九記牛腩

營業中

休息中

揀左下午茶時段避開人潮, 人人都話伊面好掂就叫左個腩伊。好快有得食...e? 點解個面餅未散既? 再試牛腩, 蚊都唔夠淋食完痴晒牙, 有d失望...望見對面哥哥個咖哩湯底好似幾掂, 不過真係好細碗, 睇怕食完一陣又要下午茶。

早兩日假期前夕,holiday mood攪到冇心情做,同個同事晏周"鼠"去九記食清湯腩,貪佢個時唔使等位同差不多半年冇幫襯,但一坐落見到對面條西裝友食碗咖哩牛筋腩伊食到津津有味,小弟惟有即時捨清湯取咖哩佢d咖哩汁加上牛筋個係油膩,但佢d牛筋確係炆得幾淋幾彈牙,d咖哩汁亦好香好滑,撈落的伊麵度,重好食過d芝士焗龍蝦伊麵底的伊麵.如果唔係咁偏僻,如果唔係咁多人等位,如果唔係的服務咁地道,我諗我會密d........哈哈

幫襯幾年，每次去九記仍是覺得很特別。當然，爽腩是好食D，無的話卻無損興致，因為普通清湯腩已好好味。首先個湯真系好正，又無味精，是牛腩的精華，每次都想喝清光；伊面亦煮得剛好，不會太淋；腩如果肥一點的話較好食，不過瘦的話也不會鞋口，而且有肉味夠淋容易食。咖哩根腩的牛腩相對較失色，但根卻燜得好淋，入口即溶，咖哩亦夠濃。服務其實也不覺得差，隻是伙計說話大聲點而已。 不就腳也會來，因為其他地方根本無得比。

食左咁多年九記牛腩，幾十年來獨孤一味淨食「腩伊、齋伊、咖哩伊」，食極都唔厭的一群仍然每日中午食飯時間甘願排幾個字長龍來個堂食(外賣過左氣邊好食架~)，受傳媒吹捧及明星效應等因素影響之下，香港人似乎對此等場面早已司空見慣。仲記得n年前一套電台廣播劇《巴治奧》一集情節，講呀Sammi鄭飾演一個中環OL食在九記，隔離一把戇直男士一坐低講左句：「一碟油~油~油菜呀唔該。」好明顯係新o黎，熟客仔Sammi當然知道九記只賣牛腩，其他免問。後來，九記就有提供油菜這項"名菜"了。自此多年以後九記依然客似雲來..情況最近卻起了變化。受近期通脹急劇糧油麵粉價格急升影響，所有食肆都將增加的經營成本轉嫁到食客身上，生意越來越難做，早前更有傳牛肉供應短缺，曾令不少嚐牛客食過返尋味，話怕日後食唔返咁o既價錢同擔心牛腩質素下降等，情況就好似呢期鬧米荒超市D米被人搶購哂的羊群心態。正值此時，九記並唔係無牛腩賣，反而於咁o既時勢推出新口味------"肥牛"，一碗清湯肥牛河價格照舊與一碗腩河同價，伊麵底照舊貴兩蚊，咖哩汁照舊只可配根腩一樣無肥牛份，反而最有興趣單叫淨清湯肥牛配碗齋伊，再獨立加碗咖哩汁，睇下九記腩汁Cro

一行到去歌賦街，九記有7-8人排隊，而對面的大排擋更有一條長長長龍，場面墟冚。牛腩麵- 牛腩入味唔un，麵略為泡久了，因為我地坐樓上。咖哩筋腩河- 咖哩香濃，筋腩冇得彈，河粉同樣泡得太久了，連湯都被吸乾，下次都係坐樓下好D。P.S. 九記星期日唔開。

聽說九記牛腩最出名係牛腩衣,雖然唔知係咩嚟,但係人人都講到好好,於是又去試吓!坐低之後,同侍應要左碗牛腩河,湯味道幾好,牛骨味幾濃,牛腩煲得幾淋,味道唔錯,所謂牛腩衣,我估係連住件牛腩薄薄一層好似筋既物體,因為個人認真嗰一聦好似最好食!服務就普通!!

你食我又食,周圍搵好野食,搵到落中環(其實可能已經係上環),去到試吓九記既牛腩依!我都知道唔會每一碗粉既牛腩都係一樣,只好report番我嗰碗既牛腩係比較靭既一碗,當我無咁好彩啦!不過牛腩依都唔難食!湯就唔夠咸唔夠味!河粉份量唔夠!或者我未必下次會專登入嚟食了!

