亞泰

營業中

休息中

茂利喜歡辣, 去年茂利的生日飯是泰菜, 今年的生日飯都是選擇泰菜. 特地來到將軍澳美食的沙漠~日出康城. 現在應該是開始變為美食綠洲吧!  來到目標泰菜館, 竟然要等位. 等了約廿分鐘, 方能入座.   在店門等候之時, 看到大大塊二人套餐, 左計右計, 二人餐抵過散點, 所以我倆很快就可以落ORDER了.     炒通菜~馬拉盞BELACAN    當看到炒通菜真身時, 就覺得自己CONCEPT錯誤了.  BELACAN<峇拉煎>在馬拉文是單純的蝦膏!  但此店是泰菜館, BELACAN馬拉盞就會變做另一種泰式調味料....蝦醬蝦膏蝦米蔥頭蒜頭炸蒜炸乾蔥紅蔥頭乾辣椒混合出來醬料, 令通菜帶著鹹香味道重又香辣, 總之是重口味的東南系列美食.    泰式小食拼盤   蝦餅, 素春卷, 香料雞肉鳳凰丸   素春卷比較硬, 要加多點牙力咬呀咬.  熱辣辣的蝦餅對比之下就變得較軟身. 不過炸雞肉更是外脆內軟呢!  沾上泰式雞醬會更惹味.              泰人大頭蝦冬蔭公湯   2款餐湯, 冬蔭公湯比較貴.   冬蔭湯身濃厚, 又香又辣, 比馬拉盞炒通菜更香更辣. 加上

唔知大家會唔會有一種菜式間中都想食😋我其中一樣係泰國🇹🇭菜，久唔久我地都會想食!所以這一天又選了泰國菜呢!😍-禁岩見到朋友介紹原來日出康城都有泰菜選擇✅，剛好我們當日也在附近，便難得去行下試下呢!‼️這間泰菜叫 亞泰🥰， 環境好靚好闊落💯而泰菜來講真係好舒服!如果對環境有要求的朋友，值得加分!😍-原來 亞泰的船河🍜係大推之一，所以我地都點了冬蔭功海南雞船河一試!🌶原來係好大碗，份量好有驚喜呀!😍海南雞的份量大足，絕對唔係只有好少，配上冬蔭功湯底，係我最愛的惹味之選!😋唔會太咸同重味，剛剛好適中的口感，海南雞好滑易咬，唔會過份熟🎉而且最驚喜是船河還配上小小通菜，誠意十足! 💯-另一主食點了最經典的泰式鮮蝦金邊粉🍤🍝是有水準之作，不會太乾身，而且麵身軟硬適中😚總是覺得點泰式鮮蝦金邊粉便會初步感受到餐廳既水準!🥳-小食方面，點了泰式生蝦（6隻）🦐🦐擺盤好精緻用心😍新鮮的生蝦配上惹味醬汁，真係讓人無法抗拒😆🥳-另外也點了泰式無骨鳳爪🎏涼伴及開胃之選，份量十足，唔會太辣，唔太食得辣的朋友都可以應付到📌口味會大眾化呢💞💞-總的來說除了食物有水準外，環境舒服絕對係同朋友邊食邊傾之選!💗如果大家去開附近

家下冇得去泰國，唯有去吓香港嘅泰國餐廳頂吓癮。去左泰國餐廳叫亜泰，係泰國餐廳又點可以唔叫返個菠蘿海鮮炒飯。黃金色嘅炒飯加上肉鬆，同細細片嘅臘腸，配搭得幾好。男朋友第一次食菠蘿海鮮炒飯，食到津津有味。另外叫咗個龍蝦冬陰功河粉，龍蝦肉煮同個河粉都煮得幾'霖‘, 同埋都幾辣，適合鍾意食辣嘅人。菜色配撘幾有新鮮感，喺出邊其他泰國餐廳好少見到。　嘢飲方面嗌左杯龍眼冰同椰汁珍多冰，個椰汁真多冰都真係幾椰汁味重，唔錯唔錯。唔知係咪琴日去完泰國餐廳呢？尋晚發夢同你去咗泰國旅行，然後發現唔記得咗同公司請假。正想打返公司嘅時候醒咗，哈哈！真係有責任感。值得稱讚下自己。

今日有朋友嚟新屋玩, 一齊落商場食飽先玩, 星期六日都有午市套餐都算十分之抵. 可惜位置比較少我哋六個人都拆散咗兩張枱分開坐除咗粉麵飯以外都有好多唔同小食可以加. 呢個商場嚟講都算可以接受嘅價錢.叫咗一個船麵去食可以揀兩個餸,船麵湯底冇係尖沙咀既船皇食咁香料,不過都可以接受炸過嘅豬皮喺上面嘅精髓,肥牛亦都十分之生好好上到枱滾一滾就可以食,但係豬頸肉普普通通可能肥膏比較多同油脂比較重.下次要可試下青咖哩隔離枱嗰個雞扒煎得十分之好...

