丼燃食堂

營業中

休息中

火焰焦糖三文魚壽司 $68去旺角兜兜轉轉都係去左依到有漫畫風格既裝修令到我覺得自己真係置身係日本咁有特色我點左 焦糖三文魚壽司個壽司入面既料有三文魚 青瓜 蟹籽 仲有蛋碟既側邊有火焰睇到我嘩嘩聲仲要d火 hold左成分鐘先熄比我影相影到夠打到個靚卡重點係 佢d火燒到d焦糖溶哂 入口甜甜地好好食仲要個飯底因為痴左d焦糖汁 所以夠熱入口暖笠笠好開心試問我地有幾可食壽司係甜既？所以我今次都係食過番尋味 再次黎食既！講起環境方面其實我幾中意佢牆上既掛勾比我可以掛起個袋又吾驚比人拎左我d野

足料，新鮮，好味，開胃，略嫌啲菜切得太碎打卡一流，好睇又好食，啖啖都好滿足火炙三火魚肥美香口，飯有口感大大碗開頭以為佢黎錯😂因為唔見d肝同黑松露,原來丁屎禁細舊係面頭果d就係😂超大碗，超足料 好多蟹籽，全部撈埋食口感好豐富，佢有四個醬俾你揀，揀左海膽醬覺得少少漏🤏🏻下次想試蜜糖芥末醬😋4個人食左$567， 豐富午餐連下午茶，有禁既質素覺得幾抵👍🏻

見社交平台有好多post都推薦來食於是夜晚就同朋友來試下晚市來食已經有好多人排隊等緊個陣十分期待2人叫左一人一個share食值得一讚既係佢賣相都好靚仲好豐富 打個卡都算值既乜蟹都有丼望落好多料下仲有隻蟹但佢只限係蟹殼唔好期望有膏之類，純擺設個殼下面係4條分左一半既蟹柳睇落好多 實質唔係月肝肝鰻魚丼鰻魚量都唔算少但食落同其他餐廳既鰻魚飯唔大分別經濟少少可以揀其他無須百幾蚊食呢個丼因為口渴仲加左支茶賣單300幾但個人認為唔值得去食價錢唔實惠加上呢個價 可以揀同類型更好既選擇除非係為左打卡不然就寧願食其他

琴晚同frd過嚟食晚飯，叫咗個虎燃四皇丼，諗住未試過咩係海膽醬就試下，價錢$118，日本嘢諗住差唔多啦呢個價，老實講，一開始嚟到係幾有食慾嘅，個海膽醬除咗鹹咗啲之外撈埋飯同三文魚都好好食，點知食咗幾啖已經開始無胃口，之後諗住可能係我平時細食問題，__街大概半粒鐘之後就開始胃痛勁唔舒服，但係覺得剩咁多好似好浪費，所以都食埋上面啲刺身。行出門口feel到胃痛加肚痛，之後就去咗兆萬揾廁所，去完覺得好似舒服咗心諗ok冇事嘅，點知落到樓行行吓突然間feel到個口好多口水，勁嘔心好想嘔，__你老__好似噴火龍咁一嘢嘔__咗囉扶手電梯落嚟嗰度，__哪星仲要係個鼻都嘔埋一份，擤鼻涕嗰陣仲見到啲三文魚碎，連呼吸都係嘔吐物味，仲要我嗰陣着cross好彩冇嘔落啲窿窿度如果唔係我直接崩潰^_^。嘔完之後仲係keep住好唔舒服就搭的士快快脆返咗屋企，諗住瞓個覺就冇事，dllm都係又屙又嘔，瞓到一半又嘔少少，之後繼續瞓突然feel到又準備要噴嘢，9衝去廁所到好似噴泉咁噴，仲係你啲刺蝦左口魚三文魚碎，擤鼻涕都係你啲碎，一粒粒咁。就算到咗第二朝冇嘔到，個胃都好似俾人摙住咁，係咁屙水。唔知道係我個海膽醬有問題定係我啲刺

行過旺角想食日本嘢，見到有間好多人排隊嘅魚生丼飯，就決定食呢間丼燃食堂，星期日晚兩個人排咗10分鐘左右就入到。餐廳入面嘅裝修十分型格，富有日本漫畫嘅特色。我哋嗌咗虎撚四皇丼配海膽醬同焦糖三文魚卷，虎撚四黃丼入面有三片火炙三文魚、三片火炙左口魚邊、三隻火炙甜蝦、兩條火炙蟹腳同埋一堆蟹籽，經過火炙後，海鮮嘅油脂燒到出晒嚟，令到啲配料好香，配上海膽醬一齊食味道啱啱好，加埋日本珍珠米嘅飯底，食落感覺好滿足。焦糖三文魚卷上菜嘅時候，侍應會用火槍噴碟邊嘅鹽粒，製造火焰嘅視覺效果，三文魚卷有六粒，配上火炙完溶溶哋嘅焦糖、芝士、蟹籽同青瓜，一粒一啖食晒，焦糖令到卷物甜甜地，幾好食！📍旺角花園街3-5號鴻威大廈地下6號舖位置就腳：🍊🍊🍊🍊餐廳環境：🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊

