九龍坎麻辣火鍋

營業中

休息中

趁住歐國盃踢完分組賽既空檔，成班朋友約埋一齊支持下夜經濟， 朋友介紹咗呢間係油麻地既麻辣火鍋店，話夠我地玩通宵都唔使$300蚊一個人出電梯就見到宮廷式佈置幾有氣勢，燈籠同埋紅噹噹既柱牆令人置身皇宮咁，仲擺咗一大排漢服比人cosplay宵夜放題由夜晚10點開始至清早6點，我地今次揀咗B餐就人頭$168，免哂茶芥醬料加一，實收呢個價，食到4款肉包括美國安格斯牛板腱、澳洲羊肉片、荷蘭天然豬腩片同花雕醉雞件，呢類肉平時外面放題都要200蚊起仲收加一雜費，食足120分鐘實回到本出到外面自助區以為去咗自助餐，因為有3款凍海鮮，包括鮮蝦、蟶子同活蜆，鮮蝦肉質堅爽彈，味道夠鮮可口，蟶子帶有清新甜味，蜆肉處理好無沙感，一口一隻幾過癮自助配料區都有近50種，包括丸類、蔬菜、豆製品同粉麵，另外海鮮都有水魷同埋龍脷柳，吸汁一流，簡單既炸物、蒸點同糖水都有，真係令人眼花撩亂湯底揀咗鴛鴦，可以揀濃中輕成都口味，方便到同檯有齊食辣唔食辣既我地，輕成都口味已經係香港人最接同最愛既辣，食落頭皮點點發麻好爽，真正四川成都紅油風味，蕃茄湯用足真材實料，味道酸甜香順喉，配合海鮮同粉麵都好開胃點解話有得玩通宵，其實係每人加$6

呢間火鍋店嘅嘅裝修不得了，非常之中式傳統同時有好高級，食物方面招牌鴛鴦湯底真係一流！一邊係紅油麻辣紅鍋，辣味十足；另一邊係高湯，清淡鮮美，兩個湯底互相平衡，滿足唔同口味。手打墨魚滑手打墨魚滑彈牙又鮮甜，煮喺麻辣湯底度特別香，滑溜溜嘅口感真係好正。西班牙黑毛豬腩片西班牙黑毛豬腩片肥瘦適中，肉質嫩滑，無論喺紅油麻辣紅鍋定係高湯度煮都一樣美味。雪花肥牛舌雪花肥牛舌薄而嫩，輕輕涮幾秒就可以食，口感彈牙。黑魚片黑魚片厚實嫩滑，煮完之後依然保持彈性，鮮味突出。潮汕牛肉丸潮汕牛肉丸充滿牛肉香味，煮完之後特別滿足。筍片王、冬瓜、娃娃菜、海白菜筍片王爽口，冬瓜清甜解膩，娃娃菜嫩滑，海白菜清爽脆口，全部都吸收晒湯底嘅味道，特別鮮美。手打黑加侖檸檬茶手打黑加侖檸檬茶酸甜適中，清爽解膩，非常解渴，配火鍋一流。

油麻地呢間四川麻辣火鍋，平時搭車經過見到大廈外牆嘅廣告就多，今晚難得朋友提議一齊去試試，當然即到啦！！餐廳裝修設計都以古代裝修為主🏮，餐具器皿都好特別，富有古代色彩！加上火鍋嘅麻香辣味，簡直刺激五官湯底當然要試佢嘅牛油紅鍋啦！叫咗佢嘅經典鴛鴦湯底，佢有唔同辣度比大家選擇。湯底用料十足，唔會係死辣或只有油個種。火鍋料就叫咗：🐷杜洛黑豚肉🐑精品肥羊🌊新鮮南非鮑魚🐽豬腰片🪿鵝腸🎋鮮准山🥔土豆片🍄‍🟫金針菇🥬茼蒿菜再加多兩杯百香果檸檬茶🥤🍋食物新鮮份量都唔少出面仲有無限量供應嘅蔬果🍊🍉🍅呢餐真係好滿足呀🥰

一打開lift門就好似穿越古代嘅宮廷咁, 裏面啲裝修好正, 鍾意打卡📸影相嘅朋友真係唔好錯過而且佢哋擺放咗好多宮廷服飾同埋飾物你可以用嚟打卡影相用🥰而且呢度有麻雀打🀄️仲有卡拉OK🎤佢哋開到凌晨3:00☺️鍾意玩又鍾意打邊爐食辣嘢嘅朋友真係啱晒, 唔好以為夏天唔可以打邊爐😂, 呢度地方夠晒大而且冷氣夠晒凍, 就算夏天打邊爐都唔會覺得熱😛而且佢哋仲有飲食時段， 價錢相當親民🥳

