丼丼屋 (創紀之城五期(apm))

營業中

休息中

是日午餐menu：我呢個刺身怪就梗係叫個「四色海鮮丼定食」($108)啦~話明係定食，包一份沙律、一碗麵豉湯(味噌湯)沙律有生菜、蕃茄仔、粟米，仲有d類似煎魚片乾的東西，蠻好吃的。麵豉湯就普普通通的，上檯時微暖的。跟住吃的是主菜了！四色丼的四色刺身有：三文魚、吞拿魚、油甘魚，以及帶子。今日午餐的刺身不算太新鮮，個人反而喜歡吃刺身上的生薑片其實丼丼屋的定食，應該不會太陌生。以定價來說，都算是不錯吧！

估唔到三點都仲要等位, 好彩等咗10分鐘左右就有位, 不過個位超大風, 凍死人, 坐咗一陣都係頂唔順, 問可否調位, 好彩果個時段陸續有人走, 如果唔係都調唔到枱, 未食已經凍死, 仲要等佢上菜等咗鬼死咁耐~ 炭燒風味雞肉丼早知佢咁多蔥就叫定走蔥啦~ 好彩我朋友食蔥, 所以我夾哂比佢, 但淨係夾蔥都夾咗幾分鐘, 夾完都凍哂~比我想像中多好多雞肉, 每粒都係一口size, 而且燒得好香口, d燒汁又好味, 用嚟撈飯真係正~ 唐揚定食呢個係中間價錢的追加定食, 話貴唔貴, 話平唔平囉~麵豉湯 -> 唔算好麵豉味, 蔥多過豆腐粒沙律 -> 有啲好似魚乾的物體, 仲有粟米、生菜、車厘茄果d, 最衰有啲汁, 如果唔係我就執哂去碗麵豉湯浸下啲菜先食小食 -> 好似比人食淨咁, 雖然個碗唔係大, 但入面啲嘢寥寥可數, 有蘿蔔、本耳、蒟蒻炸雞 -> 唔知係咪等佢, 等到差不多食完個飯先嚟個定食, 因為熱辣辣, 一定係新鮮炸, 好香好脆比錢時見到用某張佔用咭簽夠二百蚊, 送廿蚊coupon, 咁啱我地二百零幾, 可以有張coupon留返下次有機會食~

鰻魚飯 d飯全部一舊舊 ！。。。。。。完全冇珍珠米飯粒粒嘅感覺 。。。。。。。。。茶餐廳嘅飯都好味過佢。。。。。。。。鰻魚 吃到有些作嘔 🤮！天婦羅 炸到好油 好膩 !!!!!!!!!!!!!!!!!!麵算係最好味.....價錢不符食物質素。。。。。。。。。。埋單$228。。。。。。。。。。。。貴得黎 !!!!!!難食 !!!!!!!!!!!!!!!!!!!!!!!!!!!!!!得個樣!!!

星期天晚上, 同朋友睇完戲就已經去拎飛等位食晚飯! 星期天的apm果然好多人, 等左一個小時多先有位, 都預計都等甘耐架喇。黎到丼丼屋, 當然食丼飯喇!!我點了信州味噌豬扒飯, 未試過同埋都喺日本餐廳少見, 所以叫黎試試~豬扒飯會賣相都勁吸引, 三大塊炸豬扒沾上信州味噌醬汁, 食落酸酸甜甜, 豬扒唔會鞋, 但如果更肥美會更好味。一個人食一碗確實有啲難, 因為醬汁都比較漏, 好彩一開始俾左件豬扒朋友, 唔係真係食唔哂。另外點了抹茶紅豆, 紅豆唔太甜, 抹茶少少甘, 都幾好味, 可以為我嘅豬扒飯解膩。

假日要返工，朋友好好，就我係番觀塘食。平時都唔知有咩好揀，朋友係apm排左三間，呢間快得黎似乎都ok。我都係自裝修後第一次上嚟呢層，開揚得黎又唔算太睇到內「龍」嘅。印象中食呢間已經係2016年年頭係青衣分店，唔特別有印象好唔好味。朋友揀咗個十勝帶廣名物豚丼，豚肉真心好味，佢煮得好入味，每啖肉都有佢特整嘅汁，個飯撈咗小小汁幾好味。我就揀左咖喱吉列豬扒滑蛋飯，佢個蛋真係滑，飯亦粒粒分明，豬扒麵粉唔算厚粉，肉亦剛好，份量係大，而且係真心飽！叫咗一客牛肉薯餅，上嗰刻真心熱，朋友都嚇親。好味，炸得剛好，薯打得夠匀！叫咗呢杯三得利角瓶威士忌梳打（$38），無乜味，飲唔到酒味咁。如果兩個女仔黎食，可以叫一個飯加小食，佢份量係大嘅。