喺旺角覓食，見到個門口好搶眼就入咗去Lunch嚟講都幾平$68/$78 已經好多選擇叫咗個雜錦魚生飯 賣相都OK 都叫做足料不過我稍嫌啲蟹籽同埋蟹肉太少其餘我係滿意既 同埋我食完坐咗好耐都冇人趕我走😹Ok la 合格

超正超好食嘅魚生丼飯🤩。我哋叫咗虎燃四皇丼、虎士山丼和焦糖三文魚卷。丼飯超大碗，魚生嘅份量超多，配上自選醬汁，口感好夾，個人超推薦海膽汁！焦糖三文魚卷係必食，佢哋係即場係你面前燒焦糖，超新鮮😋。

本來打算食串燒，但朋友麻麻地，所以就喺附近是但搵間坐低。一入去就覺得幾伏，因為晚餐時段竟然得2-3枱客，但人都入左黎，唯有坐低。餐牌有好字，有啲亂，仲可以自選丼。唔想用腦嘅情況下，點左個招牌丼，配海膽醬。朋友的魚生丼好似幾大份，好新鮮咁。但丼飯賣點就係呢啲，冇咩特別。到我個蟹肉丼（ 即係蟹柳）上桌，試左一啖即刻淪陷，個壽司飯醋味適中，再配埋蟹籽、沙律醬同海膽醬，一撈埋就係空碗方程式😂至於啲蟹柳，一般貨式，但會再有下次。

虎士山丼三文魚蓉通常經過加工和搗碎，使其成為柔軟、細滑的蓉狀，口感非常嫩滑。三文魚蓉具有魚肉的鮮味和濃郁的海鮮風味，每一口都能品嚐到三文魚的新鮮和鮮美。三文魚蓉的質地通常較為細膩，口感綿密，入口後能感受到蓉狀魚肉的綿密度和絲滑感。三文魚蓉丼食通常搭配清淡的醋飯或蓬松的白飯，使整體口感輕爽宜人，不會感到油膩或過於重口味。由於三文魚蓉的質地柔軟，所以在咀嚼時很容易融化在口中，帶給人一種順滑的口感九公丼有海膽，三文魚，帶子，刺身蝦等新鮮：刺身通常使用新鮮的生魚片，因此刺身丼飯的口感能夠帶給人一種魚肉的新鮮和原始風味。優質的刺身魚片質地柔軟、嫩滑，入口即化，給人一種口感細膩的感受。刺身魚片本身帶有鮮美的甜味，每一口都能感受到來自海洋的鮮甜風味。刺身魚片的質地通常彈牙有彈性，咀嚼時有一種微妙的咬勁，增加口感的層次感。好特色的丼飯配搭

係波鞋街個頭 店舖唔算好大剔紙仔落單 有加一虎士山丼 ($148)有黑松露、三文魚蓉、拖羅蓉、帶子蟹肉同三文魚籽 揀左明太子醬會炙燒左個醬 帶子蟹肉份量極少😂直頭冇存在過咁 三文魚蓉同拖羅蓉混為一體食落配埋黑松露好正 配飯食好夾🤤飯份量都好多 撈左醋 食哂🤣另外都可以自選 按材料計價錢壽司飯底 ($15)朋友唔食生野所以叫左三文魚籽 ($45)蟹籽 ($25) + 長蟹棒x3 ($25)食材overall正常 當然食刺身比較好😌小食海膽忌廉餅 ($28)有兩件 新鮮炸起熱辣辣入面係一pat溶左嘅海膽忌廉唔係好有海膽味 但食落幾好食下次有機會試其他丼😎

旺角呢間刺身丼飯專門店主打特色丼飯同創意卷物，丼飯都一樣有Omakase，唔鐘意嘅仲有自選丼飯，價錢合理，性價比高👍🏻九公丼 $178一碗勁豐富嘅海鮮丼飯，有海膽、三文魚、三文魚籽、牡丹蝦、蟹肉、時令魚、帶子同埋拖羅蓉，每一款食材都好新鮮牛牛牛牛牛卷 $98睇名就知道係用牛做主打嘅卷物，飯卷上面舖住嫩滑多汁嘅A5和牛，上菜時店員會即場點火🔥，火焰圍繞住卷物，視覺效果一流焦糖三文魚卷 $68焦糖嘅甜味同三文魚嘅鮮美結合埋一齊原來都幾夾，特別又好食蟹肉忌廉餅 $28外皮香脆，內裡係濃郁滑溜嘅蟹肉忌廉茉莉冷泡茶 $15飯後飲杯茉莉花香濃郁嘅冷泡茶，解渴又消滯

