亞泰

營業中

休息中

睇完戲都九點，見到呢間啲價錢大眾化，入去試吓先⋯⋯叫左個二人餐$318泰式拼盤唔錯冬陰功湯馬拉盞炒通菜好味咖喱蟹肉配蒜蓉多、油酥餅一流泰式甜品另外再加“明爐冬蔭海蜆鍋”$98干炒豬頸肉水晶粉$78呢個水晶粉超好食飲品買一送一以呢個商場來講，呢度價錢算係大眾化，味道都唔錯

今日下午茶去亞泰，叫咗有泰式風味的炭燒雞扒配香米飯。 炭燒雞扒好入味，食下去有一種香口的滋味，我感到好滿意，不過飯就不是什麼香米飯啦，又唔香，又一嚿嚿而不是一粒粒，真的有點失望。 整體上，炭燒雞扒是非常好味，但飯只是一般，好彩最後的一杯香濃咖啡，我要加番啲分數，真的很不錯啊。 祈望亞泰可以煲到個靚飯，咁就美妙又perfect啦。

日出康城越嚟越旺，開咗好多食店，難得住將軍澳嘅姨仔幫忙湊仔，兩公婆立即出動去撐枱腳，左揀右揀選咗呢間亞泰食泰菜！2人套餐泰式小食拼盤~有蝦餅、春卷同雞卷，雞卷有新意，口感唔錯，幾好食喎！大頭蝦冬蔭公湯~呢個湯超級好飲，辣得好過癮，又唔係得個辣字嗰隻，係我喺香港飲過最好味嘅！香辣肉碎生菜包~同其他冇乜大分別，雖然冇驚喜，不過都合格！馬拉盞炒通菜~通菜始終係夏天嘅先比較好食，好在呢度炒得幾夠火喉，彌補到不足！明爐烏頭~見到隔離枱食，又引到我地叫，好耐冇食明爐烏頭喇，青檸味最好食，條魚唔算太靚，好在味道搭夠！明爐冬蔭海蜆鍋~侍應推介我地食，蜆冇沙，冬蔭公底唔使講一定正！菠蘿炒飯~原個菠蘿上，炒得唔錯，菠蘿都鮮甜，飯夠乾身，食唔哂拎返去俾個仔食，包佢鍾意！菠蘿沙冰~唔會太甜，食咁惹味嘅泰菜，飲啖呢個真係好賞心樂事！

有次探朋友後,就到附近一齊食晚飯, 決定食開胃的泰菜。.這餐廳裝潢以白色為主,配上木系桌椅及天花,營造溫暖的感覺。....【泰式生蝦】$88生蝦口感勁新鮮鮮甜,夾生蒜片及紅椒片一齊來吃,並釀點秘製少少辣泰醬,好滋味。..【炭燒牛柳沙律】$88燒牛肉不會燒得太乾太韌,約有6-7成熟,肉質鮮嫩多汁,有點酸辣味,配爽口沙律,也是好開胃前菜。..【明爐冬蔭海蜆鍋】$98以冬蔭公湯底煮蜆,帶出蜆肉鮮甜味,加上蜆又肉肥厚肉鮮甜,連湯也是開胃酸甜。..【泰式明爐烏頭】$138酸梅肉碎這魚是烏頭魚以明爐盛上,肉質鮮美嫩滑沒腥味, 加上明爐湯頭帶酸酸鮮甜,非常醒胃。同時又可食魚及飲湯, 一具幾得菜式。..【椰青】$38清甜清涼解渴,冰凍好飲呢!還有,想不到椰青內可挖出挺多好嫩椰肉。

難得擺低個仔叫阿姨湊 兩公婆又出去周圍食好嘢 今次兩個就走咗去康城 又食我最鍾意嘅泰國菜🤭我哋叫咗二人套餐⭐ 泰式小食拼盤 裏面有蝦餅炸春捲 同埋雞肉鳳凰卷 配埋泰式辣醬， 每樣都熱辣辣脆卜卜 尤其是係蝦餅 呢個唔錯 脆口彈牙⭐泰人大頭蝦冬陰功呢個辣度適中就算唔食得辣嘅都應該飲得到 味道好濃沃 裹邊仲有兩隻大蝦添⭐ 香辣肉碎生菜包如果唔係好食得辣嘅朋友就啱曬啦 所以我老公食得好開心 我就自己加下辣粉， 都惹味嘅⭐馬拉盞炒通菜幾時都話通菜要出街食，夠鑊氣 一定唔會差 馬拉盞 嘅鹹鹹香香 配通菜真係一流呀⭐泰式甜品椰汁西米糕 芒果糯米飯但係見到餐牌上仲有另外一啲嘢食又抵食喎，忍唔住叫埋⭐泰式明爐烏頭青檸味烏頭都夠大條， 肉質厚實，配青檸汁 又係另一番風味我哋再叫咗2杯⭐菠蘿沙冰 味道好清新，又唔會太甜， 用嚟解辣啱曬😂

