亞萊嘜嘜 (已結業)

好耐無入元朗, 前日就入咗去諗住行下南生圍抖下氣, 點知遊人比預期多人. 可能大多數人都有同一諗法, 新界小D人掛. 哈哈!踩單車踩到六點幾諗住食埋飯先走, 離開租單車鋪不遠處聞到一陣菜香味, 所以就去搵香味來源. 相信係來這兩間泰國菜其中一間. 其中亞萊嘜嘜我在荃灣試過無乜伏, 所以揀左亞萊嘜嘜.  呢間裝修有D泰式夾西式. 有D似酒吧添, 幾特別. 不過可能疫情關係, 不需要等位直接入座. 食物方面, 蒜香包擺盤造型夠特別, 味道都OK, 可能剛剛上枱即食, 仲係熱辣辣. 冬蔭公湯就普普通通, 唔算太突出, 不過辣度剛剛好. 另外仲有叫咗黃咖哩牛, 就係呢個香味吸引我哋入去, 夠香但唔算辣. 另外叫多份咖哩雞, 咁就一定夠分. 最後叫埋甜品拼盤, 樣樣都可以試D,服務態度都幾好, 有斟水, 有求必應. 仲有一個應該係泰國人, 好好笑容. 呢排其實好小出街食飯, 尤其係夜晚. 見好多餐廳都做唔住. 所以有得食就食, 要珍惜好味道嘅餐廳. 好驚自己喜歡的餐廳做唔住, 冇得食返好慘㗎! 至於亞萊嘜嘜呢D默默耕耘嘅小店有機會的話我還是再支持!  

荃灣分店有試過，所以今次約大同係元朗食飯都簡返尼間餐廳嘅分店😂 一嚟啲野食唔差，二嚟食過有熟悉感好啲個場都幾爆下，我哋都大概等左十幾分鐘左右先有位。下次都係book 定枱，廢時要成大班人係出面等，幾老尬下一坐抵，個服務員就拎左幾個餐牌俾我哋share 睇，啲選擇同上次荃灣果間差唔多。所以我除左叫上次荃灣食過嘅款式外，都另外order左兩三款 試試佢。 炸物拼盤 -因為我哋都幾多人 所以可以叫尼個拼盤試下🤩🤩🤩 個人比較鐘意食春卷果個，入面極爆多料，都炸到好脆😋Louise 係甜品愛好者，所以大家食到好飽嘅時候，佢都依然繼續加單order 左尼個糯米飯。雖然我已經好飽，但都試左一啖，芒果酸酸地幾甜，好夾個糯米飯。成餐飯都大概食左3個鐘，餐廳都keep 住有人入嚟，香港難得的熱鬧氣氛。

有時會特登為咗食佢而走入嚟元朗，我同屋企人都好鍾意食。平時淨係等位排隊都差唔多一個鐘，今日我哋早食未夠六點入座我哋係第一枱，唔駛等真係好開心。推介前菜一定係生蝦，配埋蒜蓉同啲秘製酸辣汁黎食真係好爽。今次我哋兩個人嗌咗個廚師推介-冬陰功明爐烏頭，佢哋係會上埋個爐燒住條魚，Keep住熱辣辣咁食真係好正，講返條烏頭真係啖啖肉，骨唔多，食食吓仲可以飲埋個冬陰功湯，真係冇得輸👍🏻必定會食過返尋味。嚟得食泰菜，當然要嗌返份豬頸肉同馬拉盞炒雜菜，豬頸肉燒得好香，啲肉唔會話好硬或者好韌，而嗰個汁亦都係我哋嘅最愛。馬拉盞炒雜菜亦都炒得好夠鑊氣，用黎送飯真係唔少得。

行過橋底見佢光光猛猛就行咗入去食，叫咗四樣嘢，串燒，大大嚿但唔好食，啲沙嗲醬杰到好似漿糊咁，馬拉盞椰菜苗，煮到水汪汪，其實都真係好難煮成咁。鐵板豪仔蛋，冇喱火候，真係好失望因為餐牌張相認得好靚，最後個泰式金邊粉， 又係冇嚟味道。唯一可取就少鹽少油，哈哈！新年第一餐同老公出去食飯就撞到間咁嘅嘢，唉，中伏。

