串Grill 自助燒烤專門店 (譽發廣場) (已結業)

早幾年（疫情前）食過，個時ok，今日2023年8月再去就出事！1. 自助落單，個收銀男人勁似黑社會，大大聲叫人唔好分幾張單落單，會搞到佢做錯野，個態度勁差勁寸好似想打人咁！2. 食物選擇勁少！星期六 晚市 8pm 雞串燒居然得「雞腎」一樣野可以比你叫？（見圖）3. 食物落單既數量同到達數量不符，我落4串豬腩肉，你次次黎2串？（見圖）已經無咩野好叫，燒個豬腩都唔得！4. 牛肉好難食！又un 又多筋！$278 + 1 確實唔貴，但我唔會再去！冇心做就汁左佢啦！

📍 串Grill 自助燒烤專門店 (譽發廣場) (旺角)旺角彌敦道558-560號譽發廣場7樓今日去發現譽發廣場有間自助燒烤店，環境幾乾淨又舒服，而且落單後上枱速度又夠快👍價錢$200左右可以任飲任食兩小時，幾推薦😋呢度主要係QR code落單，飲品就自助形式☺️款式都幾多，估唔到豆漿都有🥰🥰一座低其實店員都已經好主動問客人是否第一次光顧，聽到第一次即時提供詳細介紹及如何操作，非常細心👍事不宜遲，我即刻QR點餐,基本上大部份都點左一份；包括：多春魚、牛柳粒、雞肉卷、腸仔、燒賣、菇、翠肉瓜、紫薯、菠蘿、台灣腸、墨魚丸、秋葵、車厘茄、雞皮、五花肉、牛肉等等…食物選擇多不勝數😍枱面有唔同醬料可以供客人調味，同平時自己出去燒嘢食感覺勁唔同，呢啲方便自動燒，又幾正🥳🥳食左兩個鐘，其實都真係幾飽，不過如果佢哋可以增加一些小食/甜品應該會更加好😉#串grill #自助BBQ #任飲任食 #旺角 #旺角美食 #美食推介 #性價比高 #香港美食 #香港好去處 #譽發廣場 #自動燒烤 #串燒 #yummy #foodie #hk #bbq #懶人料理

香港人鍾意BBQ！任點任食就更爽啦！不過而家咁熱嘅天氣下🥵都係留番喺室內涼住冷氣食至真正享受到BBQ嘅樂趣🤣🤣. $208@成人(另加一服務費) 有多款串串可用QR code落單慢慢揀🤝🏻(根據人數每款可選兩串)(唔夠食再叫) 有🐔🐂🐽肉類, 🦑🐟海鮮, 🍅🥒蔬菜 等等等…當中個人最推介食：✨鯖魚, ✨台灣腸, ✨日本甜薯, ✨菠蘿, ✨魚肉年糕, ✨棉花糖😝😝. 飲品櫃🥤🧃仲可無限自取汽水, 果汁！食食吓都唔驚口渴啦😁😁燒吓食吓咁就120分鐘🙌🏻(限時之60分鐘前會截單…要睇住時間落柯打哦)😉室內BBQ唔使出哂大汗咁💦同朋友傾住計邊燒邊食都幾過癮嘅！！

串燒愛好者必推呢間, 而家天氣咁鬼熱, 坐係個舒服既位置食野最幸福不過, 仲再唔洗人手烤😍😍 懶人最好既選擇😂係食既過程唔會整污糟對之餘, 抽風系統做得好好唔會覺得好焗, 大以自助式進行, 用手機QR code自助點餐食材有勁多種類, 店員會先比定啲特選既串, 而自己可以再係羊、牛、雞、豬類、腸同蔬菜揀, 飲品係暢飲, 另設啤酒要其他收費!!! 佢仲有我好鍾意既燕麥豆乳飲串串會係烤爐上自己轉, 而且都快熟透, 烤完塗唔同既醬汁/ 調味粉, 個燒烤汁超惹味, 每串用完既鐵串可以放係個桶度, 臨尾可以數下自己係咪個大胃王😂😂我地最鍾意M6和牛牛柳, 魚肉年糕, 台灣腸😍 最後當然要用棉花糖結尾啦, 捧住個肚走😆

