亞萊泰菜 (已結業)

好耐之前食過 雖然宜家元朗執咗 但都係想繼續支持 聽人講多食泰國野就去九龍城 但其實新界牛表示元朗近近地都有唔錯嘅泰國野食 滿足下我偽泰gal嘅心首先呢 主食有香菜肉碎煎蛋飯 隻蛋上枱仲係半熟 蛋汁撈飯真係一流 啲肉碎同香料味好夾 每啖都有肉碎 食到最後仲有肉碎淨 朋友嗌咗金邊粉 但唔記得影 金邊粉上枱已經暖暖地 有些少失望 但配菜好豐富 芽菜好爽口 就咁食都唔會覺得口感好單一小食方面就嗌咗泰式燒豬頸肉同馬拉盞炒通菜 兩樣嘅表現都普通 豬頸肉肉質偏鬆散 同埋燒得唔夠香 醬料都係普通嘅泰式辣醬 整體落嚟就無太大驚喜無錯 兩個人食 食到最尾都仲係要嗌個甜品 登登 芒果糯米飯 食10次都必嗌10次嘅甜品 簡直就係呢間餐飯嘅主角 飯上枱仲有少少暖 好煙韌 又唔會超痴牙 芒果酸酸甜甜 夾埋一齊係prefect match整體嚟講 呢間CP值唔係超高 但每道餸都好足料 同埋私心講句 佢地啲碟好靚啊

好遺憾尋晚亞萊泰菜 宣佈2個月內會結業，餐廳食物水平超高，價錢又唔貴，真心推薦，會搵日再去幫襯泰式豬手 $48半隻夠哂入味，豬皮滷到軟腍似果涷，有芥蘭酸菜拌碟，好豐富泰式鮮蝦炒金邊粉,如果有蛋絲網賣相應該會更靚，不過都好味咖喱炒軟殼蟹咖喱醬好食，軟殼蟹啖啖肉豬頸肉生菜包呢個同幻想有出入，我以為係一塊塊嘅燒豬頸肉，點知係絞碎豬頸肉🤣辣到跳舞，我食唔到，辛苦老公一個KO泰式芒果糯米飯見好多人等堂食，我就叫甜品外賣反家慢慢嘆，一打開😳好大盒，竟然有齊紫白2種糯米飯，足料到呢

📍 亞萊泰菜 🚶🏻‍♂️ 元朗教育路118號地舖🔎 #foodsnap_元朗呢間餐廳我已經食過兩次 兩次都覺得幾好食 值得推介比大家‼️‼️👅 泰式鮮蝦炒金邊粉 ($78) - 7/10🌟呢個金邊粉我已經係第二次食 但覺得第一次食嘅時候好食啲😂 我唔知算唔算正宗 但佢係偏甜 我個人都幾鍾意😚 而且有3-4隻大蝦🍤🥰👅 青咖哩 (豬) ($88) - 8/10🌟呢個好好味🤤一向都好鍾意食青咖哩 呢到嘅青咖哩偏辣 好惹味！撈飯食就一流 份量都好大😍👅 蒜蓉包 ($48) - 9/10🌟蒜蓉包我哋一致認同好好食！佢就咁食已經好香蒜蓉味 再加上搽咗啲牛油🧈 勁香😍 炸到外脆內軟 係必食！！🔥👅 泰式炒芥蘭 ($48) - 8/10🌟呢個菜炒得好入味 朋友爭啲食到連汁都飲埋🤣🤣👅 豬頸肉生菜包 ($78) - 8.5/10🌟泰國餐廳不嬲都係食開豬肉生菜包 但呢到有豬頸肉生菜包 梗係要試下！眾所周知豬頸肉夠晒肥 配埋洋蔥、生菜一齊食係超夾 豬頸汁燒得啱啱好 佢嘅醬汁都好好食🤤絕對值得一試！必食指數👅💦💦：8/10#黃店 💛大家快啲支持下呢間好味黃店🥰#hkfoodie #香港美食 #香港打卡 #天水圍美

平時見到都多人等位，諗住試下。叫生蝦佢話今日冇，都正常，呢D 冇都唔出奇。跟住叫肉碎煎蛋，肉碎粉絲湯，連呢兩樣都話賣灑😂勁好笑。之後叫左炒蜆，普普通通，唔熱嘅，味道比起其他已經叫可以接受。海南雞，味道正常，但係唔知點解係跟沙嗲醬嘅。跟住精彩喇，船麵，完全冇味嘅，d 湯睇落已經勁淡，完全唔係船麵湯底。維一似泰國嘅就係得兩啖食灑d 粉。令外叫左杯泰國檸茶，勁酸，唔知想點，係唔記得落糖定點。呢間野好伏，唔會再試。

