二少廚房 (已結業)

今日想食得健康啲，路過附近諗起二少廚房，好啦今晚一於食手撕雞😍.揀咗麻辣手撕雞泰國絲苗香米，仲加咗個推介嘅花膠燉雞湯同豆漿.花膠雞燉湯好清潤，仲跟埋湯渣，有花膠、雞件、冬菇同瘦肉，果然係落足料呀，飲完即刻滋潤晒🤣.麻辣手撕雞都好好食呀，雞肉嫩滑juicy，同惹味嘅麻辣醬真係絕配，麻辣醬好香，唔太辣但係夠麻，唔覺唔覺就食晒成個飯！.跟餐仲叫咗杯豆漿，豆漿香濃有豆味，甜度啱啱好，好飲👍🏼.整體嚟講都好滿意呢個手撕雞，見佢地除咗飯，仲可以選配米線，下次要再試試手撕雞米線先🤩

炎炎夏日，渴望去旅行o既我o係疫情之下亦只可以日日留o係香港發吽哣，不過o黎到呢個工廈區foot court，未揀好食邊間之前，已經從佢o既裝修設計，感受到一昧歐洲小鎮風情。白色o既臨海小屋、風車徐徐轉動o既磨坊、不經意探個頭出來o既異國美女；幻想下而家過緊呢d 慢活生活，人都開心d。最後揀食呢一間食肆，因為佢都sell 緊滋補燉湯，見佢好幾款都有提到「潤肺」、「補氣」呢類字眼，肺炎呢d 非常時候更加應該從食物之中養生。點一個套餐加$13 就可換到原價$45 o既湯，感覺幾抵。揀o左蓮藕雪梨雞湯，原盅直上，非常足料，裡面仲有栗子同雞腳。濃湯加上粟米、雪梨o既清甜， 我覺得就算standalone 都係值得叫！主食我o益o左一份日式芝麻醬手撕雞套餐($57)，原本係配飯，不過轉o左一個濃湯魚湯米線(加$8)。d 雞本身已經調好味，點埋胡麻醬當然就更惹味啦~ 個魚湯相比我食過o既其他魚湯米線，呢間就比較清淡一d，調味o個度比較輕手，但d 粉都一樣都係咁爽滑。跟餐原本送一杯o野飲，不過無得同個湯雙重優惠，所以單叫o左一杯豆漿($12)，冰凍解渴。另外仲叫多o左個好正o既甜品，就係涼粉喇！太耐

觀塘愛琴坊Food Court幾方便，有幾間嘢呢間係觀塘返工嘅朋友介紹，主打燉湯、手撕雞林鄭話夜晚唔俾堂食，只好叫外賣肺炎期間食得健康啲都好，$70有手撕雞拼燉湯餐，幾抵食！燉湯有4款，但7點已好快無晒得返蟲草花雞湯，花膠燉雞湯、蓮藕雪梨雞湯、蓮藕蜜棗排骨湯都售罄湯料充足，有好多蟲草花、煲得軟爛嘅雞腳、雞肉、豬肉精華滲透燉湯，平時我煲湯唔落鹽，略嫌鹽灑多咗少少雞腳等湯料令燉湯有微微膠質感，雞湯幾香，蟲草花好香濃郁甘甜，唔算太油膩，暖笠笠又溫潤滋補套餐薑蔥手撕雞配飯就$57，手撕雞份量唔少，配搭生菜、白飯或米線雞肉有雞髀、雞胸肉，唔算韌同嚡口，雞髀肉較嫩滑，白肉始終健康啲薑蔥油另上，蘸雞或撈飯都可以，雞肉唔蘸蔥油會略淡、略乾蘸咗就有蔥油香味，似港式燒味嘅蔥油另一款係招牌鹽焗手撕雞配飯 $60，份量同樣多入口微鹹，雞肉亦算細嫩，唔油膩，味道相對唔重套餐+$8可以配2款魚湯米線或拌麵當中酸辣魚湯米線以酸菜、腐竹配搭魚湯米線，份量充足酸辣味稍輕，有輕微開胃感，有少量薑味，有幾分似譚仔米線另一款有秘製醬拌麵，拌麵驟眼睇辛辣感重但事實上麻醬、辣椒份量唔多，只係微辣感，醬汁唔算油膩，食落似有豆辦醬配

牛頭角同觀塘既中間，係愛琴坊入面既健康食品。二少廚房，我個人非常推薦，肺炎其間唔想食炸野，想d健康d既湯水，呢間好岩我。店員既服務態度好好，亦都好有耐性慢慢同我介紹。最後我叫左招牌花膠瘦肉湯加配招牌客家鹽焗手撕雞飯 ，70蚊。我自己加左一杯豆漿12蚊。花膠好大舊好入味，好補。湯中仲有鮮雞肉，精華入哂啖湯到，完全冇味精既感覺。而手撕雞我都係叫左最多人揀既招牌客家，都係好鮮味，配埋胡麻醬，別有種風味。個人好鍾意呢一間，推薦！

