丼吉日式吉列豬排專門店 (形點 I)

營業中

休息中

咖喱吉列豬柳飯(黑墨咖喱汁) $158Deep-fried Pork Fillet Curry with Rice(Squid Ink Curry) 好味指數 3.5/5 🍭🍭🍭🍬{豬柳炸得外脆內軟 肉汁仍能鎖在裡面 黑墨咖哩既辣度係🌶️ 0.5/5 同日式咖哩一樣 感覺帶點甜 整體這個飯既豬柳好少 只有4粒 每粒既肉都不算多｝吉列豬扒定食(日式咖喱汁) $178Deep-fried Pork Loin Set(Japanese Curry) 好味指數 3/5 🍭🍭🍭{定食有湯 少少既前菜 椰菜絲(可以加) 水果 每個飯都有配上可以自己磨既芝麻 芝麻可加上醬汁 襯托炸物一齊食 會另食物更加香口 入口味道更加豐富 餐湯係味噌湯 入面有蜆肉腐皮條 等等... 入口不會太鹹 這個餐既豬扒肉質較為實身 某D位較乾 份量係一片 切成6塊 厚度適中}

叫咗2款定食Set 🍱整體而言，雖然食物上枱時只是常溫，未夠熱，唔係即叫即炸，但每款炸物咬落都好鬆脆，而且炸漿唔厚，炸漿同肉沒有分離，幾好！好多人會問，豬扒同豬柳，點揀呀？ 二選一的取捨～👩🏼‍💻 J妹認為，兩者肉質都係唔乾嚡、唔韌老，但豬扒會有少少肥膏位，而且口感相對較豬柳肉實d，無豬柳咁腍～但如果你問我，豬柳、豬扒、炸蠔、炸蝦邊款最好食的話，個人認為炸蠔反而係最出色🦪～🍤🐖 吉列大蝦豬柳定食 $220豬柳口感腍，肉質唔乾嚡、唔韌老，無肥膏。吉列大蝦，係車海老(熟)，蝦肉唔梅，口感正常，略嫌唔夠爽彈～🦪🐖 吉列生蠔豬扒定食 $208豬扒，肉質唔乾嚡、唔韌老，會有少少肥膏位。吉列生蠔，好肥、飽滿，大粒，而且唔腥！👍🏻（杯）🍹 巨峰提子梳打 $28（杯）🍹 荔枝梳打 $28_______________丼吉日式吉列豬排專門店 (形點) (元朗)元朗元龍街9號形點一期1樓1078號舖_______________

這間連鎖過去一直是我最愛既日式鎖店-沒有之一, 以前成日去尖沙咀APPLESHOP 隔離食, 炸蝦炸蠔炸豬扒豬柳都係我既必食, 今日黎到YOHO, 見到又有TONGKICHI, 心諗一個人唔知食咩好, 不如又食下炸野。坐低就點左SET LUNCH 既炸豬扒配烏冬, 見過SET 貴左好多, 疫情前唔駛一舊水, 而家要130+, 心諗都冇咩所謂, 最緊要好食, 等左約10分鐘左右就到餐, 豬扒炸到有D硬同太干身, 一D都唔JUICY, 同埋感覺無以前咁新鮮咁有肉味(咁又未至於非常差既), 可能係我以前係尖沙咀分店食得太好, 總係覺得YOHO店不如尖沙咀店。且烏冬份量唔多, 我唔算非常大食但都唔係好飽, 我以為SET LUNCH 烏冬都可以飯咁REFILL, 點知WAITER 話烏冬無得REFILL, 有少少失望, 最後只好狂食菜, REFILL 左5次菜食飽算。(利申: 我好鐘意食呢個日本椰菜, 老婆話去DONKI AEON 呢D 度買都幾費, 所以無限REFILL 一定要狂食)。 雖然唔可以話好差, 但按呢個價錢, 個人期望值就會高D 架啦, 可以真係先入為主, 總係覺得尖沙咀店好食好多

今拍拖3年同女朋友食飯慶祝🎊🎊🎁一心諗住食日餐，點知 隔離間壽司鋪要等位😞求其搵間日餐試下 ，搵到呢度有意外驚喜呢個2人餐$348⋯⋯👆🏻👆🏻炸物⭐️⭐️⭐️⭐️⭐️食落口炸糠好鬆脆，一d都唔油同炸到好硬豬扒肥瘦適中🤤🤤人d油香勁正豬柳好淋（女朋友話一d脂肪都無，食晒都唔怕肥）沙律菜 🥗 ⭐️⭐️⭐️⭐️⭐️沙律菜 好甜 完全無苦澀味道師傅切得好幼細D伙記 好仔細介紹我哋d汁點用重要‼️好主動 Fill菜 Fill飯食到我投晒票，要叫停😂😂 我地自拍🤳⋯⋯佢地都走埋黎問要唔要幫手👍🏻👍🏻

