亞泰

營業中

休息中

一個人諗住快手啲食個飯, 去咗呢間亞泰， 坐低咗點賣嘢， 然後話畀我聽要搭枱， 我要求轉枱， 個夥記態度唔係好客氣咁話轉咗都係要搭枱㗎喎， 咁入嚟嗰陣時又唔講明， 我去太興，太興都會問咗願唔願意搭枱先， 又要收加一， 又要搭枱！ 我不如行去樓下大家樂！講番食物， 碟咖哩魚鹹到冇朋友， 一定唔會再有下次！其實我之前嚟過呢間食， 上次啲食物還可以， 但杯珍多冰真係唔得， 一杯好甜嘅椰汁加咗少少珍多冰嘅料， 一啲都唔似珍多冰， 除咗有啲綠色 喺個底， 諗住咁耐冇嚟過再試下， 今次一定要記住唔可以再嚟

想係康城度搵d平嘢食，實在太難啦！得番kfc, m記同譚仔可以選擇……但餐餐都食呢d都唔係辦法！亞泰肥仔我從來都無食過，因為太貴，太唔抵。但咁啱上咗朋友屋企，佢哋話食亞泰……咁就唯有試試佢啦講實，佢嘅食物質素正正常常，同出面泰國餐廳比嘅，一定係差d。但唯獨是係嗰個咖喱蟹肉包比較出色，令我印象深d個包幾軟熟下，搣開嚟送啲咖喱確實係幾開胃，而且重甜甜哋不過要肥仔我自己同女友買嚟食，就應該唔會了，因為真係唔太抵

Exploring the mall, we came across a Thai restaurant called A HAYA. It seemed busy and as boyfriend was still hungry, we went in to eat.They had a value for money afternoon tea set that includes a drink. Menu is in English and Chinese. There is no 10% service charge and you pay on your way out.Boyfriend ordered the Thai With Massam Curry ($52). You can choose the type of protein and he decided on beef brisket. The curry was spicy but also tasted mostly like coconut milk. It wasn't too good. The

《貼錢買難受！》首先外賣叫咗個飛天菜$88得嗰幾條好似食淨左咁樣、小到係接受唔到！諗住打電話過去比佢哋、電話長期浪起！好似執咗笠！跟住隔一日收工經過行過去同佢反映、收銀嗰位男經理態度超級差一句道歉都冇、眼尾都冇望過人一下、超冇禮貌好似當人乞食咁、直接話咁我煮返俾你，但係冇飛天菜，得通菜要10分鐘！之後就閃咗唔見人、我連答佢要唔要都冇機會、就冇再見過佢喺餐廳出現，10分鐘之後我返嚟諗住拎通菜，佢唔係放喺門口外賣個車仔上面，佢放喺收銀後面，一個正常人唔會睇到嘅位，我要問另一個侍應先知原來收銀後嗰兜菜係我嘅！唔會再幫襯呢間嘢！！

晚餐唔想食飯，想食下粉面果啲，但又唔想食譚仔南記，所以就揀左依個餐廳。泰式的風味，泰道都係咁樣，不過不失。但價錢就貴左啲，下次都係食返南記譚仔算。越南粉過$60就算貴了！

泰國菜價錢黎講，亞泰收費中規中舉。 睇menu 價格合理， 不過，當你食過佢d野後，就覺得佢收費唔合理‘偏貴。服務算係差，最深感受係見住廚房出一d 佢地話暫停供應嘅嘢。 係一直都有出包， 到我離開都有果款菜供應，個侍應可以同我講今日無包。  餐廳好多人叫外賣，廚房好似永遠都係照顧佐外賣咁，上菜好慢。 最後佢仲漏佐上主菜俾我，我地都食飽先話漏， 話做緊。因為係set，咁唯有打包走。食物方面一般，絕對唔配收哩個價錢。 湯偏鹹，其他菜味道無驚喜，唔會食岀太多細節。 椰子，或者香茅味唔出。 飲品更hea， 龍眼冰好明顯咁飲到糖水，無龍眼味。

放假出利食下泰國菜。點知食今竟然覺得有驚喜。豬扒金邊粉，個豬扒幾入味，湯底好清租，粉量好大碗。一個人一碗都食唔完。另外，依個店嘅地方坐落都幾舒服，地方環境夠大👍

本身叫咗OpenRice外賣自取，落去拎時叫多份生蝦，告知要等15分鐘最後等咗25分鐘，只係等一份生蝦，最嬲係見到食物已經整好超過15分鐘，店員要做嘅嘢就係將佢裝入袋，問佢得未，佢睇都唔睇就話未得，直至10分鐘後見到另一位店員再問先見到佢將原本已經整好咗好耐嘅食物裝入袋，一肚氣。已經唔係第一次叫外賣等好耐，上一次OpenRice叫完，app顯示可以拎，最後都喺門口等咗超過45分鐘唔會再有下一次，劣評，服務差