自動Grill🍢 過癮懶人燒烤體驗🔥夏天心郁郁想燒烤但又怕戶外燒烤場太熱太曬☀️位於旺角譽發廣場既「串Grill」幫到你，為客人提供快捷方便、解放雙手的用餐體驗🤟🏻以QR code落單，有多款食物選擇。將串左食物的鐵籤放喺烤爐齒輪上，慢慢讓它轉動，食物會均勻受熱。記得要掌握好時間，燒得太耐食物會變得乾身😉🥩肉類推介-M6和牛牛柳：一定要叫，牛肉味濃，肉質嫩滑，而且油脂分佈均勻，烤完後仍有好多肉汁-美國牛肋腩：肥瘦適中，咬落帶有口感-豬五花 ：肥瘦相間，燒好的五花肉外層金香脆，內裡柔軟多汁🤤由於油脂已出，食落吾會好膩-豬大腸：洗得好乾淨無臭味，一邊燒一邊見到滿滿的油脂好邪惡😈香脆可口-雞軟骨：粒粒有肉有軟骨，加入椒鹽調味，香脆惹味🐟海鮮推介-多春魚：細細條個頭雖不大，但肉質嫩滑，滿肚子都係魚籽，好鮮美-蜆肉：好乾淨完全沒有沙🥒蔬菜推介-翠玉瓜：厚身鮮甜有水份-秋葵：建議加上照燒汁，烤後的秋葵食落冇咁有黏膩感-車厘茄：爆汁，酸酸地幾開胃🧂調味料食材本身冇調味，餐廳提供左4款調味料（辣粉、孜然粉、味椒鹽、鹽）和3款醬汁（燒汁、柚子汁、泰式醬），自由搭配，調出自己鐘意嘅味道🧃飲品飲品係自助形式，

任食串燒bbq放題，仲有自助飲品，120分鐘任飲任飲大滿足🤩用QR code 掃描後，好快就送上串燒，自己放係個爐上面，一串串就會自動旋轉，火力均勻，而每枱都有多款醬汁選擇🥰牛類好多選擇，有澳洲M6 和牛牛柳🥓，亦有紐西蘭牛肉西冷，豬亦有五花肉，雞軟骨、雞翼等等好多選擇。除了牛豬雞羊外，亦有其他款色如台灣腸、魚蛋燒賣、魚肉年糕，亦有海鮮如多春魚🐟，水果有菠蘿🍍車厘茄🍅及各款蔬菜🥬，甜品有棉花糖及雞蛋仔等，包羅萬有嘅款式👍

原本在2020年已想吃的自動烤串，到3年後才食到，熱潮好像未火已熄......由於店面裝修全是寬敞的卡位，不論是二人還是六人，都只有一個爐，某些串串比較大串，所以未必能用盡所有位置，望望旁邊的二人小情侶，他們的烤籤數量跟我們一行六人的差不多......inline booking 上寫5位以上，有150分鐘時間，但都係90分鐘就截單，而都係120分鐘就催你交枱。飲品種類很少很少......食物其實質素是不錯的，味道不會太鹹，但M6和牛真的沒什麼好標榜的。上菜收盤的速度快，漏單約10%會不會再去？不會

想燒嘢食，但30幾度戶外bbq 真係同燒埋自己無分別😅 今日黎串grill食懶人燒烤～每位$238加一（兩小時放題）第一次呢種自助燒烤～感覺都幾方便，一枱一個自動化烤爐，可以解放雙手等食🤭食材方便選擇都ok, 有唔同部位嘅豬，牛，羊，雞，還有蜆，綿花糖和雞蛋仔等等…飲品亦比較有誠意，Ooha 神徒汽水🤭，鴻福堂豆漿同檸檬茶😌由於食材都無醃味， 餐廳都提供左幾款醬料～ 有泰式酸醋，燒烤醬，柚子醬，仲有孜然粉，椒鹽，辣椒粉～比較推薦雞卷，M6和牛，多春魚，台灣腸，魚肉年糕及菠蘿🍍溫馨提示🔔 燒嘅時候都要留意下架， 甘先會燒到唔乾食， 保持juicy 口感🤭