之前夜晚又去左日出康城行下街😎，想食泰國菜就再同朋友去亞泰嘆番個晚餐啦🥳。.冬蔭海南雞船河 $75鍾意食海南雞同冬蔭功🔥，叫呢個湯河就啱曬😗，一次過滿足兩個願望。海南雞好夠滑😛，而且個冬蔭功湯底都好有泰式風味🇹🇭.馬沙文咖喱(牛腩) $78 + 印度薄餅(兩件) $28叫咖喱就當然唔少得印度薄餅😝，用黎點汁食就好搭配😌。而且牛腩口感都好正，份量亦都好充足😍.泰式飛天通菜 $68呢個幾乎係必叫嘅菜式❤️，炒得辣辣地好有泰式風味🤩.炭燒泰式豬頸肉 $78原本係想叫泰式生蝦😂，但係今日無就轉做泰式豬頸肉😆。豬頸肉燒得夠曬香🔥，而且非常肥美，好滿足🤤

難得出開將軍澳就去左日出康城嘅商場the lohas! 見到一間特色嘅泰國餐廳亞泰 就入去試吓！😍Menu品種好多選擇好多泰式嘅主菜見到有原隻嘅龍蝦冬陰功湯河睇相已經好吸引大大的一碗竟然仲用上原隻龍蝦冬陰公湯同龍蝦🦞異常地夾肉質彈牙 新鮮 抵食！二人份量招牌蛋咖喱蝦球枕頭包香甜的黃咖哩配上大大隻的蝦球鮮味彈牙 超多咖喱沾上枕頭包 好惹味泰式明爐青檸烏頭大大條烏頭魚 肉質滑嫩 酸酸地幾開胃泰式拼盤有泰式蝦餅、鳳凰丸 春卷 外皮炸得香脆味道唔錯！最鐘意泰式蝦餅 彈牙有咬口一定要飲泰式特飲椰汁珍多冰 冰涼可口！

年年總會去幾次泰國旅行，呢兩年冇得去旅行🥲，好彩香港都有唔少Thai food可以滿足下我❤️上星期送完阿仔返學，去咗康城睇家品，順手試咗位於The Lohas嘅亞泰.食物由泰國人主理，座位都幾闊落，我哋平日下午去兩個人都可以坐到卡位，侍應們都好友善，唔錯❤️天氣太熱☀️，一坐低叫咗青檸梳打同埋泰式奶茶. 飲品都幾大杯，我幾鍾意佢個泰式奶茶，味道香濃又唔會太甜.🍽食物方面我哋叫咗：🍜 火車頭什錦船河唔想用腦諗乜嘢最簡單就係叫呢個😆乜都有！大大碗非常足料，包括肥牛、扎肉、貢丸、豆卜、魚片. 湯底夠濃，同河粉係絕配👍🏻🐔 泰式海南雞伴油飯份量十足，油飯好開胃，海南雞其實味道唔錯，略嫌不夠滑.🦐 泰式炸蝦餅基本上呢個去親泰國餐廳必食！呢度嘅炸蝦餅好香脆，餡料夠彈牙，唔錯❤️🐷 炭燒泰式豬頸肉豬頸肉有驚喜❣️ 厚薄適中而且份量非常多，肉質軟腍彈牙，點埋醬汁仲好食😋