【旺角•丼燃食堂】————————————————————————港式設計動漫風格 啱曬我呢啲日本動漫迷 一路食一路欣賞精緻動感嘅裝修 食住啖啖新鮮嘅刺身飯彷如置身天堂入邊 流連忘返😍｜九公丼｜HKD 178配料有海膽、三文魚、三文魚籽、牡丹蝦、蟹肉、時令魚、帶子、拖羅蓉及壽司薑 旗艦級配料陣容 配料多到數唔曬層次感豐富 口感新鮮送飯一流｜激突三文魚丼｜HKD 148配料有三文魚、三文魚腩、三文魚籽、甜蝦、帶子 呢個可以話係旗艦級三文魚陣容啱曬我呢啲鍾意食三文魚中到癲嘅粉絲｜焦糖三文魚卷｜HKD 68估唔到上臺之後職員會點著成個壽司 喺你面前灼燒嘅動感 食落去咗一陣陣燒烤香味 出色｜溫泉蛋｜HKD 10 撈飯好正 蛋白質滿滿餐廳環境：📸📸📸📸📸服務質素：😊😊😊😊😊食物味道：👅👅👅👅👅性價比：💰💰💰💰💰消費 HKD444/2位✨✨✨✨✨✨✨✨✨✨✨✨✨#旺角美食 丼燃食堂旺角花園街3-5號鴻威大廈地下6號舖

-🐯 虎燃丼 $68刺身鋪滿壽司飯 款式好多🍣 三文魚好肥美 而且充滿油脂🐟蝦同蟹棒鮮味十足🦐 好滋味😋蟹籽嘅份量好多好爽口🦀可以自選火炙定就咁上🔥 個人覺得火炙刺身好有炙香味🤩連醬汁都有得自選🥰 大推蜜糖芥辣🍯點綴成碗丼飯 唔會好dry 味道又好夾👍🏻68蚊對得住質素💰 好抵食 性價比極高😜-🍯 焦糖三文魚卷 $68上菜嘅時候侍應會燃點圍住碟側邊嘅火種🔥儀式感滿分💯 賣相好有驚喜😍上菜嘅設計果然別具用心🥰面頭有薄脆微甜嘅焦糖🤏🏻甜甜地令到三文魚更加鮮甜😋不過個人覺得虎燃丼蜜糖芥末三文魚分別不大🙈入面材料有青瓜蟹柳同玉子🥒同一般嘅加州卷差唔多😆-🐲 金龍卷 $68呢個比上面嘅焦糖三文魚卷更加特別同有驚喜🤩上面係軟殼蟹加蟹籽同沙律醬😎脆卜卜又香口🥳 口感都幾特別🥰裏面係甜甜地嘅番薯🍠 口感淋淋地 同上面香脆嘅軟殼蟹有對比🤪成個組合融化一齊係出乎意料地match🫶🏻而且細細粒一口一嚿好正😚 果然係signature 一啖滿足晒你嘅味蕾👅

呢間小店充滿正能量 周圍嘅裝飾好有氣勢以日式風格貫穿成間鋪年青嘅員工服務態度幾好一坐低比左杯元氣水🔥無論餐具定係碗碟 都落足心機設計💛🍚富士山丼 $148有三文魚蓉、拖羅蓉、蟹肉、帶子、三文魚子超級大碗又足料 😋全部刺身都好新鮮無腥味拖羅蓉打得好綿滑 好適合送飯珍珠米粒粒分明 2個人share都夠🦀蟹肉忌廉餅即叫即炸 😍正常發揮🐉金龍卷 $68震懾我眼球 點火打卡一流成個火圈圍住個卷🔥十分有霸氣‼️三文魚好鮮甜 個人幾鐘意🍞爆蔥鵝肝多士 $68多士熱辣辣又香脆黑松露嘅香味未食已經飄入我個鼻整體口感唔錯 🥃白桃冷泡茶茉莉冷泡茶 $15正常茶包 味道偏淡唔甜👌其他小食價錢都唔貴$30-$50 不等 例如芝士年糕、蟹籽沙律

行行下街經過 心郁郁想食日本野俾門面鮮豔既顏色吸引左所以入去一探究竟 ꒰⑅•ᴗ•⑅꒱-♪ 乜蟹都有丼配明太子醬連埋蟹蓋上枱真係好震撼🦀️面頭有蟹棒 蟹肉 蟹膏 蟹鉗仔同蟹籽一梳梳既蟹肉非常好味 蟹棒味道鮮甜冇雪味蟹鉗仔細細隻希海水既鹹鮮蟹籽又脆卜卜增加晒成個飯既口感蟹膏濃郁 撈埋明太子醬真係最高享受 (*ﾟ▽ﾟ)ﾉ-不得不提店家有用火槍輕輕光過成個丼既表面火灸香氣令到成個丼昇華左一個層次 ☀-丼燃食堂 (旺角)旺角花園街3-5號鴻威大廈地下6號舖