.👅天氣咁熱，想食燒烤又唔想郁😫旺角有間樓上餐廳可以卑客人嘆住冷氣，蹺埋手等食串燒😌餐廳環境闊落，午時時間去都唔使等太耐，員工耐心講解燒烤爐的用法，爐的溫度較高，好在餐廳噶冷氣夠凍！串燒種類多，大推雞肉卷同埋牛舌，啖啖肉又juicy！餐廳好細心地將啲肉一前一後咁串好，以致於串燒唔會係轉動噶時候互相碰撞，可以儘量擺多啲串燒👍枱面有四種調味粉，任由客人發揮燒烤功架！燒到最啱自己口味為止！仲有兩個大大凍飲櫃，款式多多！心急人都可以食到熱串燒！教你地一個方法！就係將串燒放係爐嘅上層靠熱力烘乾後再燒會快熟好多🤭🤭🤭▫️◾️▫️◾️▫️◾️▫️◾️▫️◾️▫️◾️▫️◾️串Grill 自助燒烤專門店📍 旺角彌敦道558-560號譽發廣場7樓#moooveat 旺角# 串grill #自助燒烤#BBQ#hkfood#hkfoodie #hkfoodblog #hkeat#foodie#懶人燒烤#☁️

真係可一不可再首先講環境，真係超級無敵極度熱。冷氣完全無開。全間鋪都無冷氣。加埋個爐係到燒同我係大美督燒野食完全一樣感覺。一路燒就一路大汗淋漓。第二就係食物，牛肉羊肉完全無味。唯一放得入口好食嘅新鮮食物就係鯖魚同五花腩。丸類個啲其他食物正正常常。雞腎同雞蛋仔真係放唔到入口，lur都lur唔切。店員態度一般。完全係比錢買難受。四個人食$1,223，仲要食唔飽。呢個價錢係出面可以食到更加高質素嘅野吧。為咗個自轉串燒爐貪過癮不如出去食。無下次。完。

第一次食懶人BBQ，串燒放上燒烤爐就會自動旋轉，都幾好玩😆，星期六午市3pm前入座大人$198/位，另收加一串燒款式超過40款，有豬、牛、雞、羊、腸仔、丸、海鮮、蔬菜，牛肉最推介M6和牛牛柳同牛舌，甜食有棉花糖同雞蛋仔，燒烤爐用熱管唔係明火，比較安全串燒全部都冇醃製，不過調味料都幾齊全，有鹽、味椒鹽、孜然粉、辣粉、燒汁、柚子汁同泰式醬汁飲品任飲，除咗汽水、烏龍茶之外，仲有好多鴻福堂飲品，不過唔係好夠凍

《📍串Grill食評分享 》by@ihungry.hk想一大班人一齊BBQ或者串燒，又唔想搭到去大埔山長水遠，又要露天又冇冷氣，真係想熱死人咩🥵？小編今日顛覆大家嘅想像，為大家介紹位於旺角鬧市嘅自助串燒餐廳🔥串Gril! 位於旺角鬧市非常方便，餐廳仲要提供多達40款美食，枱面有機器幫你自動轉自動燒，仲要無煙🙅🏻唔會吸到成新煙味🙅🏻咁正嘅嘢你唔係唔試！非常懶嘅小編試過：表示正到返唔到轉頭❤️‍🔥！🔥晚市9:30後入座仲有優惠啊❗咁多位夜貓子🐈‍⬛真係千祈唔好錯過啊❗🔸『人頭費 - $238/人位 (Happy Hour - 7:30前離座)』▶多達40款美食任你燒多達40款美食，包括蔬菜、肉類、丸類、甜品等，串Grill特別在於多款澳洲和牛任食，肉質都唔錯，特別係和牛肉粒油脂超香。真係有種入口即溶感覺！蔬菜亦都非常新鮮，仲有小編最中意食嘅超多汁嘅翠肉瓜，超正😘！當然仲唔少得甜品收尾！除咗例牌嘅燒綿花糖，仲有細細粒雞蛋仔畀你任食，燒到外脆內軟，仲要超香牛油味，小編表示🤫好食到不停再叫！▶多款罐裝/支裝飲品任君選擇超過20款飲品任君選擇，連清涼解熱氣嘅鴻福堂都有，咁就唔怕Grill到上火喇😋！

