二鍋頭 (嘉芙中心)

營業中

休息中

餐廳環境寬敞，坐得唔會太迫，一班人傾偈幾舒服👍🏻我哋一行幾人叫咗個最基本嘅$198任食火鍋放題，加多$100仲可以任食美國SRF極上和牛，咁啱隔離枱有叫到，見到啲和牛都幾靚，有少少後悔冇加$100升級🥲食物種類來講都算幾多，就算係最基本嘅任食放題，都可以任食雞煲鴨煲同豬腳煲，仲有唔少海鮮可以選擇，出去自助區仲有唔同嘅蔬菜、丸類、飲品同埋麵食可以揀，仲有五至六款雪糕或者雪條做甜品，非常豐富🤣肉類方面，牛肉同豬肉嘅味道都正常，我個人就幾鍾意個豬肉片，豬味濃郁，又唔會太硬海鮮亦都幾新鮮，特別推薦魚類，肉質非常嫰滑👍🏻飲品方面除咗有普通嘅果汁汽水之外，仲有啤酒任飲，鍾意飲啤酒嘅人一定可以飲番夠本🤣除咗免費啤酒，呢度仲有啲係額外收費嘅酒精飲品，老闆娘極力推薦我哋飲其中一款sparkling wine,原來係供應商試呢度嘅雞煲之後推薦客人食雞煲嘅時候一齊飲，因為味道好夾，有興趣飲酒嘅朋友可以試吓🤣

同朋友幾個人諗住搵間任飲任食嘅火鍋譜可以傾偈坐耐啲，就揀咗呢間，地點非常方便👍🏻呢度除咗可以任食火鍋之外，仲可以任食雞煲、鴨煲、豬腳煲！可惜我哋唔係好多人，淨係試到雞煲🥲，叫咗BB辣，有少少辣識落非常香口，佢果種辣係帶有少少麻，非常過癮🤣，鐘意食辣嘅一定鐘意！然後我哋就開始打邊爐，湯底有好多選擇，我哋揀咗個豬骨湯，入面有好多材料，睇得出個湯都好足料～除咗有得點嘢食之外，出邊仲有唔少配料可以任攞👍🏻選擇好多係咁多款食物之中，我幾欣賞佢個白鱔片👍🏻就算煮咗好耐攞上嚟都仲好嫩滑👍🏻味道一流🤣另外不得不提店員嘅服務態度一流，定期都會主動走過來幫我哋加湯，老闆娘仲好熱情咁介紹咗啲酒俾我哋飲，原來佢哋其中一款sparkling wine係有生產商試完佢哋嘅雞煲之後，覺得同雞煲特別夾而推薦嘅，本來我哋幾有興趣試，可惜第二日要返工唔係咁方便飲酒，下次一定要試吓!

尖沙咀$198雞煲+火鍋兩食嘅吃到飽食店「二鍋頭」🤩鍾意食牛嘅朋友只係加一百蚊就可以升級任點極黑和牛、牛小排，真心抵嘅😌見現場都有幾款不同嘅原支酒供order，店員介紹澳洲里奇蘭汽泡酒，原來係酒商親自挑選，認為呢支酒配呢度嘅雞煲係最夾，有興趣不妨小酌一下🍾✅環境:地方大，座位間隔相當闊落，坐得舒服。今次坐窗邊位仲有落地大玻璃街景睇下，碗碗碟碟都乾淨企理，無污漬👍🏻✅雞煲/鴨煲/豬手煲任君選擇: 成日食雞煲，想試吓其他嘢嘅話，呢度都有得選擇。今次我哋就食返小辣雞煲😛 醬汁濃郁，加上超大方嘅海量芫茜洋蔥，連骨雞件食起來更滋味😎✅多款湯底選擇:揀左沙嗲湯底🥰上枱已經聞到濃濃嘅沙嗲味，色澤都好對路，私心推介最襯湯底嘅一定係出前一丁😆真係一絕💯✅食物推介:落單點嘅 肥牛唔會太肥有牛味，豚肉唔柴有肉香，花枝片爽滑脆口，雲吞新鮮，魚皮餃鮮中帶甜自助取嘅有蔬菜🥬丸類、餃子、烏冬。 推薦出面好少見嘅芝士波波腸🤤萵筍、韓國年糕、潮州魚蛋、魚片頭都食得過✅飲品: 罐裝汽水、樽裝茶、解膩嘅楊協成系列，多款口味嘅鴻福堂系列🤫重點係有打邊爐必備嘅啤酒任飲😚！！

