丹麥餅店

營業中

休息中

即叫即做，熱辣辣，很好吃，特別是「熱狗」和「炸魚柳包」。

今日經過附近, 就去入左去買個飽做 tea...一入到去就好快手揀左要魚柳飽...因為當時係下午兩, 三點, 所以入面無人...個飽就好快到我手....塊魚柳好脆, 個飽外面都有少少脆架.....個魚柳飽入面有番茄汁同埋沙律醬...茄汁的份量岩岩好... 食落去唔會只係食到有茄汁味...因為我想俾個朋友試下個飽, 所以留左半個俾佢....大約等左佢五分鐘, 佢食果時, 塊魚柳仲係好脆~~~~

So I've passed by this store many times growing up but never went in. So after a haircut today I decided to give it a go. Environment: There is no seating area. The standing area (while you wait for them to cook your burger) is pretty cramped but it's an old school bakery so it's no surprise. Some people may find the place 'dirty' but this didn't really bother me. I find it interesting that the shop has so much history and character. Service: Both the lady behind the counter who took my order an

食的當日寒風刺骨，見到丹麥餅店的長龍，立即將卡路里計算拋諸腦後等候期間，見到師傅不慌不忙的準備熱狗、炸魚柳、炸雞肶，甚為興奮呢~到魚柳包到手時，感到它的熱力自掌心傳來，好溫暖同新鮮不過剛炸起的魚柳自然伴隨著不少的油分，亦自紙袋沁到手心包的密度剛好，鬆軟得黎唔會太疏，搞到食左等於冇食咁魚柳先令我驚喜，我食到魚肉的紋理，唔會「梅」，感覺好新鮮~加埋茄汁，平衡油膩感我就好滿意喇~ 一定會再黎幫襯

有機次經過,忽有奇想,都想買番少時常來幫襯嘅小食,終於jan 12,10,運動前嚟dinner,叫咗 : 1) 熱狗 (@hk$7)-放咗工趕住嚟,幾驚賣晒-幸好仲有,賣晒嘅只喺漢堡包..........並非我要回憶嘅小食-個包本質好鬆,密度低,所以經過熱烘後就會有鬆脆度-其實呢種包並非1貫德國熱狗配嘅包,但我反而喜歡呢種變節嘅包種,因為要呢種密度嘅包稍經時間熱烘,先會出到個鬆脆feel-腸喺普通腸,所以唔喺重點-醬亦不夠多,但因為我企喺佢舖外食,就聽到有食客要求多醬,店員都會11按要求做妥,好無所謂,服務好好...........亦有個年青人買完,發現只得沙律白汁,無茄汁,女店員即刻話你想要可以早講,不過宜家想+番都得-老實講,我都早已忘記少時呢度熱狗嘅味道 2) 炸雞肶 (hk$11)-另1樣要回憶嘅喺雞肶-見差唔多食埋隻熱狗時,就買埋雞肶-因近收工關係,已有隻入咗袋ready喺度-幸好仲喺好熱,個皮好薄脆,有水準,亦無油"憶"味,所以"頒"油沒有勁循環再用-面撒上鹽巴,所以都幾鹹吓,要配合埋無嘜味嘅肉同食先啱啱好-雞肶比熱狗做得好-我全程又企喺舖頭食,見証埋熱狗售罄嘅情景-女店員

其實都食過十次到, 之前一路都係食雞翼, 熱狗, 呢兩樣加了淮鹽, 夠熱同香口, 快食之選但今日想試下其他野, 見到有旦撻同老婆餅, 但兩者味道都麻麻地, 老婆餅既餡好似有點生, 旦撻我估係同椰撻一齊整, 有點椰絲味, 唔多對路... 下次都係要食返即炸個D穩陣D, 但勝在經濟, 好有198x電視劇個種味道!

想食魚柳包, 但食Mc記食到悶. 想簡簡單單食個魚柳包, HK style的Burger就最好不過啦魚柳包就真係魚柳加個包, 有茄汁做底 ; 但我認為茄汁加魚柳總是怪怪的, 都係salad醬好味d, 配茄汁真係好HK style!個包好細個, 相比之下塊魚柳就好大!魚柳脆、薄唔油! 好好味! 頭頭幾啖要净食魚柳, 但都唔會好熱氣咁!麵包密度好高好結實, 細細個都可以飽 ; 包包好新鮮, 熱辣辣!但11蚊個就嫌貴左少少, because個包真係細左d !一定會再食其他包!