原打算到對面的勝香園食點知聽到無晒通粉..即刻去了九記食一直都喜歡九記的清湯腩男友叫了清湯腩伊面而我就叫了咖喱牛筋腩伊面很好食...d牛筋超正..好爽口彈牙呢咖喱味濃郁...不過幾油下若不想食咁油膩，食清湯腩亦不錯呢先前已經過牛腩河，而家再試伊面..伊面係好食好多...難怪會貴d我張台有個新加坡人....特登黎試呢....果然呢間野好出名

一心諗住試九記D牛腩'見佢甘出名就抱住好大期望'碗牛腩一上枱個樣幾靚仔'滿心歡喜'一咬...點咬都咬唔開'味道又唔係特別'真係唔知賣點係咩@_@''

一班人12點到, 己見到排長龍1230放人入去, 我5個人都已經要坐樓上坐低, 等一陣, 個好大隻呢待應哥哥就問我食乜, 之後就等上菜我碗牛腩河, 份量比想像中細牛腩淋身, 有衣件好味口, 難得係唔'痴'牙牛味濃, 湯底都濃, 食完都唔口渴味道是合格有餘待應都無乜態度差, 只係木口木面, 愛理不理咁可能我知規矩, 等佢同先點菜, 所以無乜特別受氣

食完之後,其實唔係好明點解有咁多好評,當然,我都唔係話佢\地個牛腩唔好食,只係我自己覺得普通一點!我食既係咖哩牛腩麵,牛腩有比較多既肥油,可能咁啱我嗰碗多左少少,其實又唔係全部都係,否則已經入唔到口,比較欣賞反而係個咖哩味道,因為幾香!至於牛腩,我覺得有筋嗰兩件好少少!

1:30pm 人在中環搵地方食lunch, 正頭痛緊度度都多人到趴街的時候(特別0係見到勝香園條人龍之後...), 入0黎竟然大把位, 當然整個好耐好耐無食的腩伊($26).無special request 0既情況下, 牛腩偏瘦, 帶肥0既部分就當然更好食, 不過唔算韌, 最重要係肉味極濃郁, 好食! 伊麵淥得爽口, 配上又係勁正的濃味清湯, 好得! 味道同我年幾前0黎食的完全無變, 果然係九記0既出品(樓下)環境都係咁, 坐得係迫, 不過乾淨, 算係咁啦; 伙計係幾寸又幾惡, 不過我從來無俾佢0地呼喝過(唔似得今日前後見到的兩個男人, 自己食乜都唔記得, 搞到俾錯錢, 仲俾落單伙計狂轟@_@"), 又無漏/ 錯過單, 做0野又快手快腳, 算係咁啦.埋單$26, 比之前的$24 貴, 不過我覺得合理, 會繼續幫襯. 有得唔係好明, 點解咁多人$26 食一碗水準清湯腩伊會嫌「貴」, 但又願意花近$30 飲一杯「S 字頭連鎖無味咖啡」0架呢? 呢個世界真係多奇怪人lak!

牛腩呢樣野,唔同人有唔同要求,有人鍾意牛味要夠,有人一定要煮到好林,有人要食有筋,有人要走筋,...所以其實如果有一間賣牛腩人人都讚可以話係個奇蹟!九記既牛腩,我覺得都ok,喺我心目中,重要性牛味多於口感,因為就算d牛腩好林但係唔夠味,不如食豆腐!我比較鍾意食佢個咖哩牛腩麵,因為咖哩味可以掩飾佢地清湯既唔夠水準!今日又食左一碗!但係有好多人鍾意佢地我唔會反對,事實上牛腩佢地唔會太差,特別係牛腩衣!

不外如是今日食清湯牛腩粉．牛腩唔林．無牛味．又韌又黐牙；湯好一般，味精水加一層肥油份量好小．食完好似無食．價錢貴．２３蚊一小碗．真係極之失望．.

有名的食店總是教人又驚又喜，驚的是它會讓人失望而回，喜的固然是因為有機會嘗到別人認定的美食。今次去到九記，等候的人龍不算多人，等了幾分鐘便有位。坐下便點了上湯腩伊，友人點了上湯腩河。上湯腩河先來，嘗一口湯，就是猛點頭，然後進入瘋狂狀態，吃完了我的伊麵還未見芳蹤。友人意猶未盡，再點了咖哩筋伊。我的上湯腩伊才來，馬上試一口湯，的確很清，然後看見伊麵就像是粗麵，吃一口便覺得好吃。主角的牛腩沒有欺場，不過有些部分不是太「淋」，還有點「un」的感覺，但整體上已經比很多地方好吃。友人的咖哩汁很惹味，伴著伊麵吃簡直令友人不能停口。服務和環境方面當然不會有什麼要求私了，而且已經比想像中好。最深刻是一個伙計不用寫便記得全店內的人點了什麼，然後把總數告訴廚房，再把麵準確地送到正確地方，很厲害。