長話短說，中午到亞泰買外賣，買左葱油雞排配檸水。先講飯盒，可能見識少，無諗過葱油雞排係炸子雞咁，仲乾掙掙似雞肉乾。之後見杯檸水就有火，成杯都係黑色浮點，似鑊撈。係都好d，完全唔知係乜。一杯檸水咁簡單都咁樣樣，其他不敢想像了。

朋友嚟屋企玩正值疫情廢事堂食就叫咗外賣自取因為呢間嘢不嬲好多人食因為算係呢個商場入邊最好食嗰幾間本身個商場都冇乜選擇馬拉盞炒通菜: 次次食都嗌，味道幾好豬肉生菜包: 我嫌佢唔夠辣，同埋比較酸，生菜包嘅話呢間冇咁出色黃咖喱雞肉:咖喱好夠香，嗌咗個薄餅點汁食，但係雞肉好似唔多炭燒豬頸肉:呢個好好味，好夠乾身，個汁都好好食串燒:嗌咗豬肉同雞肉，呢個就同平時食開差唔多，冇乜特別炸蝦餅: 呢個都係每次必食，好厚肉彈牙，個炸皮好脆泰式鳳爪: 同平時出邊食差唔多香茅雞翼:冇乜特別，唔記得咗好唔好食

一向鍾意食泰國嘢，行完山後攰攰地，決定去亞泰買個外賣返屋企慢慢食，誰不知一個外賣等咗差不多40分鐘，每次問門口侍應，都話製作中，就尼完成，想取消張單都唔得。睇住堂食顧客，一個個入座，有啲仲已經食完，我地拖着疲倦嘅身體企門口等，早知堂食算了。叫咗一個咖喱牛肉，飯另加，一個鮮蝦泰式炒金邊粉，諗住總算食到晚餐啦，但食物令人很失望。咖喱牛肉一大盒，入邊大部分都係薯仔，牛肉有超過一半都係肥肉，剩低嘅一少半，好似煲完湯嘅湯渣咁「鞋」，個飯都係靠撈咖喱汁食完。至於泰式炒金邊粉，d蝦好細隻，冇乜料，而且仲炒得好濕，個底有好多汁，一d都唔乾身。真係好失望，唔會再光顧了。

叫一個飯外賣可以等足半個鐘都未有，餐廳既高級員工解釋因為廚房員工剛剛返工。我好想知道你地點做食肆？廚房唔係應該係夠鐘出餐前已經準備好材料？11點開始午餐，廚房11點先返工，11點先備材？唔係一次半次係咁。食物質素已經唔係特別好，員工態度又差，服務同語氣都唔係好，仲話係正宗泰國餐廳？影衰泰國菜既文化呀。

疫情下已經好耐無外出食飯，又無得食夜晚，返工附近都係茶餐廳多，lunch食得多快餐真係好悶😅。難得疫情開始放緩，今日去左康城呢個神秘角度行下，諗住lunch食餐好既，點知.......第一次踏足康城，發現如果喺度居住，真係會有壓力，因為消費一啲都唔平，最慘就係選擇少。餐廳得幾間，平均lunch都要$70左右，最終因為好耐無食泰國餐，所以選擇左“亞泰”。個人好鍾意食香葉肉碎煎蛋飯，但係呢度既味道唔夠，份量又好少🥲，令我好失望。感覺唔似係泰國風味。再試下呢個馬沙文咖喱牛腩飯，同樣咖喱只係好一般茶餐廳味道既咖喱😔，似係用粉開成既，牛腩一樣係好少，仲要好韌，又唔入味，浪費咗今日嘅quota。咁耐先可以出下街食下野，估唔到今次體驗咁差，可能有所期待，所以特別失望😑。

外賣香矛豬扒，強差人意，飯又乾又硬，香矛豬扒係濕既？本來諗住試新野，點知等足25分鐘，最後打開飯盒，賣相唔靚，香矛豬扒無香矛味，仲要濕既，有汁，心情跌落谷底無下次了！

睇完戲都九點，見到呢間啲價錢大眾化，入去試吓先⋯⋯叫左個二人餐$318泰式拼盤唔錯冬陰功湯馬拉盞炒通菜好味咖喱蟹肉配蒜蓉多、油酥餅一流泰式甜品另外再加“明爐冬蔭海蜆鍋”$98干炒豬頸肉水晶粉$78呢個水晶粉超好食飲品買一送一以呢個商場來講，呢度價錢算係大眾化，味道都唔錯