二撇雞

營業中

休息中

一眾打工仔，民以食為天，我一向都不是為啖飯而是為啖湯。出面吃，湯就算何等好飲都是有味精，要不就是一分錢一分貨，貴一貴的燉湯，油很多不啱胃口。當我點的黃酒葯膳雞來到枱頭，嗅了一下，那個濃郁的酒香，已知道真材實料，雞肉仍保持香滑，實在難得。我不再説其他食品，湯頭咁有質素，其他應該不用説！還有價錢非常合理，我相信湯料和價錢不成正比。食物質素是可以看到有心定無意。雖然我不是中午飯黃金期入座，但都仍然坐滿客，樓面只得一個，密密低頭幹著做，已知這店都是做實事！對於搬來3個月觀塘工作的我，尋尋覓覓，這店暫時是我的第一位。每日拼搏勞碌，這啖湯簡直是為自己打打氣，下午回公司繼續努力。

收工去左駱駝漆睇啲野睇左陣已經到食飯時間唯有喺駱駝漆搵啲嘢食下先—————————————————————最後搵到間主打食雞嘅雞嘅選擇種類繁多最後揀咗藥膳雞同海南雞再加啲小食由於食完花膠雞無耐所以中島今次決定海南雞油飯乾身粒粒分明雖然唔係去骨雞但都好細心咁將多肉同骨位稍作分離重點係完全唔會食到碎骨👍🏻雞肉嫩滑剛剛好浸熟而且隨餐仲有碗清湯咁多選擇下👨🏽竟然叫黃酒藥膳雞米線真係估佢唔到🤣本身佢唔係太鍾意食有酒味嘅嘢呢個上枱就聞到好濃嘅酒香味原來佢想補一補所以就試下米線索滿湯汁又有蟲草花同黨蔘補而不燥真係識養生🙈啲雞唔會煲到鞋晒似湯渣仲有小小醉雞feel小食叫左5樣因為好多樣都想試🤣失傳已久炸豬扒睇個名都知唔可以錯過即叫即做豬扒炸得好鬆脆保有肉汁切開見到仲帶有微微粉紅色 掂畢生難忘炸雞翼同上吹到禁大好難收科冇乜邊間能夠炸到咬落時候分得開皮同肉一的都唔油膩 知我咩料啦🤣呢個好撚脆堅好食問過原來係豆卜反轉釀入蝦膠炸咬落去真係連聽覺都食到野脆過薯片呀痴線😂雞絲粉皮呢個係因為好耐無食過而叫嘅粉皮爽口彈牙雞絲青瓜爽口清新最後俾個浸菜做結尾滿足又飽肚嘅一餐❤️❤️❤️—————————————————————

駱駝漆工業大廈入邊有好多餐廳，今日我就嚟到呢間新開嘅小店試下😜好撚脆真係如其名，好脆口🤩而且入口仲一d都唔油膩，入面嘅蝦好鮮好彈牙，推薦😜畢生難忘炸雞翼同埋失傳已久炸豬扒都係唔錯嘅小食👍🏻炸雞翼外脆內軟，雞肉多汁😋豬扒極之軟腍，同一般餐廳做嘅炸豬扒好唔同，難得👍🏻招牌海南雞，雞肉十分嫩滑，連雞皮都忍唔住食埋呀😬鮮茄濃湯肥牛配米粉，食得出真係冇味精，蕃茄夠鮮甜，細心望落去，見到米粉上面鋪滿洋蔥粒，細節位加分🤙🏻餐廳環境方面，座位闊落，坐得幾舒服😀員工們比我嘅感覺都十分之有禮貌，有耐性👍🏻

