丹麥餅店

營業中

休息中

趕著去球賽，未吃東西。途經這裡，正好買點東西填填肚子。已幫襯了這裡近30年，例牌一個漢堡包，聞到炸脾的香味，又來一隻炸雞脾。漢堡包的包是凍凍的，塗一點茄醬，沒有牛油似的，漢堡也是凍凍的，整體感覺一般，不過6蚊一個，又真係便宜得嚇人。炸脾炸得皮肉分離，皮不于脆，肉亦乾鞋了一點，雖然下了淮鹽提味，欠缺了炸雞脾應有的風味。不過賣10蚊，又係平平地的。以前都唔覺咁差，下次都係睇番對面麵包櫃的出爐麵包就算。

上次試過佢地個紙包蛋糕, 好香蛋味. 行過又想試埋佢地個豬扒包, 點知失望! 個包淋BAD BAD, 豬扒又薄又無味, 得個油字, 個沙律醬又唔好食, 10蚊一個都唔值.本來想下次試下佢個熱狗同雞肶, 都係唔好啦! 食返蛋榚好D

以前晌附近讀書，但都無幫襯過。而家晌返母校度返工，放工後都會經過丹麥，見到有豬扒包魚柳包漢堡包食，已經好想試...終於~~~食左豬扒包、魚柳包同漢堡包!老實講其實三款包個名都好似差唔多咁，因為都有蕃茄醬同埋沙律醬~~三款都幾好食~~主要係熱辣辣炸出黎~~正~~下次試埋熱狗先(小心!!好熱氣...我食完生左粒痱滋>.<)

朋友的母親大人病了....好擔心....為了對朋友支持.到銅鑼灣探望一下...祝她身體健康....既然來到這裡....貪吃的我...便順便來一個我夢想了很久..的漢堡包...12nn 到達...剛得我與朋友2 客人...我們要了漢堡包(6 元)及豬扖包(10元)..看到鐵板上已煎好了十多塊牛肉..豬扒即炸...漢堡包...朋友及我給8分.....有牛肉的€so' 味..有咬口...不太熱...但好有口感..加埋非常便宜..10個推介朋友跟我也不愛豬扖包...雖然即做...但油味..醬油味..完全不覺得有豬扒味欣賞那自製的牛扒...欣賞那變通而來的"漢堡包"..這裡見證著70年代港人精神

聽說豬扒包好好食，我見行開銅鑼灣, 就去買番一個試下.豬扒真係炸得好食，不過, 有點油膩，比個包吸左d油，加埋d 醬汁，變成一般的味道。都係個句:

雖然喱個食評好長，但希望各位食家有心機睇落去。因為我唔想再有人好似我咁受氣。前日(7月24號)因為去大球場睇波，男朋友又話朋友介紹喱間鋪D豬扒包好好味。咁我o地見排哂長龍，實行人排我o地又排咁~點知排排下先知要去買飛，咁就俾個係熟客o既師奶冷言冷語，仲話我o地『生人霸死地』，已經激到半死。心想為左美食，犧牲下啦~點知，真係犧牲得大啦﹗由於男朋友先係隔離7仔買野飲，咁就得我一個人去拎。前面有個男仔買十幾個包，咁我就慢慢等，點知無啦啦有個阿姐兇神惡殺咁話『飛呀﹗』咁我咪俾左張飛佢囉~點知前面果個男仔拎完十幾個包，o係入面煎豬扒個阿伯同阿姐就再問我拎飛，我話俾左一個阿姐，果個阿姐居然話無收到，又問我俾左錢未，我話俾左，佢又問我俾左幾錢，因為我男朋友去買，我唔知咁多啦~跟住嘈左一陣，我男朋友番o黎，個收銀o既阿姐認得佢，話佢有俾錢，之後果個煎豬扒o既阿伯居然話『算啦算啦，果兩個包，咁多人排緊隊，咪當蝕俾佢囉﹗』講到我o地好似全心呃佢兩個豬扒包咁，真係十萬個激氣~~~~~~~~個包幾好味都好，係果日我真係一D都唔覺好味。淨係成肚氣，食龍肉都無味啦~~~奉勸各位去買包果陣，死都要拎住張飛，唔係就會

好香蛋味! 正! 依家好難找到有蛋味的蛋榚.下次試下其他出品先!

