九井壽司 (已結業)

香港真係冇咩高速線嘅餐廳，企喺餐廳門口已經俾佢個裝修吸引住，就好似一架列車咁~~小朋友一定好中意！嗰時下晝三點幾入去，都仍然好多人，但好好彩好快就有位！二人坐到卡位好開心，座位好闊落！全部都係用ipad落單，揀完4樣野食落單就會有一次抽獎機會！第一次失敗左，之後終於抽到。。。一支益力多，haha, 都已經好好玩好開心！野食方面，個海膽帆立貝飯係好正！成條星鰻壽星又係bling bling眼，仲有其他壽司都不錯！可以再encore

今日係Mega box行完街，見有d肚餓想找嘢食醫吓肚，噤啱見到有間壽司舖就過去睇吓，見到價錢唔係幾貴，而且入面係用平板點餐和用高速列車送餐，費事再周圍找就入去試吓坐低睇平板都好多選擇，之後我還選左：加州卷、吉列牛肉薯餅、北寄貝、赤貝、油金魚壽司、軟殼蟹手卷、和甜蝦剌身。加州卷，大細幾適中，入口時蟹籽popo聲，青瓜好爽脆。吉列牛肉薯餅，熱辣辣新鮮炸起，外皮好鬆脆，裏面係牛肉和薯仔搞成蓉，囗感軟滑北寄貝壽司，入囗彈牙，唔覺硬身有雪味。赤貝壽司，赤貝雖然唔係好大件，但咬落好爽好鮮甜。油金魚壽司，入囗甘香肥美，美味可口軟殼蟹手卷，咬落軟殼蟹感覺脆咯咯，唔覺油膩。甜蝦刺身，蝦肉新鮮，香甜美味今次呢間都算唔錯，不過不失

平時好少會去MegaBox，今日入咗去行街，見到呢間壽司店外表有趣就吸引了我入去，餐廳以電子落單形式，壽司會從高速鐵路運過來。如果每次落單多過或等於4樣嘢，系統就會同你抽獎一次，我抽中了一包蘋果汁呢，不過就要計埋+1 ，即係$1左右就有一包蘋果汁飲。所以大家記得儲齊四樣先落單！不過食物送來的速度有驚喜， 5分鐘都沒有就送了壽司來。刺身10分新鮮，三文魚腩10分推介，還有很多款式的小食揀。下次會再去！^_^

今日去咗mega box行街，見到九樓有間壽司店，佢又係用列車自動上菜既模式，自己都好鍾意呢個方法，都真係幾得意，每次都好期待架車黎到首先試下佢嘅牡丹蝦壽司（$35/個）雖然牡丹蝦唔算好大條，但勝在佢原隻上，見到蝦頭裡面好多蝦膏，睇得出非常新鮮。然後點了我最愛嘅鰻魚壽司（$25/個），仲有星級版嘅原條星鰻壽司（$38/個），震撼感滿分，而且食落無明顯嘅魚骨。最推薦嘅係濃芝士軟殼蟹卷（$38/碟），入面嘅軟殼蟹炸到好脆，上面仲有芝士蟹料，口感一流。怕唔夠飽所以點了三文魚籽海膽迷你丼（$68)海膽味道甘甜，質感細膩， 都有少少入口即溶嘅感覺。之後再叫迷你烏冬（$38)，結果上嚟嘅時候一啲都唔迷你，嚇咗嚇，所以烏冬幾抵食！

Went here randomly as I was at MEGABOX.When I sat down, I placed my belongings on the side as usual and waitress said you couldn't put stuff there as it was part of a rail.To be honest, it was then that I discovered that the sushi was delivered by a mini bullet train and when it gets delivered the mini screen will alert you!It is was quite fun to get your food delivered by the Japanese sushi train if you haven't experienced it before.Obviously not new in Japan where it comes from and there must

每次經過MegaBox都會選擇到此食壽司今次叫左魷魚壽司，油金魚壽司，火焰左口魚🍣每次都一定會叫火焰左口魚超級好味😋😋之後見有推出新品就追加左個豬軟骨烏冬，出奇地好食豬軟骨很林，軟骨部份變成膠質超級好味👍👍因為太好味食到一半先記得要影相🤣🤣下次一定會再叫

成日食壽司都係食連鎖野，今次黎到mage box見到依間壽司餐廳以鐵路做主題，就試吓新野喇！入面都係有卡位同bar位坐，為咗方便同朋友傾計，我地就揀咗卡位坐，依到都係用平板電腦黎落order既，不過每次order只可以落４款野食，第一次落完order後見到有段動畫彈出黎，以為係廣告或者loading時嘅過場位，點知睇多次先發現係抽獎遊戲黎，食咗５－６round都中咗２次獎，有蘋果汁同益力多送，唔係得個樣呃人架喎，又幾過引喎！野食同禮物都係由高速線嘅火車送到你面前，啲小朋友一定好鍾意架姐。野食方面刺身同熟食都算多款，壽司方面我地嗌咗帶子、油甘魚、三文魚腩、磯煮鮑魚、火灸左口魚裙壽司等等，比較特別嘅係依到嘅海膽、吉列蠔壽司，香蔥吞拿魚壽司配既紫菜係一塊上墊係件壽司底，咁就唔驚d紫菜會淋晒喇～熟食方面都嗌咗幾樣，有海哲、海苔魷魚天婦羅等等，最正嘅係有我去居酒屋最鐘意食嘅雞泡魚干，竟然依到都有，正呀！