九龍坎係 港鐵油麻地站 C 出口附近，主打麻辣火鍋，港鐵站出黎行約三分鐘就到，非常方便。餐廳裝潢充滿中國四川特色，古色古香，由入口開始已經忍唔住狂打卡，喜歡打卡的朋友一定唔會失望。店內間隔都幾大，枱與枱之間有合適嘅距離，坐得舒服，朋友之間傾計唔會好似出面嘅火鍋店咁逼咁吵，店內冷氣夠勁，即使夏日都唔怕食到成身汗。朋友唔太能食辣，所以今日叫左個鴛鴦湯底。值得一讚嘅係呢間餐廳嘅辣湯底唔會好似出面果啲得個辣味，仲要越煲越辣令人食唔到，睇得出佢地有俾心機調味，即使唔太能食辣嘅朋友都可以一試。今次試左「左輝哥招牌手切牛肉」，新鮮厚切，非常唔錯。朋友就好鐘意佢嘅「 品豬黃喉」，爽口新鮮。仲試左毛肚，黑魚片，幾份蔬菜，全部要左小份，唔浪費之餘又可以試多幾樣野，最後全部食晒。 貪得意仲試左「酥炸蝦滑油條」，即炸油條好好食，冇中伏！ 整體黎餐廳裝修非常有特色，食物新鮮，即使不太能食辣既朋友都可以一試。

是晚嚟咗間非常打卡able嘅火鍋店～一行入餐廳已經滿滿氛圍感😍😍門口有宮庭服可以供食客著住打卡📸而且佈置裝潢令人仿如踏入咗古代一樣～代入感滿溢呢！！被安排座位後～先到自助區域拎醬料&前菜水果～邊品嚐鮮甜水果就可以等湯滾起打邊爐囉🤝🏻🤝🏻.🌟套餐 $661✨經典鴛鴦湯底招牌牛油紅鍋(小辣)：紅噹噹湯底材料足(有花椒八角等等)非常惹味!!麻麻辣辣咁越食越過癮😋😋高湯：滋味清湯🫰🏻適合焯蔬菜類等之食材～以品嚐其鮮甜味道～.✨珺珺功夫牛(小份):肉質軟嫩～焯一焯就可以食🐂✨花雕雞件:嫩滑雞肉帶有淡淡花雕香氣～好味道!!✨火箭魷魚:已介花嘅魷魚隻隻都新鮮誘人🦑尤其推薦放入麻辣牛油紅鍋湯底～勁滋味～✨小郡肝(小份):有咬口👍🏻一小串一小串咁食～非常過癮～✨鮮腐竹:吸好收滿湯底滋味🫶🏻🫶🏻✨油麥菜(小份)✨白蘿蔔(小份)✨鮮藕片(小份)✨百香果檸檬茶 兩大杯:大大杯🥤邊食邊飲解渴減膩一流～.✨茶水 $5@位✨調料 $18@位✨加一服務費

-「一秒穿越，走入宮廷食火鍋」🤤呢度裝修真係好特別啊，一入去就聞到火辣辣嘅麻辣湯底香味，仲有宮廷漢服打卡體驗，大家可以去打卡。(*‘ v`*)火鍋最緊要湯底？🔥🌶️經典鴛鴦湯底♥️招牌牛油紅鍋 + 🤍高湯鍋底一次過滿足晒兩個願望，我本身好鍾意食麻辣，呢個小辣湯底真係好惹味，食落去屬於四川的麻辣，超級香濃，配合肥牛等肉類一流！🤍另一邊高湯鍋底好滋補，入面有紅棗、粟米、蟲草花.......配料方面都好豐富，用嚟煮油麥菜、蘿蔔等等都非常適合！🐃𣇉珺功夫牛非常透薄一片，輕微滾熟就可以食，入口肉質超嫩滑，配合招牌湯底，超ʏᴜᴍᴍʏ！🐔花雕雞件一入口真係食到浸浸嘅花雕味，唔好煮得太熟，否則雞肉會變得嚡口。🦑火箭魷魚外型超級吸引：真係好似一隻火箭，入口鮮嫩，但有少少爽口，呢隻款式嘅魷魚比較少見，配埋醬料更加好食！🥬蔬菜白蘿蔔 ：鮮甜可口 油麥菜 ：色彩翠綠，吸收大量湯汁精華就更好食。蓮藕片：清爽脆口鮮腐竹：比較厚身唔容易夾爛，屬於比較有口感的腐竹。🍋🍹百香果檸檬茶打邊爐一定要配飲品先爽，估唔到呢度都有手打檸檬茶，百香果非常清新，甜甜地可中和辣味，都幾好飲！💛 呢間餐廳環境好舒適，好適合一班friend過

