二鍋頭 (福苑)

營業中

休息中

平時好中意同frd食雞煲雖然宜家天氣咁熱都唔例外😛知道旺角有間叫二鍋頭嘅餐廳有得食雞煲/火焰鴛鴦鴨煲/黑椒豬手煲/邊爐任飲任食2個鐘先$218(星期一至四)仲要無分時段,唔駛等到夜一夜先抵食🤣呢道職員都非常熱心,入座後會詳細介紹先叫咗個小辣雞煲,非常惹味雞肉份量都唔少,肉又唔會柴,好入味唔會因為係任食放題而hea人今次2個人食所以只食咗1個雞煲同邊爐🐔如果下次嚟一定要試吓鴨/豬手煲😛食完雞煲就轉邊爐🍲試咗個滋補藥膳湯湯底,藥材味幾香配料選擇都唔少,豬牛雞羊海鮮都有齊另外自助區就可以拎菜,丸,飲品,甜品食足2個鐘超飽超滿足,推介😍二鍋頭 (福苑)旺角西洋菜南街138號福苑2樓

Encore之選! 朋友睇完我d 食物相，話睇到流口水，咁就同佢地嚟左旺角分店再挑戰大胃王。呢度雞煲、鴨煲、豬手煲、火煱全部任食，鍾意食好d，可以加錢食埋和牛，或海鮮。比起好多火鍋店嚟講，選擇較多元化。🥘雞煲有得揀辣度，小小辣啱晒辣度唔高嘅人，小小刺激、惹味，易入口。🥘火焰鴛鴦鴨煲食完雞煲轉鴨煲。鴛鴦鴨原來係指鮮鴨件同埋油鴨件。個煲上枱，店員加入玫瑰露酒，點火，炒勻。加左酒嘅鴨件有淡淡嘅酒香，特別惹味。油鴨完全唔肥，有鹹香。最好味係鴨掌，雖然唔算大隻，但係炆得入味，又夠腍。🥘第三煱食埋火煱，店員唔會喺鴨煲加湯就算，係重新再上一鍋新嘅👍出邊自助區嘅丸類、蔬菜等任攞。火鍋紙上嘅脆鯇魚腩同白鱔片，鍾意食魚嘅可以放心叫，骨唔多，都算鮮味，脆鯇真係幾爽脆、彈牙。最後食埋榴槤雪條，非常滿足。😋兩小時任食，有咁多款選擇，真係要再嚟多次，先可以試晒所有款式。

呢排雖然熱到癲，但同fd 子聚會始終都係打邊爐最開心！而二鍋頭最正既係唔止火鍋配料任食，連秘制雞煲同豬手煲都係任食，真係勁正！一黎到緊係叫左雞煲先，今次叫左少辣，辣度適中，份量又多又惹味，d 雞好滑好入味，絕對值得食兩煲先！之後就揀湯底打邊爐，因為朋友想食得健康d所以揀左養生湯底。火鍋配料選擇好多，平時好少有得任食既食材吒到都有得任食！推介魷魚桶，帆立貝，，花枝片，青口，蜆呢d 比較貴d既料！包你食返夠本！😂除左呢落單既配料，隔離仲有個area 係for 你自己夾食材，有多款蔬菜同丸類選擇，真係勁多野揀！打完邊爐仲有雪糕雪條任食，我緊係揀我曼愛既榴槤雪條啦，超滿足！

香港周街都係雞煲店，但係我最鍾意佢嘅都係呢一間，最大嘅原因係佢唔只係得雞煲食仲有我最鍾意嘅鴨煲，近排仲加埋豬手煲添！咁佢成件事同平時食雞煲都好似嘅，就係鮮食布，食夠啦就可以轉打邊爐。咁我覺得呢度嘅雞煲鴨煲都真係好好食，建議大家可以食多啲先再轉打邊爐。本身香港可以食到鴨煲嘅地方已經好少，呢一度嘅仲要真係好好食，佢係臘鴨同埋燒鴨都有，然後再有酒調味，成件事好好味之餘又唔會太鹹。打邊爐來講覺得大家食完咁多肉之後都未必再想食肉，我推介大家試多啲佢哋嘅海鮮，整體水準我覺得唔錯，尤其花枝片墨魚仔呢一類都好新鮮👏🏻最平嘅呢個任食就$218，性價比十分之高

