亞泰

營業中

休息中

難得第一次入日出康城搵朋友食飯，我放工由觀塘搭鐵過黎呢邊，經過將軍澳百慕達三角後就會成功到達日出康城。我地呢次黎到一間叫亞泰嘅泰國菜餐廳，開頭都要等下位，不過都好快就有得坐。冬蔭海南雞船河原來都好大碗，雞肉好嫩滑，冬蔭公湯底十分開胃，略帶微辣，好岩口味。海南雞無骨豬手船河有炸豬皮無得輸，湯底勁深色，味道濃郁，聽聞愈深色就愈正宗，而豬手係去左骨，肉質又夠淋，食落好方便。我地仲叫多左個主食，就係古法馬沙文咖哩配牛腩，仲叫多兩份薄餅，用黎點咖哩嘅。呢個咖哩甜甜地唔算辣，配薄餅就變得好易入口，牛腩嘅份量係用多黎形容。泰式奶茶茶底靚，唔會勁甜，茶味濃郁。而椰汁珍多冰，甜甜地幾好飲。呢間店性價比真係高，因為價錢絕對對得住食物質素有餘，雖然位置係日出康城又唔係成日可以黎到，但值得過呢間食嘅。