亞萊泰菜 (已結業)

因近期都會經常去元朗，所以就可以慢慢試元朗嘅黃店，食泰菜緊係首選試亞萊。下午一個人食唔到太多，但又心思思試埋甜品，所以就叫咗泰式豬手飯跟凍檸茶，另加多個芒果糯米飯。豬手滷水味夠，唔點泰汁都好食，唔會過咸，豬皮夠膠質。菜份量絕對唔孤寒，仲有咸菜跟，所以碟飯我比高分。檸茶自己忘記走甜，確實甜咗d,怕甜嘅記得要少甜，但茶底係ok 嘅。芒果未算好甜，糯米飯微暖，仲係一球紫白糯米，都夠軟熟。店員好好，服務快，又好招呼。