因經開呢頭做野，辦好事後已經挨近六點，咁又要唸買咩返屋企食，見佢有手撕雞配燉湯餐，於是就叫了麻辣手撕雞配秘製拌麵☺️手撕雞份量都多啊，配上生菜，將雞肉撈埋麵一起食，佢個麻辣度感覺是bb辣，啱一些唔食得太辣的人仕食，而雞肉咬落是嫩滑同埋夠味，個撈麵醬汁又唔係太油，整體來講都好味😋配了花膠燉雞湯, 有湯渣附上，見到是有雞肉，冬菇以及花膠，湯飲落都有膠質感覺，啱我呢d無飯家庭，因都想家人想滋補一點，都加配了一碗比家人飲用☺️而且價錢十分實惠，故再經過一定會再試其他湯啊☺️

燉湯83分，手撕雞飯72分。外賣拎到返屋企，啲湯都仲熱，飯都仲暖。🔷 燉湯($42) (跟飯+$13)好足料，食到好多湯料，燉得好濃郁。 .🔸花膠燉雞湯有兩隻雞腳，兩隻菇，花膠。雞湯好香菇味。.🔸蟲草花雞湯好多蟲草花，雞腳，雞件，瘦肉。個人好喜歡蟲草花味。.🔷手撕雞飯($57)手撕雞，青菜，白飯都有分隔，餸菜汁唔洗撈埋一齊。.🔸麻辣手撕雞泰國絲苗香米辣椒油另上，可以自己調校辣度。雞都都幾juicy，咬落唔韌，唔乾。.🔸日式芝麻醬手撕雞泰國絲苗香米一食落有麻油香味，手撕雞有淡淡芝麻醬幾正。手撕雞幾嫩，唔硬。

二少廚房 今日放工後突然非常肚餓，於是同朋友係附近搵野食。去到一個小商場裏面係FOOD COURT，我地叫左一個招牌客家鹽焗手撕雞飯同一個薑蔥手撕雞飯，其中一舍豆漿轉左蓮藕砠梨雞湯。招牌客家鹽焗手撕雞飯既手撕雞份量頗多，味道都唔錯唔會過咸，亦有少量生菜，飯量適中。薑蔥手撕雞飯味道同客家鹽焗手撕雞差不多，只係多左薑蔥比較惹味。至於蓮藕砠梨雞湯，好足料亦非常熱，帶住濃濃既粟米甜味，不過如果可以落少Ｄ鹽就比較好。

今日要到官塘分公司做嘢，放工差唔多7點，所以係公司附近鴻圖中心搵食，因這中心地下有好多選擇，行過「二少廚房」，見這餐廳有賣燉湯，同時只要點任何飯餐，加＄13就有一盅靚湯，都真係好扺食，燉湯選擇有四款，有蟲草花/花膠/蓮藕雪梨雞湯，蓮藕排骨湯蓮藕排骨燉湯有排骨、蓮藕、章魚、紅蘿蔔，排骨大大嚿好足料，入口好清甜，有章魚鮮甜味，蓮藕爽脆麻辣手撕雞拌麵餐本身跟一碗飯，轉拌麵就加＄8，拌麵清爽，撈起都好大碗手撕雞肉質嫩滑，加上麻辣醬汁，非常惹味，越食越想食

今日食左個好好味嘅媽咪味燉湯同手絲雞飯😍😍媽咪味姐係健康，無味精，大大份有家的味道估晤到係觀塘工廠區都有呢啲咁正嘅餐廳！今日嚟到二少廚房，叫左麻辣手絲雞泰國絲苗香米同花膠燉雞湯😍朋友叫左家鄉鹽焗手絲雞泰國絲苗香米同蓮藕蜜棗排骨章魚湯我要讚下個泰國絲苗香米，第一啖食落去個飯好香，不嬲唔鍾意食飯嘅我今日食晒成碗飯😍😍手撕雞全部肉都好呀應該係全部都係雞俾肉，滑溜d肉晤會鞋，細心位👍🏻麻辣醬係分開俾你㗎，可以按着自己嘅辣到佢加添醬汁！花膠燉雞湯💛燉湯黎講我真係有啲要求，首先要足料同夠味，花膠湯有2大件花膠，冬菇，雞肉，味道香濃係媽媽嘅味道蓮藕蜜棗排骨章魚湯💛同樣成兜都係料，所以好濃，好正，黎到一定要飲湯，加上飲完無口乾，姐係無味精啦，得牙👍🏻👍🏻整體黎講，好鐘意呢到，湯好飲，飯好食，雞好嫩👍🏻👍🏻真心推薦比你，屋企小湯水飲，黎呢到試下個足料靚湯啦😍😍😍

