丼吉日式吉列豬排專門店 (形點 I)

營業中

休息中

消費券未用晒，一於去食吉列用埋佢，今日喺在元朗形點商場行街，經過當吉日式吉列豬扒專門店，就入去食番餐。服務員雖然好忙都好快手招呼我哋，我哋就點咗小食同埋兩個定食。泡菜少少甜唔太辣個汁好好味，豬柳夠林好有肉味，炸蝦香口拼juicy嘅日本蠔，yummy yummy。見到服務員拎住籃菜，我哋梗係tim啲啦，佢仲問我哋使唔使加飯，今日好開胃就兩個啦，服務員幫我哋執枱同遞上跟餐甜品（西瓜），仲幫我哋Tim茶。多謝消費券，下次路過再嚟食。

之前經常幫襯開尖沙咀The one丼吉分店服務態度係好好嘅今日去元朗約朋友食飯 就揀咗元朗丼吉分店試吓 行到店門 有位身穿便服既短髮中年女士就出嚟接待我地 不過佢語氣同態度晦氣 黑口黑面咁安排座位俾我地 我地係客但好似欠左佢咁款 更加唔明黎幫襯仲好似要受佢氣咁 等到食物上枱 食到一半我地想添飯 但當時見到每個店員都好忙 而呢位短髮中年女士竟然企係我地前面張枱同其他客一直傾閒計傾好耐。。。都完全無理會過我哋呢枱 之後唯有等其他店員得閒先幫到我地添飯 等咗好耐 真係食到一肚氣囉我唔清楚個中年女人係店嘅咩人啦 唔知佢係洗碗阿姐定高層之類啦 服務質素真係不知所謂 我只可講冇！下！次

友人推介這家的炸豬扒，一行四人便前去食lunch，點了四個lunch set，一齊share食～當中有炸豬扒、炸蠔和炸蝦，另外配有每人一碗飯和麵豉湯。他們會先給一個手動研磨碗，可以將碗內嘅芝麻磨碎。之後混合枱上嘅醬汁，用來點豬扒。炸豬扒炸粉面尚算適中，不算太厚也不算太薄。不過豬扒不算充滿肉汁，味道尚可，沒有太大驚喜。還有份量比較少，每人大概兩塊左右。炸蝦和炸蠔方面，意外地比豬扒出色，生熟度調較得比豬扒為佳，不會過熟。由於份量較少，炸豬扒有椰菜絲伴碟，而且能再refill，伴上柚子醬汁也不錯👍🏻

之前一直都會幫襯，因為食物質素真係保持得好好，服務員態度都唔錯，但可能太耐冇去既關係，早兩日再幫襯既時候，一位身穿黑色外套既瘦削女士，之前從未見過（可能係高層）態度真係令人有點失望，我有禮貌叫佢幫我加茶，佢竟然直行直過冇理會我，然後我聽到佢呼喝另一位同事幫我地加茶，果位同事都好快就幫我加左茶，如果那位高層真係忙，我可以理解，但佢呼喝完同事，佢休休閒閒咁走去門口同個男經理傾計，當下我真係好想開聲問一問那位高層女士同男經理姓名，同好想問佢兩個公司請你地返嚟唔駛做？因為係高層？淨係命令，呼喝其他員工去做？

又到食晏時間，同埋同事一齊搵吓有咩嘢食，見到當吉吉列專門店，好似幾吸引，唔使等就入得去，店長好醒目，可能知道我哋食晏時間唔多，即刻幫我哋落單。我點左豬扒套餐，同事就點左一個咖喱吉列大蝦拼豬柳餐，唔使好耐就有得食，個set lunch有前菜、麵豉湯，另外，白飯同菜任添，我嘅炸豬扒炸得好鬆脆，食落外脆內軟，正，我嘅同事就話啲咖喱汁送飯一流，好開胃，仲添加咗一碗飯，食飽飽之後，店長即刻給我們送上西瓜，西瓜冰凍爽甜，好涼快。呢一餐食物同服務都唔錯，下次會再嚟。

1. 員工態度惡劣因為下單外賣自取，其實只有跟員工溝通大概10分鐘，但是足以感受到店經理先生(只有他沒有穿黑色制服所以我假定為經理)和協助下單同事的不耐煩和無熱誠我和家人安靜排隊，也有禮貌地想查詢外賣餐單，經理不耐煩地沉着面色把餐單塞給我下單時，負責同事也是黑著臉取外賣時，我們說了謝謝唔該，經理仍是黑臉無表情無眼神接觸沉默把外賣塞給我們當時門口也只有我們一家外賣客人，如果多客人~忙的話，ok我了解同事工作辛苦了但是當時談不上很忙，感覺更是不耐煩我們的來臨2.店鋪門口的E-comment form & 官網意見表都是死link ，所以意見表都是擺著看的？社交平台 inbox & 電郵都沒有回覆的

因為好多人等位，於是攞完飛之後就喺附近行下，直至見到個螢光幕寫住到自己張飛就行過去，點知行到過去個職員又話我張飛已經過咗兩張枱，我話，下...你個螢幕係咁寫㗎喎，佢話唔係阿其實你張飛已經過咗，咁我問佢，咁我仲要等幾耐，佢叫我再等兩張枱，然後我好果斷咁，得，咁我唔食呢間，跟住就走咗。其實，有咩可能你叫嘅號碼同個螢光幕係唔相乎，不知所謂!!! 以後唔會食呢間!!!