星期六同媽媽去咗駱駝漆行街街，我哋順便喺嗰度搵嘢食。呢度出名多餐廳，但又冇乜邊間好想再食😟，行到去四樓見到好似有間新餐廳喎，名叫「二撇雞」，門口幢咗個牌好似好抵食咁👍。如果唔睇餐廳名，齋睇裝修，會以為呢度係少女Cafe😚。首先大門有一大塊綠色人做草皮牆，而內裡油上粉藍色調，行海洋風🏝，俾人一種舒服嘅感覺。另外，隔版用上韓國男團嘅頭像，好鬼搞笑。以工廈來講，環境算好好，冷氣又夠凍。彩蛋部份：原來我頭頂盞燈係雀仔形狀🦜。餐廳嘅食物選擇唔多，老闆分享話因為想專注做好幾樣，我好認同呀🙆‍♀️，貴精不貴多嘛。菜式主打湯麵同飯類，另外仲提供各式小食同唔同口味嘅雞。全部食物定價都好平，主食最貴都只係$58，小食更加係$1X就有交易，加多幾蚊仲有埋茶添。咁嘅價錢今時今日可以去邊度搵呢？胡椒豬肚雞米線($52)，有幾款雞都想試，但講惹味一定係胡椒豬肚，而呢度嘅出品更無令人失望。湯好飲嘅先決條件係夠熱，呢碗符合標準✅。鍾意飲胡椒湯係貪佢浸辛辣味，可以醒醒胃、刺激喉嚨，呢度將辣味處理得恰到好處，易於入口，又好暖身🔥，如果冬天飲就啱哂。湯底夠清唔油膩，走味精，仲落咗好多料一齊煲，例如腐竹、沙蔘、玉竹同杞子等。餸

觀塘友知我平時少湯水，推介我黎#二撇雞，佢話呢間開咗一個月左右，廚司是酒店級人馬，佢話中午黎都要排隊買飯，皆因佢真係平靚正。好飲返碗花膠雞湯補下, 於是即刻約咗佢黎食番餐。呢間小店主打雞, 有花膠雞湯, 可配搭米線、米粉同上海麵, 好味又養生。 另外仲有、秘製口水雞, 海南雞, 胡椒豬肚…尚有雞絲粉皮, 好撚脆…惹味小食等唔同選擇。 老友之前試過雞， 故今次佢點了番茄肥牛配米線，番茄蓉的濃底很香濃。我點了花膠湯走麵，因又想飲湯，又想食佢嘅麻辣擔擔麵😛。花膠湯果然好正，雖然薄薄的，但都有4片，花膠有豐富膠原蛋白，可以補充蛋白質，亦有助滋陰潤燥，佢嘅價錢非常之公道。麻辣擔擔麵- 先辣後麻，辣度適中唔會嗆喉，麵質比較淋身。 小食-海南雞，雞香味濃郁，雞肉的確做到肉質嫩滑，鐘意食雞的朋友一定要黎食下啊。 

餐廳：二撇雞 (觀塘)地址：觀塘開源道60號駱駝漆大廈三期4樓O室我成日都話，小店先至能夠保持到佢哋獨有嘅特色同水準，因為好多時候老闆喺自己、店員喺自己、連盤生意都喺自己作為一個Foodie，已經慣咗捐窿捐罅去搵美食😋，今次就比我喺觀塘工廠區搵到一間開咗唔夠一個月、而且高質平價嘅港式粉麵飯樓上餐廳——二撇雞主廚喺名酒店出身，對餐廳所整出嚟嘅食物有一定要求同標準，務求客人食完之後會返尋味，而且整到一啲出面未必食到嘅原味道👍✝️黃酒藥膳雞米線 $52湯底每日自己熬製，絕無加入任何味精，超足料嘅湯底見到豐富嘅蟲草花、杞子、紅棗片等藥膳材料，香濃得嚟又滋補，滋補之餘仲唔會飲到好口乾，包你食完米線會飲晒成碗湯🤤，而佢哋嘅米線相對煙韌，同嫩滑嘅雞件互相配搭，每啖都滲透住藥膳香✝️招牌海南雞(半隻) $76餐廳用咗三黃雞，肉質幼嫩，皮同肉好易分開，入口味道鮮美，仲要啖啖肉，無血水，擺碟好靚😍，半隻鮮雞配以麻醬青瓜伴碟🥒，蘸埋鹹辣香濃嘅醬汁就更好食😎✝️好撚脆 $36將豆卜反轉包住逐隻手打嘅蝦膠，外層酥香鬆脆，咬開食到彈牙熱辣辣嘅蝦膠🦐，真喺好L脆啊🤣✝️失傳已久的豬扒 $26呢塊炸豬扒望落都已經夠吸引🤩，食

