二兄車麵館

營業中

休息中

有時晏晝唔知想食乜，就會諗起車仔麵，煮開果一頭冇乜好食嘅車仔麵，今日去咗大圍做少少嘢，上網search到呢間車仔麵，入到去座位都舒服，好光猛，又有衝動想試吓佢哋嘅車仔麵！車仔麵之外，仲有籠仔蒸飯，炒粉麵飯，湯飯等等。我哋叫咗兩碗車仔麵，同埋魚皮小食：鯪魚肉，金錢肚，咖喱魚蛋，油麵，麻辣汁：麻辣汁唔錯，唔會過辣，金錢肚都好稔身，另外咖喱魚蛋好彈口。咖喱魚蛋，花菇，鯪魚肉，豬皮，金錢肚，粗麵，加埋牛腩汁，麻辣汁：豬皮好入味，花菇炆得好夠味，牛腩汁都唔錯，襯埋個湯底可以提升少少。魚皮小食：食得出即炸，都幾大碟，都幾新鮮。

食個焗豬扒飯，米係生嘅食個油麵車仔麵，一夾就斷仲聽到隔離枱同個中學生講，話佢落單前冇講明係學生餐，收返佢正價貪快都唔好食佢，真係貼錢都唔食大圍大把其他嘢好食，唔洗食佢

我今日黎大圍揾食，當自己都唔知想食乜嘢時，發現二兄車麵館，唔經唔覺已經好耐冇食車仔麵啦⋯⋯好喜歡揀個麵底先，再選擇幾款餸，簡單得黎又好味。原來呢度重有籠仔蒸飯啊！既然我哋兩個人，咁就車仔麵同籠仔蒸飯都叫晒黎食。我車仔麵要粗麵，揀三款餸，要咖哩豬皮咖哩魚蛋咖哩魷魚。再加一碟咖哩蘿蔔魚蛋，一碟咖哩豬皮魚蛋。而咖哩豬皮好夠淋同入味，咖哩魷魚爽口，蘿蔔夠甜，咖哩魚蛋彈牙，佢哋重有自家製辣椒油，加入埋車仔麵更有風味呀！籠仔荷葉蒸籠躉片飯蒸籠打開就好香，入面有炸蒜、雲耳、蟲草花、眼前龍躉片都算大片，入口魚肉滑溜，荷葉飯吸收魚汁，飯粒帶魚香且乾爽，襯佢熱辣辣連同雲耳、蟲草花一齊食真係好味。

食過幾次呢間茶餐廳 味道都唔錯，今次見佢出左鴨腿湯飯就決定試試。鴨腿唔算太大隻，都叫有肉食但唔多，肉質滑嫩 唔柴。冬菇大大隻厚身🍄，唔似某集團 半隻咁孤寒。最驚喜🫢🤫係湯底一啲都唔咸，飲完唔會口渴，感覺上無落味精，美中不足係無陳皮香味😬食過咁多間鴨腿湯飯，呢間我都幾滿意🤫

🌟今日去大圍開工，我帶同事去「二兄車仔麵」，平時lunch time要排隊，今日2:00到好好彩即刻有位。***** ***** ***** ***** ***** ***** ***** 🍜3餸車仔麵（瑞士雞翼，咖喱魚蛋，蘿蔔，沙嗲汁湯底）雞翼有瑞士汁嘅濃香，一口咬落去骨肉分離，好食😋咖喱魚蛋夠彈牙入味，蘿蔔夠林。🍚籠仔荷葉蒸龍躉飯$88龍躉飯係我介紹比同事食，佢都讚不絕口，佢都大讚龍躉啖啖肉而且鮮味十足，粒粒飯晶凝通透，整體好開胃。***** ***** ***** ***** ***** ***** ***** 整體來說，環境不錯，服務都OK，食物有水準，再會介紹比朋友。