好耐無打邊爐，今日同朋友試下呢間，$198可以兩小時任食雞煲、鴨煲同豬手煲，仲有一大堆火銅材料，性價比不錯！先試左個豬手煲，好有鑊氣，豬手炆得好淋同入味！推介～原來呢啲煲好岩跟烈酒，可惜果日無貨住，試唔到火鍋湯底點左芫荽皮蛋湯底，岩晒想食火鍋都比較養生既人睇下有咩火鍋料可以叫先！其實有好多！各類海鮮同肉類，雖然每次只可以點10樣，但上菜都幾快，同埋無漏單情況海鮮同肥牛都幾新鮮，要讚既係肥牛，油脂比例其實唔高，同埋牛味香濃，食得出新鮮高質！

行完街食食🤤🤤一定係打邊爐！旺角嘅buffets餐廳出名多選擇🍲二鍋頭嘅湯底同埋湯煲有特色，因為喺邊爐之前，你仲可以揀任食豬手煲，鴨煲，雞煲...所以佢嘅選擇比其他店好多。我哋今次試咗下佢哋嘅豬手煲😘諗唔到得非常之豐富，而且佢炆得夠林，所以每一舊都好有骨膠原，好好味。食完左豬手煲仲可以保留返啲醬汁落晒去打邊爐，佢哋嘅選擇都好多，如果最鍾意嘅一定係佢嘅蔬菜同丸類，菜🥦乾淨而且鮮甜夠新鮮😉

又係時候gathering, 二鍋頭喺尖沙咀開咗分店, 雞煲加火鍋放題兩小時, 性價比高, 咁就腳就揀佢去聚一聚！二鍋頭惹味雞煲雞煲、鴨煲、豬手煲三揀一。雞煲中辣, 有鑊氣好惹味, 小麻多辣唔搶口, 雞肉脂肪少肉厚嫩滑, 仲可以無限添食！正宗豬骨湯食完雞煲食火鍋, 揀咗豬骨湯底, 貪佢夠曬清甜原味道仲有骨髓充滿骨膠原。火鍋配料呢度火鍋配料勝在選擇多, 有美國肥牛、黑豚肉、豬頸肉、鮮雞件、鮮牛肉連鮮鵝腸同豬潤都有。我就覺得美國肥牛同黑豚肉都唔錯, 鮮甜嫩滑唔鞋口！海鮮就點咗海蝦、脆鯇片、脆鯇腩、白鱔片。海蝦爽口彈牙。脆肉鯇爽脆肥美, 鱔片軟嫩有魚味！自助區丸類、蔬菜、啤酒、汽水、雪糕就喺自助區自己攞！牛丸、貢丸、獅子狗、芝士腸一應俱全。除咗常見蔬菜, 呢度仲有新鮮山藥和蓮藕片！價錢確係實惠, 大家都食到滿載而歸！

今次搵左有海鮮食嘅放題！餐廳喺尖沙咀漆咸道嘅二鍋頭。裝潢簡潔企理，自助區無論蔬菜🥬飲品同甜品🍦好多選擇!【火鍋。雞煲。鴨煲】任飲任食兩小時 （星期一至四 $198/ 星期五六日 $218） 首先喺雞煲、鴛鴦鴨煲同黑椒豬手煲中揀一個，我地揀左惹味雞煲，醬汁超香嘅雞件配上特多芫荽！上枱後店員會立即炒幾下，香氣撲鼻！雞肉鮮嫩，麻辣味香濃！醬汁包住啖啖雞肉刺激味蕾！麻度辣度均勻，2人份量好足！食完就可以揀！湯！底！進入打邊爐嘅狀態🔥🔥🔥 🥣湯底有八款選擇，我地揀左清清地嘅香茜皮蛋鍋！特多香茜同皮蛋，湯底清甜！簡直係健康之選！除左自助區嘅大量蔬菜丸類，仲有幾十種其他肉類餃子同海鮮可以任點任食！每次點嘅份量都係按人頭比，每樣可以食小小又唔怕浪費食物！唔錯！🦑 🦐🐙今次邊爐主打海鮮 - 我地點左海蝦，墨魚仔、吊桶、帶子、鯇魚片、大蜆，樣樣都新鮮彈牙！推介！🥬蔬菜類 – 山根、鮮冬菇、杏鮑菇、金菇、唐生菜等🍤炸物 – 無限供應嘅炸魚皮同響鈴，酥脆又好味！ 🍜最驚喜同我真係煮左嘅-出前一丁！整體好滿意，係性價比極高嘅選擇！

