二少廚房 (已結業)

二少廚房位於鴻圖中心美食廣場靠門口位置，點了麻辣風味手撕雞$57轉秘製醬拌麵+$8。秘製醬拌麵有豆板醬、花生碎、青瓜絲舖面，夠香辣有咬口，味道豐富，如果配料加埋芽菜就會更清爽。麻辣風味手撕雞:麻辣醬同手撕雞分開裝，客人可以根據自己的喜好決定加多少麻辣醬。麻辣醬係先麻後辣，內裏有粒粒辣椒麻椒籽，所以麻辣手撕雞越食越開胃惹味。旁邊配上生菜，清爽解辣。 豆漿值得一讚，有豆味得來又唔會太甜，同樣可以解辣。花膠雞燉湯:盅仔用裝住，湯底入口温潤濃郁。入面仲有件花膠同幾件三件雞同雞腳，飲完暖笠笠好補身﹗

H 薑蔥手撕雞泰國絲苗香米 $57其實我係超中意食雞，因為雞肉始終是白肉，比紅肉是健康點。同埋感覺冇咁肥～而私心當然開心最鐘意食手撕雞， 因為啖啖肉！今次呢個手撕雞飯勁滑，而且唔算多肥膏，啱晒OL！而且再配上港式燒味薑蔥真係冇得頂，（我下次會叫佢多薑蔥，因為可以撈埋飲食！）C 蓮藕雪梨雞湯 ($13加配價)坐Office坐得多，皮膚同喉嚨都乾乾，所以飲返杯雞湯岩晒！我覺得佢最方便係用杯裝，係公司都方便飲⋯⋯不過就比較細杯～整體而言，我覺得LunchTime可以飲到碗雞湯實在太爽，真係好舒服！真心推介喺觀塘返工嘅朋友可以落去飲番杯靚湯

有時坐一日係公司，中午都想出去行下食過飯😂。 會試唔同嘅餐廳。 最近天氣咁反覆，身體多毛病，想飲燉湯補一補！ .呢間係牛頭角同觀塘中間，美食廣場內既餐廳。佢推介健康手撕雞及燉湯。.薑蔥手撕雞 配秘製醬拌麵（$57+8）- 手撕雞好嫩滑，味道剛好，唔太鹹，配薑葱好香。 特別鍾意個拌麵，醬汁辣辣地幾開胃，配上花生同青瓜絲，好好食。 .蟲草花雞湯 （跟餐只係加$13） - 落大雨，個人又濕又涼，熱熱既湯飲落去，覺得成個人暖哂，立即精神返。 湯料好足，有肉有雞腳有蟲草花～～.堂食又得外賣又得，個美食廣場都裝修得幾靚。 服務態度友善，佢介紹食物俾我呀。.餐廳主打健康美食，我覺得好重要啦！

二少不再賣甜品～～～對上一次黎鴻圖中心嘅時候嚟咗呢一間二少食佢哋嘅甜品 印象好深刻 因為佢哋嘅甜品好好食我仲記得上次食咗雜果涼粉 裡面好滴多雜果 超級足料 所以難得今次路過 又捉咗大舊過嚟陪我食甜品 點知嚟到之後發現 原來佢哋最近轉左型唔買甜品 賣其他嘢食～～～雖然冇甜品但係啲其他食物網絡都好吸引所以我哋就叫咗一個手撕雞撈麵套餐 一杯豆漿 同一碗排骨燉湯～～～手撕雞同撈麵份量都好多夠晒我哋兩個人食 鹹鹹地嘅手撕雞同 辣辣地嘅撈麵好鬼夾 我哋兩個你一啖我一啖咁 好快就清晒全部食物 ～～～豆漿就好重豆香味 上次好似都有飲過 而今次飲都仲係覺得幾好飲 可惜今日佢哋嘅豆腐花賣晒如果唔係我估佢哋嘅豆腐花 應該都唔錯～～～最後排骨燉湯入面都好足料 章魚味好重 湯底亦都唔係太油膩 感覺幾養生 幾抵飲～～～推薦度：🔥🔥🔥🔥🔥🔥🔥🔥二少廚房 (觀塘)觀塘巧明街94-96號鴻圖中心地下6B-6C號舖

每日生活喺繁忙之中，忙碌嘅工作令人窒息☹️ 所以中午食飯時唔會待薄自己，好好享受一個鐘嘅lunch hour。公司附近二少廚房專賣手撕雞飯，仲有滋補燉湯。我今日叫左招牌客家鹽焗手撕雞。+$8 轉魚湯米線。又香又濃嘅魚湯，加左少許薑片行氣活血。手撕雞細嫩幼滑，啖啖鹽局雞味，喺家鄉嘅味道。 +$12 就有花膠燉雞湯，為百忙嘅工作增添一點滋潤。仲有豆腐花食，幼滑口感甜在心頭。食完一頓午飯，繼續為生活拼搏。仲有煲仔飯食架！

