二少廚房 (已結業)

話說今日開OT開到七點幾，老婆接我放工兼食埋飯，但工廠區啲茶仔又收晒，就同佢食過快餐先返屋企。兩個餐都好乾淨企理，飯同餸就分開嘅，咁啲雞汁就唔會搞到啲飯糊晒。呢到個餸就好方便，啲肉都已經起晒出黎，啖啖肉咁，好方便。老婆就食薑蔥雞，其就普通白切雞黎，味道唔太鹹。我就食鹽焗雞，味就就重啲，有陣鹽香味，但食落都唔會太鹹。雖然啲雞就整定，但都有啲汁，雞肉唔會太淋，打工仔食個快飯真心方便咖。其實食個飯最正係啲蔥油，少少就撈晒啲飯。飲左兩個燉湯，一個係海底椰，一個係蟲草花。啲湯都有啲料頭，有啲雞味，而且唔算鹹。我個海底椰有好大糖蜜棗，好甜好好飲咖。食飽飯就用塊濕紙巾清潔下，真係好企理。

話說今日莉莉子經過觀塘區，突然好想食下附近新開巴手撕雞專門店 - 二少廚房🥰🥰二少廚房係正「愛琴坊」門口，簡單既裝修換來不簡單既食物😌😌二少廚房係一間專門賣手撕雞店同自家燉湯既地方，提供多款手撕雞款式俾客人選擇，而且每一款都非常吸引。二少廚房嘅手撕雞款祖包括：薑蔥手撕雞、麻辣手撕雞、日式麻醬手撕雞、客家鹽焗手撕雞同奶油蒜香手撕雞每款套餐餐牌更加可以選擇將白飯改為指定湯底😎😎估唔到仲有酸辣湯添。等左五分鐘左右，食物就到左手，莉莉子叫左日式麻醬手撕雞，份量都唔少，配上麻醬俾客人自行撈黎食。雞肉嫩滑唔鞋口，最正既係佢地會俾一壺湯杯你自己加，如果想買外賣食既，呢度非常岩你。除此之外，靚湯同樣係二少廚房既主打，二少廚房有好多唔同嘅湯款選擇，當中包括蟲草燉雞湯、花膠燉雞湯、海底椰雞湯、花旗參烏雞湯。大家可以因應着自己嘅喜好揀選一款啱你嘅自家製湯水，莉莉子自己呢就叫咗碗海底椰燉湯。如圖所見，非常足料，仲有成隻雞腳係入面，海底椰甘甜令到雞湯更入味，絕對同媽咪煲既一模一樣，等莉莉子下次再試埋其他湯款先🥰🥰🥰

得閒飲湯細細個老人輩成日掛在口邊嘅一句，離不開一個「湯」字「飲多啖湯啦」「飲湯先生得高㗎」「返嚟記得飲湯啊」飲湯彷彿變成一種信仰，同時亦係一種屋企嘅感覺長大後自己學曉煲湯，就偏向功利主義，因為想調理體質，所幾會煲湯。但當工作令您異常忙碌，同時摧殘您嘅身體，飲湯變得更必須但更缺時間。不過幸好總有餐廳，能夠令您能安心幫襯，飲返碗靚湯，叉叉電。隱於牛頭角的一角，這裡的雞湯用料不錯簡單叫一個外賣湯，都有好幾款嘅選擇用料當算足，入口唔算重味精，但同時味道都偏清淡令開老火湯或重口味人士或許未必啱心火但對我一個打工仔而言，能夠及時來一碗湯水滋潤一下尚算滿足了！

在觀塘鴻圖中心地下food court呢間主打燉湯、手撕雞飯同煲仔飯嘅「二少廚房」真係值得推介一下！ 今日喺附近辦點事，我餓到兩點才有時間食午餐，快快去到鴻圖中心地下的這個food court，見佢裝修尚算新淨整潔，在這裏食嘢都算舒服，於是決定喺呢度食我嘅午餐！參考過幾間食店後，見這間食店主打手撕雞飯同燉湯！呢個組合非常吸引，原本只打算食個快飯，結果食物嘅質素卻令我有所驚喜！ 套餐$70 可以選擇一個滋補燉湯與及手撕雞飯，燉湯有蟲草花、花膠、海底椰與及花旗參烏雞湯，我選擇了「蟲草花燉雞湯」，因為可以健脾益胃呢！另外手撕雞飯有幾個醬汁可以選擇，有薑蔥、麻辣、日式芝麻醬、客家鹽焗與及奶油蒜香！個個味道都非常吸引，今天想食得清淡啲，所以跟了個日式芝麻醬，已經夠惹味！ 首先最物超所值就是個燉湯，非常足料，沒有味精，味道鮮甜濃郁，有蟲草花香味，飲落熱熱的非常暖胃，真係一個滋補養生嘅靚燉湯！一個字正！ 至於個手撕雞飯都唔弱，雞絲一絲絲已經去晒骨，食落啖啖肉，而且份量夠，滿滿的鋪滿一整碟，未點醬汁已經非常夠味，送飯一流！加埋個醬汁就更能帶起雞絲嘅味道！加上生菜！已經係非常