作為ftm，難得有me time，可以約埋成班朋友出街食飯，當然要食得豐富啲！有朋友想食雞煲，另一個又想食火鍋，所以就去咗二鍋頭，可以一次過可以滿足哂兩個期望！店內嘅環境都幾闊落，而且冷氣夠（打邊爐最怕邊打邊流汗💦），先到嘅雞煲，辣辣地，幾惹味。雞肉唔鞋，好入味，正！然後就開始火鍋任食，起初以為係用番個雞煲底落湯做湯底，原來係會換過一鍋新嘅湯底，我哋揀咗豬骨鍋，湯底唔會過咸，食得出無味精。菜類、菌類、丸類、飲品、雪糕，仲有調味料係自助嘅，肉類同海鮮就係落單嘅。肥牛同黑豚肉片肉質幾淋，番點咗一次。海鮮方面點咗帆立貝、青口、蝦同花枝片，蝦肉彈牙，花枝角好爽脆，青口同帆立貝都好鮮味。呢度嘅炸魚皮幾大片同好鬆脆，忍唔住食咗好多，所以到最後食雪糕時已經好飽，今晚真係好滿足，雞煲同火鍋都唔錯，任飲任食兩個鐘只係200左右，下次可以再去。

與好姐妹去尖沙咀行街，我們都是大胃王，今晚特別想吃任食火鍋！火鍋店的位置很好找，方便。座位也十分闊落，坐得很舒服。有雞煲，鴨煲和黑椒豬手煲可以點，我們先來一來黑椒豬手煲，豬手炆得超級入味，完全不覺得肥膩，反而是啖啖骨膠原！大讚，重點是可以encore!! 但我們想留肚打邊爐，所以忍住沒有encore. 火鍋的材料很新鮮，想吃的應有盡有。丸類,菜類，麵類等等，蠻多選擇的，可以自己到外面自取! 朋友取了大量蔬菜，綠悠悠的，很新鮮呢。粟米也很甜，大粒又飽滿。稻庭烏冬必點是常識吧！其他的火鍋配料，就在紙上寫上數量，很快便送到眼前。我特別愛吃內臟類，這裡的內臟類食物清得很乾淨，吃得很放心。豬潤很香，起砂，不會很硬，必點。鵝腸也推介，很爽口彈牙的呢。墨魚滑也很彈牙，墨魚味香濃，完全不會腥，無得彈！飲品是自取的，選擇多，我最愛飲有口感的仙草爽，又清熱解渴,是火鍋的朋友！

晚餐時間同朋友一行7人去二鍋頭🍲疫情關係分開咗兩張枱坐我地就揀任食雞煲+火鍋(2小時$198+加一)除咗雞煲,佢地都有鴨煲或者豬手煲雞煲/鴨煲仲有辣度選擇,我地就揀咗小小辣🌶雞肉嫩滑夠入味,又唔會太咸其他配料好似洋蔥咁,食落都好惹味食完雞煲職員會收走個煲換另一個鍋打邊爐🍲我地就揀沙嗲湯底海鮮類、肉類呢啲就寫紙落單飲品、蔬菜類、丸類、嚮鈴、炸魚皮、雪糕等等都係以自助形式去拎嘅👍🏻食幾多拎幾多,唔洗做大嘥鬼整體食物質素都唔錯,服務都好好👍🏻加埋一平均每人$218走個陣個個飽到上心口有機會下次都會再嚟😁

