丹麥餅店

營業中

休息中

幾個月前黎食..因為唔夠早到...冇哂薯條今次同班fd早d到就係為左一嘗薯條所以一早去到啦.果然!真係可以一嘗佢既炸薯條啦=D7蚊包既薯條..好脆口..拎係手都好熱呢種既薯條大多都炸得太差...唔脆..只係香口..但Denmark既薯條真係好好味=D等我下次再返黎試炸雞脾先.p.s.很珍惜呢d老香港情懷既食店..而家已經少見左好多

「港島一日遊」的其中一站同友人黎到依間充滿懷舊氣色既食店真系會不禁諗番起小學年代既「小食部」由於唔系太餓 所以淨系嗌左個魚柳包 ($11)魚柳同埋面包均是即叫即製配上茄汁及沙津醬相比起大型快餐店當然有過之而無不及佢仲可以幫你CUT開個包2個人SHARE黎食 正!!!!!

每逢香港大球場有賽事舉行都會令我諗起丹麥餅店，佢炸雞肶、雞翼香味就會晌記憶中浮現。丹麥餅店無設堂食位置，右手邊係煮食既地方，而左手邊係麵包櫃位，零零星星幾個麵包，陳設古舊兼有 d 凌亂，幾個老拍擋打點舖頭，合作無間，果份親切感令我想起兒時屋企樓下熟悉既士多，一份老香港情懷。 炸雞肶：睇住老師傳將淮鹽灑落剛剛炸好既雞肶上。雞皮異常香脆，皆因雞皮既油份經慢火炸後都迫灑出黎，所以雞皮食落唔 "納" 口，雞肉又唔嚡，一絶！可惜雞肶無醃過，淮鹽只能晌表層發揮功能，食到中間位置會比啖，扣左好多分！ 芝士漢堡包：包係丹麥餅店自家製，經翻烘後包能保持温暖及鬆軟，一邊塗上茄汁，另一邊塗上沙律醬，加上半溶化既芝士，雖無講究既酸青瓜、蕃茄都非常醒胃。至於牛肉就薄薄一層，食味同質感都平平，相比紅磡好出名港式漢堡包店，質量有一段距離。另外，我好鐘意丹麥餅店所用既紙袋，一來好懷舊，二來比較環保！

用lunch time o黎附近整電話，就順路搵搵附近有無o的快捷o既好o野食排名高，老字號，就選了這兒的包一試沒有魚柳包……已經有點不是味兒……熱狗，個沙律醬食落無咁油之外，我覺得無咩特別吉豬包，$11 大大個，"爆晒餡"，不過塊吉豬就幾乾身，味道亦欠奉呢今次期望真的大了一點老舖頭，老人家收錢，仲用埋o個款好舊o既油紙落單，都算係香港總要保留的一種味道

其實初時都沒有留意呢間小店，只見裝修陳舊與一般小食快餐店無疑，粗略估計開業已超過廿年。不過老婆話呢度啲包好好味，由小學開始已經食佢，叫我一齊試下尋回佢嘅童年回憶！試試馳名熱狗，這裡的熱狗包是自家製的，新鮮熱辣；麵包熱哄哄的，鬆軟又美味，條腸是普通嘅雞肉腸無咩特別，但靈魂是在它的沙律白汁醬汁，酸酸地甜甜地非常好味一食上癮！由那次開始每次行經銅鑼灣維園附近總會幫襯一下丹麥餅店嘅，但永遠都會見到很多人排隊買包及等取包的情景，今天特意早些來買了一個芝士漢堡包，因漢堡包數量有限賣完即止。拿著外賣在隔鄰士多配上一枝樽裝可樂簡直是一絕！漢堡包牛肉都幾厚，麵包內一邊是茄汁，一邊是沙律白汁醬，加上半熔的芝士在熱哄哄的麵包上之味無窮！有時唔一定要有鮑參翅肚，豪門夜宴先得嘅，十元八塊一個包也可以能滿足的，有機會下次一定會再試下其他款式!

忽發奇想，來一個炸雞脾，杯麵，可樂大行動，來作午餐，那就與同事出外購買．選擇自然是丹麥，因而好想試了，平日只是吃飽嘛炸雞脾：即叫即炸，當然之前已做了一點功夫，熱辣辣，雖有一點油，但鮮炸很美味，十分香口，又不濃！正炸薯條：口痕痕加炸薯條，喜歡扭紋薯條啊，不過就油多一點，但也好味！十分環保及傳統，全用紙袋包好，十分快手又好味，下次又來junk food 一番

熱狗魚柳飽以前學校開運動會，係喺（大球場）開，都有經過呢間舖，好香但係一路都冇食過，嗰陣人生路不熟，實係跟大隊，唔敢亂走，驚蕩失路唔識返佢仲係用紙袋，就係呢種感覺，有時啲膠袋放啲熱嘢，唔係咁好熱狗好普通，反而個魚柳幾好食，呢啲不規則魚柳，係好過嗰啲四四方方，始終雪藏貨，鮮味爭啲啲，不過都冇雪味麵飽就係軟豬，幾有咬口

大約5年前左右~~ 剛剛認識我的男友~~因他家在丹麥附近, 所以經常路過該處, 果陣我覺得很奇怪, 點解門面超簡陋~~但咁多人排隊~~但一試後, 我真係完全明白~~惹味香口的炸雞脾~皮脆肉嫩!! 真係一試難忙! 我男友話, 佢小學果陣已經食, 食開有感情之餘, 最緊要真係味道一流, 因此佢話食左20年到家陣都唔厭!