見到網上有推介見裝修幾有風味所以同屋企人去試下。我地叫左最貴個$298@放題餐, 話澳洲安格斯牛板健、美國肩胛肥牛、荷蘭豬腩、雞件、普通肥牛片、羊肉、海鮮都係任食2小時。一坐低都等左半小時先上左兩碟望落都唔吸引的豬腩片(一碟四片)同唔太新鮮嘅海鮮拼盤。餐廳完全唔夠人手, 我哋坐嘅位置又冇乜職員會行過嚟招呼, 我哋親自行出去大廳追職員四五次牛肉,但等咗一個鐘,都只係送嚟兩碟, 一次送一碟, 每碟5片, 職員淨係識得講話廚房切唔切。食完再追, 每次都係送一碟上嚟。中間有試過醉雞件同海鮮,後尾都放棄淨係追牛肉。食咗一個半鐘, 兩個人夾埋淨係食到四碟牛。見其他客人, 食平啲嘅套餐, 啲肉都上得好慢, 要追好多次, 但至少平價肉係會上得密啲, 反而係嗌最貴嗰餐d 肉就叫極都唔上。食過咁多間打邊爐, 最多都係試過肉唔係咁好食, 但未試過嗌最貴嘅餐, 追極啲肉都唔送黎! 啲嘢唔知係唔係唔新鮮, 食完肚痛! 唔明點解咁多好評。呢間嘢唔會再幫襯!!

宮廷故風之《九龍坎麻辣火鍋》餐廳門口已經感受到有氣派，古色古香既宮廷風格顯得好華麗堂皇，而門口有提供古裝服同頭飾比客人免費穿著影相，經典鴛鴦湯底：一半清湯，一半牛油紅鍋(小辣)，麻辣小辣都唔惹少，麻辣味都勁，但辣得黎唔會好鹹，食完唔口乾，而且食完成餐唔會覺得有油膩感，辣道恰到好處，清湯配料有好多什菌。珺珺功夫牛薄片上，淥20-30就熟，肉質嫩；潮汕牛肉丸口感彈牙，有少少黑椒味；油麥菜同 皇帝菜色澤翠綠；傑出三寶其中既豬黃喉非常爽脆；鮮腐竹既份量好多，每舊腐竹都有有豆香；牛頸脊味道濃郁，肉質鮮嫩，羊肉片肉質細嫩，入口即化；糖心茲粑炸得外脆內軟，中間糖心唔會太甜；百香果檸檬茶茶味幾出，而且酸酸甜甜好開胃。總括整體黎餐廳裝修有特色，冷氣夠，就算食辣既朋友都唔需要擔心食到出哂汗XD。

入座既時候已經同職員講左係openrice訂位，show埋比職員睇。到食完埋單既時候無比折，咁咪同職員講返，仲要比個女職員話返轉頭話我地無出聲，叫我地自己同收銀講返。好～算～去同收銀講，收銀叫我坐低佢要處理下，見等得耐咪出去睇下處理成點。個女職員又行嚟問搞掂未，所以下次記得埋單既時候要講。我同女職員講入座既時候已經同左你地講，埋單既時候又要講多次架？佢竟然推卸責任，話吾係同帶位嗰個講係要同收錢嗰個講？！吾會有下次！！！！

油麻地全港最抵$98任食麻辣火鍋 如果係學生長者仲要只係$70/位 簡單記錄一下.先講講價錢 佢哋有分三個ABC套餐（可以影片長按暫停睇睇餐牌）A餐 90分鐘 最平 $98 兩款肉類 任食自助區食物 一個雪糕B餐120分鐘 $168 四款肉類 可以選擇鴛鴦鍋任食自助區食物 任食Häagen-Dazs雪糕C餐120分鐘 $298 六款肉類 同B一樣 但係再多多款海鮮放題 如果選擇BC餐 可以加$60通頂唱K打麻雀到凌晨0600另外學生BC餐都有九折優惠.基本上淨係自助區已經好多嘢食蔬菜 丸類 麵食 炸物 飲品 雪糕 自助區肉類有牛柏葉豬紅 水魷 雞翼 斑腩塊 豬皮最平$98已經可以好豐富.今次試試$168套餐 選擇到鴛鴦鍋底有4款肉 美國精品小肥牛 荷蘭天然豬腩片 雞肉 高鈣小肥羊👌🏻肉類整體都ok 👌🏻飲品選擇足夠👌🏻甜品剩返杯裝雪糕 🥲但Häagen-Dazs比較搶手 好快俾人拎晒問返店員佢哋之後會補貨任食雖然限咗時段午市時段1200-1700 宵夜時段2200-0600但平時其他時段openrice訂座會有優惠放題時段單點68折其他時間單點78折（18:00-21:30）.整體會

