九爺牛腩 (新聲大廈)

營業中

休息中

之前係尖沙咀做完Facial, 行經漢口道見到新開左間清湯腩舖頭，價錢唔貴，Bookmark定打算帶鍾意食牛腩的爸爸👨🏻‍🦱黎試周末下午黎到，人流都唔少店內設卡位🫰🏻招牌係崩沙腩同八寶河，分別$5️⃣0️⃣同$6️⃣0️⃣蚊，係尖沙咀黎講好抵食早上8️⃣點至1️⃣2️⃣點仲有早晨麵餐😮除左粉麵，仲有港式茶記的常餐，三文治餐，飯餐，泡飯，小食同下午茶餐==========🔹崩沙牛腩河 $50崩沙腩份量唔少，厚度適中崩沙腩吃到不錯的牛香，脂肪比例不高，調味恰當不過鹹，肉質腍滑有嚼頭河粉軟滑，湯底帶牛骨鮮香而不油膩加上蔥花及辣椒油一齊食，令味道層次提升+$8️⃣配飲品推介指數：9/10==========🔹招牌八寶米 $60分別有牛腩，牛筋，牛肚，貢丸，墨魚丸，牛丸，魚旦，魚皮餃牛腩帶牛香，肉質雖然不及崩沙腩腍滑但也不"鞋"口牛筋軟硬度適中，口感彈牙牛肚分金錢肚及草肚，煮得夠軟腍爽彈以為大批入貨的丸類會較失色，誰知有驚喜，丸類粒粒皆有彈牙口感及其應有味道（例：魚旦帶魚味），墨魚丸有墨魚粒魚皮餃則是正路水準，偏油一點米粉煮的時間剛好，夠爽口+$8️⃣配飲品推介指數：9/10==========🔹淨鮮蝦雲吞 $40有7️⃣粒且粒粒飽滿

潮州粉麵一向係我嘅心頭好，最近喺漢口道開咗一間九記牛腩，地理位置非常方便，尖沙咀地鐵站一出行1分鐘就到，呢間店舖新開幾耐，但係中午同埋夜晚食飯時間都出現排隊人龍，真係唔簡單👍🏻👍🏻呢度當然係主打潮式粉麵，馳名牛腩，牛嘅內臟，有各式各樣唔同嘅配搭，另外當然仲有各式各樣嘅丸類，水餃雲吞，炸物小食，基本上潮式粉麵鋪嘅嘢呢度都一定有得食，而且價錢好抵食，喺尖沙咀來講算係性價比好高😋🐮▪️牛魔王米粉 $ 70 呢個真係牛雜粉絲最愛，一碗有齊牛腩，牛筋，牛肚，牛腸，牛膀，這盤潮州滷水真係有料到，全部炆到軟腍入味， 應爽則爽，味道充滿滷水香，特別喜歡牛腩半肥瘦，牛筋夠腍有彈性，仲有牛腸非常乾淨，味道濃郁帶少少肥膏，超正🐮▪️招牌八寶河 $ 60本來想食崩沙腩，但可惜我去到已經賣晒，下次朋友趁早，乜都想食就叫佢哋嘅招牌八寶河，一碗有齊八款餸，有牛腩，牛肚，牛筋，魚蛋，牛丸，貢丸，墨魚丸，魚皮餃，呢度除咗牛類產品，丸類都唔錯，爽口又彈牙，食完大滿足🐠▪️炸魚片頭 $ 28即叫即炸，魚味香濃又彈牙，配泰式甜辣醬🐟▪️酥炸炸魚皮 $ 20食潮州粉麵配炸魚皮是必須的，魚皮算係幾厚身，夠香脆🥬▪️腐乳菜心 $ 20翠綠鮮