千揀萬揀揀咗間爛燈盞，本身喺對面排隊食點心，堅係泰國菜加唔使排隊諗住試一試。入到去有兩台客坐喺度，揀緊食物之際，侍應認同隔離枱客講要12:30先至可以煮，因為個爐而家試開緊😂當時12:15pm ，雖然趕住接仔仔，但諗住等15分鍾好快。而侍應亦建議我哋選擇豬手或海南雞飯，因為已經煮好只需要切🤔，最後我哋選擇等，叫咗黃咖喱豬同埋泰式乾炒牛河。當待應攞筷子同匙羹俾我哋，真係嚇一嚇。好似去咗夜冷舖自己攞咁，癡粒粒勁多塵勁舊，筷子頭仲生銹🤢即刻叫老公去對面睇吓有位未🤫點知餐飲到咗，而廚房亦開始煮緊啦，咁就試一試啦🤥嗰碟乾炒牛河嚟到，我食咗一啖老公已經知咩料，嗰塊牛乾過阿婆塊面🤣🤣，韌到阿媽都唔認得，一疊只有顏色但冇味嘅牛河，唯有淨係食河粉🥺老公碟黃咖喱豬就仲恐怖，黃咖喱汁冇問題，嗰塊豬可以用柴皮黎形容，完全唔係肉嘅質地🤮，本身諗住咖喱汁撈飯，個飯係難食到形容唔到，又生，一粒粒唔係飯既質地但係係飯既樣，真係食到咀都歪。我都知冇圖冇真相，但真係嬲到震所以咩相都冇影😑老公話：想入地獄就試吓啦😈

諗坐下午去食個開心的午餐，換來一肚氣，幾好食都唔值得啦！由入坐到叫餐到有野食，足足用左超過30分鐘，明白要等待的，但這間野只係掛坐做外賣的單，完全無理堂食客人的需要，這些係咩意思呢？食物質素係有，但待客態度這樣可以嗎？不論咩店都要有好的待客態度吧！希望唔好再係甘對客啦！

真係火都嚟！未試過去一間餐廳外賣要等極都冇人理，當時全店只有一枱食客，已差唔多食完，但店內各人都只忙著處理外賣打包。外賣落單只有一位女士可處理，見佢走來走去，唔知忙乜，即使店員已通知佢有客想外賣但都未有理會。還要再等她們安排才剛到來的堂食客入座及落單後，再稍等一會才出來處理外賣下單。原先想叫晚餐+單點餸菜，點知原來母親節節日只有單點及母親節套餐，但佢哋門口2個晚餐餐牌大大個好似門神咁放左右兩邊！如果當晚係冇晚餐提供唔該收埋個牌、反轉佢、用母親節套餐餐紙遮住都可以啩！唔好誤導食客！由我到店再到有人理會下單已近25分鐘，仲要被誤導，我真係堅㷫😡😡😡！即時走人！以為唔會再幫襯！順帶一提，佢哋門口水吧應有長期漏水問題，餐廳門口梯級有水，木地板已被水浸到發霉，易滋生昆蟲木蝨，影響衛生！

見食評有很多好評，所以今晚打算到鋪外賣自取，到達門口時約8點，堂食只有一枱食客，見門外沒有餐單及外賣紙，只好問問內裡職員（當時有一名年長及一名年輕的職員，及一位負責水吧的），但她們全都好像很忙，我只好自行拿取堂食的餐牌看看。看過後想落單，便與該名年輕職員表示想落單，她表示需較年長的職員才可下單，這個動作我示意了兩次，但仍沒人理會，本來已選好“馬拉盞肉片炒河”、“海南雞飯”、“冬蔭公湯、及“炸皮蛋蝦球”，當時已等了約20分鐘，該年長的職員才出來替我落單，我便表示選擇門外的晚餐牌內的“馬拉盞肉片炒河”及”海南雞飯”的晚餐，但該職員表示今天沒有套餐選擇，因為這兩天只能單點。其實若是這樣的話，那麼門外晚餐牌應該收起，不要讓客戶誤會。今趟沒能夠吃到此餐廳食物，相信亦不會再來。因為就算餐廳食物是好吃，但是服務質素更重要。

中午揀左去亞萊泰菜食午餐。🔍船河（牛）（$48）牛肉船河有牛肉同2粒牛丸，牛肉份量比我想像中多，牛丸正常，無咩特別，而船河既湯底帶少少甜，味道都可以。但整體份量偏少，如果係肚餓既就唔建議叫湯粉。🔍是日午餐-泰式豬手飯（$55）泰式豬手飯，豬手肥瘦均勻，而且炆得好冧，味道唔錯。而無論係豬手定飯份量亦都唔少。🔍泰式奶茶：是日午餐配+$10，單點$24/杯一直好驚泰式奶茶會好甜，但呢間飲落唔會太甜，我覺得都幾好飲。