今日出嚟觀塘做野，可以週圍行下搜羅下平靚正嘅美食，鴻圖道呢座商廈地下隱藏一個food court, 一入門口見到呢間，比佢d靚湯吸引咗。原來仲有手撕雞飯，同魚湯米線😍試咗蟲草花燉湯+薑蔥手撕雞飯，雞絲啖啖肉，起哂骨👍🏻嫩滑唔會好肥，雞嘅份量都唔少，蟲草湯簡直係今餐飯嘅靈魂，好足料，零味精，好滋潤養身😋另外仲試咗麻辣手撕雞，喜歡麻辣一定愛上，食完真係好麻，仲好香，同薑蔥兩種風味，一樣都咁好食😋

之前見過同事外賣買回來吃，挺吸引的，那就直接到那個food court吃吧。健康餐飲之選。雖然餐牌選擇不多，主要是滋補燉湯及手撕雞， 現在冬季還推出了暖笠笠煲仔飯系列。還是要想吃得健康點，點了套餐：滋補燉湯+手撕雞套餐。燉湯挑選了花旗參烏雞湯，以小盅盛載，滾熱的湯，入面還有烏雞、黨參、杞子等湯料，帶點苦澀。這款功效是補氣養陰、清火、生津，最適合常熬夜的上班族。薑蔥手撕雞配泰國絲苗香米飯盒份量，間隔好，上格擺了幾條蔬菜、手撕雞，底下就是白飯，營養滿滿的。很喜歡泰國米，絲苗白米飯粒粒細長，煙韌乾身。手撕雞蘸著薑蔥油醬汁吃，很下飯。

觀塘出名多工廠大廈 裡面仲有好多唔同餐廳 同老豆食飯 揀間養生小小既餐廳食晚餐 唔再係駱駝7啦 去附近既鴻圖中心 試下呢間有燉湯同家常便飯食既二少廚房〰️不過如果有目標咁想試佢既野食 就最好中午就黎 個晚無曬蒸肉餅湯就得返兩款 夜晚先黎就未必有得食 好彩本身唔係特別想試佢個蒸肉餅 咁叫左個日式芝麻醬手撕雞泰國絲苗香米 係便當盒咁上下層分隔開飯餸咁既形式放 上層放左雞同菜 下層放飯 呢個配搭一向都好夾 食落唔無驚艷 但令我諗起我呀媽屋企做既手撕雞 平淡簡單又一餐最開心係佢有燉湯 呢輪天氣轉冷 一入黑就幾凍 飲返下湯精神下先 叫左盅蟲草花雞湯 睇個menu寫住佢既功效係健脾補肺 咁岩曬呢輪飲啦 飲落覺得自己強壯左🤣（心理上 ）飲落去係偏香甜 睇到裡面好落足料 雖然呢餐飯望落平平無期 但幾有住家飯feel 屋企人成日唔煮飯既話經過可以黎感受住家飯🥺二少廚房 觀塘巧明街94-96號鴻圖中心地下6B-6C號舖

經過九曲十三彎終於都嚟到二少廚房，聽朋友講呢度有個food court,咁就諗住試吓，見到有燉盅雞湯，諗住襯宜家天氣同疫況滋補一下，就決定要試呢間！裡面環境一般，不過都算乾淨座位尚且有空間，坐得都舒服😌餐牌望落其實都唔係好抵食，同埋無咩選擇！本身想叫烏雞點知無，結果點左海底椰雞湯，加配左薑蔥手撕雞飯...嚟到個碗賣相都幾好加配薑蔥原來真係分開嘅老實講雞湯認真麻麻，無咩味，唔係好知飲緊乜！裡面都有足夠嘅材料，但寶係唔濃味，唔知係咪新一批湯，未煲出味😑最後想介紹埋個雞飯，生菜都新鮮，雞肉份量都正常，但飯量好似爭少少🤏其實整體來講都一般，不過能夠係食堂有飯食有燉湯飲呢個價錢叫正常。可惜味做得一般，份量不太足，有點可惜

蟲草臘腸蒸雞飯$57 蒸飯係正路之選，好難唔好食，但都同樣要做到非常出色也不容易，二少的蒸飯算是中規中矩，雞肉尙算嫩滑，但略嫌唔夠入味，飯質偏軟適合老人家，有啲太多水太淋，加埋蟲草是濃味的感覺。花旗參竹絲雞燉湯$42滋補之選，原盅燉湯，天寒地凍，飲完暖笠笠，足料又鮮甜。湯不算太油膩，香味也還好，整體來說可以一試。粢飯+ 豆漿 $22粢飯足料有菜甫、油炸鬼、肉鬆，但糯米飯有點太林，爭啲咬勁喔！豆漿正常水準！

二少廚房係牛頭角商廈中的一間幾唔錯既餐廳.一開始被佢吸引到既係佢既燉湯.今次lunch我order一份手撕雞飯加一個燉湯,一共$70,價錢都唔錯喎!日式芝麻醬手撕雞飯佢既份量不論係雞肉定係飯都唔少! 味道亦都唔錯,不過手撕雞係用雞胸肉,所以有少少乾.但對我來講無咩所謂,最緊要夠健康.蟲草花雞湯熱熱一碗燉湯,都算足料! 蟲草花雞湯係我既favorite 之一, 佢另外仲有花膠雞湯等等. 飲完熱辣辣好舒服.岩哂無咩湯水飲既都市人.

