亞坤 (已結業)

是晚在金鐘上堂，放工後當然要醫醫肚先有動力啦！一見到有阿坤就毫不猶豫排隊買最愛嘅喇沙同奶茶，等食～首先夜晚嘅金鐘其實唔算太多人，18:51分落單，真正有喇沙食嘅時候已經係19:20，差不多要半個鐘先有得食。喇沙味道太不如前，叫了粗米線和黃麵（兩溝），兩種麵都腍到似糊仔。湯底比以前偏咸，無咗昔日一放係枱果種撲鼻而來嘅喇沙香味。奶茶則如以往一樣，滑而濃。不過茶杯碟及碟邊都十分「痴立立」，衛生情況有待改善。

去開渣打銀行，才知道亞坤在香港有分店。老公前陣子去了新加坡出差，老是說要帶我去嚐亞坤，現在不用飛新加坡，係香港都食到😁叫了A餐咖椰牛油吐司套餐，一個餐有4小塊多士，吐司好似餅乾咁脆，裡面除左搽左kaya 醬，仲夾左一塊牛油係入面，夾住牛油食好香！另外D餐係咖椰花生醬吐司套餐，裡面搽滿花生醬，好好食溏心蛋好靚，加啲豉油同埋胡椒粉係上面，然後撈勻，好似飲緊滑蛋湯咁😌新加坡的奶茶（teh，粵音：嗲），加了奶、糖，甜度剛好。新加坡式的咖啡，kopi c kosong，即加奶走甜咖啡，係東南亞口味的咖啡，同港式咖啡、越南咖啡風味略近。老公話啲野食同新加坡既亞坤都好似，食到新加坡的味道！

勁多人午市排隊，主要係因為一個人落完單就去沖茶，做完先接下一張單而且廚房d人逐碗面整，由煮熟粉面到配料，逐樣黎咁搞法好慢。。。難怪一條龍得1x人，都足足排左45分鐘有野食喇，不過份量少，15分鐘食完多士脆身，試左個芝士咖央，味道都係經典口味好食d芝士咖央，始終唔夾好在係芝士融左係多士入邊，咖央分開搽如果唔岩口味，仲可以自由放棄咖央。。。不過呢。。就無左個特色啊沙茶面係無湯底，凍冰冰唔好食好似乾呑既感覺都係正宗喇沙最穩陣至於個奶茶。。好飲。。無失望

喺附近返工見到新餐廳都會試下，今日同同事諗住買外賣返公司食， 我叫咗個喇沙牛肉麵$52 加一塊咖央多士$13， 我同事叫咗個喇沙雞肉餃子麵$52。 返到公司打開碗嘢已經見到啲麵勁少，仲要得兩塊肥牛， 一嚿豆卜仲要係得 半邊嘅豆卜， 加一隻雞蛋。 金鐘食飯都要呢啲價位，但係五十幾蚊一碗麵 真係少得可憐!!!簡直離譜!!!食完都唔覺得 有 飽 嘅感覺 ，塊多士本人不是太喜歡，因為 烘得太乾好似麵包糠咁。 至於味道方面普普通通，但唔會再幫襯。

本身想試試，但去到收銀處，果位黑色衣服的男職員態度惡劣，好似吾想做生意咁，叫我企係度等，但沒有落單，淨企係度等，足足等了十分鐘，仍然沒有理過我。我覺得咁既態度，以後吾會再去。

Terrible 唔係講食物，係講餐廳管理。是日下午四點幾，路過金鐘，見到開左亞坤，之前想試好耐架啦，二話不說即排隊，打算食個下午茶。一路排隊，一路覺得我見猶憐，事關全店只得一個人做野，由落單，收錢，煮食物，水吧，部份送餐，執碗碟，都係得一！個！人！目測餐廳有接近廿個食客，排隊嘅排隊，等食物嘅等食物，食完嘅碗碟放滿枱無人執，不過食客們都好有耐性，因為唯一員工根本無暇照顧樓面。無疑佢地嘅多士同奶茶都係好味嘅，不過作為下午茶時段，人手真的夠嘛？

同事近排發現，公司附近開左間新加坡過江龍亞坤，佢話新加坡嗰間嘅吐司好好味，話搵日一定要試下呢間新店。今日我地專登早d起身，約埋一齊去亞坤買早餐，同事大約9am到，佢排住隊先，前面有3人，9:09am到我地落單，9:16am就可以拎外賣。新店係金鐘遠東金融中心，好易搵。店舖唔算好大。餐牌，全部都係吐司我地叫左兩份A餐，咖椰牛油吐司，溏心蛋同熱奶茶 $36一份。奶茶茶味濃。吐司好香脆，脆而不硬，啖啖咖椰味，同牛油融為一體，極為香口。唯一就係溫度唔夠，如果再熱d就更加正

加央kaya是馬來亞的城市名稱，kaya是把斑蘭葉，雞蛋，牛油，糖加入椰漿，製成加央醬，屬老一代的重口味，勁甜。英國文化在香港踫衝出大牌檔，在新加坡踫衝出類近茶檔。一樣地模仿英國下午茶，在簡陋茶檔旁、木方桌邊、木凳仔上，享受比英國的更濃更滑更香奶茶。多士是最香脆獨特的，冠絕東亞，此店足為新城的楷模。香港人慣食的多士是約1由米厚，脆而麵包質感足夠。而台灣和新加坡人的麵包片各走極端，台灣人「好多事」，搞得麵包厚厚的，可能由葡萄牙人學到農夫包。星加坡人搞得麵包薄薄的，說是吐司還似餅。新店人手極緊張，收銀，水吧，煮麵是同個人，似足擔挑上街的小販。幸好製多士是另一女專員，慢工出細貨。坐在空調商廈，不介意等十多分鐘。店內格局頗似茶檔，白色令人想到現代簡約風格。A餐咖椰牛油吐司餐只是36元，吐司極薄，極有南洋風。熱度稍有不足，皆因人手短缺。份量不算少，有4小份。有兩種以上食法。白領女士多分4次食，最後喝啡茶。我喜分兩大份，每口同時吞四薄片吐司，如吃漢堡包。薄片在口腔爆裂感覺很震懾，倍多於港台吐司。如不想有吃餅乾的感覺，更宜依我的食法，補足麵包質感。咖椰與牛油是絕配，一甜一咸，一滑一硬，撞擊效果勝於油