前幾日約咗個舊同學飯聚，佢話佢公司附近最近開咗間主打雞肉料理嘅食肆，問我是否有興趣一試，難得有人安排又唔使我傷腦筋，我當然樂意奉陪。餐廳環境很清新，門口設有一幅仿真植物牆，店內地方頗大，裝修簡約，牆上還有很多掛畫，佈置得很雅致，配上室內的梳化卡座，令人倍感放鬆！餐牌只有一頁紙，食物選項很簡單，分為五大類，包括粉麵類、飯類、主食、飲品類及小食。主食基本上都係以雞為主，有海南雞、蔥油雞、貴妃雞、口水雞及沙薑雞。我哋點咗一客蔥油二撇雞飯、一碗黃酒藥膳雞米線、餐飲，另外再加咗碟招牌海南雞，全部都係雞，睇下幾豐富。先吃押上了店名的蔥油二撇雞飯 ($46)，蔥油+雞，絕對係個無可抵擋的配搭。雞件分量不少，雞皮爽脆、雞肉嫩滑，雞汁帶濃濃蔥香，加上面頭鋪滿蔥花，用來拌飯吃，真係一流！外呢碗黃酒藥膳雞米線 ($52) 用料亦不欺場，一上檯就聞到濃郁嘅藥材香氣。舀起一嚐，湯頭富微微酒香，後味帶甜，非常適合女士飲用。雞肉幼嫩滑身，米線分量頗多，配埋蟲草花、杞子、木耳，性價比極高。至於呢碟招牌海南雞 ($38/例牌) 亦很值得推介，雞件色澤金黃，望落去有油光。雞皮爽薄不肥、雞肉嫩滑富彈性，雞味十足，不用蘸醬汁

睇個名叫二撇雞雞一定係招牌呢度主打無味精，雞雞雞有口水雞，海南雞，二撇雞。。。當然還有牛腩，豬扒，肥牛照顧不同人的口味花膠雞濃湯米粉先試個湯冇味精花膠份量多，而且都幾大塊喜歡雞另上雞皮爽脆雞肉嫩滑juicy細問下原來廚師即叫即軟而且日日清，唔過夜所以一定新鮮黃酒藥膳雞相比花膠湯味道較濃，充滿酒香味，微甜伴有蟲草花，紅棗好撚脆果然好脆豆腐卜釀蝦膠脆得黎不會dry蝦膠彈牙厚身花雕醉雞一樣滑嫩多汁好好味濃湯浸菜菜夠新鮮伴以濃湯好味新鮮

今日過左黎駱駝漆大廈買傢俬，行過4樓見到新開左一間專食雞嘅餐廳，岩哂我同媽咪啦，有海南雞，蔥油二撇雞，貴妃雞，重慶口水雞，沙薑雞等，一問之下原來廚師班仔喺酒店出身架👏我哋嗌左個招牌黃酒藥膳雞，黃酒藥膳雞上海麵好入味呀，我好鐘意香濃既藥膳味配合埋嫩滑既雞肉，藥膳味香得黎，重點係無味精，食得出大廚用左唔同既材料去醃製，上海麵既軟硬適中，果然係招牌菜，勁推薦呀😜香辣牛腩飯，超嫩嘅牛腩，口感超正，而香辣味道鎖住牛腩肉汁，食落層次豐富，令人愈食愈開胃，同埋愈咬愈滋味🤩半隻招牌海南雞，海南雞真係一試難忘，雞皮爽口，好薄身，海南雞中間有層啫喱狀😍細心地去晒骨，而雞肉好嫩好有彈性，配有三種自家製嘅醬汁，三種醬汁我都勁鍾意❤️好撚脆個名夠哂特別，一食落口果然要叫佢個名出黎呀，炸到脆卜卜既豆腐入面釀左墨魚同蝦滑，超級香口😋濃湯浸菜係用上海南雞嘅雞湯底浸成，食落去特別清甜爽口😚飲埋杯鹹檸梳打💕下次要黎試埋嗰口水雞先🙋🏻‍♀️