今日約朋友去咗大圍食下午茶，下午茶餐抵食又好食！三餸車仔麵有好多餸揀，每款都好吸引，而且會瞓得好有特色，我揀咗牛腩、爆汁鳳爪同招牌墨魚丸。牛腩燉得軟嫩入味，湯汁濃郁。鳳爪無雪味，好多肉，加上鮑汁嘅調味。仲有多款醬汁可揀，我揀咗麻辣汁，非常好食。乾炒牛河牛肉多汁，河粉炒得熟透彈牙，加埋豆芽同青蔥提味，入口唔會太油膩，味道豐富台式鹽酥雞加咖喱角鹽酥雞外脆內嫩，香氣四溢，鹹香味道十足。咖喱角炸到金黃酥脆，內裡嘅咖喱餡夠濃郁！雖然只係一間茶餐廳，但係店員嘅服務都好好，我同朋友傾偈囉傾得好開心👍🏼

今午，大圍，到一間車仔麵店吃午餐。沙爹汁大碗車仔麵湯底有沙爹香味,豬紅,紅腸,雞翼,雞翼尖,魚蛋,蘿蔔和菜,車仔麵即大合奏,好味.籠仔龍躉飯炒飯底,不太濕,幾片龍躉,配上葱花金針雲耳炸蒜頭,炒飯既蛋香,襯托出海魚既魚鮮味.炸蠔餅炸得金黃色,乾身,不太油腻,蠔仔很鮮,點魚露,食落真的不错.員工服務態度不錯。在忙碌工作中，待客非常友善。

📍 二兄車麵 （大圍）馳名車仔麵，果然名不虛傳👍放工同大佬去大圍行街，突想食車仔麵🍜大佬遷就我，就話好啦，試下😊🔸 招牌自選車仔麵今次選了油麵，配料揀咗、秘製金錢肚，炸魚皮，豆卜，沙嗲汁。啲面煮得好爽口彈牙，好好食，湯底唔會有好死咸嘅味精味，帶有少許沙茶口感，好出色。豆卜脹卜卜，豆卜索晒啲湯汁，好食😋炸魚皮香脆爽口，金錢肚咬落好有口感👏🏻🔸咖喱蘿蔔魚蛋蘿蔔有六大嚿，淋得嚟好清甜，蘿蔔同樣出色，完全冇查，又係入晒味，吸晒湯底嘅精華，仲有蘿蔔嘅清甜。🔸港式西多士蛋香十足，外面金黃香脆而內裡鬆軟，夾埋層粗粒花生醬，真係極邪惡😚🔸銅盆蒸雞飯雞肉特別嫩滑，餐廳用真材實料嘅走地雞，配料既草菇入哂雞油味，好正😊

我嘅其中一大嗜好係去不同的食肆試試不同的店舖，今日就到大圍試呢間車仔麵😄正確來講，我唔係只係食車仔麵，係食籠仔蒸飯—籠仔荷葉蒸蝦球飯，另外還點了炸蠔餅，大滿足😀～荷葉飯的香氣混合著鮮嫩多汁的蝦球，蝦球的鮮甜與米飯的香糯完美結合，令人難以忘懷。此外，蝦球的肉夠爽脆，是一個令人難以抗拒的美味選擇！～炸蠔餅這個炸蠔餅也做得出色，外皮金黃酥脆，內裡也有頗多的蠔肉，外酥內嫩口感佳，是一道令人垂涎欲滴的美味小吃！～三餸車仔麵這碗車仔麵帶來了濃郁的湯頭和彈牙的米線，搭配上豐富的配料（我們點了牛腩、牛筋及雞翼），最欣賞係夠淋夠入味的牛筋，不容錯過👍任何三款餸加粉麪都係$55 ，加$10還轉埋紅豆冰，正😄這兒雖然是小店，但地方乾淨企理夠光猛，價錢實惠，加上職員招呼非常好，我哋食得好開心❤️

昨晚路過這店，見有坐位，便兩個人去試一下，分別叫了是一個自選三樣及一個63元的什錦麵，端上來，第一是湯不夠熱，其餘的豬皮豬紅一點都沒有味，蘿蔔也是，咖哩魚蛋就是劣質沒彈性沒咬口，咖哩湯汁完全不顯味，還有兩隻雞中翼是鹵水色，但是兩隻雞翼尖又明顯是白色的，我猜應該是剛剛放進鹵水裡未浸透，六十多元一個車仔麵也不便宜啦，賺錢無可厚非，但亦應該做些好吃的東西給客人吧，我覺得這個是我幾十年來吃過最難食的車仔麵，以後都不會再來了。兩人買單合共123元，吃剩一半已放棄了。