呢間泰國菜餐廳一直都好鍾意👍，今日黎到日出康城睇戲就再黎啦🥳.泰式菠蘿海鮮炒飯🍍 $98泰式嘅菠蘿炒飯我一直都好鍾意❤️，而且仲用新鮮菠蘿殼上菜特別有特色，加上有好多種海鮮特別惹味🤤.鹵水無骨豬手湯河 $68呢個湯底夠曬濃郁😋，而且豬手大大件又無骨，淡淡肉真係好滿足😝.炭燒泰式豬頸肉 $78呢個小食幾乎係每次必點😙，超級肥美爽口，而且個泰式辣醬好正😎.飛天通菜 $68辣辣地食落更加吸引🔥.飲品:熱檸檬蜜 $18 + 菠蘿沙冰 $28

小妹住在將軍澳區，康城區內這間人氣民區泰菜小店深受街坊歡迎，擇日不如撞日，一於和媽媽試試亞泰的二人套餐，有齊小食、湯、自選主菜、蔬菜和甜品，豐富的晚餐，份量又大，性價比超高！二人套餐都是最抵食。⇉ 1.泰式小食拼盤拼盤包括了泰式菜脆春卷、炸蝦餅、雞肉丸。雖然這個是素春卷，泰式春捲皮搭上新鮮爽口的蔬菜，牛奶起士，口感豐富，當前菜一流。香脆蝦餅口感好彈牙，蝦味鮮濃，愈食愈鮮甜，加入泰國香料 ，食落更帶點香辣。沾著泰式酸辣醬，即時胃口大開！雞肉丸酥脆的外殼內含有豐富雞汁，陣牙得來又惹味。⇉ 2.泰人大頭蝦冬陰湯酸酸辣辣的湯，有菇菌、海鮮和大量香料，不算太辣的，飲幾啖後都不是小兒科，但即使飲到滿頭大汗還是要喝下去。亞泰用大頭蝦作主角，因為蝦膏比較多，肉質又腍，煲起來後湯味特別香氣濃郁。亞泰的冬陰功偏帶有椰奶香，酸酸辣辣，非常開胃，獨特的泰式香味，再之後迎接主菜就最好。⇉ 3.招牌蛋咖喱蟹用枕頭包香濃的泰式咖喱用上原隻大蟹，每日都新鮮手拆肉，滿瀉的蟹肉佈滿了整個枕頭包，啖啖的蟹肉又不用用手自己拆，肉質的確鮮嫩又甜，在濃郁的咖喱配搭麵包食就夠曬滋味。啖啖的蟹肉的確會每人一食難忘。⇉ 4. 炒通菜

—————————————————————古法馬沙文咖喱魚柳 $78曾幾何時喺某間泰國餐廳食過馬沙文咖喱🍛嗰次真係一試難忘 從此愛上呢個口味🔥今次喺呢度見到即刻點😍冇錯就係嗰種甜甜嘅口味😚而且滿滿嘅椰香配魚柳好正🤘🏻佢哋嘅魚柳係新鮮炸起 外層仲會食到微脆 魚肉好軟滑 我好鍾意❤️佢入邊嘅薯仔好粉香🙈唔會硬！欣賞佢哋有個蠟燭仔一路煲住碗咖喱 一路都熱辣辣 雖然好快熄咗🤣最後我過份到就咁食晒佢哋嘅咖喱😳—————————————————————招牌蛋咖喱蟹肉枕頭包 $148呢個又係值得推薦🤘🏻滿滿嘅蟹肉 絕對冇偷工減料 唔係淨係面頭有蟹肉 連入邊都有💗食得出係鮮拆嘅蟹肉🦀咖喱其實食唔到有蛋香 但味道同蟹肉幾夾 黃咖喱唔會辣 質感較稀 係可以飲嗰種感覺！浸到麵包有少少淋😳好彩仲有個焗脆左嘅麵包頭🤣個麵包唔係法包唔會好硬 係普通鬆軟嘅麵包😜無牙都食到xd —————————————————————鹵水無骨豬手船河 $68河粉正常 主角鹵水豬手好鞋🥺阿婆我真係咬唔爛🥺同埋豬手一路咬都覺得有啲過咸😣豬皮就夠軟腍 我淨係食到豬皮🥺配角貢丸反而唔錯！—————————————————————馬拉盞椰菜苗

