亞泰

營業中

休息中

向來康城都無乜好野食，但現在不同了，因為有了亞泰這美食餐廳。亞泰在座位上相當闊絡，真係可以坐下來，慢慢享受。細看Menu，每一樣都都非常吸引... 椰汁珍多冰/龍眼冰來到亞泰食泰國野，緊係要叫番2杯泰國嘢飲：珍多冰椰汁味香濃、龍眼冰清甜解膩，正！炭燒泰式豬頸肉豬頸肉份量非常多，刀工精湛，而且燒至黃黃色，肉質軟腍彈牙，沾點酸辣醬味道更添層次。串燒(雞肉/豬肉)串燒都是經過醃製，入口味道香濃，肉質軟嫩甘香，配著沙嗲醬一起吃，更加惹味。火車頭什錦船河一睇什錦船河咁多款食材就緊係叫呢款啦，當中有肥牛、扎肉、貢丸、豆卜、魚片，剩係睇都知多料。而當中不可不提的是他們的湯底，味道香濃而又不唔會過咸，真係越食越滋味。康城終於有好嘢，行過路過，真係要入內食番餐。