難得第一次入日出康城搵朋友食飯，我放工由觀塘搭鐵過黎呢邊，經過將軍澳百慕達三角後就會成功到達日出康城。我地呢次黎到一間叫亞泰嘅泰國菜餐廳，開頭都要等下位，不過都好快就有得坐。冬蔭海南雞船河原來都好大碗，雞肉好嫩滑，冬蔭公湯底十分開胃，略帶微辣，好岩口味。海南雞無骨豬手船河有炸豬皮無得輸，湯底勁深色，味道濃郁，聽聞愈深色就愈正宗，而豬手係去左骨，肉質又夠淋，食落好方便。我地仲叫多左個主食，就係古法馬沙文咖哩配牛腩，仲叫多兩份薄餅，用黎點咖哩嘅。呢個咖哩甜甜地唔算辣，配薄餅就變得好易入口，牛腩嘅份量係用多黎形容。泰式奶茶茶底靚，唔會勁甜，茶味濃郁。而椰汁珍多冰，甜甜地幾好飲。呢間店性價比真係高，因為價錢絕對對得住食物質素有餘，雖然位置係日出康城又唔係成日可以黎到，但值得過呢間食嘅。

今日同老公行將軍澳日出康城，真係發覺變咗好多，開咗好多食肆，超級好行。咁就係依個商場內畀我發現咗呢間泰國餐廳（阿泰）入面裝修幾靚，我哋午市去發覺都好多人排隊入去食，證明佢有一定嘅水準。餐牌好多選擇，好多嘢都想食。龍眼冰：每次去泰國菜館都必飲，因為超級好飲又解渴，佢哋啲龍眼冰剛剛好又唔會太甜。龍眼嘅數量都幾多。泰式鹵水無骨豬手：超級大份，滷到好入味，入口即溶，可以配到幾碗飯食。冬陰海南雞船河： 一次過滿足曬兩個願望，食到船河之餘，仲飲到冬陰功湯，啲海南雞超級滑，好足料。泰式鮮蝦金邊粉：真係冇諗過呢度啲份量碟碟都咁足，超多料，勁好食一啖接一啖。泰式串燒：即叫即燒，我哋叫咗雞同豬，醃得好入味，啲沙嗲醬都好香濃。金磚四國蒜蓉包：呢個蒜蓉包係我食過最好食，牛油蒜蓉焗比例剛剛好，成個麵包都烘到4邊金黃。真係估唔到日出康城都有一間咁正嘅泰國菜食。

自從呢個港鐵站開左新商場後，帶旺左人流外，仲有多間食肆進駐，今晚試咗呢間泰國菜館食物種類選擇大路，由小食/沙律/咖喱/主食/甜品/飲品都有提供去食泰國菜，歡喜佢地嘅沙律，雖然無綠色沙律菜，但一般都以生果為主打，就好似呢客金柚子沙律 ($68)撕成一小舊嘅金柚子，甜度都幾高，又多汁; 配合埋乾蔥蝦皮及花生粒，淋上甜辣味道醬汁，相當醒胃!當你睇完餐牌後想食鷄又想食豬手嘅同時，呢客泰式海南鷄拼豬手飯 ($88)就幫到你，包埋餐湯及油飯，碗油飯仲係滿滿的，相當豐富!主角海南鷄及豬手，兩隻都係無骨，可謂啖啖肉; 鷄肉相當嫩滑，點3款醬汁都夾，最愛都係黑醬汁; 而豬手有滿滿嘅膠質，滷水味道用黎送飯都好好味!唔想咁刺激，叫個中和D嘅馬拉盞炒通菜 ($68)，通菜夏天當造，入口無渣，味道剛好，就咁空口食都唔會一味死咸，加入埋蒜頭粒一齊炒就多一份香味!同場加映，天氣熱最"梳乾"係叫杯青檸梳打 ($28)，一飲GUR晒!D海南鷄質素咁高，我都唔執輸，叫呢碗冬蔭海南雞船河 ($75)，一碗滿足到我想飲冬蔭公同食鷄嘅"願望"......哈哈!先試啖湯，冬蔭公味道比我想像中"溫和"，辣度輕微，偶然飲到有辣椒碎就

向來康城都無乜好野食，但現在不同了，因為有了亞泰這美食餐廳。亞泰在座位上相當闊絡，真係可以坐下來，慢慢享受。細看Menu，每一樣都都非常吸引... 椰汁珍多冰/龍眼冰來到亞泰食泰國野，緊係要叫番2杯泰國嘢飲：珍多冰椰汁味香濃、龍眼冰清甜解膩，正！炭燒泰式豬頸肉豬頸肉份量非常多，刀工精湛，而且燒至黃黃色，肉質軟腍彈牙，沾點酸辣醬味道更添層次。串燒(雞肉/豬肉)串燒都是經過醃製，入口味道香濃，肉質軟嫩甘香，配著沙嗲醬一起吃，更加惹味。火車頭什錦船河一睇什錦船河咁多款食材就緊係叫呢款啦，當中有肥牛、扎肉、貢丸、豆卜、魚片，剩係睇都知多料。而當中不可不提的是他們的湯底，味道香濃而又不唔會過咸，真係越食越滋味。康城終於有好嘢，行過路過，真係要入內食番餐。

