亞坤 (已結業)

新加坡旅遊時食過「亞坤」幾好食，同事也喜歡這裏的叻沙，試過幾次也賣哂米粉，難得今日可早點買外賣，買到米粉但要等成20分鐘才出餐! 看到其他員工飲品及吐司也做好了，就是煮麵那位男員工不知怎安排，觀察他好像先做好「所有」堂食，才做外賣，非常差的安排，要外賣的顧客無止境地等 😑其實已惠顧了幾次，因為這裏的咖椰吐司是不錯的，看到他們曾經有改進速度，但今次又再一次失望，如果只買咖椰吐司而不買其他粉麵才會再惠顧

之前係新加坡特登慕名去「亞坤」食野，而家冇得去旅行就喺香港店回味下湯底濃厚味道出眾，喇沙足料，麵條點左摻摻-油麵配粉絲既無敵組合，食完都飽得黎又唔會太膩。美中不足就係店舖太少職員，無論落單定係出餐都比較慢，排隊排左半個鐘，lunch黎要食得好趕。

咖椰牛油吐司套餐早餐既選擇不外乎多士同奶茶。呢個餐分別有咖椰牛油吐司，蛋可以揀全熟或者溏心，飲品當然揀佢既特色奶茶喇。奶茶既味道都幾特別，同埋睇住佢即沖比你，飲落好濃郁夠哂提神。吐司既咖椰醬同埋牛油真係既邪惡又好食。外賣既時候，店員仲會提醒唔好摺埋個紙袋，因為焗住既蒸氣會令到多士更快變淋，相信堂食會更熱更脆。全熟蛋無乜特別，不過最地道既食法，其實係叫溏心蛋，再加醬油同白胡椒調味，有機會堂食的話，要試下呢食法！

Visited Ya Kun for lunch, queued up for ages to order food, the staff were extremely slow and inefficient. Ordered the soup prawn laksa, the soup base was actually quite rich and you could really taste the coconut milk, the yellow noodles were also of a firm texture. However, the portion size for the bowls of laksa, especially for the noodles, varied greatly. Their signature kaya toast unfortunately had too little kaya spread so I couldn't really taste much of it, the vast majority of the fillin

每一次都勞氣，明明外賣號喺前面，都會畀咗人哋先。建議去之前考慮清楚，心情唔夠好就唔好去！味道不過不失，但份量就細㗎啦，性價比比較低。總之唔滿意！諗清楚再去！！！！

大家都知道商業區本身食嘢選擇唔多，金鐘轉唔錯。今日黎到遠東中心呢頭，係有嘢揀不過都幾貴下。見到呢間有人食開，價錢又合理，即管試吓。嚟到，話覺得個面好少，不過好香，飲落個湯幾濃郁，又唔係好乖又話比整緊。個餃子真係好食喎，如果有得齋買餃子，下次肯定會來食。

有事出金鐘誤打誤撞黎左呢間野冇咩人...地點都隔涉...可能只有係呢頭返工既人會黎食...叫左一個A餐溏心蛋嘅味道ok..不過蛋黃漏咗出嚟...蜂蜜檸檬飲...冇咩蜂蜜味...不過唔緊要個重點係㗎央多士😂佢係用咗咖啡色嘅特制麵包 (比起白麵包香d,同冇咁甜)同埋佢將個麵包打平面再切開多一半由大約1cm變左0.5cm厚當個麵包薄左每食一啖㗎央同牛油嘅比例就會相對多左同豐富左而家香港好似好多都係用白麵包同唔會再將個麵包再次切薄多一層麵包塗左好多㗎央好香有好濃嘅椰子味口感係溶溶地仲有牛油牛油就唔溶既 好似菠蘿油嘅牛油口感就硬硬哋溶左既㗎央同一舊實正牛油既口感好Match 可惜唯一美中不足嘅個麵包唔夠熱同香脆 已經涼左唔係會好食好多好多好多倍

午市長長的人龍：原因是啲人做野超級慢，排左45分！！！！1點已經什麼都賣曬？？？？？心諗真系噤好味？但全部人都係外賣？堂食得小貓3-4隻金鐘放飯時間可以唔洗等位？？？？喇沙堂食，湯唔熱，蝦唔熟，份量少也不是問題，唔香，無咩味，唔叫難食，因為佢唔可以叫喇沙！！！！！咖央多士：可能我唔食得甜，因為只有甜味！！！奶茶即叫即拉，估計茶靚奶滑，但是可以完全無味，無咩茶味，奶也一般香港有過江龍，也食過噤多過江龍真的估唔到這間過江龍可以噤差