7.2 (mon) late lunch因為剪頭髮關係，lunch要4pm先食，但又約左人食晚飯，所以黎買個包頂下肚先，成日經過ｃｗｂ都食唔到，今次終於都食到，真係眼前一亮*吉列豬扒好薄好鬆軟，炸得好香，醬汁唔會過多過少。如果冬天食一定仲正，因為好熱囉個包！highly recommend豬扒包！一定會再黎！下次想食魚柳包或者其他包！p.s. 負責炸豬扒o既伯伯好好人

試完樂景又即時諗起呢度，熱狗魚柳包都試過，係時候試埋個牛肉漢堡，呢度d漢堡扒一樣係新鮮壓煮成，但係就緊淨過樂景有咬口好多，不過始終覺得漢堡包用餐包黎整有小小怪，但係味道都一樣係好，同樂景比呢度好好多。

尋日(2/6/2007)同朋友行經此處,因朋友M未食lunch,佢估呢間舖應該係幾出名,於是入去買個豬扖飽,朋友L又口痕,跟埋入去買飽,於是我又o係外面做保母等佢o地,等o左一陣,朋友K都到o左,又等多陣佢o地終於出o,黎喇,嘩!等成幾分鐘啊,買好多o野咩?最早入去o既朋友M只係買一個豬扖飽,駛唔駛咁耐啊?佢話個女人好慢,唔想郁咁,朋友K對呢區都好熟識,佢話呢間o野係豬扖飽出名,啊,原來係咁.朋友M打開o黎食,我即問係咪又係沙律汁?佢答係.佢食完我問佢好唔好食?佢答都冇乜特別,咁幾錢?佢答十蚊.嘩!十蚊食個不外如是o既豬扖飽,個女人重要慢手慢腳唔憂冇生意咁款,係咪所謂出名就畀啲咁o既態度人呢?由於唔係我食,所以畀個’中立’佢啦,否則我會畀個’喊’佢.乾淨我就唔知.

丹麥係我自小學時代已經食到大o既麵包鋪。以前o係銅鑼灣讀書幾乎日日放學或者食lunch都會o係丹麥買o野食。基本上裡面賣o既o野除o左奶茶之外我都試過晒。(好怕奶茶陣味雖然而家好少機會去﹐不過久唔久挑起條筋都會叫o係附近返工o既家姐充當外賣仔。(哈哈早幾日好想食新鮮o既老婆餅﹐醒起丹麥都有老婆餅賣﹐所以就即刻'call外賣'。點知一食落去就有種中伏o既感覺!! >__<冬瓜蓉裡面o既冬瓜切到大大粒﹐係大粒得好過份o個隻!!最仲要o既係完全無味!! 清到連自己食緊冬瓜蓉都唔知!!唯一可取o既係個皮無變質...如果唔係我一定唔會吞晒成個...唔俾喊﹐係因為丹麥一直都係我最鍾意o既麵包鋪。希望下次去食返我最愛o既魚柳同豬排包o既時候唔會失望而回啦...

薑餅人最愛之炸雞脾, 不是很大隻, 但醃得入味, 有鹽粒在面, 幾香口.豬扒包之豬扒似吉列脆脆, 鬆軟可口.

小學時期已經好鍾意好鍾意食丹麥架喇!!!!以前2個人share豬扒飽+薯條+炸雞脾..次次食緊都覺得好幸福!!! 熱狗都好好味, 而烘腸更係我減肥之選~最特別係佢\個醬..沙律醬+ketchup...食左11年喇.到宜家仲食緊..... 正ah!!

上年食過吉列豬扒覺得無乜味唔多好食，不過原來熱狗好食好多，佢地用我最鍾意既廚師牌腸仔，只係加小小沙律醬，個熱狗包雖然唔係熱但都算新鮮，只係六蚊雞黎講我個人覺得超值，有機會試埋牛肉漢堡。講衛生呢度都依然係.... 不過黎得呢度都預o左係咁上下。

每一次來這裏都是買雞尾包, 因為食過一次後己深深愛上它!!$2.5 一個, 椰絲、油、糖的份量不錯, 而且毫不吝嗇,所以由頭到尾都有餡料!! 見到好多人買漢堡包、魚柳包, 係新鮮即做的~