話說琴日我同屋企人去食 當時冇位坐門口有勁多人排隊 等咗好耐先入到去之後就坐低嗌左個二人餐 叫人加飯叫都口都乾埋 企系收銀門口有個男人我諗應該係經理 叫佢加個飯叫勁耐都唔攞黎 係咁撳住個咪叫啲細 見佢哋做到無時停 個經理係咁洗佢哋 真係辛苦佢哋 我自己都係做飲食業都明白員工嘅辛苦 希望下次黎再想要多一碗飯既時候 唔洗再等咁耐

I love to have Tonkatsu Don once a while only since it can be quite oily. My friend and I decided to dine in here and we got the ticket through SHK mall app. Therefore, it saves our time to get in line. We have ordered two sets of Tonkatsu Bento. The quality of good is considered quite average so there is no surprise at all. We also ordered two deep fried oysters and I can taste the freshness and crispiness of the oysters. I love unlimited sliced cabbage refill in this Tonkatsu restaurant chain

見到有大半個鐘先夠鐘睇戲求其搵間餐廳食呢間野真係世界級難食！嘢食嚟到個樣都幾好睇嘅叫咗一份係魚生飯同埋一份吉列大蝦豬扒因為好想食吞拿魚所以另加多左一份出到嚟我好後悔我流晒口水咁樣準備開動筷子一夾落去個吞拿魚係硬嘅!!!!🤨佢成舊都係冰!!!!!!!!!🤯唔止加嗰份係咁 魚生定食本身附帶嗰兩件吞拿魚都係一樣😢我叫店員幫我退返返廚房佢廚房拎咗另一碟聲稱係吞拿魚其他部位嘅魚過嚟 但係一啲光澤都冇 仲要係瘀血色嘅但係我冇要到 我真係唔想食物中毒因為時間關係 我都盡快食完自己個飯但係佢嘅其他魚生都好難食全部魚都冇味㗎 剩係得雪藏味三文魚多根 八爪魚有怪味 最後我食淨左一半魚生反而係用沙律菜同埋麵豉湯汁餸埋個飯成個魚生定食裏面 最難食嘅部份就係魚生！又腥又臭又未解凍 我而家唔係食吞拿魚刨冰喎其實如果唔識得入新鮮嘅貨 又冇人買嘅話不如cut咗個魚生定食去啦 費事食壞人啦（順帶一提當日夜晚我就肚瀉 我唔敢肯定關事 但係呢一餐就畢生難忘）

Melody 身為日本Fans，今日想推介人氣吉列豬排店比大家。今次四人同行，可以多試不同款式的菜式。💫特上豬排併豬柳定食$348份量超巨型，吸引力爆棚，熱哄哄的豬柳豬排炸粉鬆脆，配以豬扒汁加自己磨的芝麻粉，簡直絕配，亦可選擇配以紫菜汁和西柚汁。套餐配2個飯、椰菜絲、漬物發麵豉湯。Melody大愛豬柳，肉質夠淋，絕對物超所值。最後還有西瓜🍉作結。💫三文魚刺身$58/5片套餐追加兩客，本以為店中只提供吉列豬排，原來三文魚一樣出色。以冰底呈上，保持新鮮，淋甜入口融化，值得再食。💫脆炸軟殼蟹沙律$88軟殼蟹即炸，配以魚籽沙律作頭盤，非常清新。💫日式蒸蛋$46Melody 最愛入口不用咬的食物，日式蒸蛋是必點的。蛋味香濃，蛋和濃湯比例合適，配以蟹柳、鳴門卷等配料，美味可口。✅加一服務費‼️份量超大，建議女生量力而為，2人的話，點一個餐再跟小食比較合適。📍 丼吉日式吉列豬排專門店 (形點) (元朗)元朗元龍街9號形點一期1樓1078號舖5⭐️評分好食指數：⭐️⭐️⭐️⭐️餐廳環境：⭐️⭐️⭐️⭐️