幾個朋友元朗附近踩完單車話去食，6點幾黎到唔洗等位好快有得坐。地點雖然遠離大街但係都算近地鐵站，唔錯。首先叫左個瑕刺身，驚喜在於個汁，好惹味好開胃，正😍之後好大路咁叫左個海鮮冬陰功湯，好足料，每人好似有一隻蝦或以上🥳之後青咖喱味道符合預期，另外串燒都ok。我地都叫左一條好似松子魚嘅一道餸，味道酸酸甜甜，好多配菜調味，鍾意濃味嘅人應該會食唔停😂好適合一大班人黎食，可以試好多唔同種類嘅食物小菜👍🏻👍🏻

踩完單車，一行六人搵野食，見到呢間泰國菜好似唔差。入到嚟環境好有泰國風味，座位都算唔錯，空間夠大。首先上咗生蝦，個汁幾好食，酸酸地，好開胃。個冬陰公湯有驚喜，大大煲六個人可以飲兩碗。當然唔少得要串燒啦，串燒價錢唔算太貴，用了好夠食下都幾好味。跟住我哋再叫咗兩個菜，啲菜油左少少，不過味道好夠唔算太鹹。之後再嗌左個黃咖喱牛肉波再加埋泰式薄餅。薄餅都係由左少少同埋有啲凍。不過整體上都算好好食。叫咗兩杯嘢飲有珍多冰同芒果沙冰兩個都合理。六個人埋單每人150到～都算唔錯，食得飽又傾到計，近地鐵站都幾方便。

姐姐從外國遠道回香港，要搵地方食飯，她又好耐都無食過泰國菜，所以一家人就近訂了這間元朗開業多年的秦國菜，地點很易找，鄰近元朗西鐵站，十分鐘路程就到。六人點了８個菜，冬蔭公湯、無骨鳳爪、豬肉雞肉烤串、黃咖哩、馬拉盞炒菜心、厚多士、蟹肉蔗棒、玻羅炒飯、青檸梳打及椰汁冰，十分豐富，除了肉串較老及硬身難咬之外，整體賣相味道份量正路合格，不過不失。追求味道的話這未必是你會選擇的食店，但如果返求味道60分，份量80分，價錢合理的家庭餐聚或朋友聚會，這店是不錯的選擇，但由於店內裝修、座位及乾淨程度有點參差，商務或談情則可另找更好地方。

><4人套餐($638)泰式小食五味拼盤(小)蝦餅/魚餅/香葉雞/南瓜條/春卷串燒(雞/豬 各2)冬蔭公大蝦湯(小)咖喱青口配蒜香包4件海南雞拼豬手(例牌)馬拉盞炒雜菜香葉肉碎炒飯椰青糕/椰汁西米露清邁鐵板蠔仔蛋($118)見到隔離枱好香咁服務幾好 不時添水 見我哋食唔晒又主動畀盒打包但就唔鍾意餸菜一次過上晒 好快會凍同埋炒飯好鹹><><><><><><><><><><><><亞萊嘜嘜元朗安樂路1-11號明珠樓地下4-5號舖

【泰式肉碎生菜包】帶點酸辣嘅肉碎夾埋洋蔥生菜食非常開胃【鐵板蠔仔蛋】勁多蠔仔而且新鮮無腥味，蛋味香濃，重點係要點泰式辣醬，食落味道會有層次好多㗎【青咖哩雞焗中包】之前食過都知佢咖哩好香濃，今次專登叫個中包一齊食，好滿足

今日同主子行完山, 就黎呢度食泰國菜, 今晚叫左金柚鮮蝦沙律, 鮮蝦冬蔭公湯, 青咖喱雞同埋蒜香包, 飲野就叫左芒果沙冰同埋珍多椰汁冰。先講下個湯, 足料大蝦, 個湯好有鮮味同層次, 唔係只係得辣, 我每次黎都一定叫, 好少地方飲既冬蔭公咁正, 美中不足就係個湯匙同個窩唔係好夾, 要裝湯要花啲心機,食唔到辣都可以一試, 沙律, 柚子真係好足, 配上脆脆同醬料, 好味, 蒜蓉包鬆脆, 配咖喱汁, 垥到好處, 青咖喱雞好香椰汁味, 唔太辣, 味道好, 而且雞好嫰, 值得讚.沙冰打到好幼, 入口都感覺好滑, 珍多冰椰汁味濃,現在50蚊兩杯, 絕對抵.