在觀塘附近辦完事情😝，有點餓了所以去找點東西吃吃吧🤤。逛到去了位於鴻圖中心的美食廣場，看到很多同種類的菜式選擇。靜靜想吃點健康食物，看到這家就決定試，因為有滋補湯水售賣🤭🤭。💥蟲草花雞湯 HKD$42，這個湯清甜又很多材料😍，而且還要是滋補湯水更棒💕。湯品具有不錯的功效：滋陰補腎/止咳潤肺等等之功效，飲多一點也不怕😋。💥滋味水餃套餐 HKD$57，選擇了白菜豬肉餃配粢飯，味道雖然簡單，但味道不錯很飽肚😊。跟餐飲品選擇了常溫青檸蜜，味道酸酸甜甜很潤喉。另外有飯/麵食跟湯品套餐供應，價錢是HKD$70，這個價錢可以接受😆。食物素質不過不失，價錢一般，但性價比不錯因為可以吃到飽飽的。

原來呢間大廈樓下係food court,唔同檔位唔同style,想食咩風味都有。作為女士真係想貪靚，每日keep住補充骨膠原，加埋個燉湯就最好啦。平時返工又唔會得閒自己煲湯，真材實料的湯真係好難得。飲落知道佢冇加味精，清清地好好飲！

行過見到呢間門前好多人等，仲有韭菜水餃配粢飯糰套餐，因為好耐冇食好掛住，所以即刻試咗下。餃子方面，韭菜好香好好味！湯底清清哋都唔錯。套餐入面，我好鍾意佢嘅粢飯糰，因為入邊包住好香口嘅油炸鬼同埋配菜，調味啱啱好，食落去好夾！糯米煙韌有口感，食落好正！下次一定要再去食過！外賣快手衛生，值得一試！非常好味好好食，而且速度好快，就算附近番工一族，lunch time 放break 都會係一個good choice!

觀塘搵食第二天，今日想食得清淡得嚟又滋補啲，所以揀咗呢間二少廚房，我就係貪佢有湯飲。呢度有湯有飯有米線有水餃，選擇都幾多！左諗右諗咗一陣，因為今日好肚餓，最後都係決定揀配個絲苗白飯。打開個飯盒嗰吓覺得自己呢餐都幾健康，有菜有肉仲有湯飲，好耐未試過出街食飯都可以有均衡飲食，哈哈！呢個花膠雞湯非常足料，入面仲有一隻雞腳同一隻冬菇，又有得飲又有得食。我揀咗日式麻醬手撕雞，不過其實手撕雞本身都好夠味，所以最後我係生菜撈麻醬咁食，好味又唔駛做大嘥鬼。好耐冇食過粢飯，所以特登加配咗一個粢飯，留返下午茶食，雖然食嘅時候已經凍咗，但佢嘅飯仍然保持軟身，入面都好足料，讚！

Last time we came to 鴻圖中心 and passed by this 二少廚房 but didn't get to try. I already had dinner but wanted to get something for supper when I passed by it this time.It was a small counter near an entrance of 鴻圖中心. There were some seats just outside the counter for you to eat in. There were 5 手撕雞 sets including steamed Jasmine rice. Each set of rice plus soup cost as cheap as $70. All the sets could be converted to 魚湯米線 or 拌麵 at $8. All sets came with a complimentary soy milk or hot jasmine tea. Bu

今日咁岩要去觀塘meeting﹐開到夜一夜，返唔到去屋企食飯正當我愁緊今晚食乜餸嘅時候見到間聲稱有「家的味道」嘅二少廚房咁呀緊係try try佢啦！叫左個「招牌客家鹽焗手撕雞泰國絲苗香米」同個「花膠燉雞湯」set咁order都係60$ 加13$ ﹐咁唔差左加多杯豆漿今晚唔算多人，呢個類似food court嘅area都幾好坐所以好有心情影到個餐好靚lol手撕雞飯嘅雞唔會太死鹹加上我本身食得比較清淡，呢個飯好岩我口味。雞肉唔會乾，都仲有啲肉汁，送飯超開心仲有啲菜伴碟簡，哈哈，呢個均衡嘅飲食真係家的味道想講個花膠雞湯我真係好like出去飲湯我最怕係唔夠料、唔夠味...明顯呢個湯就冇犯呢啲低級錯誤清得黎又有雞味，仲要搭多粒冬菇添一個打工仔，放工仲可以食到呢個飯，飲到呢個湯，真係要感恩啊