算快，算有效率。總結間唔中食下無妨。

之前在這吃過下午茶，晚餐，覺得不錯，相隔半年再食下午茶，只可以說完全不知所謂。泰式喇沙海南雞湯河 $46泰式豬扒湯河 $39其實上述兩碗湯河的味道不算太差，雞亦嫩滑，湯底亦濃郁。但份量認真少得可憐，我的河粉真的一啖吃完，我自問不是大食，但竟然食完好像沒有吃一樣。飲品才是真正伏的，我點了一杯菠蘿疏打，超級兒戲，真的水加罐頭菠蘿就算了，淡而無味，說好的有汽疏打呢？！到另一杯椰汁紅豆冰，一喝就知溝了水，好淡，而紅豆還是很硬，附近的大x樂還比它好。真的失望，每杯加了八元的特飲，換來的是垃圾。這樣的食物質素，難道在等摺埋嗎?

青芒果沙律廣島蠔  鐵板青胡椒花膠牛肉 花膠蟹肉海鮮粉絲煲  泰式波羅海鮮炒飯 椰汁雞 冬蔭功湯底 牛肉火鍋九龍灣有間泰式餐廳推出左泰式火鍋聽到已經非常想食味道極為吸引用冬陰功打邊爐,濃郁滋味  青芒果沙律廣島蠔用蝦片托起炸香既廣島蠔,青芒果沙律酸辣開胃脆口,口感豐富  花膠蟹肉海鮮粉絲煲用上魷魚片,大蝦,炒得香口乾爽,加上花膠片,蟹片香蔥等食材食起來味道濃郁,粉絲吸盡精華,味道一流 主菜登場泰式火鍋配一律海鮮,肉丸,肥牛安格斯牛肉片,幾隻大蝦,同肉丸,青口 蝦幾靚仔,味道爽口 食完前菜泰式火鍋就整鍋上菜湯底足料,香酸帶辣,辣度大約中等啦,有蝦,香葉等食材係可以直接當湯飲酸香辣開胃喝了一碗湯就放蝦,青口,牛肉入鍋煮即可 椰子湯底香料味濃郁,散發著淡淡椰香$168直頭抵食啦另可加錢追加食材份量足2人份食材會吸收濃香椰汁雞湯既味道,雞肉要先食,唔係會太熟加湯都係加椰汁底,絕對足料! 粉絲炒得乾身,好食! 鐵板青胡椒花膠牛肉 牛肉薄切,要盡快食,否則會太老醬汁不辣,但夠香濃,配飯吃最好 海鮮炒飯份量十足有多種食材,魷魚,大蝦,花生,蔬菜粒炒得幾乾身,飯面加上腰骨同肉鬆,食起來唔錯啦 雞肉已煮

呢間餐廳已經食過好幾次，味道唔錯的，而次次黎食都一定會點一份咖喱，係基本的，再追加一份金磚四國蒜茸包配黎食。點知今次order既時候，蒜茸包已經賣晒。誤打誤撞之下點左份印式燒餅$29食，即叫即燒，熱辣辣。配上香甜 椰香青咖哩牛腩$88，出奇地配合，牛腩又炆得好淋。另外點左一份特價餐牌菜式炭燒泰式串燒$68，配上酸酸辣辣既汁，好開胃做前菜一流，而且幾抵食。最後要介紹就係泰式海鮮濕炒河$88，之前未點過，所以試下。認真賣相一般，海鮮只有蝦，青口，魷魚和雜菜炒成，撥開d餸就會見到河粉係碟底，味道普普通通不值推介。

平日都是經過淘大商場，未有機會逛街。終有朋友在附近剛上班，於是跑去見見面！ ，朋友不太嚐辣於是點了椰汁鍋底～好抵食 HKD 168 任食， 價錢夠親民！ 一鍋可供四人。 聽說所有廚師都是來自泰國，而材料亦然！ 椰汁雞湯火鍋 HKD 168奶白色的椰汁鍋，先喝一口，味道酸酸甜甜。 有牛肉、蝦、金菇、青口等！香草蟹肉仿鮑雞絲魚肚羹 HKD 78 羹杰身程度適中，不太稀！ 一絲絲蟹肉、雞絲鮮甜，配上仿鮑有咬口，所用食材咬口相同，不會感到怪怪的！ 青茫沙津廣島蠔HKD 68 先嚟一個沙津清清口嚨，有清甜青茫不酸，配上肥美不腥廣島蠔！ 幾好配搭！香葉咖哩海中寶 HKD 118咖哩這裡的咖哩很適合任何大人，其辣味篇甜。包上有多種不同海鮮把味道更提升又不會有等別搶的味道！凍珍珠奶茶 HKD 29珍珠彈牙！甜品大拼盤 HKD 90甜品也做得出色，最愛茫果也是甜啊！正！ 印式燒餅用以配咖哩！ HKD 30