之前食過一啲雞煲放題，不過雞唔係任食，配料先有得任食，但係今日呢間比較特別，佢有雞煲、鴨煲、豬手煲，全部都可以任食，適合一大班人一齊，可以試多幾款煲。不過我哋得兩條友，食完一份雞煲已經食唔落鴨煲，直接開始打邊爐🤣佢嘅雞煲都算入味，炒得好香，雞肉唔會太實，以任食嚟講算好高質。之後打邊爐嘅湯底唔係求其用返雞煲加雞湯㗎，佢有好多選擇，連泰國冬陰公都有👍🏻不過人多先可以揀2個湯底以上。而配料都幾多選擇，海鮮都唔少，我覺得白鱔同帆立貝都唔錯。而肉類都有齊豬牛羊雞鴨，選擇都唔少。另外仲有個雪櫃放咗好多配料自取，幾款丸同波波腸都幾好味，仲有炸芋頭同淮山☺️最後仲有好幾款雪糕，正呀。另外環境都乾淨舒服，比一般任食嘅店空間感要足。

🐳最近由於疫情緩和，也回復晚市堂食，決定帶媽媽來這裡享受一下，因為聽說這裡好吃又便宜。🐳這餐廳提供三款煲讓我們選擇，可選一款，三款全選都得，食完一煲又一煲，但由於我們只有兩個人，最後只決定食雞煲然後食火鍋。雞煲份量好足夠，雞肉和雞腳又嫩又淋，應該經長時間炆煮再爆炒的。整個雞煲十分惹味，最後全部食哂。🐳火鍋方面，我們選擇了藥膳湯底，適合不年輕的媽媽😂。火鍋材料十分之多，海鮮又新鮮，肉類也很多選擇。自助區也有不同的選擇，花多眼亂。😵‍💫 🐳另外場地也很乾淨企理，店員服務態度也良好。👍👍

是日HONEY去到旺中，去左二鍋頭食雞煲再加打邊爐，餐廳分左兩邊，兩邊座位舒適，桌子大，座位多，當中有D枱PLAN左做卡位，職員當中會問我地有無來過食，無來過食就會介紹佢地的雞煲，會教我地點食法~~職員說會先食雞煲，後會再換個湯底打邊爐，唔同直接把雞煲加湯，哩個做法好貼心，一上雞煲，職員會幫你整一整個雞煲，上來時好香的雞煲味~~雞煲個汁真的好惹味，另外也有埋不同的配料，二個人食都有5成FULL，雞煲的雞都差唔多有半隻多少少，真的食到停唔到口，打邊爐方面我地點左個豬骨湯底，大大舊豬骨加埋粟米，蕃茄，真的好多料，另外打邊爐真的要推介佢地的肥牛，好重牛味，另外鵝腸真的推介，好油香好爽口，其他如墨魚滑，豬肉都唔錯，另外食完後，拿埋甜品，有埋COCO BERRY的ICE CREAM真的好開心~~2個鐘的飲飽食醉真的好開心。

我哋揀咗呢個套餐就係包左任食雞煲/鴨煲同埋黑椒豬手煲嘅如果你哋想嘅話都可以一次過食曬三款但係我哋覺得會太飽所以淨係食咗雞煲我哋呢個雞煲就嗌左小辣嘅我覺得辣度我都仲可以接受到嘅（因為我係一個唔係好食得辣嘅人，而我朋友係一個好食得辣嘅人😅😅）食落去亦都好惹味😋😋會令你有一種想Encore嘅感覺之後就講吓我哋嗌咗嘅肉類啦牛肉食落去雖然唔係最高質素嘅但係都幾重牛肉味😚😚而且都唔會太肥膩豚肉片食落去都唔會太乾食完肉類之後就講吓其他配料啦我自己就覺得佢哋嘅青口同埋扇貝都幾新鮮食落去幾爽口鮮甜😘😘跟住我覺得一定要食嘅就係豬頸肉因為佢嗰個咬口超正👍👍而且幾彈牙

