丹麥餅店

營業中

休息中

仲記得讀初中時要行路返學，日日都經過呢度。果陣無錢，最多都只係買個五毫子的硬豬仔，成日想食熱狗同漢堡包，當時兩樣都係賣兩個半，但都係有得睇無得食。直到今時今日都只係賣6蚊已經唔算貴，芝士漢堡就八蚊，而家當然會覺得佢麻麻地好食。難得呢度咁多年都係老樣子，無咩變過。老闆同伙計都已是老人家，我諗放學或lunch hour都會有好多學生來買野食的。佢用緊果部烘熱狗包的機同中環永樂園係同型號的，可能以前的烘包機就係咁。

真不知呢間鋪頭開左幾多年，我岩岩讀中學個陣已經係度，聽人講我讀中學之前都開左好耐lu，再睇埋店舖既格局，我諗起碼都開左廿年。由於此鋪近學校的緣故，我間中都會黎呢度幫襯下，貪佢夠快價錢又平，最喜歡食?d炸薯條，係曲曲薯條黎的，絕對唔係麥記個d硬kok kok的!!最緊要既就係，咁耐以來佢都係加過一次價，到而家$6就買到了~~其他既野食都ok啦，不過我就唔係幾鍾意個沙律醬，個人口味問題啦我覺得甜左d。另外最好lunch time呢d時間買了，放心啦好快買到ga唔會話有排等的。非繁忙時間幫襯既話，?會將d食物翻炸俾你lor，唔好彩既話會食到"火農"左既......p.s.環境雖然up dup左dd，不過咁多年無裝修過都幾懷舊feel，4粒星啦。

必食魚柳包&豬扒包!魚柳同豬扒都係即叫即炸架熱辣辣, 好正如果唔怕肥0既, 叫佢加多d沙律醬同茄汁仲正呀佢d沙律醬唔同出面架, 少少透明, 好香甜!

吉列豬扒麭比任何地方都正, 炸雞髀炸雞翼又夠新鮮! 一個字, 正!!