今日去元朗YOHO Mall行街，經過Tonkichi炸豬扒專門店，就同老婆講不如入去食飯兼做節，店長引領我哋入去坐卡位，並奉上熱茶。枱面乾淨整齊，疫情關係，枱面仲放咗一支守護水同消毒噴霧機添。我哋點左兩個一人餐，同埋幾個小食，套餐除咗有炸物，仲包埋一杯飲品、刺身、冷豆腐。之後，店長奉上芝麻，並給我們講解醬汁用法，芝麻要輕磨再加豬扒醬汁一齊點豬扒用，另外，椰菜絲可以點柚子汁或者紫菜汁。先來飲品，我點咗Sapporo啤酒一支，老婆點咗梅子梳打。有幾粒梅子喺杯裏面，冰凍又酸酸美美，好飲！跟住來咗幾款小食，冷豆腐配堅魚汁加薑蔥，醬汁配豆腐好味，枝豆新鮮夠熱，送酒一流，毛茄配八爪魚少少辣好滋味，仲有泡菜少辣帶甜味道啱啱好。食食吓刺身又來到, 甜蝦鮮甜, 蝦頭有膏, 油甘魚同三文魚都好新鮮, 無腥味。炸物終於嚟啦，首先要食帶子先，帶子炸得啱啱好，唔會過熟，炸蠔外皮鬆脆裏面juicy，豬柳好淋，點芝麻豬扒汁一齊食好好味，炸蝦點上他他醬，正！最後，仲有冰凍西瓜，鮮甜多汁。我哋仲點咗芝麻雪糕做甜品，為呢餐做節飯畫上完美嘅句號。

午市黎到，舖頭冇乜人，唔洗等位入到去落單叫咗一份吉列豬扒定食同一份吉列大蝦生蠔定食🍤🦪落單後店員放低一兜芝麻，但完全冇講解兜芝麻係用黎做咩🤷🏻‍♀️依家睇番先知原來係磨碎加豬扒汁點豬扒食🤷🏻‍♀️唔明點解可以講都唔講劈響度就算🤷🏻‍♀️由於店員冇解釋，全餐飯我就用枱上嘅紫菜汁、豬扒汁配哂豬扒食🤷🏻‍♀️講番豬扒，熱辣辣炸起係脆，但豬扒係冇味嘅，側邊有黃芥末，但應該要配番芝麻豬扒汁先夾🤷🏻‍♀️一個字：難食🤷🏻‍♀️大蝦🍤同蠔🦪都好大隻，但蠔咬落去好腥好腥，一陣腥臭味🤢當下食完趕住番工，之後就大煲了🤮番工慢慢開始唔舒服，跟住又痾又嘔🤷🏻‍♀️🤷🏻‍♀️🤷🏻‍♀️難食都算，食物唔新鮮！！！！！睇番張單埋單每人仲要$160up🤷🏻‍♀️🤷🏻‍♀️總括而言，生蠔出事都算，本身都諗住當自己唔好彩，但原來因為店員冇解釋芝麻用法，連吉列豬扒都要冇味咁食🤷🏻‍♀️🤷🏻‍♀️🤷🏻‍♀️真心嬲咗🤷🏻‍♀️除咗完全唔值呢個價，仲貼錢買難受，一定冇下次😠

無得去日本就唯有搵啲日本野食止下癮，所以就入左去呢間度食，果然無令我失望👍👍👍叫左佢個吉列豬扒，佢個豬扒外層真係好鬆脆，而豬扒入面又唔會話好乾，再點埋佢既汁，簡直令我唔知點形容😂😂😂好似好誇張，不過我覺得鍾意食炸野既真係可以一試，而且我覺得好好送飯，連平時唔點食飯既我都食左一碗半🤫🤫🤫整體黎講野食方面我係好滿意👍👍👍，環境舒服，而且係商場入面，有得泊車，方便，service 都算幾好，我諗我好快會再黎食多次🤣

〰️ 北海道大蝦拼日本帶子定食 $228每個定食都有漬物、味噌湯、椰菜絲同埋白飯🍱最後仲有西瓜做飯後果！白飯同埋椰菜絲可以無限refill味增湯有海帶、腐卜絲同蜆係入面椰菜絲可以點柚子汁，酸酸地確實易入口，但略厭個汁有小小偏油炸粉唔會厚帶子超級大粒😱雖然係全熟但食落絕對唔會覺得老！大蝦的確如其名🤣夠大夠彈牙，啖啖蝦肉海鮮配嘅係他他醬😍〰️吉列豬扒定食 $198金黃金黃好吸引😍豬扒夠哂厚！肥瘦比例適中，食落帶到點豬油香配上豬扒汁，食落超級滿足～〰️荔枝梳打 $28無咩荔枝味好似只係飲緊梳打咁➿店員會攞一碗芝麻比客人自己磨，再加豬扒汁入去點豬扒～〰️〰️📍 丼吉日式吉列豬排專門店 (形點) (元朗)元朗元龍街9號形點一期1樓1078號舖