海南雞飯一向都係我既至愛今日心血來潮就黎左呢到食下午茶試下佢地海南雞飯一試之下發現呢到既海南雞飯都幾有水準先講下D雞 嫩口又有雞味 而且肥瘦適中 份量亦都唔算少另外個油飯都非常之好食食開海南雞飯既都知道油飯先係靈魂所在而佢地既油飯香得黎唔太油膩而且粒粒分明整體黎講$48既海南雞飯有呢個質素十分抵食 

真·菠蘿炒飯開餐喇，一開頭見佢個名係菠蘿炒飯以為真係咁簡單菠蘿同飯炒埋，但係嚟到都見到啲料都幾豐富喎 ， 有肉鬆，蝦，魷魚，腰果，青豆， 紅蘿蔔粒同菠蘿粒，而個菠蘿應該係新鮮嘅，因為啲菠蘿粒好酸但係每一啖飯加埋脆脆地既腰果一齊食又好好，啲配料又幾充足，蝦都幾大粒幾彈牙。鐵板青椒花膠牛肉可能係因為鐵板上嘅關係，牛肉都幾嫩滑， 花膠都唔會話得好少，味道方面個醬汁都幾濃，幾刺激， 鹹鹹地而當中又帶少少青椒嘅蔬果味。

鍾意淘大商場因為泊車容易 而且又多嘢行多嘢睇。 坐低喺呢間食下午茶，海南雞飯麵黃薑飯 52蚊 你話平就肯定唔係，不過幾好食， 個底係泰式沙律， 碗飯 質到滿一滿畀你 而且好好味小朋友都鍾意食， 仲有個湯， 算係抵食嘅因為你會食得飽。 啲雞肉唔算好滑。 個小食炸雞翼比較乾啲， 28蚊得三隻就有啲貴啦。 地方坐得叫做舒服亦都乾淨企理， 不過冇wi-fi。 杯凍奶茶可以接受， 不過第餸嘅阿姐有一個好似粗粗魯魯冇乜禮貌可能係新做唔識嘢。 老實講食嘢呢度嘅環境係一流嘅， 坐得真係好舒服而且近玻璃窗 啲位望出去出面 令到整體食嘢嘅經驗大大加分。

前日向淘大shopping, 見到呢間唔貴既泰國tea set, 即入去試試，環境闊落，舒適。再睇睇餐牌，都俾30至50，一於試試。叫左豬頸肉湯河同埋喇沙海南雞湯河。首先講講豬頸肉湯河，豬頸肉都有6塊咁多，tea set 來講算多，抵讚，個泰式湯底幾香濃，河粉幼身又滑，正！而另一個喇沙湯底都係幾香濃，有少少椰奶味，少少微辣，海南雞都夠滑，亦有5至6件，真係大件夾抵食，唔錯!仲有兩杯飲品，熱華田，凍0茶，正正常常，不作多提。 呢間野都可以值得encore! 80蚊兩個人，抵食啦！