九井壽司的壽司質素非常高， 尤其饅魚壽司， 火炙芝士熟蝦壽司， 絕對值得一試! 欣賞餐廳有很多特色的食品，例如櫻花味波子汽水，蜜瓜味波子汽水! 鰻魚飯的分量非常充足， 絕對能夠讓人食得飽! 另外，餐廳服務的效率非常高，下訂單後，很快就送齊所有壽司! 我們下完訂單後沖了杯煎茶， 壽司便陸續送上! 服務員也非常好，額外取一碗碟及餐具給我們，方便我們幾個人分享食物! 我們一舉手或按呼叫鍵，就立即有服務員前來! 看見有空碟，都會立即收走，使枱面騰出更多空間! 真的能夠讓你在一個舒服的環境下享受食物! 總體而言，我覺得環境非常理想!有自己的空間可以和三五知己一起享受一個愉快的下午!非常推薦! 因為平板電腦下訂單， 可以顯示訂單歷史記錄，我們很容易就能夠追查到還有甚麼食物未送到! 因此非常方便!食物快送到時，平板電腦還會有所顯示! 滿四次訂單，就會有一次抽獎， 都是令人充滿驚喜的安排! 我們真的能成功抽中，獲得額外飲品!

平時沒有為意到呢間高速壽司店，估唔到抵食得來又有驚喜！平日夜晚去不用等，買單只係三百幾蚊。特色香蔥吞拿魚碎/ 海膽吞拿魚碎有魚香味，幾新鮮。海膽都無臭味，值得一讚係塊紫菜非常脆～不過就好似一定要用手食啦！吞拿魚+油甘魚+甜蝦刺身首先，魚生全部都幾厚切，口感大加分！油甘魚有魚油香，脂肪比例平均。甜蝦都新鮮無雪味，推介！芥辣八爪魚軍艦我一向最愛的芥辣八爪魚軍艦也很不錯，八爪魚同芥辣都好大粒，口感非常滿足但又不會過辣黑松露油甘魚壽司 鰻魚壽司油甘魚加試黑松露簡直香上加香魚油香加黑松露的味道一層一層在口中溶化，非常好食！鰻魚烤得也岩岩好！總括而言係喜出望外既高速壽司啊！

Megabox睇完戲剛好發掘到9樓的九井壽司，無論點餐系統定係餐枱佈置都十分熟悉，是全自動的高速線！點餐系統基本上大家都會好熟悉，都係用平板電腦操作，方便又快捷。上菜速度都幾快，落完單不到幾分鐘，壽司就從高速線傳到面前，全餐無一張單有錯漏，值得一讚。首先點的是芥末八爪魚軍艦，紫菜仲係脆的，混合左八爪魚及芥末，十分開胃。加上八爪魚爽口彈牙，話佢係最喜愛的軍艦都不為過。三文魚壽司刺身偏厚，食落有肉肉的感覺，不是薄薄的魚片，有口感又新鮮。甜蝦壽司有2隻甜蝦，蝦好creamy, 質地軟滑，味道偏甜。軟殼蟹手卷話就快需時20分鐘製作，實際等左5分鐘左右已經有得食，紫菜脆，軟殼蟹仲熱，香脆。海苔魷魚天婦羅幾特別，外脆內爽口彈牙，炸粉混合了海苔，沒有過多過厚的炸粉，味道剛剛好之餘仲好香口熱辣辣。味付螺肉帶點點香辣，口感爽滑，配上特別的醬汁。味付中華海哲是罕有少見的小吃，也帶點香辣，芝麻味更香濃，非常爽口，吃完又吃。海膽魷魚軍艦海膽水份適中，整體濕度剛好，紫菜脆，重味的海膽配上爽滑的魷魚係幾夾。北寄貝沙律軍艦比想像中好食，沒有過濕，北寄貝仲好彈牙，沙律都唔係奇怪的味道。北寄貝壽司幾厚肉，也是爽口彈牙，

From time to time I’ll crave for sushi 🍣! Who doesn’t really? 😂 Like tonight, after we have done the furniture shopping in mega box, we found this sushi place! Glad sushi shops are all around in Hong Kong! 🍣🍣🍣It’s quite late when we arrive so not many people was still here. 🍣🍣🍣We quickly ordered some sushi plates! 🍣Cheesy crab seed sushi 🍣wasabi squid tube sushi Both are so yummy and looking great! The sushi is quite large in size, and full of ingredients! Especially love the wasabi squid tube,