慶祝舊男同事確認升職，所以搵啲飽肚又過癮餐廳，就埋近佢屋企揀油尖旺，所以嚟咗「串Grill 自助燒烤專門店」，貪佢加埋一先$218一位，而且120分鐘慢慢燒、慢慢Chill🤭🤭一入座無耐，我哋就急不及待點食物。食物種類非常多，雞豬牛羊海鮮蔬菜，各式其式。在食物上檯前，除咗先到飲品櫃揀任飲飲品(汽水、烏龍茶、豆漿等等)，就係要先調製檯面上備有嘅醬汁(柚子、燒汁、魚露)，再預備一陣用嘅鹽、味椒鹽、七味粉和孜然粉。🍡🍡🍢🍢食物上檯，全部都好新鮮，我最鍾意M6和牛牛柳、美國豬肉眼、羊肉卷、雞軟骨等等。將食物放係燒烤爐，不停轉動嘅輸送帶，會將串燒自行轉動，燒燒吓睇實個火喉，將個火喉掌控得好，自然燒出食物鮮味和口感😋😋最後食埋最愛嘅燒棉花糖，燒咗120分鐘，兩人食左近70串串燒，食飽飽非常滿足😁😁串Grill 自助燒烤專門店地址：旺角彌敦道558-560號譽發廣場7樓

真係唔好相信食評， 超中伏! 個個都寫到好好味賣相又好靚，放得好靚，燒得好靚。 上到去見到完全係另外一回事， 係咪真係會有咁多食客俾咁好個評分呢？我哋一枱人去到就有以下嘅見解：1.大熱天時竟然係冇冷氣食燒烤2. 會有訓導主任出嚟去每枱警告食客唔好浪費食物3. 食物種類好一般，質素平平， 七點幾已經有食物賣曬4.睇到將食淨嘅食物帶回廚房入面5. 有食客book咗枱，早15分鐘到， 等到夠鐘都畀唔到枱客人， 唔似係有客人埋單，客人唯有走咗去。

串Grill🍢夏天想燒烤但又唔想無室外暴曬，今次黎左呢間自動串燒餐廳試下。呢啲鋪頭岩哂懶又想燒烤既大家，餐廳幫你串好哂啲野食，只要放上個烤爐就自動轉到熟，又可以解放雙手，又唔洗驚燒焦野食～呢到中午黎食一個人$238，如果過左3點就有個更平既價格，包埋放題野飲，除咗普通嘅汽水仲有好多樽裝涼茶飲！餐牌有海鮮、丸類、牛肉、雞肉、豬肉等等大概30款野食！個人覺得牛舌、牛肋肉、蜆肉、菠蘿都好好食，同埋燒烤一定要叫棉花糖！但食芝士腸要小心啲，如果太熟就會有機會爆啲汁，彈到自己！呢種燒烤真係為懶人而設，但係其實比起真火，呢種爐燒野食會熟得比較慢，但慢慢食其實都食好多野～餐廳老闆娘都超熱情，教埋我地點整！雖然香港都興左呢啲自動燒烤好耐，但如果想一路涼冷氣一路燒烤，真係一個唔錯既選擇～又唔會驚比油彈親，價錢又同出面燒烤差不多，都係一個不錯既選擇！