丹麥餅店是一所歷史悠久的餅店，賣很多即炸即製的港式食物，除了各式的包點外，也有炸雞脾也是很多人的至愛，但論到最出名的，莫過於是港式的熱狗，今天一人路過，雖然是吃過了午飯，但也決定吃一條熱狗。熱狗是即叫即製，稍為烘過的熱狗包比永樂園的大條，內層也是塗了沙律醬，而港式的熱狗腸在熱辣辣的滾輪上滾動着，店家也是隨手夾了一條夾在包中即成。接過手的熱狗也挺熱，但沙律醬就沒有永樂園那邊的澎湃，而且沒有那邊的香甜及Creamy，可是熱狗腸雖然不是很粗，但也比永樂園的勁幼版粗，豬肉腸咬起來腍腍的，沒多大咬勁，但麵包就是大之餘，也是非常軟熟畢挺有咬口，咬起來很夠熱很香口，麵包香不言而喻，整體來說算是不錯，絕不比熱狗王永樂園專美。吃過了丹麥熱狗，又是時候努力了。

7點來到, 冇漢堡包食, 只好叫豬扒包由7蚊升到11蚊的水位~未見官先打30大板....都好快有得食.包好熱又脆, 但豬扒略為炸得太乾;好采都唔韌既...但11蚊略貴...都食漢堡包抵食

八月十日在飯局前還有少許時間,自己的肚子有如雷聲震天,唯一解決方法就係去食個餐前小吃,丹麥餅店這個名字總給人有點誤會,不是第一次經過這間店鋪,遺憾地沒有入內買個麵包,今次給了我一次機會來這裏,單看門面已得知這裏開的時間不會短,舊式店鋪裝修,店員有一定年紀,但吸引不少顧客,我來這裏的原因不是為那菠蘿包等之物,為了一件豬排包,看著份量十足的油,旁邊放著麵包等材料,一個豬排包賣十一元,價錢又不算貴,來一客吧,看著店員把豬排放下去炸,另一店員塗上那牛油,茄汁,簡單的制作,那麵包不是死硬,因有親手制作的關係,質素保持著,豬排雖有梳打粉,變得鬆化之剩,帶出那甜甜茄汁以及牛油的香,因用最短的時間把那豬排放在麵包中,那大量油份還鎖住在肉中,雖不健康的食物,因為為了那簡單的味道,有時候都不介意了........吃完也衝住去飯局,十一元都幾值得的,最少在銅鑼灣用二十元內也能吃飽,有機會再吃漢堡包等

When it comes to DANISH, you can either find buttery cookies in a round blue tin found in any supermarkets, or you can pick up one from a reputable patisserie in town. Burgers and Danish may not link together very well, but when you think and look close enough, it does. As the HK style burger is slowly diminishing off the foodie radars of many. The rise of 時新 has proven to us that the local burger has lived through ages of popularity when people didn't have much choice on the foreign imports, bu

放大假, 冇野做.突然今早起身想起二十年前去南華會游泳前的早餐 - 銅鑼灣丹麥餅店的魚柳包, 又約了人在銅鑼灣, 於是早少少出門口......果然仍有水準, 個自家製豬仔包面, 一邊搽茄醬, 一邊搽沙律醬, 一個包兩種感覺, 只是花了$11, 魚柳炸得香噴噴, 個包唔烘都香口, 加杯凍檸茶, 正.下次再試下熱狗.

除了豪華咖啡茶廳，這也是一間觀察已久的老店，難得龍也主動提議要試，我當然樂於試一啖然後交給他處置! 　一眼看中芝士漢堡包($9)，落單付款後由店內小廚房即做出來，熱暖的漢堡是估不到的小巧精緻，中型手掌的女生如我也可以「掌握」得到，很可愛!帶點不捨的咬下去，鬆軟熱暖的包身中，夾著鬆化的牛肉層，頗香的芝士再加上茄醬，幾重滋味頗美味，小小一個當是零食挺好的，就算飽肚也吃得下。　同場還有比漢堡及手掌都大多了的老婆餅，以及也幾吸引的魚柳包、豬扒包等，但這日已經太飽又另有甜品下場，留待下次經過再試吧!

一間屹立多年，裝修陳舊，價廉物美，客似雲來的老店。一個只售$7，新鮮熱辣，美味可口的熱狗。一隻即叫即炸，外脆內嫩，只售$11的炸雞髀。一份濃濃的，充滿舊日港式快餐店風味的味道。就是這次要介紹的「丹麥餅店」了。所以雖然很久沒有再嘗試它的熱狗和雞髀（還有這次沒有吃的漢堡包），這天再品嘗後，還是寫下這篇食評推薦它呢！後記：這間店舖是沒有堂座的，所以這次的熱狗和雞髀，是冒著汗行到老遠的南華會附近站著吃的呢！（很久沒有試過這樣吃東西了）

都好耐冇幫襯, 今日路過, 見又冇人, (平時要排隊架~) 口痕入內食個包先!一個漢堡包, 7蚊.幾年前都係6蚊.加一成半, 都可以接受既.交左飛, 看住師傅將塊包放入電熱爐, 同一時間又煎塊肉;塊包弄熱了之後, 一邊落茄汁, 一邊落白汁;之後放上塊肉, 摺埋, 食得~個包一攞上手的第一個感覺係, 好熱!牛肉都幾厚架, 好香的, 好像加了d 蔥咁?另一定要一提, d 白汁.不只係沙律醬咁簡單, 食倒有d 甜, 好似蜜糖味咁...加上茄汁, 又甜又酸, 令我未行到希雲街已食完了!再想吓, 真係無械可擊, 7蚊仍係好抵好抵!