雞煲同打邊爐，呢個組合相信大家一定唔會陌生，一坐低店員就好快啲同我哋介紹有三款套餐，第一款係正常打邊爐加雞煲，第二款係海鮮套餐，第三款係美國SRF牛。餐廳內外食物選擇因為我哋主要都係雞煲控，所以就揀咗最普通嗰隻打邊爐套餐。雞煲加火鍋 $198雞煲方面，如圖片所見，份量好多，都好入味，唔怕唔夠飽！肉質方面正常，不過我其實都係洋蔥控，如果洋蔥個量可以多少少，咁就完美喇。至於打邊爐我就揀咗沙嗲湯底，由頭開始到食完，一次湯都冇加過，可見店家比嘅份量真係好多，沙嗲味再濃啲就更加好食！自助區方面都好多選擇，飲品類，菇類，菜類，麵，同炸魚皮都係任夾人。其他肉同少量海鮮都係點菜紙揀。點菜紙嘅蝦好新鮮，唔係好似出面其他舖頭嘅雪藏蝦，所以次次落單都有揀。羊就帶羶味，未必個個接受到。

二鍋頭任飲任食都唔洗兩舊水，如果唔想食雞，可以揀返鴨煲或者黑椒豬手煲 總有一款啱你心水！如果鍾意食牛可以加錢upgrade牛魔王套餐，可以任食美國極黑和牛！冇加錢都依然有美國牛肉食～雞煲一上枱就已經香噴噴好惹味咁，原隻雞件嫩滑又多汁，店員再炒多兩炒，超香！一入口啖啖肉超級正～泰國冬陰功湯底打邊爐夠哂特別!!! 微辣，惹味，正!! 配料選擇都好多，可以落order，又可以去配料櫃任取! 配料都有任食海鮮蝦、魷魚、章魚仔、帆立貝等，好新鮮，好正!!飲品可以揀涼茶~ 最後仲有甜品，好正!!

很久沒有和好友們去打邊爐，好友建議選擇任飲任食兩小時的店舖，我們找到位於尖沙咀的二鍋頭，店舖很富有空間感， 而且座位十分舒適。不僅只是打邊爐，還有自選辣度雞煲，我們先吃雞煲，雞肉很鮮嫩，麻辣的香味濃郁，微辣已經很惹味可口。而火鍋款式也自由揀選，我們都是選料傳統的豬骨鍋湯底，自助區有很多火鍋配料，十多款配菜類、菌類、丸類、飲品、雪糕等。。。應有盡有，而調味料是自助，肉類有美國肥牛、鮮滑牛肉及黑豚肉等， 海鮮有海蝦、帆立貝、青口、花枝角、 生蠔等，美食總共超過七八十款款式! 啤酒、汽水和雪糕任飲，大家都吃得非常飽及滿足，兩小時實在過得太快，大家都建議再ENCORE。

二鍋頭 地址: 尖沙咀漆咸道南53-55號嘉芙中心1樓電話: 35905650================放題任食要立足不容易，香港人要求高，要抵食又要多野食，二鍋頭由旺角食到尖沙咀都有分店，同埋經濟實惠。雞煲，豬手煲同鴨煲任你點任你食，我同朋友點左特別架鴨鍋，淋上酒好香，我地兩個人落單時註明要半份，就可以試多些外邊有幾個凍櫃，食完雞煲就轉打邊爐，行出去自己拎飲品、蔬菜、丸等。有我鐘意架午餐肉同芝士脆皮賜呀！有雪糕呢

二鍋頭 (嘉芙中心)地址: 尖沙咀漆咸道南53-55號嘉芙中心1樓電話: 35905650================大食王出動，任食邊爐人均二百多元，著實是吸引人。有3種煲任食，雞煲，豬手煲同鴨煲，而賣點係3個煲都係可以任食。即試完雞又可以叫豬手同鴨，簡值不得置信。先點半份鴨，因比較少見，濃郁味道鴨味都很濃唔係比頭頭尾尾，都多肉食。飲品同蔬菜丸係凍櫃度自己拎，蔬菜都新鮮。罐裝汽水同啤酒任飲，亦都有得混醬同有雪糕，食完熱辣辣邊爐食返杯雪糕就是爽。