講到元朗有義氣的食肆，第一日時候會想起「亞萊泰菜」！元朗國有不少食肆，不是想吃便能吃得到，皆因經常排大隊，等侍、輪候對大部人來說，是一個考驗的難關，自問也不願意花時候排隊！去年老公被「亞萊泰菜」的義氣舉動所感動，為表支持，不惜在湧躍潮下親身到店等候外賣，就這樣成了我們跟「亞萊泰菜」的初邂逅！自那次起，因時間、輪候等各方面的問題，還未曾有機會到店內堂食！當天我們鼓起無比的決心，堅決要造訪「亞萊泰菜」一趟，抵步時尚有半小時才營業，於是到了附近咖啡店來杯咖啡，怎料一小時後再抵門前，全店已爆滿，而且門前已有六、七位客人在等候，心裡不禁痛罵自己貪圖咖啡之快，只好在外拍拍照、選好心水食物、上網來打發時間，最終等了接近四十分鐘方可入座！我們點了兩份午市套餐，額外添了小食和沙律，這是套餐多加 HK$10 選配的泰式青檸茶！  老公奉旨要點至愛的炸蝦餅，我提議不如換換口味，嘗試「亞萊泰菜」特色小食的炸皮蛋蝦球 HK$78。炸皮蛋蝦球香脆的外層是蝦餡，口感和味道跟炸蝦餅無異，而內層則是皮蛋。也許皮蛋的味道較濃，感覺所佔的比重亦較蝦餡多，相信皮蛋粉絲一定會狂喜！而我卻喜歡蝦餡包得厚一點，將香脆、蝦香和皮蛋糖

讚1.雖然係旺角既小店，但環境餐具都幾骨子2.雞飯既雞件幾滑溜，皮薄而果層啫哩好入味，醬汁係真係香，酸辣入味，炸蝦餅炸得熱辣辣，香脆彈牙彈1.油飯唔均勻，有啲唔太入味

蜆係暖的，完全冇獲氣，偏鹹，成碟蜆好多都冇開口的，成百蚊菜都係暖的，好硬，偏鹹，可以訓練牙力份量大份，價錢抵，一碟$48有可能係我食果日先咁難食希望以自己經歷，唔駛咁多人中伏

第一次寫食評，感覺有啲差，同替哩間鋪頭可惜，忍唔住要寫第一篇食評。食過哩間嘢係唔差嘅，份量足，價錢覺得都親民，可惜店內人手嚴重不足，第一次食係落鋪頭直接落單外賣，已經見店內得一位姐姐仔，外賣放到周圍都係，黎到搵外賣嘅人要自己入去搵，好亂，企左係門口想叫外賣嘅人連想叫外賣都叫唔到，姐姐仔亦未有時間理會，等左15分鐘未有理會，啲人都走曬，其實我覺得如果真係已經唔可以落單，可以同門口嘅人講聲，唔使人哋等咁耐，又唔知落唔落到單。我亦等左15分鐘就走左去另一間，後尾返轉頭見到姐姐仔無咁忙，就去再問多次可唔可以叫外賣，先好好彩比我執到個尾彩，我叫埋個外賣就關門啦，老實講，食物真係唔錯，但服務真係0。第二次想打電話叫外賣，電話一打即刻通左，但叫我等陣，一等就等左10分鐘，電話另一頭全部係職員不停接待客人嘅聲音，甚至有人落單外賣都聽得好清楚，但就無人理過我等緊電話，最後收左線😔其實真係好差，都係個句啦，邊有食店叫打黎外賣嘅客人等10分鐘都唔理會嘅呢？接唔到單可以早講，唔係無止境等待，食物再好，價錢再親民，但咁嘅服務唔會再幫襯。希望店主可以改善，如果唔係就太可惜。

因近期都會經常去元朗，所以就可以慢慢試元朗嘅黃店，食泰菜緊係首選試亞萊。下午一個人食唔到太多，但又心思思試埋甜品，所以就叫咗泰式豬手飯跟凍檸茶，另加多個芒果糯米飯。豬手滷水味夠，唔點泰汁都好食，唔會過咸，豬皮夠膠質。菜份量絕對唔孤寒，仲有咸菜跟，所以碟飯我比高分。檸茶自己忘記走甜，確實甜咗d,怕甜嘅記得要少甜，但茶底係ok 嘅。芒果未算好甜，糯米飯微暖，仲係一球紫白糯米，都夠軟熟。店員好好，服務快，又好招呼。

一直想試呢間💛嘅泰國餐廳個日行完山咁啱經過附近就試咗—·—·—·—·—·—·—·—·—·🐔雞肉炒金邊粉($50)其實本身係叫肉片河 但河粉冇曬就擇做金邊粉不過嚟到就變埋係雞肉😅講返味道 佢好夠鑊氣唔會碎濕濕有好多蔬菜同蛋撕 亦唔會過油但個人覺得味道淡咗少少💭需要落返啲佢桌面提供嘅醬汁會好啲🐷泰式豬手飯($55)呢排好鍾意食豬手 見到即叫~無論飯同豬手都勁多 份量多到食唔曬佢哋嘅豬手係凍食 皮多肉厚而且爽口彈牙🤤不過味道淡咗少少 好彩個底有好多酸菜連埋一齊就啱啱好 冇咁淡🙆🏽‍♀️個日行完山勁肚餓 但都份量大到食唔晒非常之底食~而味道方面可能係我比較重口🤪所以先覺得較淡 不過整體都唔錯✔️而且仲係同路人💛下次經過都會幫襯————————————💰: ★★★☆☆👅: ★★★☆☆🏖: ★★★☆☆=================亞萊泰菜 (元朗)元朗教育路118號地舖