難得一行六人齊齊去淘大,誤打誤撞就入咗去呢間<亞萊泰>食泰國嘢,多人聚餐嘅好處就係可以叫多幾味,人人都可以試啲,店舖地方夠大所以人咁多都唔洗等位,爽呀!一坐低就送咗籮泰式蝦片嚟,哈哈,啱哂我哋呢啲零食嘩鬼成班人有得打邊爐就最開心喇,不過有人食辣又有人唔食得辣,所以湊湊埋埋就叫咗好多嘢食,整體嚟講呢間餐廳嘅味道都唔錯,值得推介炭燒泰式串燒($56蚊)：豬肉同雞肉各佔三串,我就一向都比較鍾意食雞肉多啲,一定要點埋啲泰式沙嗲醬至好食!豬肉嘅賣相仲有少少似牛肉添!青芒沙律廣島蠔($68蚊)：用一塊大蝦片嚟裝住隻廣島蠔嘅賣相就好似小船仔咁,款式又幾新穎不過食落去就冇乜青芒嘅味道,勝在夠辣夠過癮,仲甜甜酸酸咁嘅添~隠隠約約咬到有青瓜絲嘅物體,都幾清新爽口。花膠蟹肉海鮮粉絲煲($92蚊)：估唔到班朋友咁識嘆,花膠煲都要叫咁補身我就好鍾意食呢個粉絲煲因為啲粉絲全部入哂味,另外仲有豐富嘅海鮮材料,又有魷魚又有鮮蝦同蟹肉,雖然冇米飯連埋一齊餸但就咁食都唔會過咸,抵讚!香葉咖哩海中寶($108蚊)：見到餐牌呢條法包非常咁吸引,成隻深海大潛艇咁,上面仲要有滿滿嘅雞蛋咖喱醬汁連同海鮮配料,要食嘅

今晚和親友行經淘大商場,見到附近有很多新餐廳, 反正都到晚飯時間, 與其四圍搵不如就近, 最後的地決定幫襯亞萊泰餐廳原來搞緊泰國水燈節推廣,凡穿著有粉紅色衣服或服飾都可獲贈小食牛肉,雞肉串燒牛肉烤到微焦,牛肉味好夠, 雞肉外脆內嫰,點埋秘製沙爹汁更正椰汁紅豆冰, 香芒椰汁冰一貫必點泰式飲品,椰汁味夠濃又夠滑冬陰功火鍋大大碟火煱生料,配泰式冬蔭功湯底,鮮蝦大大隻, 肉質鮮甜彈牙, 索埋冬蔭功湯底,酸酸辣辣, 好醒胃, 牛肉大大片,份量十足花膠蟹肉海鮮煲送上檯已聞到好勁鑊氣, 蟹肉粒粒鋪面,下邊粉絲炒得很乾身,索晒蟹肉精華,惹味十足青芒沙律廣島蠔廣島蠔本身夠鮮味,上邊配有大量泰式沙律配菜, 味道非常之匹配香葉咖喱海中寶長長法包上鋪滿咖喱汁及魷魚等各類海鮮,包底烤得香脆好味椒鹽軟殼蟹軟殼蟹炸得香口,乾身, 加入左大量香料調味,很有水準食埋泰式甜品拚盤,夠晒滿足這間泰式餐廳食物質素不俗,價錢亦很合理

今晚朋友們約我去淘大行街，之後帶我到亞萊泰食泰菜。一坐低店員就送上脆卜卜的蝦片，今次是我第一次到這間泰國餐廳，朋友們已經食過好幾次，他們說味道唔錯的，就等我嚐嚐吧！一班朋友食嘢最開心就係可以叫更多的美食， 所以今次我們點了火鍋冬陰公湯底$168，椰汁雞湯底$168，花膠蟹肉海鮮粉絲煲$92，香葉咖哩海中寶$108，青芒沙律廣島蠔$68，椒鹽軟殼蟹$118，炭燒泰式串燒$56，芒果椰子特飲$34，熱龍眼水$18，泰式甜品大拼盤$88。火鍋冬陰公湯底 & 椰汁雞湯底 ~ 朋友們最鍾意就是打邊爐，今次食泰國菜都唔少得打邊爐。 我們點了兩個湯底，喜歡食辣的朋友一定要叫冬陰功湯底， 香濃的冬陰功味又辣又惹味。 我就比較喜歡椰汁雞湯底，椰香味又濃又creamy。 每一個湯底還跟一碟打邊爐的食物，有蝦，生菜，丸類，肥牛，粉絲等等，打邊爐最喜愛粉絲， 因為可以吸哂湯汁的味道，夠曬入味！花膠蟹肉海鮮粉絲煲 ~ 除花膠之外，仲有魷魚，蝦，魚塊，粉絲索曬海鮮的味道，正！香葉咖哩海中寶 ~ 有20吋長的咖哩海鮮麵包， 外皮脆卜卜，配埋咖哩一起吃，推介這一道菜。青芒沙律廣島蠔 ~ 蝦片向底層，上面放上廣島蠔和青