酷熱的天氣令人不想離開辦公室，心情懶懶散散，實在提不起勁。左思右想下都是決定到附近的丹麥買一個魚柳包($11)，然後又突然有點口痕的感覺，所以又要了一份炸薯條($7)。返到office急不及待的就把兩個紙袋打開近距離一睹真貌。首先打開的是炸薯條，剛剛阿姐細心的問要不要茄汁時想也不想就點頭，但現在看到薯條沐浴在茄汁中就有點後悔了，因為沒想到原來阿姐的茄汁是直接加到薯條中的。果然，沐浴在茄汁中的薯條已然變淋，幸好其他的都還是很脆，不過薯味是弱了點，而且亦欠缺鹹味，似乎是忘記落鹽了，有點失望。嘗了兩條薯條，又試了一口魚柳包。魚柳包則比較對辦，魚柳挺大塊，而且幾脆，不過略嫌稍薄，醬汁今趟要了淨沙律醬，口味有點單調，也許如果要醬汁雙併(茄汁+沙律醬)味道可能會好點，下過配著微熱鬆軟的麵包，也算是不過不失吧。其實之前試過豬扒包都唔錯，而雞脾就差一點，也許下次可以試一試熱狗和芝士漢堡。不過在銅鑼灣以這樣的價位就可以解決一頓午餐，而且能親眼看著阿姐在面前炮製魚柳包/豬扒包感覺真的不錯，一定還會有下次。ps 一邊食魚柳包一邊食薯條時忽發奇想，這不就是英國名物、炸魚薯條嘛!?似乎前一晚在Yorkshire

等會晚飯選於鼎泰豐，時間尚早，便往禮頓道行下打發時間~行經丹麥餅店，想起有人說它是港島區時新看鋪內及食物賣相麻麻，見D雞批炸得好黑但為一驗真偽就試下佢個魚柳包啦勁搞笑，包一邊茄汁，一邊沙津醬魚柳普通，勝在即製食完之後使我想起小學那個小賣部，很簡陋，很港式我們都經歷過小時侯的味道，現在流行懷緬，可能就是這些舊式風味紅起來的原因

我真係唔多識欣賞...佢哩間野又賣過廣告又剩咁, 我真係唔知憑咩??就係憑佢地利優勢?! 哩度大馬路對出(食晒塵添), 無論白領定藍領通殺....行多5分鐘左右就係大球埸, 每次大型活動一出, 佢就勁吃香喇....所以佢咪讚到笑, 兼且唔憂做咁款囉...我做野就係附近, 都係唔需要超過5分鐘就到哩間野, 我自問係超愛吃麵包蛋撻之人, 見佢賣過廣告應該唔會衰得去邊，點知一食佢最出名架［豬扒包］嘩！想點呀Ｄ油？佢又ＦＵ氣喎。。。豬扒又燶！ＭＹ　ＧＯＤ！有幾次太口痕同（心諗）佢地應該會有進步０卦架心態去幫襯買蛋撻！一咬即爛，跌多過食！其實咁近都真係無咩得選擇, 因為唔係佢就係行多幾步同佢鬥到行架 [ 禮頓餅店] 壟斷晒....講好食應該後者 [ 禮 ] 架包同撻較勝一籌... 兩間架態度都好有問題....勁鍾意 對住你....一係唔望你....仲最鍾意講果句：［無喎！］所以我會話係。。。。差囉！

以前在孔記讀書, 成日經呢度但都好少買佢D包, 因為以前窮.現在出來做野了, 有了丁屎錢, 咪週圍試下D好野佢D芝士漢煲包聽講好多人話好食, 不過食落就中計..話就話係出面睇到佢做既過程, 不過真係好污漕, 個指甲黑黑地, 個手有塊藥水膠布都仲來做包?十蚊買了個就行係街食, 吾好食....D汁好多, 個漢堡扒沒味的, 可以剛才整既時候放得太久....-.-然後變了茄汁漢堡了...個豬仔包都仲OK, 不過朝早八點半時, 已經係買凍包了, 冇出爐包食...我咁早去到都冇...

以前去南華會打波遊水之後都係幫襯呢到，唔經唔覺食左好多年。魚柳包、豬扒包、炸雞脾、熱狗，甚至咸豬都好好味，水準keep左幾十年，丹麥你係得架。下晝胃口不佳，有點肚餓，要個魚柳包剛好。人很多，排到出路口。即叫即整，一路也是這樣，好東西，值得等。始終都係麵包鋪，包真係鬆軟，很好味。魚柳即炸燙手，唔油膩。11蚊，很便宜，值得一試。

有少少肚餓,行經這裡,這兒是最好不過的選擇!是日正值大球場有Rugby...都幾多人排隊~唔想太飽,要左隻熱狗~腸不是重點,反而是個飽本身~熱辣辣很鬆軟,正呀!!如果可以加多少少醬就好喇~

同女友行去花展場地，途經一間舊式餅店，見好多人圍住，我地都想八怪下，我地都圍住望下有咩正野，跟住問店員有咩招牌野食，魚柳包…個包好脆呀！辣手架。魚柳正過M記d魚柳包，仲要係即叫即做。