本來是要來此嚐一嚐限量的鰻魚飯，但晨早來到竟都說已全賣光.....真令人火大，那若要吃到的話，那豈不要是剛開店時就要來 ?冇計，唯有點其他東西好了....先後已在此試過不少款式的菜，在點菜時開始有點技窮，茫茫然不知要吃什。此時揭到某一頁餐牌，喵到有一個天婦羅餅丼，好像挺吸引的....於是就叫了....有整隻碗那般大的天婦羅餅，內裡藏有帶子、蟹柳、蝦、三文、粟米、本菇、蔥、露笋、茄子及牛蒡，材料的確夠豐盛。缺點是炸得稍覺油膩了一點。不過淋在餅上的醬汁，味甜惹得很以此來撈飯，不知不覺就將一大個丼吃清光....加了錢點多了一小份刺身定食，但換來卻是好幾片鮮度非常一般的三文以及北寄貝；沙律及湯的味道亦乏善足陳....似乎覺得有些錢，是白花費了....

丼丼屋APM嘅丼丼屋，好多人，要等好耐！但是也不夠等元気耐！今晚叫咗十勝豚丼，呢個穩陣，食過好多次，次次都咁好味！仲有叫咗炙燒海鮮丼，即係輕輕燒過的魚生飯！味道都可以啦，不過十勝豚丼好食啲！以前係度試過鰻魚飯，啲鰻魚肉燒得幾香，當然不要跟日本嘅比下去！係香港食到，而價錢不貴！算超班㗎啦！可惜，今晚已賣曬，冇得再試。今晚試咗杯麒麟一番榨，蜜🍑味，見到個頂有舊白色嘅💩好搞笑！點知一飲落去，原來果舊是𣲙來的！好正呀⋯⋯如果我冇記錯，元気及丼丼屋都是美心集團，食物質素已做到不錯了，可惜係豉油太咸，唔夠板長細心挑選豉油！食魚生，豉油真的非常重要，太咸蓋過了魚生本身的味道，使它失去鮮味啊！

同朋友lunch!中午12:00嚟到仲有好多位我哋每人叫咗一個定食加兩份小食咖哩牛肉飯 - 可能係一早整好嘅關係，好快上菜！ 咖哩好夠味！但係白飯份量不夠多，男仔食嘅話就唔夠！滑蛋牛肉飯 - 等咗15分鐘到！ 好大碗！牛肉少咗啲，得幾塊，但味道唔錯！牛肉汁妅濃！味噌汁吉列豬扒飯 - 即叫即炸的豬扒好好食！外脆內軟！味噌汁不是我中意嘅味，但送飯都ok!小食 - 炸雞翼 & 牛肉薯餅 勁好食！ 即叫即炸！蜆肉麵豉湯 - 足料！好飲！餐飲 - 白桃茶

apm食飯時間人太多，午餐係度等大約十五分鐘就有位算唔錯！叫咗三色海鮮丼定食👍🏻買相靚！新鮮wasabi好辣，醋飯好開胃，仲暖暖地同魚生一齊食好夾。個味增湯幾濃，沙律就簡單咗少少，有d炸魚皮一齊都算豐富！柚子檸檬茶係跟餐，甜度適中，好清新👍🏻👏🏻👏🏻值得推介！來呢個坐得又舒服，一個人食都可以好自在！

一個人食晏，去左丼丼屋搵食，十二點幾一個人基本上唔駛等位。平日到訪丼丼屋，例牌一係十勝豚丼，一係咖哩烏冬，今日貪新鮮點左個鹽燒花魚定食，即中伏。午市餐牌都幾多選擇，見到呢個燒魚定食係新野就諗住一試無妨，反正平日都鍾意食日式燒魚。定食包個小沙律同埋麵鼓湯。仲有杯冇影相嘅果茶。上菜時都好驚喜，呢個$88嘅定食竟然有咁大條魚，份量超慷慨！可惜，條魚燒得十分乾身，夾開左小小汁都冇，魚肉亦唔厚身豐盈，而且大多鹽，越食越咸，唯有狂唧檸檬汁。下次都係叫返十勝豚丼好了