很多時都因為想吃一些 價錢比較貴一點點，但絕對是滿足到個人的口慾，正所謂生活不如意，就吃飽一點，胃暖心就會暖一點。而收藏在心底，久不久心底默默地想去一次的丼吉，默默地記掛著他家的吉列豬扒定食，因為多次訪店，都可以食到肉汁滿滿，外脆內軟嘅炸豬扒，加上吉列炸蝦，日本米飯的黏黏，米味濃郁的日本米⋯⋯誰可忘記這滋味近日訪店，上枱的是小片吉列豬扒（正價Set），而且豬扒的厚度沒有往日的厚，肉鞋口，較乾一點，炸起的皮衣更是有一股油膩感，平常炸豬排只有左右兩邊是脂肪，但近兩次到訪上枱的，都是脂肪和肉的比例是3.5:6.5。（歎息）滿咀都是肥油，只好快快吃接受到的部份，吃多一點椰菜絲⋯⋯解解膩感，但可惜，枱上的柚子醋好像也是被污染，向職員（新入職，當日仍是培訓中的後生仔）查詢說是正常，但認真，同過往用的醬面很不一，明顯看到有層厚油在上高⋯⋯到訪日期分邊是3月及過去的4月份，可惜兩次去，都失望一點，再失望一點，現時心底也開始默默移走這個壓箱底的救贖食店了⋯⋯

一個中咗大伏嘅星期日🥲🥲🥲*吉列豬扒定食($149)賣相好得，不過真係得個樣… 豬扒極多肥膏，店員話豬扒肥係正常嘅，但係差唔多一半都咁肥，真係咁都叫正常咩🙂？豬扒本身冇咩味，另外提供嘅醬又極鹹，點少少鹽勉強入到口，唯一比較可取嘅係非肥膏部份肉質ok… *吉列大蝦豬柳伴咖喱奄列飯($156)咖喱係凍嘅🙂🙂🙂🙂🙂用咗幾分鐘影相，唔明點解啲咖喱汁可以凍曬，不予置評🙂定食碗湯鹹到懷疑人生，成餐飯真係唔知發生咩事，最好味應該係杯茶同埋西瓜🤷🏻‍♀️ 另外可以自己磨芝麻整醬汁幾有趣，建議可以俾多幾碗芝麻，食到嬲嬲地嘅時候磨兩下發洩都好💁🏻

去元朗做檢測，預埋食午餐，揀左呢間日本炸豬排餐廳，去到唔使排隊，店員安排一個二人位，淺木和式傢具，落左單十分鐘就上菜，落左單店員先比芝麻我磨，上菜後有簡介醬汁相配嘅食物！吉列豬扒拼日本生蠔定食（$208）上菜食物好靚，豬扒很厚，皮脆有肉汁，點芝麻酸醬開胃唔膩，生蠔店員有提醒要快食，預防出水，生蠔外脆內多汁，完全唔腥，蠔味濃，配沙律醬好食，白飯珍珠米彈牙，生菜絲爽脆多汁，淋上醋汁開胃減膩，我都添左生菜一次，蜆肉麵豉湯很濃，夠熱，飯後西瓜很爽多汁，食完炸物消膩一流店員有禮斯文，食前提示足夠水準高貴一點都值得

非常方便WhatsApp 落單 電話落單都無問題👍🏻👍🏻一去到舖頭就有得拎 👏🏻👏🏻*👇🏻主餐牌食品 👇🏻*經由此連結在 WhatsApp 檢視我們的目錄或直接下單https://wa.me/c/85251771960*外送服務極速連結🔗*https://pokkacafe.com/EDM/Tonkichi_Takeaway_platform_KY/?utm_source=Tonkichi_Takeaway_platform_KY👆🏻選擇外送公司就可以落單👆🏻

呢間一齊好出名既日式吉列料理，咁耐以嚟，我都食咗不下十次，但食物質素一直都能夠保持水準，我一向叫二人餐，價值約6百幾，套餐有前菜，味噌湯，三文魚刺身，吉列豬扒，吉列豬柳，吉列大蝦，吉列帶子，飯後水果，兩杯飲品，相當豐富，物有所值。叫完菜後，職員會拎來芝麻同木樁，方便磨碎，一陣加入豬扒醬一齊食。而店舖內亦提供柚子醬，紫菜汁，一陣可以食椰菜絲時攪拌食。上菜後一大盤吉列炸物放左面前，場面相當震撼，盤內附有粗鹽，芥末，他他醬及咖哩汁。炸至金黃的豬扒，豬扒肉味香濃，有肉汁，乾身不油膩，炸粉厚度適中，脆香酥化的炸皮。肉質挺有彈性，更饒富香甜的肉汁，還有一些肥肉相連著，充滿著脂香。豬柳肉質鬆軟，入口很酥脆，而且不算油膩。厚身但肉質鬆香，豬扒醬及芥末加持下，更有不同味道。酸酸甜甜的豬扒醬，消化了炸物的油膩感。吉列帶子外脆內軟，帶子很大粒，肉很鮮甜，蝦啖啖肉彈牙，實淨唔會散哂，蝦味亦好濃，十分滿足！粗鹽及他他醬建議加入海鮮類包括帶子給大蝦會更新添鮮味店舖內可以無限加添椰菜絲，椰菜絲解膩，爽甜，配上柚子醬，紫菜醬汁感覺清新 咖哩汁加入白飯，可以食多幾碗，一定夠飽。