雞煲、鴨煲、豬手煲全部任食🤣之前都成日約朋友食雞煲，不過通常雞唔係任食嘅，得配料先有得任食，但係今日呢間佢嘅雞煲、鴨煲同埋豬手煲，全部都可以任食呀，而且環境新淨，又坐得幾闊落，啱晒一大班人黎食，可以一次過試晒三個煲。首先揀想食嘅煲，攞上嚟已經好香，有人會炒幾吓，好快已經食得，雞煲夠入味，雞都幾嫩，好味。食完雞煲可以揀繼續食煲定係直接開始打邊爐。佢打邊爐嘅湯底都唔係求其加雞湯就算，而係好多選擇，麻辣、沙嗲、芫茜。。。基本上平時食開嘅都有，一啲都唔hea☺️配料選擇都唔少，有海鮮、各種肉類、丸、菜、餃。。。我就鍾意食白鱔、墨魚滑、響鈴、魚皮、雲吞。。。另外有個好大嘅雪櫃放咗好多配料自己任攞，仲有嘢飲同雪糕。

今次四個同事嚟食雞煲同打邊爐，因為呢度好抵食😆😆每人埋單唔洗$250首先我地食咗兩轉雞煲👍🏼個雞煲真係好好食，所以叫左兩轉，同埋佢可以走雞腳個啲，全部都係肉食完雞煲就打邊爐，我地叫左一邊係麻辣，一邊係芫荽皮蛋。個人比較鍾意芫荽皮蛋😆😆 用嚟打魚片好正。 但麻辣個邊用嚟打其他食材又好味。所以打邊爐一定要叫鴛鴦湯底🤓食物方面種類都有齊，有肉、海鮮、菜、餃、小食都有個人比較喜歡牛肉，好滑🤓同出面逐碟叫個d質素差唔多，但呢度任食😆 魚片都好正仲有啲炸魚皮同響玲山根甜品方面都有朱古力味、芋頭味、雲尼拿、紫糯米味雪糕/雪條總括嚟講好抵食

見好耐冇食雞煲今日同朋友一齊出去旺角食飯決定去食呢一間 任食雞煲+湯底火鍋🔥由於book咗6:30一入到去餐廳人流唔算多 （食到一半就開始人流多😆）餐廳座位距離適中 座位環境舒服😌⭐️餐廳用剔剔紙落單 -🔥火鍋。雞煲。鴨煲 $218@✨任飲任食2 小時 ✨-🐥Part 1 雞煲🐥我地先揀咗食雞煲😋上菜速度好快剛叫完就很快上菜 店員端上雞煲後 亦會幫手炒一炒啲雞肉 由於唔係好食得辣😂 淨係叫咗少少辣🙈但個辣度都好香 好惹味 雞肉size 件件都好平均 好入味😋 都好大舊 肉質都唔好好鞋 👍🏻👍🏻 食完會想再食 🤣 前後食左咗兩轉😛--🍲 Part 2 湯底火鍋 🍲心大心細 唔知揀咩好 最後都係+$20 轉鴛鴦湯底 香茜皮蛋湯 & 川椒麻辣湯 火鍋配料款式豐富 除左可以用剔剔紙之外仲可以去食物自助區拎取食物去打邊爐 特別推介呢幾樣食物較好食😋 👉🏻 美國肥牛：脂肪比例較重 較香👉🏻 鮮滑牛肉：手切牛肉 比較鮮嫩👉🏻 脆鯇魚片：唔算多骨 食落爽脆👍🏻 👉🏻 鮮蝦雲吞：皮薄餡靚😋 -⭐️食物自助區 要行去另一邊 有基本的肉丸 即食麵 炸魚皮 蔬菜類 特別喜愛 魚肉年糕✨✨ 內裡的麻糬好煙韌😍😍

今日同幾個同事慶祝其中一位被求婚係大家減肥之前梗係要繼續暴飲暴食要強調介紹返呢間雞煲超級抵食可以任食雞煲鴨煲同埋豬手煲！冇聽錯，係三樣都可以任食！！不過我哋鍾情於雞煲（食咗兩round)所以就無試到其他兩樣~.🔸雞煲bb辣啲雞非常之好食！入味之餘唔會太咸肉質好滑！🔸沙嗲湯微辣好野味，淥肉食好正！.🔸芫荽湯中和返重口味嘅雞煲同埋沙嗲沙攞嚟淥菜岩岩好🔸肥牛肥瘦適中，肉質幾好.🔸脆肉鯇超好食！！脆卜卜好少骨～.🔸海蝦，海蜆非常新鮮！唔會有沙🔸朱古力雪糕嘅朱古力味好濃，推介！飲品，蔬菜丸類同雪糕選擇都非常之多