好耐冇行過MEGA BOX, 見今日放假就黎行下原來食飯時間呢度都幾多人, 因為呢度都幾多工業區為左避開繁忙既食飯時間, 我地決定周圍行一陣先食野,,行到2點左右就見到呢間九井壽司, 佢店面整到好似日本新幹線咁咁我大概有D印象好似睇過介紹係用運輸軌黎送餐, 童心未泯既我決定入去試下店舖入面既裝修都有D似新幹線既車箱，而且裝修用藍白色為主，比人一種好簡潔既感覺。坐椅都設計得好好，好舒適，無迫既感覺👍🏻呢度有LUNCH SET叫, 我地叫左一個三文魚海膽飯海膽唔會苦, 唔錯係厚切三文魚呀, 好新鮮, 好好味。我地重叫左咖喱豬扒飯，啲豬排外脆內軟，好好味。同三文魚一樣都係厚切😂定食包括左沙律同面豉湯, 沙律醬配左麻醬,沙律菜都好新鮮食完兩set 定食之後，見到有人叫刺身，好新鮮既刺身向我地身邊既運輸帶經過，好似活生生既魚向我地身邊游過咁，好吸引，所以我地都決定叫返客刺身食下😂食晒所有野，真係飽到一個點😂😂我地重叫埋甜品，竟然重食得落。佢甜品有芝麻雪糕同埋綠茶雪糕，我選左綠茶，特別係竟然有益力多😂😂😂食左咁多野，都係二百幾蚊，抵到爛。強力推介lunch set, 性價比好高👍🏻👍🏻

星期六訓到自然醒，兩點幾心血來潮想食壽司，就特登走去Megabox九井，勝在唔使等位，食完仲可以周圍逛下。講返野食，魚生係新鮮嘅，而且夠厚身，食到魚生嘅口感。蝦、赤貝、油甘魚、帆立貝、魷魚都無問題，十分好食，吞拿魚切得較薄身又帶筋，一般，比目魚裙邊厚身夠油香不過有啲韌。好野講完就到衰野喇。飯都係壽司重要嘅一環，今次嘅壽司飯太硬，而且有點鞋口，感覺啲飯浪費左啲魚生，可惜!另外有個更大問題，就係個海膽!!!（三文魚子係無辜的，佢好好）海膽聞落有腥味，食落去無甜味仲要係苦嘅。難怪坐我旁邊嘅女士叫左個帆立貝海膽飯，食唔到一半就放棄左走人。十四件壽司再加碗飯，二百頭加一，價錢中等，希望下次去有改善。

難得放長假，當然要同朋友們搵好野食啦。成日食連鎖店壽司，今次就試下九井壽司。一入到去就見到門口擺左好多兒童圖書，照顧左小朋友嘅需要，都幾貼心。環境光猛寬敞，坐得幾舒服。 因為太肚餓，我地一坐低就用平板落單，叫左四款野，跟住熒幕就顯示我地成功挑戰，有一支益力多送，原來累積叫四樣野就可以抽獎，都幾得意。壽司和刺身好新鮮，三文魚、甜蝦、帆立貝鮮甜唔會腥，豉油又唔會太鹹。火灸三文魚壽司入口即融，配埋上面既沙律醬，好滿足。濃芝士軟殼蟹最好食，外軟內脆。鰻魚丼飯好抵食，大大碗，夠曬三個人分，而且鰻魚好入味，燒汁唔會太甜，而且無泥味。南瓜薯餅暖暖地，雖然外面個層脆，但唔會覺得好油膩。整體黎講，食物質素唔錯。

去Megabox唔想再食foodcourt 所以就去周圍望下有咩其他野食 見到呢間design得好醒神好得意既壽司新幹線 好奇心驅使下就決定入去試下啦~入面都多位 仲未有好多人 環境幾光猛又坐得幾舒服用ipad點餐 介面有得意又清晰 佢成間壽司店色tone都係用白色同藍色 連個介面都係 其實好有心思點完餐就所有野都係有新幹線直接送到我地面前 一次過點4樣野仲可以用ipad自動抽獎 不過我失敗左哈哈野食方面叫左黑松露帶子卷同三文魚腩壽司 好肥美又鮮甜 然後係我地最期待既迷你丼 一個係三文魚籽海膽一個係鮮帶子海膽 d海膽一d都唔腥 連埋d飯真係好好食呀 真係所有野都咁新鮮火炙三文魚腩壽司燒得岩岩好 d汁好鬼正見到我地點既野都知我地有幾鐘意食三文魚腩 所以叫埋刺身 一碟有三大舊 真係好厚好厚 咬落口個種幸福既感覺 真係超滿足 因為太好食所以total叫左兩碟 食完就真係好飽喇 最後係芝士軟殼蟹卷 炸得好脆 大件夾好味呢間日本野食新鮮之餘 環境設計都十分舒適同好新穎 下次黎megabox可以再食佢!