尖沙咀鬧市新開牛腩專家，有各種部位而且很平就能吃到，還有比較少見的牛雜麵😍🔺招牌八寶河$60✻ 超大碗粉麵，配料十分豐富✻ 牛腩肥瘦適中比例大概4:8，肥膏完全不會過膩，入口即融✻ 牛筋入味，彈牙卻不韌，高質✻ 各式丸類也十分出色 - 牛丸牛味濃又彈牙 - 白魚蛋鮮美 - 墨魚丸和章魚丸十分足料，鮮味十足 - 魚餃非常濃郁油香🔺五香牛雜米$40✻ 牛肺和牛膀份量不少，而且處理得很乾淨，完全沒有牛腥味✻ 牛大腸十分肥美，咬下去超多汁滿滿油脂香✻ 金錢肚份量很多，而且每一塊都十分厚切，口感肉質一流🔺手撕雞（沙薑）$90✻ 沙薑醬很多，非常入味，略顯吃到最尾會有點太鹹✻ 雞肉嫩滑，去骨去皮後吃起來很方便，性價比高🔺酥炸魚皮$20✻ 份量十足絕不馬虎，炸得香脆又有魚皮的鮮味

剛剛外遊回港，因為黃碼唔可以堂食，又想食下啲本地食物，就喺度叫咗外賣返屋企食。可惜其實都只係下午2:15左右，崩沙腩已經賣晒，唯有叫住2碗普通牛腩河試吓。點知就中伏了。。。返到屋企打開，其中一碗牛腩河基本上半份都係肥膏，都唔知點食，食完果半分叫做有肉嘅牛腩後都好似冇食過嘢咁，完全唔飽。真心唔明師傅見到呢一份牛腩半份都係咁嘅樣嘅時候點解仲可以比客，係唔係恰我外賣冇得返轉頭要佢換？本來諗住話試吓新店，好食的話下次點都返轉頭試佢個崩沙腩，而家？真係唔會再有下次。

朋友推介這裏的崩沙腩麵都是$50 ，今晚便趁空檔，專程來到這裏一試。來到的時候差不多七點，不過可惜崩沙腩已經賣完，證明這裏的崩沙腩質素應該不錯，唯有下次再來的時候再試。招牌八寶麵$60，包括香菇貢丸、魚蛋、魚餃、牛筋、牛腩、牛丸、牛肚、墨魚丸。除了牛腩之外，最有驚喜就是牛丸，爽口彈牙，牛肉味道十足。牛腩伊麵$48，牛腩份量十足，肉質軟淋，伊麵吸收了牛骨湯之後，味道層次更加豐富。凍檸茶$8，茶味濃郁，檸檬分量十足，非常有港式檸檬茶特色。凍鴛鴦$8，奶茶和咖啡的份量比例平均，如果濃味多一點更好。淨雲吞$40，蝦肉和瘦肉的比例均勻。腐乳通菜跟餐$12，如果以這個份量來說，價錢超值。

懶洋洋的星期日下午，唔想大魚大肉，想食粉面，咁啱就經過漢口道見到呢間個樣都新新地嘅粉麵，門面光鮮乾淨，伙記都好好禮貌，不過因為都坐滿咗啦，我就嗌外賣啦。跳得做九爺牛腩，理論上應該係牛腩最出色嘅，但係我又鍾意牛雜喎，咁就叫咗個牛雜河囉。外賣碗係會將啲粉麵同湯分開嘅，唔好浸到淋晒。首先試吓啖湯，清甜得來又有五香嘅香味，好鍾意，因為有啲牛雜粉麵嘅湯底好濃好濁，呢個好唔同，啲湯都可以飲晒。牛雜好入味，淋度適中，份量亦都唔少。河粉正常發揮，都幾滑口。老闆仲跟咗一個辣椒油俾我，加埋個河粉簡直天衣無縫。整體每一樣都做得好好，外賣只不過係$41 ，喺尖沙咀好難搵到咁出色嘅性價比又咁高嘅粉麵。下次會再試牛腩同埋魚蛋😋