之前誤打誤撞經過呢間餐廳，本身見冇乜人又咁平以為係伏， 但啲同事話不如試下， 所以就入咗去食。 我叫咗個豬扒上海麵， 其他同事就叫咗花膠雞湯麵，黃酒雞湯， 豬扒好食，雞湯底超正， 真係幾濃郁， 黃酒雞嗰個湯勁香 ，完全有驚豔到！食到咁平又咁好食嘅麵，真係得九龍呢邊有！ 走嗰陣時個老闆走嚟問我哋啲嘢食得唔得，之後先知原來佢哋嗰陣先開咗幾日，話嘢食係無味精， 同埋好似話佢哋廚師本身係五星級酒店做嘅，依家自己出嚟開舖。試咗一次之後都好幾次帶佐其他同事嚟試其他嘢，次次去都越黎越多人，前日仲要落勁大雨都爆場＆有人出面等位等外賣，勁！我前日試佐花膠雞湯麵，個雞好食，去曬骨，個味比海南雞有少少唔同，佢會咸少少。58蚊都係幾抵食，次次我都飲曬啲湯，完全無口乾過，應該真係無味精。

今晚和朋友去了，駱駝漆三座四樓的二撇雞～我們點了～1.黃酒藥膳雞米線～HK$522.花膠雞農湯米線~HK$583.花雕醉雞 ~HK$364.好然脆~HK$365.胡麻雞絲粉皮~HK$226.濃湯浸菜~HK$187.咸檸梳打和凍檸茶~各HK$8首先介紹1.黃酒藥膳雞，濃濃的藥材味，非常吸引，另外湯內淡淡酒味，飲完沒有口渴一點都冇味精。是家嘅味道配埋上海麵超夾，湯有蟲草花、木耳、紅棗!!全部都係對女仔好好補品，使我和朋友不停享用，身體有溫䁔感覺非常良好！2.花膠雞濃湯米線湯底清甜到不得了！全部是骨膠原嘅感覺！可惜米線比較硬身，不合我口味！我比較鍾意淋身啲嘅米線！3.花雕醉雞非常重花雕酒嘅味～正正！而且啲雞極滑!! 和好入味⋯⋯抵讚4.好撚脆這個是用魚肉和蝦，搞爛讓落豆卜之內，上左啲粉再將佢炸，炸粉好薄好酥炸加埋甜酸醬好好味5胡麻雞絲粉皮粉皮幾有彈口，胡麻醬同青瓜絲非常配合而分量十足！撈完再食！極品！6濃湯浸菜這個是花膠湯底，湯底非常之甜，另配上小白菜同埋木耳、杞子非常可口！7.另外套餐加$8就可以換到飲品，非常便宜！

一向很喜歡發掘工廈美食😋 今晚選擇了觀塘美食臥虎藏龍區的駱駝漆大廈尋寶。 我和男友選擇了新開張的「二撇雞」。環境寬敞，坐得舒適，牆上有不同特色掛畫；食物款式都多而且價錢實惠！-⭐️黃酒藥膳雞上海麵 鮮雞色澤漂亮，肉質十分嫩口。藥膳湯底很特別。酒味香醇甘甜，入口溫和，無添加味精，養生又健康。有三款麵底選擇，分別是上海麵、米線、米粉， 我選擇了上海麵，份量多，口感彈牙。-⭐️香辣牛腩濃湯上海麵 男友是牛魔王，無牛不歡； 這碗牛腩米他很滿意。 湯底相對較清甜，牛腩軟腍入味又不失咬口，牛腩汁帶點辣味，刺激味蕾。兩款無味精用心製作湯底相當有質素，比起大型連鎖店的更要好吃！ -⭐️畢生難忘炸雞翼 俾個名吸引而叫的😜 由細到大都愛吃炸雞翼，果然有水準。 雞翼肥美，炸得皮脆肉嫩。即叫即炸，熱辣辣食品嚐份外滋味。⭐️失傳已久的豬扒 秘製豬扒有驚喜。 豬扒厚切，脂香味美，肉質鬆化！ 加入蛋漿去炸至金黃，油澀得夠乾不膩，炸粉夠薄夠脆。-⭐️花雕醉雞 花雕醉雞是我愛吃的冷盤；酒味香醇，加上師傅切雞的技巧，令雞件不失嫩滑。-⭐️蔥油二撇雞（例牌）除了醉雞，這份蔥味雞同樣高質素。 蔥油滑雞十分惹味，令人回味。-⭐️咸檸梳打 飲