【旺角•二鍋頭 】————————————————————————為咗任食去咗跑轉步先🙊 減低罪惡感嘛即使夜晚任食都鍾意早啲食飽消化訂位訂咗5:30🙊仲要相對少人啲呢度除咗雞煲仲有鴨煲同豬手煲 夠多樣性過百款火鍋配料仼食。🍯二鍋頭惹味雞煲偏食寶寶走了芫茜🙊 辣度可有幾個選擇唔辣。少少辣。少辣。中辣。大辣 今次揀了少少辣雞煲一上枱店員幫手炒香 口感如名一樣惹味重點係啲雞唔嚡 好多雞煲啲肉都嚡拾拾㗎😳份量唔多 但有得再叫 食到你唔想再食 唔使浪費🍯自選火鍋：番茄薯仔濃湯鍋基本食材都有 每樣試少少 海鮮,肉類 豬。牛。雞。羊打邊爐係要留意啲蝦😎肉質實正 。唔夠仲有雪糕雪條食 有榴連雪條😛但朋友唔食最後揀咗香芋同紫米雪條作完結。總結係 包你食到飽 第二日起身都仲飽緊🤪服務態度好好 有禮貌 又會介紹食材每食完一碟秒速收碟 枱面夠乾淨。餐廳環境：📸📸📸📸📸服務質素：😊😊😊😊😊食物味道：👅👅👅👅性價比：💰💰💰💰消費 HKD228/位（加一）✨✨✨✨✨✨✨✨✨✨✨✨✨#nkiki旺角 #nkiki火鍋 #nkiki雞煲 🏠 二鍋頭 (福苑) 📮 旺角西洋菜南街138號福苑2樓

尖沙咀任食雞煲放題話說好耐冇食雞煲啦，今日同朋友去開尖沙咀想一齊食嘢傾偈，兩個鐘放題可以吹吓水呀嘛。朋友想食火鍋又想食雞煲同埋雪糕，之後網上搵到呢間雞煲火鍋放題有齊晒，滿足晒咁多個願望😃餐廳座位舒適，桌子也夠大，座位多，又有卡位。環境比較清靜唔會嘈吵，仲有電視睇添～提供紙巾，豉油、醬料任添，自助形式拎火鍋配料（多款菜類、丸類、餃子、即食麵、響鈴、魚皮等等）、雪糕雪條、飲品（各款飲品、汽水等等）星期一至四自選時段兩個鐘放題$218+1，包雞煲/鴨煲和豬手煲任食，食完可以再食雞煲放題有得選辣度，我就揀咗BB辣😋除左雞煲，不會麻微微辣，很易接受。雞煲香口惹味，而且好入味，配飯一流👍🏻熱騰騰的雞件雞味濃肉質厚實，即食時肉會更嫩。最鍾意係入面嘅大大的鳳爪，吸晒啲精華。不過一煲得兩隻-3-想食多幾隻 XD 食完之後可以再添雞煲或者試埋其他豬手煲等等唔同廚師推介特色煲。到火鍋嘅時候職員會更換另一個專用鍋，有別於一般直接加水落雞煲打邊爐。可以揀多款自選湯底。每次落單都可以嗌10款火鍋配料，包括：肥牛、黑豚肉、滑牛、雞片、鴨件、魚片、海鮮等等。火鍋配料推介喺自助吧嗰度拎香菇餃子同埋泡菜餃子，係比較好食～

朋友鐘意食雞煲，一於嚟呢到任飲任食雞煲、鴨煲、豬手煲再加打邊爐～星期日去雞煲+打邊爐$228/2hrs，真係好抵食，晚市仲送大樽裝生力啤酒！點餐紙上面提供過百款火鍋配料，應有盡有，仲可以upgrade食和牛，不過今次食普通配料都夠哂飽，下次先再試～二鍋頭惹味雞煲 (辣度：小小辣)雞煲香濃惹味，每件雞都非常入味，香氣滿溢，而且好嫩滑啖啖肉😍除咗雞件，煲入面仲有鳳爪，份量幾足👍🏻黑椒豬手煲豬手煲唔係度度有，呢到竟然有得任食！豬手好大件，骨膠原滿滿，輕易就可以咬開食完雞煲打邊爐，火鍋湯底揀咗懷舊沙嗲鍋，店員唔會直接加湯，而係會收起雞煲換新煲打邊爐👍🏻邊爐亦食咗好多野：蜆、豬頸肉、蔬菜等仲有好多雪糕、雪條、食物及飲品，真係大滿足！