今天和朋友來這店吃午餐，很多人排隊，等了45分鐘才可以進去。吉列豬扒拼日本生蠔定食💰208白飯和沙律菜可無限次添加，吃到飽為止。但是我只是添加了一次，就已經非常非常飽了。吉列豬扒是非常的好吃，配上我們自己即場磨的芝麻，很香！另外日本生蠔，外脆內軟，完全沒有腥味，我很喜歡！

🇭🇰食過幾次既吉列專門店餐廳！！仲要原來係連鎖式 所以唔同地方都可以食到～仲要咁高質 真係我食過最好食嘅吉列豬扒😍吉列豬柳定食（$188）吉列豬柳好食過吉列豬扒好多🧐雖然一樣都係炸得好酥脆 但佢嘅肉質爭好遠😏juicy好多 軟冧好多🥳啲炸物係一啲都唔油膩 唔會一口粉漿😳吉列豬扒定食（$178）雖然呢個比起豬柳係有少少遜色🤨但係佢超大份 我諗細胃口啲嘅都食唔晒🤣沾豬扒酸醬 加埋一齊食真係冇得頂😋呢兩個set一樣都係配任添椰菜絲 同任添白飯/一份湯烏冬🙈如果食到有少少漏 仲有紫菜汁俾你沾😆最後仲有西瓜 麵豉湯👍🏻超級超級飽🧐呢間連鎖餐廳估唔到咁有驚喜 已經回頭食咗好多次 每次質素都可以保持到個水準😎每次食都一樣咁好食👏🏻雖然價錢有啲偏貴 但絕對是我食過最好食的日式吉列豬扒😽🌟推介分數（4/5）📍 丼吉日式吉列豬排專門店 (形點) (元朗)元朗元龍街9號形點一期1樓1078號舖ps尖沙咀 沙田 中環 九龍塘都有分店🥢😆絕對真實食評 非專業 純粹分享個人感受❤️謝謝支持🙏🏻

原來元朗都有吉列專門店，而且仲可以食到我至愛既豬柳套餐，而我Honey就點左大蝦加带子。整體服務不錯雖然人手較少，但勝在細心有耐性。一入門口带位即刻安排卡坐俾我哋。落單及介紹亦一絲不茍，我既另一半不停加菜同飯令我有D唔好意思但服務員依然專業值得嘉許

今日老婆同我去咗元朗行街，去到形點佢話想食豬扒飯，因為佢好鍾意食豬扒，所以就試吓呢間日式豬扒，可能我哋早去，所以都唔使等位老婆就食佢最鍾意食嘅豬扒飯，我就比較鍾意食海鮮所以我叫咗吉列大蝦生蠔定食呢間日式豬扒飯價錢都算比較貴，但係坐得好舒服，同埋佢可以任你甜飯同埋加菜本來我認為豬扒炸咗一定好鞋，原來唔係咬落去非常多汁香口，因為我食咗佢二件豬扒我嗰個大蝦生蠔定食，真係一流，估唔到大蝦生蠔炸完都可以咁鮮味，個蠔真係冇得頂，外表鬆脆咬落去鮮又香，大蝦仲有驚喜，非常香脆，不過每樣得兩隻真係唔夠喉。整體來講食物都好好味，可惜啲員工可能見開始多人排隊，我哋未食完已經問我地可以執嘢上生果未，呢樣野令到我有啲不滿。其他表現都好出色，雖然貴啲都值得支持。

丼吉係香港都有唔少分店，主打食吉列，原來元朗YOHO都有一間，呢日放假就決定入黎愉快食個lunch當點好菜色後，店員首先會比一碗芝麻我地，可以自行磨碎，玩味十足越磨越香，芝麻既香氣湧晒出黎，店員亦會推薦我地淋上豬扒汁，混入芝麻一齊食，增添風味。吉列豬扒定食配烏冬，吉列豬扒金黃色，非常靚！而且外層鬆脆內層軟腍，亦唔會乾柴，咬落入面仍然有肉汁滲出黎烏冬彈牙，湯底唔會太鹹，份量岩岩好滑蛋豬扒定食，會有麵豉湯跟上。同樣高質，豬扒軟滑多汁，亦有唔少滑蛋掛係身上，蛋味濃郁。外層冇因為蛋汁而變到又黏又腍，相反仍然保持到應有既香口，令人回味無窮

每次想起食吉列，都一定會去 Tonkichi，已經幫襯過多間分店，今日黎到Yoko Mall，食物水準同服務質素都一樣高，開心愉快的一餐😊😊前菜兩個沙律新鮮多汁，泡菜微酸帶少辣，啱哂我呢啲唔食到太辣嘅人，很開胃呀😘😘主菜吉列海鮮同豬扒，外面鬆脆又唔太厚，裏面還保留juicy，好好味呀😋😋😋😋最後要多謝女經理同佢班員工，咁忙之下還會主動加菜，亦有留意到客人需要，我哋多次要求加沙律醬和白飯，都很快送上，加分呀👍👍👍這間已經是我的愛店🥰🥰