聽聞最近日日lunch排晒長龍既海南雞海南雞飯價錢正常但品質勁高 仲要不加味精可惜今晚8點幾嚟到大部份雞都賣晒最後叫左一碗湯面及幾款小食 估唔到味道係咁得兩個人埋單只係$200 晚餐嚟講唔貴 重要咁高質$52 黃酒藥膳雞 米粉一上枱已聞到好香既藥材味第一啖湯已飲到好香甜既黃酒及紅棗味隨住而嚟係帶有微甘而不過濃既中藥雞肉嫩滑而且好香雞味米粉吸收晒湯汁既精華仲不帶油食得出係真材實料又花時間同功夫$36 花雕醉雞雖然係小食但份量係平時既例牌咁多重點係雞肉同樣嫩滑彈牙又不會浸得過老雞皮好香 只帶小小皮下脂而不過多油花雕酒仲帶有少少獨特after taste呢道菜好常見 但呢碟雞靚配方及處理都抵讚$22 胡麻雞絲粉皮 必叫！寛身粉皮晶瑩通透仲勁爽口彈牙胡麻醬正常 雞肉絲又係好食粉皮爽口撈埋滑身麻醬 呢度做得與別不同！仲要只賣$22 食完都包你話抵食$36 好L脆雖然價錢相對較高 但老細推介得當然要試下真如其名的確勁脆 估唔到豆卜做到呢個效果入邊填滿墨魚胶及大粒蝦仁 濕潤又彈牙雖然只有3粒但好足料 呢個價錢一d都唔算貴$21 畢生難忘炸雞翼$26 失傳已久的豬扒兩款雖然冇個名講到咁誇張但無論咬口及

朋友喺駱駝漆做嘢🤩話呢間好好食就帶我去食🤤一睇餐牌樣樣都咁平好想試晒😛不過肚就得兩個🙈盡試先🤤⁡1️⃣黃酒藥膳雞上海麵$52⭐️⭐️⭐️⭐️⭐️呢個極度推薦❣️好味到懷疑人生🤣本身都好驚會唔會好重藥材味或者酒味🥺但食落一啲都唔會反而好清甜🤤有少少似台灣嗰種麻油雞嘅感覺不過一定冇咁油🤤湯底有蟲草花‼️木耳‼️紅棗‼️全部都係對女仔好好嘅補品🤣第一次食麵係會飲晒碗湯🤤飲完一啲都唔口渴冇味精❣️完全係住家嘅味道👍🏻配埋上海麵一流👍🏻👍🏻👍🏻條條都索晒啲湯汁❤️‍🔥⁡2️⃣花膠雞濃湯米線$58⭐️⭐️⭐️⭐️⭐️湯底意想不到地清甜‼️滿滿骨膠原嘅感覺❣️不過米線硬咗啲❤️‍🔥我比較中意淋身啲嘅米線😛⁡3️⃣花雕醉雞$36⭐️⭐️⭐️⭐️好重花雕酒嘅味😆好正❣️而且啲雞極滑‼️⁡4️⃣好撚脆$36⭐️⭐️⭐️⭐️⭐️呢個係用啲啲滑去炸‼️炸粉好薄好酥炸🥰加埋甜酸醬好好味😋⁡5️⃣胡麻雞絲粉皮$22⭐️⭐️⭐️⭐️粉皮幾有彈性❣️胡麻醬同青瓜絲都好足呀❣️撈完再食😛⁡6️⃣濃湯浸菜$18⭐️⭐️⭐️⭐️呢個同樣係雞湯做底加小棠菜‼️啲菜啱啱好但我鍾意食淋啲嘅🙈⁡喺附近嘅朋友可以試下呀‼️