愛琴坊個名甘特別既？原來係有愛琴海風情的美食廣場。雖然食店種類多，但俾二少廚房燉湯吸引住，吾洗諗即時飲返盅補下先😊我就選左花旗參烏雞湯飲落好甜，有花旗參，烏雞，杞子，紅棗非常足料👍🏻另外手撕雞秘制醬拌麵都值得試，面層有鹽焗手撕雞，肉質有咬口味道吾會太鹹。底層拌麵睇落好似好辣，其實只有辣椒🌶️跟麻醬香味，食落只係微辣，吾愛食辣既我都食到👌🏻整體味道吾錯，手撕雞仲有其他味道選擇，配飯同米線都得，日日食都吾怕悶！

好來無嚟鴻圖道呢邊，原來開左間好大既美食廣場，五線時間，都好多附近上班一族嚟呢度食午餐，最近因為肺炎問題，比較多人都係外賣自取返公司食，所以美食廣場相對比較容易有位坐。今次我叫咗一份蟲草花臘腸不顧雞煲仔飯和花膠燉雞湯，兩個都熱辣辣上菜，非常新鮮好味。首先個煲仔飯嘅份量好大，臘腸都好好味，比一般傳統嘅臘腸大條，味道唔會太鹹，不過略嫌多咗少少肥肉。另外最欣賞佢，係有新鮮蔬菜，仲有就係啲飯都有煲仔嘅香味，雞肉就不過不失。至於燉湯方面，用料非常充足，有雞腳、一舊花膠、雞肉或瘦肉，湯味好濃郁，而且個湯非常夠熱，好好飲係非常滋補嘅湯水。今次嚟到呢個美食廣場發掘新野，真係令人感覺愉快，下次可以再嚟飲燉湯。

今日去左觀塘工廠區到買野 買完野見到有個商場入面有個類似foodcourt地方 個feel有啲似工廈改建🤣 撞正附近工嘅人放飯 成個場都好熱鬧 而且仲有好多野食簡 見到二少廚房有湯又有飯 而我係好鐘意飲湯 所以就去試吓依間 日式芝麻醬手撕雞泰國絲苗香米 個份量大 上層放左手撕雞同菜 白飯係下面 而芝麻醬就係另上 手撕雞都好多 肉質嫩滑 平時芝麻醬都係用黎打邊爐點醬/撈沙律食嘅 但估唔到撈落依個飯到出奇地夾 蟲草花雞湯 跟餐＋$12 就有湯飲 set餐都幾抵食👍🏻 個湯好足料 而且仲要係真材實料 入面好多蟲草花 仲有雞腳雞翅 湯入面嘅啲雞都好嫩滑 味道岩岩好 而且飲得出係冇落過味精 惦呀佢地仲有好多唔同嘅燉湯 搞到我好想再去飲埋其他啲燉湯🤤

觀塘同個fd 快食個飯🌟🌟因為朋友係附近工廠區要試婚紗🎂咁岩搵到lee 間有湯水既餐廳！🤔補一補！💪🏻正所謂女人唔補好易老！🤣🤣🤣🤣叫左個海底椰雞湯同埋排骨臘腸飯🌟跟餐重有個豆漿既☺️!成為$82蚊🌸！湯都幾多料同埋好似媽咪煲個d👀 老火湯呀😛唔會好味精feel! 飲完唔會飲好多水🤝係大大煲既飯！兩個人都分到幾碗🥰！而且凍冰冰既天氣食！個人暖曬😚多料又抵食！豆漿都唔會好甜！上餐都快！食物都好多類型～早餐好係有黐飯豆漿

喺觀塘返工，食得最方便一定係黎鴻圖中心既food court，而依間二少廚房絕對係健康餐飲之選。二少廚房係主打煲仔飯，手撕雞同老火湯嘅。而家冬天仲有個冬日暖粒粒系列，不過今日就點左日式芝麻醬手撕雞飯同花膠瘦肉湯。老火湯都好足料，飲落好暖胃，絕無味精，夠晒健康呀。至於呢個日式麻將手撕雞飯都幾好味，分量唔算太大碗，啱啱夠一個人食。手撕雞好嫩滑，有少少鹽焗雞嘅味道，芝麻醬就分開上既，隨你喜好加落去跟餐仲有一杯熱豆漿，無糖先飲得出香濃既豆味。咁豐富都係$57，抵啊！