影片
又發掘到平民高質日本料理 🤗Lunch又係去左銅鑼灣搵食 🤭Search 過環境、位置同埋價錢都好合理就去左試～環境好闊落，午市定食好抵食 🤭🍜野菜豚骨拉麵 + 唐揚炸雞🍗 🫶-2 粒炸雞🍗好脆好大粒，岩岩炸起，炸粉薄薄，啖啖雞肉，沙律醬有小小芥辣味，感覺中和左啲炸物既油膩感；沙律🥗配上濃香芝麻醬，份量岩岩好。野菜豚骨拉麵🍜，真係有好多野菜😸，一大揸芽菜、差唔多十粒荀 😁，無敷洐我呀 🤭，再加上燶邊叉燒，成碗拉麵係清甜，食得舒服 👍👍🍱蒲燒鰻魚丼＋日式煎餃子🥟-餃子🥟好味熱辣辣☺️ 。大讚鰻魚，燒得岩岩好，魚皮有少少🤏脆，嗚啊～正！☺️☺️大加分位！鰻魚肉嫩大大啖，大讚鰻魚汁，唔會係甜到爆同漏果種，鹹鹹地甜甜地，送飯一流，鋪係飯上面既蛋～好厚，小小流心，☺️ 三者配合得好好 😋😋😋👍 真心同中環貴三倍既有得比！！串燒我哋見咁平就嗌左燒雞腿肉串 🍗+ 開邊雞中翼串～ 香脆juicy 🤭😋 不過我哋中意食燶小小嘅雞翼，再燒耐啲就好啦～～🤗🤗套餐包埋麥茶～最後我哋又再追加左個米雪糕，因為好奇想試 🤭。無失望呀～清清甜甜，唔係好人工既米味但食到少少米味同埋米粒粒。👍 食左咁多好嘢都係每人120蚊左右⋯覺得難以置信😂😂 要多啲走出中環去銅鑼灣搵食！！呢間絕對會encore. 🤭🤭😋📍久留居銅鑼灣怡和街42-44號華人銀行東區大廈2樓
繼續閱讀
餐廳：久留居 (銅鑼灣)地址：銅鑼灣怡和街42-44號華人銀行東區大廈2樓老闆喺日本有間祖屋，而祖屋嘅名叫做「久留居」，用呢個名成為銅鑼灣怡和街呢間日式餐廳——久留居嘅名，咁就可以比老闆思鄉之外，仲可以塑造佢嘅日式料理王國🇯🇵開咗2個幾月，午市主打日式拉麵同丼飯定食🍜，部份食材由日本直送，價錢定位七十幾到九十幾蚊，無加一，有炸雞/煎餃小食附送🍗，再送沙律同凍/熱麥茶🍵，喺銅鑼灣呢個港島旺區嚟講算喺合理價位🤓；夜晚就主打日式居酒屋料理，環境都幾大仲要有好多卡位✝️野菜豚骨拉麵+日式炸雞定食 $86相對健康嘅拉麵🍜，除咗有三片燒香嘅半肥瘦豚肉片之外，就喺大量椰菜絲同芽菜，豚骨湯底有些少胡椒香，令彈牙嘅拉麵入味，另外配咗幾件炸雞，望落好似好油膩，不過配埋他他醬食又幾香口滋味，皮仲唔會好厚😋✝️吉列豬扒丼+日式煎餃子 $76呢個豬扒丼份量都幾多🤣，一個人食都幾飽，吉列外層唔算好厚，不過唔夠鬆脆，勝在豬扒唔會好嚡，肉香都算出🐷，連埋大大份炒滑蛋、秘製醬油、紫菜同京蔥絲一齊食，豐富惹味；仲未提另外有3件菜肉煎餃🥟，睇吓啲餡料都幾多👍除此之外，亦有幾款式小食、飲品、甜品可以追加，加$18叫咗個燒雞腿肉串，另外30幾度炎熱嘅天氣叫埋呢個日本高知縣柚子雪葩嚟食先夠過癮🤤，有清新柚子香之餘仲有粒粒柚子皮，消暑一流☀️
繼續閱讀
今日喺銅鑼灣行完街, 就去咗久留居食lunch 餐廳環境幾有日式居酒屋feel, 主打日式湯拉麵及串燒我哋就叫咗柚子豚骨拉麵定食(配日式炸雞)柚子味超濃郁, 仲有啲柚子皮係湯底柚子中和左豚骨湯底嘅肥膩感, 面頭嘅叉燒肥瘦適中👍朋友就叫咗蒲燒鰻魚丼(配日式煎餃子) 鰻魚丼上面既鰻魚幾肥美, 鰻魚汁平均分佈喺啲飯到, 玉子滑嫩仲有啲奶香味😋日式餃子皮厚薄適中, 內餡幾多肉汁我哋仲加配左章魚小丸子小丸子即叫即製, 夠晒熱辣辣, 配埋啲醬汁好香口🤣最後就以雲呢拿班戟蛋糕作結, 一層層超Creamy, 幾香雲呢拿味
繼續閱讀
好多餐生日飯，今次朋友帶左我去另一間日本菜係銅鑼灣怡和街附近，佢有講呢度環境好舒服，有個特大玻璃飽覽景色，餐廳既綠化佈置都可以令人心礦神怡！餐廳仲有好多唔同既日本酒類比大家輕鬆一下嘆一下tim!坐著影相打卡都過左唔夠十五分鐘，野食己經黎齊😉真係好好服務同快速！今次我同朋友各叫左一間午市定食，我叫左個柚子豚肉拉麵、朋友叫左煎餸子做小食、我叫左雞軟骨同雞腿肉串燒，再追加左二件炸雞加多個飲品木村富士山柚子梳打！講番柚子豚肉真係大大塊，濃濃的柚子湯汁令人食完好開胃配上香蔥，湯汁更香濃！唐心蛋熟度岩岩好，加上配料乾菜更加美味！另外餃子肉質彈牙滑溜！肉汁滿足！皮脆入裡飽滿！炸雞好好食，脆口又香口，配上特製沙律醬更幼滑！雞軟骨配上檸檬茶刺激又開胃！雞腿肉甜滑，啖啖都充滿醬汁！真係好味到食唔停手！最後甜品選擇左千層雲呢拿蛋糕，cream味濃郁！雲呢拿味出眾皮配上cream簡直係絕配！
繼續閱讀
.銅鑼灣一間平價午市定食👍🏻附近上班💼族可以去試下😆………辛辣豚肉拉麵怕辣嘅都食得🤣因為係唔辣嘅😌豚肉有2件👍🏻……….蒲燒鰻魚丼有3件鰻魚，份量適合細食嘅女仔……….日式炸雞（2件）包括左係午市套餐內，正常大小，味道正常……….日式煎餃子包括左係午市套餐內，日式煎餃子🥟，主要食脆口嘅口感，餡料比較小………章魚小丸新鮮，$18💸3粒………2人食埋單$228，味道唔錯，環境好靜，坐得幾舒服👍🏻………地址：久留居 (銅鑼灣)銅鑼灣怡和街42-44號華人銀行東區大廈2樓………
繼續閱讀