同事話未食過 所以今日點名要食呢間 正值lunch時間 要拎飛等位 不過等左十零分鐘就已經有位同同事分別叫左泰色海南雞配黃薑飯雞好滑好香 不過肥左啲 但師傅比左雞翼位我地 咁就肥啲都抵既😂泰人青咖喱牛腩飯青咖喱比人既印象都係比較辣 不過呢碟青咖喱嘅辣度只係普普通通但勝在多牛腩 而且牛腩都炆到好淋 好易咬啲咖喱汁好好餸飯 唔覺唔覺真係會唔小心食多左🙈同事跟餐+$10叫左泰色奶茶奶茶係枝裝 飲唔哂都可以帶走👍🏻👍🏻

尋晚大約8點去到 餐廳裝修闊 座位寬敞 坐得好舒服。Menu 菜式選擇種類多 每一樣菜式都十分吸引。傳統及新式的泰國菜也有。所以我用了一點時間才選擇好要點的菜式。讓我逐一介紹吧！首先我們叫你一個前菜 燒牛肉沙律。燒牛肉燒到半成熟 內裡呈現粉紅色 牛肉有咬口 而且肉味濃 配上沙律十分開胃。第二碟菜 海南雞 雞皮皮滑 好有雞味，中意食雞一定要點！第三碟菜 泰式烏頭！餐廳用火爐上菜 保持魚的溫度。魚肉鮮嫩 又唔多骨 配上上湯及配料一齊食一流。炒通菜 佢用左馬拉淺炒一上枱就聞到香味。好吃！冬陰公湯 有好多海鮮 啖啖肉。酸酸辣辣十分醒胃。肉碎生菜包 每次食泰國菜必須食！肉碎用左好多配料 香料去炒 帶出豬肉鮮味。再配上生菜入口 令整件事情更昇華！已經唔知點形容那份美味！泰式生蝦 同樣是必選菜式 生鮮生蝦上配上蒜片 再點特製生蝦汁，把蝦的鮮味迫出黎！最後我們用泰式串燒收尾串燒燒到有焦香 雞肉十分嫩滑。豬肉更用了半肥瘦位置 有點脂肪 入口即溶！總括來說這一餐cp值十分高 而且價錢相宜分推薦大家經過 就嚟試吓啦！

約了妹子去將軍澳日出康城食個飯逛吓商場佢話好耐冇食泰菜，姐姐我當然哂佢啦 !佢一坐低就點了客好想食的 ... 炭燒泰式串燒〈HK$62〉一客有 4 串，可自由選擇豬肉或雞肉我們揀了兩串豬肉和兩串雞肉，配上惹味沙嗲醬，好開胃 !泰式拼盤〈HK$78〉拼盤裡面有泰式春卷、蝦餅和鳳凰丸儍媽最鍾意泰式蝦餅外面炸得香脆、蝦肉爽彈鳳凰丸即是泰式雞肉丸，都好好食呀 !飲品就點了 ... 泰式奶茶〈HK$30〉泰式奶茶只有凍的，茶味香濃，甜度啱啱好原樽上無混入冰塊，咁就可以飲到奶茶嘅原味，唔怕溝淡哂 ~~一樽分到兩杯，可以開心 share鹵水無骨豬手船河〈HK$68〉船湯底可以免費轉酸辣湯，但是妹子唔食辣無轉到 ...無骨豬手燜得軟腍入味，連著滿滿膠原的豬皮一起食，啖啖肉好滿足 !!!見到啲甜品全部都想食，所以好放肆咁點了三款 ...芒果白糯米飯〈HK$55〉軟滑綿糯的糯米配上香甜芒果和椰奶醬，滿口香甜軟糯，好食到停唔到口 ~~椰汁西米糕〈HK$35〉除了濃郁的椰香和Q彈的西米、裡面仲有芋頭和粟米味道好豐富，香甜不膩口 ~~海鹽雪糕〈HK$35〉本來想食椰子雪糕，可惜無哂 ...就點了客海鹽雪糕，知我

好多狗友搬咗去將軍澳同康城，同狗狗玩完就去商場醫肚，見到有間泰國餐廳就入去試下la有二人套餐，見到d配搭好啱食，原本都係揀依幾款餸，有套餐就抵食好多，泰式特飲仲要買一送一幾抵飲，可惜鮮椰青係唔包嘅泰式小食拼盤有春卷、炸魚旦、炸蝦餅，最好食係炸蝦餅，啖啖彈牙蝦肉，大大件食完小食拼盤都飽咗d d泰人大頭蝦冬蔭湯食泰國菜必飲冬陰功湯，亞泰d冬蔭湯好啱我口味，因為湯係比較辣，辣d先有泰味！材料都好多，2隻大頭蝦同勁多菇類，飲完湯又暖胃又再飽肚d la馬拉盞炒通菜平時去泰國餐廳食炒菜好快就夾哂d菜，因為份量少囉，依碟菜大大碟！夾極都仲有，同埋加咗蝦米炒d菜更加香招牌蛋咖喱蟹肉枕頭包見餐牌寫住招牌緊係揀依味餸，事實上真係無揀錯！上枱時「嘩」咗聲！大大個包同滿到瀉咖喱，咖喱上面鋪滿手拆蟹肉！望到都口水！急不及待即刻食。咖喱味道濃郁帶甜、蟹肉新鮮、枕頭包即叫即焗熱辣辣新鮮上枱，最後兩個人係食唔哂個包，太足料la！泰式甜品(4件)有椰汁糕同椰青糕，椰青糕椰味重d，所以我覺得好味d！亞泰地址：將軍澳康城路1號The LOHAS3樓344號舖