昨天跟朋友擺完攤檔後，到附近apm吃晚飯，原本想吃觀塘剛開張某日本過江龍沾麵店，但是要等80張籌，太可怕了，所以我們都放棄。我們走遍apm各層，最後決定吃丼丼屋，雖然要等候，不過都是等15張籌。我又太久沒吃過飯，我跟朋友說這餐一定會吃飯，我就是這樣，不太愛吃飯，但一段時間沒吃的話又會想念飯。餐牌上的十勝帶廣名物豚丼看起來很誘人，它說丼飯採用的是北海道豚肉，光是這點就值得一點。光是吃肉不太健康，還是需要吃點蔬菜，加配野菜定食不錯呢，有味噌湯，沙律及小食，先讓自己開胃起來。十勝帶廣名物豚丼一上桌已有陣豚肉獨有的香氣，豚肉幾乎密鋪著，多麼豐富。豚肉厚而肥美，油花不斷，卻不膩味，慢慢細嚼，豚肉的鮮甜油然而生，愈嚼愈香，很滿足的一碗丼飯。

位於apm頂層嘅丼丼屋，平日食飯時間都會大排長龍，今日放早，一去到唔使等位就可以直接入內，太好了。我同朋友都不約而同地叫左牛肉飯，另加基本定食，再叫多左客玉子。先講下基本定食係咩先，其實即係前菜。有醃菜，沙律和麵鼓湯。味道正正常常。麵鼓湯內有幾粒蜆肉，談唔上有鮮味，當係增加個湯嘅口感啦。唔期望，唔失望。是晚重點，牛肉飯。份量十足，飯面鋪滿肥牛，高到好似座小山丘。牛肉炒到好香，但凈食牛肉略嫌咸左啲，必需要伴飯食。珍珠米唔錯，煙煙韌韌。能夠食曬一碗，真係佩服自己。玉子不過不失，蛋味，甜度，口感都唔突出，可以不試。溫馨提示，呢度用餐時間只有一個半鐘，想輕鬆坐下或同朋友談天說地聚舊嘅人要考慮清楚先黎啦。

同女友去左apm行街，約左十一點食呢間，一開舖已經坐左一半人係餐廳，都幾多人食。菜單唔係好多選擇，就叫左二重貝烏冬同花魚(新)食。佢限得一粒鍾食，但等得黎得四十分鐘真係可以食，想坐耐啲就要注意下。二重貝個味好鮮同獨特，幾清新既味道，烏冬就食落好有咬口同比較粗。花魚就好大條，但味道覺得唔夠其他魚好食。個餐仲有沙拉，味噌湯同花菜送，無咩特別。整體都唔錯，價錢偏高。

適逢友人於觀塘training，一向在另一家日本餐廳用膳，但由於其食物質素下降，便試試丼丼屋價錢相宜，送果茶，起初怕分量少但其實剛剛好友人叫的飯比其他同類型餐廳好食，雞肉好滑我叫的烏冬超正，d蜆同貝好鮮又唔腥，蜆肉肥美，湯底清新沙律都唔錯，用左沙律醋，fresh!沙律上面兩條脆條不倫不類又油又炸其實係凍檸茶加金桔蜜，免費餐飲，可以接受P.S人手不足所以成日趕住收人碟，可以體諒但需要改善。食物質素中上，適合OL午餐，男仔食飯都飽架不過最好早d攞位，好多人等。

幾時開始有得加set既？？之前食過3,4次德褔個間，都無set既，係呢間先有得加，定係全線改左餐牌？？丼丼屋食係好食，不過之前無set硬係覺得差啲，衣定有，好好多！今日4點幾去到，只係諗住食少少，所以叫左兩個送你，再加做set講左加既set先再個加哂做基本個麵尌湯，好足料，蜆肉都有兩粒！個沙律好新鮮，上面炸個幾片（老公話係茄子喎）好甜，我覺得似南瓜多啲迷你豚肉烏冬同牛肉個個比，個人覺得啲豚肉有啲靭，個湯濁啲油啲，不過都ok既！迷你牛肉烏冬個湯好清甜，啲肉都軟熟兩個烏冬都好靚，煙煙靭靭，正抹茶鮮奶正啊，好濃茶味$28真係抵飲