在一次係週末遊覽下尖沙咀，🤭不過呢一次就主要集中行吓尖東，同樣都係非常之熱鬧同埋有咁多商場可以行足成個下晝，😍當然亦都要周圍搵吓有冇新嘅餐廳咁就可以順便差下電。 😛對於牛魔王嘢我當然非常留任何同牛有關嘅餐廳，碌吓碌下就發掘到一間新開嘅牛腩專門店，九爺。 😏依家出去食個粉面閑閑哋都幾十蚊，如果係尖沙咀都食到靚嘅牛腩用嘅都只係$50就真係經濟又化算，仲要係嘢食到成隻牛比例唔多嘅崩沙腩🤩招牌八寶河— 🐮當喺度糾結食乜嘢嘅時候最好嘅辦法就係全都要，叫一碗八寶河咁就齊集晒呢一度最招牌嘅食物，🐮例如有貢丸有牛丸有墨魚丸有牛筋有崩沙腩金錢肚等等等等，價錢當然亦都係非常之公道合理，咁樣亦都唔細㗎。🐮首先當然要講吓呢一度的招牌崩沙腩，🥩除咗同平時牛腩一樣都係啖啖肉之外最重要係呢一個部位相對來講就更加軟唸冇咁難咬，🥩至於兩側都有一塊腩皮係非常之彈牙同埋係崩沙腩嘅獨有特徵，🥩經過長時間嘅腩汁炮制之後相對就更加香甜同發揮肉嘅質感牛筋嘅味道同樣都係無懈可擊，🥩可以見到每一條牛筋都係原條奉上，有啲嘅大小直頭係牛孖根咁大同埋咁粗，🥩就算係幾大都好但佢哋食落去都已經感受到係黏黏糯糯，非常滋味🥩另外仲有三種丸類都各有

位置尖沙咀漢口道「九爺牛腩」平時Lunch 大排長龍 ，剛好今日下午經開無人排隊就入去試試佢😎😎坐位都舒適，卡位及圓枱都有空間感❤️❤️一睇餐牌必食推介 *崩沙腩河$50* 係尖沙咀地區$50 性價比真係超高😍😍崩沙腩河$50 （加牛肚 +$10）識食當然要食崩沙腩，呢個部位肥少少，牛脂味香濃特別有咬口，呢到炆得唔太腍又唔太韌恰到好處，而牛肚用滷水浸過非常入味份量都唔少加埋爽滑河粉，今次真係大滿足🤤🤤炸墨魚丸$28外脆內軟，咬落仲有粒粒墨魚肉又彈牙，正👍🏼👍🏼👍🏼凍檸茶+$8

尖沙咀搵食時，不經意睇到「九爺」二字，個名有D串就睇吓咩料，細心一睇原來係一間主打牛腩既餐廳。一陣濃濃既牛味撲鼻而來，實在太吸引😋崩沙腩麵 $50爽口又有油香味十足既崩沙腩，濃濃牛香味，入口有溶化感覺，$50蚊仲有咁多嚿，真心抵食👍🏻牛雜河 $40 牛雜有牛筋、牛肺、牛肚、牛膀等，味道濃郁夠淋身😋魚皇魚麵 $58魚肉製造粗魚麵，質感爽囗彈牙，差點分不出自己食既到低是麵還是魚蛋。 炸片頭 $28炸得金黃，非常彈牙，係我最愛既小食之一💯喺尖沙咀用呢個價錢，食到高質牛雜、崩沙腩等等，真心難得👍🏻👍🏻👍🏻

抵食八寶麵，亁淨環境，服務好！$60 尖沙咀食牛腩麵，仲要好食！$28 炸雲吞！ 好耐無食！懷念！凍好立克，$8！ 支持！支持！值得支持！ 要寫足80字！只能繼續支持！！

#性價比高崩沙腩午飯時間去邊度食lunch 係一個令人頭痛 但要成日面對嘅難題 快靚正 又唔使等太耐位嘅前題下 我有好介紹俾各位牛魔王😈😼-🍛崩沙腩飯 $62九記牛腩粉 要成$60 同樣價錢 喺呢度可以升呢食崩沙腩🥳 小店將崩沙腩同白飯分開上 腩汁唔會攪到啲飯又濕又淋 更有口感 崩沙腩嘅薄膜帶膠質同些少肥膏 爽軟唔硬 肉質軟嫩 點辣椒油 食 正到呢😋🤓🤩-🍜八寶麵 $60轉魚麵 加$14選擇困難冇有怕‼️ 揀呢個唔會失手😋 佢直頭係一個豐盛嘅全牛宴 加爽口彈牙雜丸 八寶即係：牛肚/牛筋/崩沙腩/魚片頭/魚蛋/墨丸/牛丸/貢丸 魚麵爽口唔腥 值得一試-🥣淨魚片頭 $40加碼魚片頭配辣椒豉油 彈牙夠味有辣勁-📍九爺牛腩尖沙咀漢口道17號地下F及G舖

