乜記粥粉飯 (已結業)

熬過一個通宵工作，多數都會填飽肚子才回家，沖個涼可以即刻倒頭大睡。正如一般香港茶餐廳，食物力求多完化，一盅排骨飯連飲品及油菜，亦不過$30左右，其實排骨醃到肉質鬆化，不太喜歡，油菜反而淥得綠油油的，賣相不錯！以十五分鐘極速KO早餐，如果不是太攰，還可以再快一點。

由於叔叔明晚放假，所以媽媽要到街市買今天及明天的餸，於是我們便到外面吃午飯，本來是去珍苑吃的，但奈何珍苑今天休息，所以便去第二處地方吃，想去適雅，但價錢太貴，後來見到有間乜記，因為未曾試過，於是便和媽媽進去試下！媽媽叫了車仔麵，蘿蔔配牛脯，跟米粉，而我則叫了咖哩雞飯，跟例湯－青紅蘿蔔湯，加多一碟油菜－菜心。先講媽媽的牛脯車仔麵，媽媽話好老，但我不知道，因為我沒有吃過！跟著是我的咖哩雞飯，講起我就發火，佢地給我的是－咖哩雞翼飯有無搞錯？竟然是咖哩雞翼飯？有沒有求其些呀？咁都得？通常一間茶餐廳都應該不會這樣的，佢地寧願給雞胸也不會給雞翼！簡直過份！而且佢的咖哩一點也不辣，好似水的一樣，跟咖哩飯更是硬的！寧願去大家樂吃好過！而油菜亦很老，不好吃！這間可以Black List，列入黑名單，永不再來！

今日返到黎上水，同3個fd一齊就諗住搵間平平地既茶餐廳食下就去左呢間乜記入到去d位逼都正常拉開張椅果陣,已經摸到有d野咁都算啦就嗌左「招牌」既車仔麵叫左脆皮腸,雞翼既米粉碗野黎左我地就係咁食冇諗過會出問題當我食到2/3果陣,另一個fd已經食完第3個fd就發現碗入面有好多黑色野我望一望自己果碗真係見到有幾粒!再細睇先知原來係蟲!!我地碗碗都有蟲仲要有5,6隻咁多叫人點食?影得唔係好清,但細睇係蟲黎!當我地話比d呀姨知果陣佢地就係咁話係菜花乜原來菜花都有腳嫁咩?乜記唔係講乜都得!希望你地既衛生有改善!

平時都食開，因為d飯餸黎既速度快，仲有電視睇下，都ok！選擇不多，餐牌次次一樣，黎黎去去幾味d餸既味道一般，至在求其一餐！仲要飲野個杯外有隻蟻我都算，無出聲！個餸黎時有位待應已經掙d倒瀉碟餸，隻手插入碗湯，我都算，佢仲要無比過碗我！呢d我都無所謂，算！之後真谷氣，佢地地方不大，d櫈放得騎呢，好似飯堂甘，之後有個待應姐姐想行，但地方細，客人與客人張櫈背住貼住坐，佢竟然話，仲咩坐到甘！仲要唔該借借都唔識講，小朋友都有教啦！佢仲一路行一路話不特止，同人地寫緊單都仲要講，真係比錢受佢氣！佢d甘無禮貌既人影響哂香港形象！幫老闆倒米，位係老闆擺！佢話d客坐得衰，唔鬧老闆擺得衰！

今日, 搞到9點幾10點. 陪同事仔一齊過關而到了皇崗. 轉車轉呀轉地來到上水. 入夜了, 都係食左野先去火車站啦. 有時食野, 不一定是要找好食, 方便就腳亦是好重要的. 另一個方向, 就是一些隱蔽的偏僻的, 同名字特別的. 這家乜記, 首先符合了條件一, 就腳, 因為就係17號Van仔站站頭. 條件二, 個名夠衰, 好改唔改叫阿乜....係咪乜都有得食先.........lets find out...........夜以深, 這兒仍有盅頭飯, 車仔麵, 碟頭飯麵, 小菜小炒都有. 果然是要乜有乜. 乜都有得賣.....記起以前一套電影既對白, 小販說, "我乜都有得賣...." 曾志偉叫 "俾件乜我呀" 小販隨手拿了一件東西俾佢. 曾志偉問"呢舊乜黎架?" 小販答"你話佢係乜咪乜囉"....... 不過放心, 我唔會寸到要侍應阿姐整碟乜俾我食咁抵死既. 點都細心檢查一下menu. 結果叫了一碟菜遠火腩炒麵.點解會想起係茶餐廳叫炒麵食呢. 原因當然是受鄰檯食客影響. 看見他們的炒麵是煎麵餅. 而我就最愛這香脆的煎麵. 喜歡食炒麵既人, 大多都是喜歡食到脆卜卜的麵. 所以麵底, 是滿

