丹麥餅店

營業中

休息中

食左個熱狗...唔覺好好味但係要話唔好食咩, 又講唔過去,專登去食就無謂喇, 行開果頭, 餓餓地買個食下都ok既$6個, 都ok飽(講真唔係想像中咁細個, 女仔食會飽飽地)

喺銅鑼灣行完街, 特登嚟呢間久聞d熱狗呀, 漢堡飽呀, 薯條呀好好食嘅丹麥餅店, 咁我梗係叫咗熱狗, 漢堡飽同薯條啦漢堡飽- 個飽嘅質感好似怪怪地, 唔係咁好食熱狗- 同漢堡飽一樣, 但係d醬都ok薯條- 好難整得唔好食, 仲係波浪型, 更加好味下次再去就唔會再食飽喇, 會試吓雞脾同其他嘢

由於我住餅店附近，所以由細幫襯到大。食物方面，整到我成日囉囉攣想食，就係漢堡飽la! 唔好expect係麥記or鬼佬style漢堡，此店供應的係混入粉仲有好多洋漢堡扒；加埋佢獨有沙律醬..一個字..正！放肆少少，加埋凍奶茶少甜，perfect! 我朋友每次去我屋企，就鍾意買隻炸雞脾開餐。好奇怪，唔知點解咁好食，而且味道咁多年未變過。我每朝經過都會買份火腿旦治。貪佢D旦一D都唔油，減肥期間arm哂!最衰係朝早part-time呀姐態度麻麻，扣少少分。另一樣我好appreciate係唔好以為小鋪頭衛生麻麻，每一晚我放工經過都見到老闆一家好努力咁清潔整食個area。我鍾意呢間餅店除係因為食物之外，亦都係因為欣賞老闆一家親切、勤奮。..我都要勤力D先得!!

以前返學放lunch 間唔中會同同學來這兒買個包,之後再慢慢行番去學校邊行邊食佢地既豬扒,魚柳都係即炸,雖然係用一大鍋油炸,但係就好好味!特別係豬扒,炸得好香口,塊扒唔好expect好厚,係薄薄地但係配埋個包口感真係唔錯薯條都好好味,係寒冬下經過買包熱呼呼薯條唻食.非常warm!而且佢地薯條係波浪的那款,一包$6,阿嬸比會少d,阿伯比多好多by the way,呢間舊式餅店真係唔錯,想試特登行唻一試絕對唔過份。

昨晚有事要過銅鑼灣,久聞這間外賣包店唔錯,於是點都要試一次,因自己是路痴,平時去街都係由朋友照顧,今次自己單獨行事都怕要走好多冤枉路,最慘稍後約左朋友係time square交收,遲左就煩喇(因朋友還要上課),但自己又好想試下喎,於是祈禱求神比我搵到又唔會過時誤左朋友啦,哈哈,真係比我係預計時間內搵到,再走回頭去time square仍有多餘時間.我食左魚柳包,要求小醬汁,一杯凍檸茶少甜少冰共20元正,魚柳係即炸既,厚薄適中,呀姐真係比好少沙律醬,good,我就係要咁少姐.凍檸茶原來係由老闆娘沖架(收銀個嬸嬸係咁講既)佢仲叫我等等,因為佢要'篤'的檸檬,呢間店真係好舊,個飽唔係話特別好好食味但好有人情味,員工全部係上了年紀,但佢地好nice,我故意問嬸嬸點樣行番去time square,佢好細心咁講我知仲做埋手勢添.下次再到銅鑼灣我一定會再來.^@^!

下午依據bf 既夢境去呢度買外賣:1. 炸豬扒包- 好食, 必試2. 熱狗- 比較普通3. 炸豬扒一件4. 凍奶茶少甜- 少甜已夠甜, 茶味香, 好過很多茶餐廳!