平時間唔中都會想食吓啲簡單嘅粉麵做一餐。係I Square 後面漢口道有一間新開潮洲牛腩粉麵餐廳。見到幾四正就入去試一試。見佢哋嘅必食推介係崩沙腩河就即刻叫返一碗試吓佢。雖然$50，但份量都幾大碗，成片牛腩工工整整咁切開咗9件，湯都唔會死咸。想咸啲可以加傳統嘅魚露提味。另外又叫咗一碗雲吞，$40 六粒仲有菜底，雲吞蝦同肉嘅比例合適，仲有大地魚粉嘅味道。炸墨魚丸都唔錯，如果想試曬所有料仲可以叫招牌八寶河添。

《港式抵食牛腩🐮》———————————————-#九爺牛腩 👴🏻-尖沙咀物價都唔平，想搵碗抵食嘅粉麵都唔容易，呢間位於漢口道嘅新麵店十分高質，最緊要價錢貼地，性價比極高，$50就食到😊 而且選擇多元，環境亦乾淨舒適，店員親切好客，好好服務🤟🏻-🐮 崩沙腩麵崩沙腩口感軟淋，肥瘦適中，份量十足😛我哋揀咗湯伊麵底，都幾特別，店員仲推介我哋下次可以食咖喱牛腩撈伊麵，更加入味😚-⭐️ 招牌八寶河呢個招牌款式夠哂豐富飽肚，有牛腩、牛筋、牛肚、魚皮餃、魚蛋、牛丸、墨魚丸、貢丸，特別中意牛筋，充滿骨膠原，爽口彈牙，腩汁嘅湯底亦好香濃😍-另外我哋仲追加咗兩款小食，炸雲吞同魚皮都好香脆，炸雲吞裡面嘅蝦勁彈牙，十分足料🍤-⭐價錢參考：崩沙腩配豬手伊麵： $56招牌八寶河： $60炸魚皮： $20炸雲吞： $28🍌抵deal 指數：8/10💰人均消費：$100

今日去做facial路過見到尼間新開既餐廳，見今晚屋企又吾煮飯，就叫細佬放工過尼一齊食入座後職員比餐牌我地睇再同我地講崩沙牛腩、牛魔王、招牌八寶，尼3種比較多人叫尼食，睇價錢又真係幾抵，崩沙腩河都係50蚊，平時屋企樓下食崩沙腩河都要52蚊🤔我揀牛魔王河走青，細佬揀崩沙腩河，淨雲吞，再叫左凍檸檬茶職員好快送餐，牛魔王有好多吾同既牛內臟，望落都幾乾淨，食落幾入味，崩沙腩肥瘦平均，啖啖肉吾痴牙，雲吞d蝦好新鮮好彈牙，河粉份量好多完全食吾曬，好飽好抵食

尖沙咀漢口道開咗間新嘅麵店，平時lunch時間好多人幫襯，今日就吓嚟食晚餐，餐牌選擇都幾多，主打招牌八寶河，崩沙腩河… 價錢貼地，尤其精選套餐好抵食，$50 包埋油菜同飲品～招牌八寶河 $60非常豐富足料，有牛腩，牛筋，牛肚，牛丸，魚蛋，魚皮餃，墨魚丸，貢丸… 牛腩肥瘦適中；牛筋好多膠質好有咬口；牛肚爽口，丸類爽口彈牙～加咗腩汁嘅湯底特別香濃～黃金片頭河套餐 $50魚片頭炸到金黃色，裏面好爽脆彈牙～河粉好滑好大碗，湯底都好清唔會太鹹～套餐配嘅🥬油菜可以揀生菜/油麥菜/菜心，我哋揀咗腐乳菜心～非常爽脆，而且都好大碟～炸墨魚丸 $28炸得香脆可口又唔會太乾，好似墨魚丸爽口彈牙～香茅雞翼 $28超大隻雞翼，外皮炸到金黃色好香脆，咬落去嘅時候仲會滴晒肉汁，雞翼都醃得好香而且唔會太鹹～總結，食物質素唔錯，上菜速度超快～老闆都好親切，會走來同食客吹吓水～地點方便，環境乾淨舒適～