宜家基本上去開將軍澳都會到訪食下泰國菜，幾欣賞佢不時就會有新菜式推出，所以又唔會食到悶。今次食左個特價龍蝦海鮮冬陰功河粉(話係河粉，其實較似金邊粉)，一百蚊唔使有原只龍蝦，抵食過酒樓，本身有些擔心龍蝦質素，不過隻龍蝦大隻新鮮，唔似雪藏好耐既貨尾👍🏻幾欣賞呢間食肆幾有良心，食材都好新鮮，特別係海鮮類。泰式辣椒膏炒大蝦都好彈牙，超大只，一d都唔似係冰鮮蝦。嗜辣的我們又眼闊肚窄地叫多個青咖喱雞煲，拌飯一流。雞肉係煎過的雞排肉，所以煮耐左都唔「鞋」。最後因為辣得濟叫左個椰青消消辣，完美的一餐👍🏻

很久沒有吃泰國菜，今天難得去康城探朋友，就跟朋友去了商場新開的亞泰。古法馬文咖哩$78馬文咖哩是一種味道豐富濃郁而辣度相對溫和的泰式咖哩，是泰國南部最家常咖哩的代表。辣度比較溫和，把甜鹹辣和椰子味完美結合，混合了咖哩牛肉，口感極佳。金磚四國蒜蓉飽$28吃咖哩當然不小得蒜蓉飽，香脆外層加上蒜蓉，點些小馬文咖哩，非常正。炭燒泰式串燒$624串串燒可選雞或豬，配合沙嗲醬，令味道攻昇華。冬陰公龍蝦湯河$138全隻龍蝦冬陰功湯河填相吸引，原隻澳洲波士頓龍蝦覆蓋整碗湯河，而且切成一半，方便食用。同時又有魚蛋、蜆、由魚等配料。味道方面亦非常誘人，各式香料打碎後與湯共煮，細碎香料融入湯中更香濃，辛辣味中帶甘，再用上容易吸入湯汁的河粉，每一口都是精華。魚蛋都非常彈牙，其他海鮮很新鮮。椰汁冰$28

其實將軍澳康城個商場都幾多嘢睇，所以特登入去行吓街。今晚突然想食泰國嘢，所以就揀咗呢間亞泰。環境幾好☺️，坐卡位比較舒服。我哋叫咗：冬陰海南雞船河湯底雖然係冬陰功湯，但未到唔太濃，海南雞分量多，唔係好多骨，可能浸住湯，肉質一般。招牌蛋咖喱蝦球枕頭包咖喱味特別，好香椰奶味，而且蛋夠多，同個枕頭包好襯，而且個包外脆內軟，覺得啱啱好，值得一試！👍🏻生菜包豬肉碎肉質鬆軟，用左洋蔥、蒜頭、青檸、芫荽、酸辣醬炒，酸酸辣辣增加胃口！而且肉碎勁多，生菜包晒都未食完啲肉😍😍印式薄餅薄餅烤完即刻上枱，熱辣辣好好食！我哋特登叫來配咖喱食，好夾！❤️雖然都係似買返嚟😂勝獅啤酒食完啲咁熱氣嘅嘢飲番杯啤酒真係涼番晒！呢隻啤酒味道有少少酸，胃口大增！真係幾襯泰國菜🥰

今天早上11:25到此店食了一個34元的牛肉面早餐，12:10走時發現沒有單，便問其中一個伙記要求取回單，但伙計説出去話五號枱便可，我出到去話五號台，跟住放低34元後行出門口，跟住個女收銀出去門口問我食左D乜嘢，我話食咗沙爹牛肉麵早餐，佢話部機冇打早餐，屈我話係咪食咗午餐，因為早餐11點半已截，我話我11:25嚟食，你部機冇打，冇入單係你地問題，你唔入機我就要比午餐錢，貴一倍，冇可能，你哋唔係第一次冇印單，十分鐘前都有一個女人追你地印單，你都冇印，你可以睇CCTV睇吓11:30時我食乜，是否早餐，花十秒鐘時間就可以，我企喺度等你睇，你哋咁樣做生意點幫襯你地，跟住佢就話算，簡直係***極差的店鋪***