今日下午食晏後要趕時間出九龍上堂，午餐便順應"杯麵"去乜記個便餐，因為要趕時間，坐低後不容細想便叫了招牌車仔麵餐加快馬，果然夠快只消一、二分鐘便送來了車仔麵及凍檸茶， 吃完後準備離去，才醒覺沒有上油菜一碟，原來伙記錯誤地落了招牌麵加凍飲，單上也只是寫上廿三元，其實再加多三元有碟油菜是好抵食及營養均衡些，因為趕着走惟有放棄碟油菜。雖然多時沒來，但車仔麵的水準依然保持舊日水準，特別推介這裹的蘿蔔，不會煑腍身，入口夠鮮甜爽口沒有渣，不過希望下次來唔好落錯單。

早就想試此店的車仔麵,今日路過,就來試試.見招牌車仔麵的五款食材都不太合個人胃口,就要了個兩餸車仔麵套餐$24,送油菜一碟及飲品一杯.車仔麵上檯很快,兩餸要了豬腸和爽肚,兩者都夠淋,份量亦不少;菜芯有五棵,足夠一人份量了,亦中和了葷素之間的關係.麵與菜之間的配搭很好,炆食物的火候足夠,湯底和汁液亦佳,此店果真名不虛傳!

今天食晏同事說想食車仔麵，我便想起最近寫字樓的乜記，很久之前經常在乜記吃早餐，多時没來店面依舊狹窄及座位擠廹，而且在冬日居然還有蒼蠅周圍飛，飲食環境真麻麻地。找了張双人枱坐下不用搭枱，不想費神考慮叫了乜記招牌車仔麵套餐，餸料有猪皮、豬紅、魚旦、雞翼尖及蘿蔔五款，套餐包一碟油菜和一杯冷熱飲品，麵底揀了油麵，油麵可索醬汁，最適宜做車仔麵； 白蘿蔔依舊鲜甜入口没有渣，味道都唔錯；豬皮都煑得夠爽身，不會太冧及斷成碎片，五款餸料份量都很多，而且又有一碟菜心，作為午餐都足夠飽肚，出乎意料之外冇加價，依舊二十六蚊一客，泠飲又不加收，都算幾抵食的一餐的了。這裹的食物很多元化，質量都合格，但老闆務必改善一下店面衛生，以免生意盈門都要客人拍烏蠅！

乜記是我以前經常吃早餐的地方，貪它的食物多樣化，有粥麵腸粉、車仔麵、盅頭蒸飯及一般茶餐廳食物；但店面較窄及座位較擠，飲食環境只是一般而已。今天胃口不好便一個人走入乜記食碗車仔麵作午餐，叫了乜記招牌車仔麵套餐，料有皮、豬紅、魚旦、雞翼尖及蘿蔔五款，套餐包一碟油菜和一杯冷熱飲品，料份量很重，白蘿蔔有甜味而且入口没有渣，想不到這裹的蘿蔔也有名店十多元一碗的水準，二十六收一客算是抵食的一餐的了。

呢一類港式茶餐廳,味道欠奉,但求平,快,款式多.此店除早上有盅頭飯,一般港式早餐外,更有車仔麵及粥品,一味力求多,多,多.由於要趕下一場,餐牌也未看便點了西蘭花斑球.端來的一碗老葛例湯,倒是熱辣辣,不過淡口了點,西蘭花斑球不一會已經到站,果然是一貫茶餐廳特色.玻璃茨汁不多,薄薄一層舖上面,斑塊用斑腩式做法,是怕不新鮮的做法,反而西蘭花灼得剛好,爽口而翠綠,茨汁調教得比較淡,個人而言是毫不吸引,斑塊肉有點霉,難怪要下點功夫.雖然肚餓,但質素太差,滿滿的一碗飯,只能靠淘湯灌下肚,怱怱忙忙下又要趕另一場.

今次不吃車仔麵而叫了艇仔粥+ 大大碟齋腸做早，十六元找數，另外有咸肉稯或腸加味粥套餐，索價十九元，有很多不同的配搭，下次我想試埋呢度西式早餐，跟鄰近的餐廳比較一下。

此店的早餐有很多選擇，有車仔麵、各式粥品腸粉和一般茶廳西式早餐，各適其式，今天吃了兩車仔麵加凍飲，十八蚊找數，料味道不錯，有十多款選擇。