由我識去大球場睇波咁耐,就幫襯"丹麥餅店"咁耐.可話係我睇波的"驛站".時至今日,去旺角場同亞伯一同x和叔倫哥就多,大球場久未踏足.但因公司在老銅之緣故,番工或放工,總會路過買點小吃.每一次去之前,腦裏狂想曲系統又作動,幻想會有個"重慶森林"般的王菲在店內收眼,耳邊傳來California dream..........熱狗隻沙律醬唔知溝左咩,好吃過卡夫奇妙醬好多.舊包熱辣辣,完全童年在波地之心跳回憶.芝士漢堡,魚柳包,在情意結上,愛港式多過愛老麥貨色.賣相可能不及,但保証即叫即整.炸薯條,波浪薯條家陣近乎絕版邊緣,在此依然吃到,真要感謝上帝.在英國睇波的日子,Fish & Chips同500ml lager根本少不了,論感覺,始終丹麥餅店比到我回憶,溫暖.就算在葛迪遜公園見到鄧肯費格遜入波,幫己隊1:0擊敗曼聯,點都係無在大球場上,得千幾二千個觀眾,同班朋友食下熱狗,咬下薯條.睇住傑志對晨羲咁過癮.雖然兩隊都唔係我所追隨,講到尾,香港係我的家..利物浦,真係很悶的說.

有次同家姐坐小巴見好多人排隊, 我地更係去8下試下係咪真係咁好食啦. 叫左個豬扒包同芝士漢堡.豬扒即叫即炸用煉奶代替牛油都幾好味甜甜地, 不過芝士漢堡就無咁好食好似涷冰冰咁. 不過我見有炸雞月比同炸香腸.等我下次試下再報導

男友仔仔兒時因吃過呢度既炸雞脾而念念不忘, 佢極力推介之下, 星期六下午買了外賣回家歎炸豬扒包- 包烘過, 外面微脆而裹面鬆軟, 豬扒炸得極脆唔油. 包一面搽沙律醬, 一面搽茄醬, 不過要趁熱食.炸魚柳包- 我覺得魚柳厚D會好D, 當然薄D會脆D...下次要試埋炸雞脾, 炸雞翼, 炸薯條, hehe

自從中學畢業後，好耐都無嚟過，今日難得同個ABC 朋友經過，一於佢見識吓我哋既「港式Fast Food」!1) 熱狗(d 醬汁依然好味，但麵包太乾身)2) 豬扒包(好味!!! 炸得剛剛好!)3) 炸雞中亦(好dry ~ 唔好食)4) 漢堡包(肉身好硬，冇乜味道)5) 炸雞腿(好吃過雞亦，啖啖肉，夠juicy)6) 薯條(夠脆夠味! 正!)7) 凍檸檬茶(冇乜特別)星期六下午茶時段人頭湧湧，証明實力仍在。

今日到銅鑼灣上堂，但因時間未到，上堂地點又和這裏很近，所以便來買個魚柳包食，另叫了一杯凍奶茶。魚柳包- 麵包很鬆軟，魚柳今次就炸得過了火，比較上硬了點，好在魚柳本身好味，所以也算唔錯。凍奶茶- 奶味太濃，又太甜，茶味唔夠，完全唔得，有點像甜奶水多一點，看來還是熱奶茶比較上好。有少少失望，希望下次會好點吧！

買左好多年，雞比依然係咁出色，外皮脆、肉質鬆、雞肉汁配合上面灑既鹽粒，讚絕！除左炸雞比，魚柳包都好正，件魚柳炸得剛剛好，個包又鬆軟，加埋醬汁，除左「感動」之外，都諗唔到咩詞句可以表達我內心對佢既敬佩。一家好傳統家庭式經營，每次幫襯都好溫暖，所以每次去大球場睇波，只要佢有開門都必定買炸雞比同魚柳包入場食。甚至有時放工得閒無事，都特登坐601去買來食。

hot dog 係咪佢最唔好食既product? 我上次抱住興奮心情去試, 失望而回羅. 仲覺得有的難食tim.

今日下午過銅鑼灣辦點公事,順道過黎呢度買飽食,買左魚柳飽$10及雞批$5;先講雞批,吾系新鮮出爐,口感一般,吾夠鬆化;而魚柳飽系即叫即做,魚柳炸至外面乾身不膩,裏面仍十分juicy,透明醬及茄醬幾開胃,但偏少,下次叫阿姐落多d!飽亦非常軟熟!$10個,好過去老麥啦!

經過這間老餅店好幾次, 不是趕時間就是關了門, 今天在和朋友約會前預早了一點時間, 終於可以一嚐豬扒包的味道; 店中只有三位店員, 似乎是家庭式經營的老店子, 點了一個豬扒包和一個魚柳包, 麵包近似餐廳用的餐包軟熟可口, 豬扒和魚柳炸起來鬆化討好, 只是略嚴豬扒薄了一點肉味亦偏輕清, 醬汁方面見店員打開麵包時方別塗上蕃茄醬和沙律醬, 半透明乳白色的沙律醬十分香滑可口.