Healthy take away meal .✮滋補燉湯+手撕雞套餐 ＄70‣蟲草花雞湯配1款自選手撕雞套餐
Corduyceps Flower and Chicken Soup with Shredded Chicken Set 功效:益腎陽 補肺陰 止血化痰 健脾益胃

一值期待街上會賣比較多這一種健康餐，港式比較多普遍炒粉麵飯罕有地這家二少廚房賣的是健康少油少鹽的餐、有菜有肉有飯而且有多款養身燉湯可選，除了蟲草花雞湯,花膠燉雞湯,蓮藕雪梨雞湯,蓮藕蜜棗排骨湯選擇全部都各有功效,平時注重健康的人有福了，價錢合理而且湯料充足，味道濃郁，不含味精絕對值得一試。‣ 薑蔥手撕雞泰國絲苗香米 $57Ginger & Green Onion Shredded Chicken,Served with Steamed Jasmine Rice

雖然是薑蔥手撕雞，但是絕對不油膩，鹹味剛剛好，三分一白灼生菜與薑蔥手撕雞的比例剛剛好‣ 招牌客家鹽焗手撕雞泰國絲苗香米$60The Signature Dish - Hokka Steamed Shredded Chicken,Served with S

觀塘一向人多餐廳多，發現咗巧明街隱藏咗個小food court, 被門口位置呢間嘅花膠湯吸引咗。揀咗「花膠瘦肉湯」原個燉盅熱辣辣，勁足料，有冬菇．花膠．雞肉。唔味精，飲完都唔會口渴，養生之選👍🏻加$28配埋「招牌客家鹽焗手撕雞」配酸辣魚湯米線，湯底好好味呀😍手撕雞同生菜分開擺放，好貼心...雞肉好新鮮，夠哂味😋今餐簡簡單單，但食得好滿足，好抵食，自己買料燉湯都飲唔到咁好質數👍🏻下次要再嚟encore試埋其他款🥰

去到觀塘食晚飯呢度不嬲都有一個美食廣場選擇多位置方便今次嚟呢度試吓依間二少廚房座位整體舒適可以同朋友傾偈餐牌選擇唔多我哋嗌咗兩個飯一個湯配豆漿餐具都係即棄使用唔太環保但疫症期間相當衛生我哋叫咗個薑蔥壽司雞飯同埋招牌客家鹽焗手撕雞飯打開見到壽司雞同飯分開放手撕雞嘅味道有啲醬料比較清淡而菜亦都係白灼冇特別多嘅調味整體令人覺得健康清淡薑蔥手撕雞就另外再配上姜戎另外叫咗個花膠燉雞湯味道同樣都係比較清淡冇特別濃嘅調味入邊嘅湯渣都多

好耐之前嚟過一次位於觀塘鴻圖中心的二少廚房，果次淨係嚟飲湯，已經知道這裏的燉湯十分之正。今日一個人無無聊聊途經鴻圖中心諗住入去搵啲嘢食下，見到二少廚房嘅餐咁抵食，嗱嗱臨落單食好嘢。原來呢度除咗燉湯正最出名嘅仲有手撕雞，本來一個燉湯都要40幾蚊，原來叫過手撕雞飯餐加埋個燉湯都係60幾蚊，我再叫多杯嘢飲同埋叫咗碗豆腐花，買單都係$90唔使，真係平靚正。出名嘅手撕雞真係名副其實，配上蔥油香味10分，手撕雞又亂又滑，一啖白飯一啖雞肉真係好好味，大大碗飯同埋手撕雞有好足料真係超抵食。燉湯更加冇得頂，叫咗碗花膠雞燉湯，又係十分之足料。大大嚿花膠同埋好多舊雞，真係飲碗湯都會飽飽地。最後食埋碗豆腐花當甜品，豆腐花單買都係$7到，就算平時唔食飯叫碗豆腐花食下都係好抵食架。今次真係食飽飽又抵食，下次自己一個人就諗都唔使諗直接過嚟搵好嘢食，搞掂。

呢日公司較多同事 work from home，所以中午獨自一人出外食飯。因為早兩日到過一家主題餐廳食 lunch，沿途經過看到，突然想起就去食。雖然地方雖小，座位不多，但因為較多人點叫外賣關係，所以要揾位也不太難。日式芝麻醬手撕雞泰國絲曲香米手撕雞的肉質嫩滑，份量都唔少，配埋日式芝麻醬很開胃，更有胃口食多兩啖飯。花膠燉雞湯呢個燉湯味道清清地又少油，花膠仲要大大塊。以為盅仔細細，裡面有三件雞，飲完是暖暖的。呢度有室温的豆漿，口感淡淡的帶點滑，很喜歡的。