去完圍方朝聖，便順道試試這間車仔麵店。我們一行二人點了一個3餸車仔麵(瑞士雞中翼、金菇，菜心及蠔油花菇清湯米線)，一份籠仔蝦球飯及一份炸餅。車仔麵中的花菇及雞翼非常入味，炸餅香脆足料，仔飽滿肥美。籠仔飯面鋪滿了虫草花，蝦球數量亦多，飯粒分明，吃得出是金鳳出品。飲品方面，籠仔飯送一杯熱飲，而車仔麵加$10亦可升級叫特飲。我們分別叫了一杯紅豆冰及熱駌鴦。紅豆冰紅豆份量十足，不會太甜，是夏天消暑佳品。

👩🏻非一般車仔麵館，除咗車仔外…還有茶記菜式及籠仔蒸飯小食🥢炸蝦卷肉$39炸得黃金般，蝦膠夾雜着蔬菜點配埋泰式辣汁口感鮮味彈牙🥢招牌大碗麵$65多樣料有豬紅、豬皮，蘿蔔、魚蛋、雞翼、雞翼尖、紅腸、菜等…配油麵，湯底腩汁仲好正多料到不得了啲餸好淋，食出懷舊風味🥢籠仔蒸龍躉片荷葉飯$88/$158（一人或二人同）一人分量已夠足夠，原味龍躉片精華吸收飯心內，黃金蛋飯底用仲有金針木耳蒸淡香蒜味，魚質鮮美好健康凍飲+$3，仲免+1 ‼️

⭐️ 今日響大圍開工，順便響嗰頭搵食，入咗去「二兄」本身打算食碗車仔麵，點知餐牌竟有1人份量籠仔飯，馬上落單。======= ======= ======= =======🍚籠仔荷葉蒸龍等飯$88（1人餐）龍躉一向有魚王之稱，好味有營養又養顏，上檯睇到啖啖肉嘅龍躉即時食欲大增，龍躉飯份量十足，粒粒飯都鹹香彈牙，面頭有蒜蓉、金針菜、蒜頭等等同蒸，混合魚嘅鮮味，令味道層次更加豐富。整體招呼都唔錯，離開前見到隔籬枱食緊車仔麵，賣相都好吸引，下次一定再嚟。

很久沒有到過大圍了，路經二兄車麵館，見海報上的籠仔飯和車仔麵圖片非常吸引，便入內試試。甫坐下，店員便親切地介紹出名的招牌大碗麵和籠仔飯。我們二人點了一個招牌大碗麵，一個一人份量的籠仔荷葉蒸蝦球飯。還加了一碟炸蠔餅。招牌大碗麵內有豬紅、豬皮、蘿蔔魚蛋雞翼，雞翼尖，紅腸和菜。蘿蔔和雞翼非常入味，豬紅和豬皮爽口彈牙。之後是炸蠔餅，雖然我們叫的是「小」蠔餅，但分量十足！蠔餅炸得非常鬆脆，蠔的size也很大，十分美味！令人吃過不停。最後是籠仔荷葉蒸蝦球飯。同樣是分量十足，一人份量可供兩個人吃。炒得金黃香口的炒飯配上蟲草花和蔥薑蒜等材料，籠仔的底部鋪上荷葉，再放入籠仔上蒸。熱騰騰的端上來，打開籠仔後，一陣淡淡的荷葉味滲出。飯炒得甘香，蝦非常大隻爽口。總括而言，這餐十分美味，份量十足，絕對值得一試。

工作關係午餐時路過，見冇乜人入去，見到有車仔麵紙，每款餸由十元起，我點了淨餸，三個十元的餸，分別是菜心、豬紅、豆卜，再加一款十三元的滷水蛋，我以為是四十三大元。阿姐話包普通熱飲一杯……先講下D餸，三小條菜心，4小粒豆腐卜，五塊比五毫子小的豬紅，一隻蛋，份量少得可憐。埋單收我$68.....阿姐話$55 是套餐，包3個餸，唔要麵也是$55, 我加一隻蛋，所以加$13!!!!我愕然，問她點餐紙上冇寫是套餐呀！佢話不好意思，印漏左。我話咁就收我$68?!!!阿姐話自己只是打工，冇法子。我冇抝，照付了$68, 阿姐叫我下次再去試其他野哦。下次？傻的嗎？