我地係晚市時段食，2人叫左鴛鴦鍋。一邊係麻辣湯底，另一邊係豬骨湯底。首先麻辣湯底係正常，味道唔差的。但係豬骨湯就完全唔得，雪藏味好重，淥完野食都係影響左野食既味道，所以我地果斷只淥麻辣湯。另外食物性價比低，叫左手切牛，上枱只有7片，但收費都唔平。另外叫左1米長既雪花牛，完全沒牛味，而且全部有軟骨，影響口感。其他既配料就正正常常，因為都係普通既菜，鮮腐竹同炸魚皮等。成餐飯咁樣都要快$1000，性價比低，完全係個不好既體驗

恍如回到四川成都?宮廷風麻辣火鍋店!🔹喜歡請like & follow🫶🏻對我來講是很重要的支持🔹位於油麻地的九龍坎麻辣火鍋裝潢走宮廷風，感覺像去了四川成都旅行，更提供古裝服飾給食客人打卡，非常有趣！本以為是打卡only，食氣氛及裝修多於食材味道的火鍋店，誰不知食材質素是不錯的~經典鴛鴦湯底：招牌牛油紅鍋及高湯鍋底，紅鍋香麻惹味，高湯醇厚輝哥招牌手切牛肉：肉質幾嫩滑，而且帶有牛香精品豬黃喉 & 帥帥毛肚: 兩款都新鮮同爽脆酥炸蝦滑油條: 油條中釀了蝦滑，幾新奇有趣黑魚片： 魚片嫩滑無骨刺午餐肉: 厚切午餐肉油潤香軟鮮香菇：鮮嫩多汁亭亭玉米: 清清甜甜炸芋頭：一定要熬很久煮到整個爛掉、開始散開溶化的口感是最好食的️百香果手打檸檬茶: 解辣一流📍九龍坎麻辣火鍋油麻地彌敦道469號新光商業大廈3樓

全層都係中國風裝修好eye catching門口仲有古裝衫俾你換 著住嚟打卡都幾過癮😆人多可以book包廂，入面聽到有得唱k🎤鋪頭待應服務態度好好，環境乾淨企理；自助調料區會有同事定期清理keep住衛生👍🏼🌼經典鴛鴦湯底-招牌牛油紅鍋(小辣）: 開鍋嗰陣見到有一大舊牛油放咗落去。滾開咗之後湯底充滿🧈香，且椒麻辣重，好惹味😍-高湯：呈奶白色，入面有紅蘿蔔/白蘿蔔/紅棗/粟米/杞子/蟲草花熬制，因為足料所以湯底好鮮甜💯建議煲滾落料打邊爐前 「畢」返半碗湯試吓！🌼火鍋配料-輝哥招牌手切牛肉: 厚切牛肉色澤紅卜卜，新鮮嫩滑-精品豬黃喉: 第一次食喉嚨🫢🫢清理得好乾淨無異味，淥起入口好爽，好有驚喜嘅一款配料！-黑魚片: 魚片唔腥，肉質嫩滑-帥帥毛肚: 每片都好大塊 無腥味 落麻辣鍋好入味-酥炸蝦滑油條: 蝦滑彈牙，被油炸鬼包住炸到脆卜卜，唔會太油-午餐肉/葶葶玉米/香菇/炸芋頭： 另外叫咗啲基本火鍋料，份量多，質素不過不失啦👌🏼其中炸芋頭好香🌼手打百香果檸檬茶飲到粒粒百香果之餘茶味都好出；而且甜度適中，解辣一流👏🏻另加茶水每人$10及調料每人$18調料區有生果任食，哈密瓜片同蕃茄仔都好甜

正宗成都麻辣火鍋，以中國宮廷式設計，環境大，裝修精美，午餐提供超值放題，晚上更可以唱住K 打邊爐晚上提供多款放題選項，大家可以根據自己去選擇時間&不同款式既牛餐廳又提供指引供客人知道每種食物要淥多久先黎2杯百香果檸檬茶，茶底清香，有檸檬肉揀咗鴛鴦湯底，豬骨湯底；招牌牛油紅鍋 （小辣） 都幾麻辣下🔯四菌子呢個要讚，呢個出面火鍋店好少見有黑皮雞樅菌，綉球菌，金耳，竹蓀突然喜愛繡球菌，淥完質感腍得黎又帶點爽口，仲要佢可以增強抵抗力金耳亦有個別稱，係植物燕窩，有美顏作用精品肥牛牛肉薄切，牛肉味幾濃冇筋🐔花雕雞件花雕酒味好入味，雞件嫩滑，淥完都唔會‘柴’口🐟脆鯇魚片爽脆新鮮，魚肉鮮甜皇帝菜食落好幼嫩，新鮮唔老