今日同同事食lunch, 但最近疫情不穩，我哋都係決定外賣自取。之前二少廚房主要賣甜品，今次行過見到好多人排隊，原來佢轉左餐牌，主打靚湯同手撕雞飯。由於啲湯賣晒我哋就決定要兩個手撕雞餐，跟凍豆漿。先講吓我個原味手撕雞餐，啲雞絲都算幾好呀，個飯都軟硬適中，唔錯。同事叫嘅麻辣風味手撕雞就好惹味，佢跟左手拌麵，佢話啲麵質唔錯，連埋麻辣手撕雞一齊食，會越食越開胃！個豆漿值得一讚，有豆味又唔會太甜，非常好！下次我會早啲去，以免啲湯賣晒，好想試吓佢啲湯係咪都係咁正！

今日唔食包😂 今次去觀塘食！-🥠🥛粢飯 (早餐跟豆漿 $22 可跟餃子餐)上一次食粢飯 係好多年前嘅事糯米飯軟熟 裏面嘅油炸鬼肉鬆同榨菜係熟悉嘅味道呢度朝早八點開門 想食嘅話 可以嚟買個晨早套餐又或者好似我咁 瞓晏啲買嚟當小食-🥟韮菜豬肉餃子 (八隻加粢飯 $57)韭菜豬肉做餃子餡係絕配 韭菜濃烈嘅味道出晒嚟 非常突出 餃子皮超薄 最好先食完餃子 避免喺湯中太耐而令餃子皮發稔 另外有大量生菜 健康走油 值得一讃👍-🥣花膠瘦肉燉湯 (單點$42 跟餐加$13）呢個湯係熱賣 骨膠原極高 所以熱湯入口有啲膠口勝在原汁原味 女士養顏之選呀想口味清淡啲嘅 有蓮藕排骨或蓮藕雪梨-🥣蟲草花燉雞湯 (單點$42 跟餐加$13)堂食之外 外帶一個燉湯返屋企 用料十足雞肉嫩 蟲草花具食療功效 保肝益腎 營養價值高食完飯飲 話咁快 燉湯同湯料 已經俾我極速完成🙈-📍觀塘巧明街94-96號鴻圖中心地下6B舖

某天晚上路過觀塘鴻圖道一間叫二少廚房既餐廳，環境整潔，燈光明亮，隔離附近仲有幅幾靚既畫，坐低要先到櫃面落單，叫左一碟奶油蒜香櫻花蝦手撕雞飯，手撕雞肉好多好淋，而且仲係雞脾肉既部分，醬汁味就比較濃左d如果可以再清淡一點無甘濃味食會更好，飯同雞既比例都好足料，仲有叫左盅滋補燉湯補下，燉湯不含味精，花旗參燉烏雞好足料嫁，入面好多烏雞肉，未飲已經聞到好濃郁既花旗參同雞湯香味，入口香濃，仲加左兩碗豆腐花同一杯豆漿。價錢合理，好平好抵食。

今日同同事忙到搞掂晒手頭上既野先發現原來已經過左lunch time啦,肚超級肚餓之下衝左落樓下food court到買個快飯食.一入門口諗起其他同事有推介過呢間既手撕雞就快去點左試試.薑蔥手雞配泰國絲苗香米,手撕雞肉香滑,就算食到雞胸肉都唔會覺得特別鞋口,連住少少雞皮帶點雞油香味.加上薑蔥蓉令雞肉本身既鹹香更突出,送飯啱晒.麻辣手撕雞配泰國絲苗香米,就算係出自同樣既手撕雞,將薑蔥換上麻辣醬帶出黎又係另一種風味,麻辣醬先麻後辣,內裏粒粒辣椒籽食完成頭出晒汗,多晒刺激.見到店內有4款自家燉湯幾吸引,忙左成朝當然要補一補,可惜今日太晏得返花旗參烏雞湯一個選擇.燉湯真材實料,湯底清澈,內裏好濃花旗參味甘香,對我黎講花旗參味略為過重偏甘,同事就覺得啱啱好.套餐附送豆漿大大杯.

健康快餐飯今日去到鴻圖中心附近做野，打算附近隨便揾個位食個LUNCH，鴻圖中心多野食，見到呢間二少廚房好似吾錯，就食下。呢到有飯食之餘仲有燉湯，好似幾正，又岩晒我呢D識養生既女人。於是叫左個ＳＥＴ咁既款，揀咗個招牌客家鹽焗手撕雞泰國絲苗香米套餐，仲有麻辣、薑蔥、等等。佢個雞一Ｄ都吾鞋，吾痴牙，都幾滑，連埋佢有少少雞汁撈飯，吾會淨白飯。加左１３蚊要多個燉湯就係花膠瘦肉湯，入面有花膠、冬菇、雞。個湯都好清甜，吾會有味精既感覺。加7蚊有豆腐花做甜品，食完滿足晒。