星期六放半日假期，難得離開平日工作的中環區覓食， 特意前往金鐘醫肚子餓。 選擇了“亞坤" 這新加坡餐廳， 點知 …… 完餐後， 竟然有一種 "食之無味，棄之可惜"之感。 收工正值肚餓時份， 站在店外只見1枱食客，心想，食客不多，應該等餐時間也會很快。 而當時只得1位店員，負責餐廳內一切事務。 雖然只點了2個餐， 但侯餐時間等了很久A餐有半熟蛋， 星加坡咖啡， 咖央多士。半熟蛋: 先讚，是溏心，雞蛋是大大隻。咖央多士: 面包皮是乾硬， 中間的咖央和牛油少得看不見， 吃不到。 星加坡咖啡:懷疑在飲糖水？ 有咖啡的顏色，但沒有咖啡味，很詭異啊 蝦喇沙米線: 值得一讚， 湯底濃厚。魚蛋彈牙， 鮮蝦爽口新鮮有蝦味，而且size 大 粗米線亦是爽口彈牙星加玻奶茶:茶沒茶味， 淡而沒味， 感覺自己在喝奶茶水 完全不值得推介。這一餐除了喇沙粗米線，及半熟蛋 very good 外， 其實都一般般而已。 價錢又不是便宜，不會再次光顧

中午和朋友去亞坤食中午飯,超级多人排隊買野食,因它堂食和外賣同一條隊,朋友排隊買野食,我揾位,朋友足足排左15分鐘多,雖然都易揾位,但一直冇人執枱,而且位與位之間都好迫下.我叫左碗虾肉咖少,D虾雖然好脆口,但冰鲜的,冇乜味道,而且一碗得兩隻,反而D鱼旦好味D,其他配菜都好一般,D叻沙都應有不少味精,因食完後,好口渴,我另叫一杯细既熱奶茶,冇乜特别,但真的好细杯,失望!但最欣賞呢間铺請左很多長者,所以都好體諒它的慢和唔夠人.

Lunch過嚟成日見到好長龍，因為全間鋪頭都係上咗年紀嘅阿叔阿姐做，排隊買嘢食要等10至15分鐘，自助式～自己拎完嘢飲返埋位，等嘢食部機一響，就再出去攞你要嘅食物。。。整個過程大概需要20至25分鐘。。。今日食咗阿坤蝦喇沙配粗米粉$52，蝦肉唔係好新鮮，粗米粉口感彈牙滑溜，不過碗麵比較少，其他配料都係一般好食朋友叫咗牛肉喇沙粗米粉，牛肉好硬飲品要另加錢。。。

完全唔明外賣得幾張單都可以漏單，唔追單都唔整，後面no. 追單就即時整，一碗麵整唔洗兩分鐘，等就等成廿分鐘，掛住整啲堂食單，又錯漏百出。一碗麵賣成50幾蚊，得小小麵，一雞蛋，一舊豆卜，三隻仔餃子，食完好似無食過。堂食啲碗食完又無人收，成個垃圾崗咁。總之完全唔掂。

今次算係我第二次來試第一次係lunchtime泥，唔成功，點解？我由13:15左右排隊，等到13:45都未到我。員工動作好慢，分工有好多進步空間！每位員工都唔熟悉佢地自己既崗位。仲有，我係為左佢湯底而來，點幾鐘已經無哂，但唔同客講！我都係聽到收銀姐姐講先知！今次係放工填肚，得反個男員工，佢態度好差好差，問問題要問兩次，答左仲要load先聽到，因為佢答太lur ! 實在未食已經成肚氣！野食中規中矩，不過肯定就無下次！

老實講 野食質素係一啲問題都冇！相當地道頭一次去食早餐 等咗半個鐘都等唔到唔緊要 當我唔知唔預時間我衰女我當時拎咗杯野飲同蛋就走第二預早咗買 ok冇問題嘅果次係但包裝就有小小問題喇因為個多士打直咁擺拎到番去見倒啲醬嘔哂出嚟喇嗚食到拿手唔成世好啦如是者唔知點解我又會去買第三次可能人就係犯賤一打開 倒落個湯度 我真係扯咗火我發誓真係一倒落去就係得咁多同埋搵極都搵唔倒啲湯以為自己食緊撈麵好啦 有小小咁囉個奶茶就幾好喇非常之咁有水準茶十分香 甜度係啱啱好！可能你會問喂呀姐咁點解你彈到咁都唔係差評呀因為真係好食呀嘛！

多謝818服務員one  man  band今日7:00行完維園遊行，經過金鐘已經好多餐廳關門。只剩下一兩間，便隨意走到這間亞坤食。只有一名店員，由收銀到煮食上餐，多謝你818不辭勞苦 默默工作。