冇諗過係一間咁靚咁新嘅商場內，會有一間食物質素咁強差人意嘅食肆～「亞泰」，真係令人有點沮喪！😟當日👀佢哋嘅“下午茶”餐牌都頗吸引，於是便入內試下。其實每個套餐價錢連加一服務費，大約$50-$60，正常應該唔會太差，但事實卻剛剛相反。👆🏻“泰人青咖哩魚柳飯”～一般會係一片炸魚柳上碟，點知嚟到會係一粒粒，好似隔夜油炸鬼，兼且大部份只食到炸粉(唔脆兼油)，其中只有一兩粒有dd魚肉，但魚肉竟然係硬嘅。唉…咁即係咖哩汁撈白飯啦，而且啲飯係削嘅！☹👆🏻“海南雞黃薑飯”～賣相唔錯，全碟係白烚雞肉鞋口兼冇雞味，只係雞翼啲肉比較滑啲但好少肉，黃薑飯都係削嘅，湯係味精湯，最終都係用調味汁撈飯！🥴👆🏻特飲：“椰汁珍多冰、龍眼冰”～好似糖加水，冇咩椰汁味，龍眼亦淡而無味，好似浸咗好耐咁！😬總言而知，唔食好過食。其實果日係咪“廚師”放咗假，求其搵人煮…以致啲食物質素攪成咁呢？🤔

Lohas 商場都開咗一段時間，今日來溜冰，所以預先到這裏食飯。亞泰菜館之前都食過，性價比高，食物質素不錯，亦都好掛住佢哋嘅蝦餅，所以二話不說就決定在這裏用膳！滷水無骨豬手船河湯底味道濃郁，豬手入味，豬皮彈牙軟腍，充滿滿滿的骨膠原。河粉吸收了湯底的精華，濃郁惹味。豬手毫不吝嗇有超多舊，絕對夠食！當然不少得泰式炸蝦餅，係我的自愛！上枱時仍是熱辣辣的！外皮炸得十分酥脆，內裏蝦膠彈牙，有蝦的鮮味。沾上泰式酸甜醬，惹味可口。我絕對能夠一個人食兩至三舊！泰式海南雞配油飯海南雞非常滑溜，肉質鮮嫩，而且入味！不用沾任何醬汁已帶有甜和些少調味。飯帶有油香，不是只是沾滿黃色就算。雞油香在口裏爆發，配以鮮嫩海南雞，入口十分滿足！沙嗲串燒沙嗲醬偏向稀一點，本身以為味道不夠濃，反之沙嗲香都幾濃郁，醬汁好夠！整體味道不錯，個人比較偏向喜歡雞肉，肉質滑溜，內裏更有肉汁！炭燒泰式豬頸肉繼炸蝦餅之後，呢度又有第二個菜式，我係必定再點！豬頸肉新鮮，燒出來已有炭燒的香氣。外皮燒得焦香，內裏仍然充滿肉汁，一點都不乾身。而且不沾醬汁已帶有些少蜜糖香，就咁食已經好好味！兩個人食到好飽都不用$400，性價比算係高！

🎏泰式海南雞 半隻 （$98）雞肉鮮嫩肉質非常滑溜生熟度剛剛好好有雞味🎏泰式鮮蝦金邊粉 （$82）材料相當豐富大大隻蝦仁混合豆腐乾、菜甫、芽菜、韮菜同炒炒得好夠鑊氣賣相又吸引 🎏芒果白糯米飯 （$55）好有驚喜🥳白糯米飯充滿斑斕香芒果夠晒甜👍😋🎏泰式炸蝦餅（4件）（$52）炸得金黃香口蝦肉非常厚實外鬆脆內彈牙口感層次豐富🎏泰國鮮椰青 （$38）非常青甜 係食泰國菜必點之飲品🎏泰式奶茶 （$30）濃滑好有茶香味值得一試餐廳裝潢新穎 座位舒適主打正宗泰國傳統菜式