前排去咗食亞萊嘜嘜依間泰國菜🤩依度必點嘅係蒜蓉包🍞，點埋咖哩汁就一定唔會伏。🤪亞萊嘜嘜既蒜蓉包好軟熟，外脆內軟。蒜蓉味都好夠（不過可以再濃d)。其他泰國餐廳既蒜蓉包確實唔夠佢好食。咖哩叫左咖哩軟殼蟹🦀，份量唔算好多，兩個人食都岩岩好夠。配埋咖哩汁一齊食真係好好食。☺️仲有必點生蝦，唔腥，好食🤩另外叫左生菜包，生菜包水準同一般泰國餐廳既生菜包分別不大。馬拉盞椰菜苗幾好食，有少少辣又夠濃味。不過泰菜黎講，佢算偏貴，咁嘅價錢有唔少選擇🤪

和寶黎亞萊嘜嘜相聚💓元朗算係幾方便又唔錯嘅泰國菜。店內舒適，冷氣夠涼。食物方面，最鐘意佢個特色蒜香包，就算未必食得晒d野都會叫嘅，好香蒜蓉牛肉味，而且脆口無比，外脆內軟。串燒拼盤3雞3豬，肉質唔錯有彈性又juicy，香噴噴，好吸引。個沙嗲汁好好味，好香又唔辣，如果齋食肉唔點汁會失色左d，一定要點落去至食，咁就最正。泰式肉碎生菜包生菜幾新鮮，好翠綠，餡料有肥豬肉、洋蔥粒、蔥粒，帶住陣陣香茅味，輕微辣更能刺激味覺。泰式香芒蟹肉炒飯,呢個就麻麻地，蟹肉份量ok的，不過覺得冇乜味道，飯亦欠乾身。不過今次去有d失望，尤其服務質素，個可能係經理嘅服務員，面口黑黑，真心想叫多樣野食都好驚驚呀😑送給自己的汽水

係元朗諗食乜，想食泰菜，近近地可以入依間，但不需太大期望。生蝦我地必叫，不過一般新鮮，也不是超凍。汁較得好食，辣！蒜蓉包又係必叫嘅，但係今次食就覺得麻麻！(OMG, 我比元朗泰COW嘅蒜蓉包取代咗呢間) 串燒講起就想講我明明叫雞同豬但係佢嚟咗牛同埋雞牛明明係貴啲，佢當然有收多我錢啦😂個問題係啲牛唔好食呀嘛！我冇換到啊費事煩。呢個串燒好鹹，肉又鞋，唔好食！👎🏻我仲有叫到一個黃咖喱雞唔好食到無影相啲雞肉完全唔可以擺入口，非常鞋！嗰個黃咖喱冇香味，一啲咖喱味都冇唔知自己食緊乜嘢汁？ 收費仲要唔係平，下一次我都係搭返的士入去第二間度食！

叫咗兩個午餐， 一個係雞肉炒飯，另一個係豬肉片炒烏冬，炒飯連埋荷包蛋，炒飯乾身，幾香口，好好味。炒烏冬相對較淡，無乜油，，內片軟淋身，好啱小朋友食。另加$8可轉特飲，但椰汁冰主要得甜味。另外有午餐印花卡儲印仔，限期一個月，午餐10送一

大概兩個月冇去，感覺沒有以前嘅水準。服務員也有超過一半以上係新面孔。雖然服務同態度都唔錯，不過就不斷向客人施壓要盡快攞返張枱。對我們坐落唔夠20分鐘，而且又冇其他客人在等嘅情況下，對於這種對待， 10分莫名其妙。