串Grill 自助燒烤專門店 (廣華街) (已結業)

今日去左旺角食自助燒烤。餐廳內部裝修簡潔，全部都係卡位，坐得適服，抽風系統做得好，全店沒有燒烤味，讚👍店員帶我們入座後，會先捧上十幾串肉類給我們燒住先，跟住再慢慢點自己喜歡的食物。把串燒放在燒烤爐既運輸帶上，就會不斷自己轉，勁方便。每枱都有一張燒烤時間建議，提醒我們每款食物要燒幾耐，好貼心😍調味料都好齊好多選擇，可以按自己口味調配。店員提醒我們食左串燒後，放竹籤在這個收集筒。食物方面，除左牛、豬、雞外，仲有海鮮同羊，另外有丸類、蔬菜類、甜品類等等既選擇。點菜係用這張卡紙填上所須數量，店員收左之後，就會好快送上美味的串燒。飲品櫃既選擇都有唔少架。最後每人1杯Haagen-Dazs雪糕，十分滿足。整體來說，我個人好like這種燒烤法，唔使好似平時燒野食咁，要自己揸住枝叉，值得來體驗下😋

秋風起，第一時間想燒雞翼，又唔想勞師動眾去郊外，黎呢類自助燒串串就絕對係首選👍👍仲要食足120分鐘，自動轉轉燒烤爐，唔洗睇火又唔怕拎叉拎到手痛。重點係有勁多時間同朋友傾計，每轉放到8-12串，睇串串嘅食物大唔大件，枱旁有椒鹽、辣椒粉、孜然粉，仲有2款醬汁同埋比生肉用嘅烤醬，我地比較中意淨用粉，拎返個地道感覺🤣🤣🤣食物有好多選擇，肉類、海鮮、丸類同蔬菜都有足夠選舉。仲有雞蛋仔同棉花糖，超正呀，棉花糖唔書唔識燒，見佢變黃就得架啦，豆製品同雞皮一定一定要試，因為慢火燒，勁脆，雞皮一d都唔油

放工過左黎旺角食飯，試左呢間自助放題串燒店。第一次食好滿足好過癮。食物原汁原味，勝在用靚材料先可以完全冇醃啲食物。燒完自己調味，枱上有好多調味料俾你揀，有海鹽丶椒鹽丶辣椒粉丶孜然粉、泰式醬汁，韓式燒烤醬等等。M6和牛超多汁重牛肉香，一食就知係靚野！豬肉無腥味！真係新鮮！紫薯超甜軟糯！仲有雞旦仔燒，我地燒到外脆內軟超好味😋食物全部好新鮮！即係唔係放題質素😆但重點係要跟足餐牌列明燒幾耐，燒得太耐就浪費了高質的食物了。飲品方面自助形式任飲，仲有Haagen dazs 雪糕！呢度可以自己決定食幾成熟嘅肉，幾燶嘅魚，落幾多調味料，要咩味道！會再來！

話說我同朋友都好鍾意去食燒烤燒 但係平時食燒烤要自己燒 顧得燒肉又顧唔到食更何況係同朋友傾汁 呢一間轉轉串燒餐廳就正正解決到呢個問題 一串串既串燒職員串好晒 只需要放上去個爐度 佢就會自己轉自己燒 真係可以保證受熱均勻 而最緊要係有更多同朋友傾計既時間呢d燒烤唔似平時烤肉用煎既方式 佢係好似炭燒BBQ咁樣 所以烹調時間會比平時煎既方式長 好彩呢一間野佢既任食時間係兩小時， 所以慢慢食絕對係足夠時間⏰嘢食方面佢主要分為肉類 丸類 菜類 甜品類同海鮮類 先講下每一類入面我最推薦d咩🤤🤤肉類🥩紐西蘭牛西冷： 我覺得牛西冷比M6和牛牛柳 牛肉味更濃郁而且冇咁油膩丸類🍢魚肉年糕： 呢個魚肉年糕燒完之後外皮有少少焦脆 但內裏仍然保持到軟糯 一脆一糯配搭出一個好特別既口感菜類🥗日本甜薯：細細粒嘅番薯係加熱後佢既甜味就慢慢釋放出黎 點會唔好食海鮮類🐟鯖魚： 好少任食燒烤地方有燒鯖魚食 如果平時燒烤食鯖魚最怕就係黐底 依家用轉轉燒烤就完全唔使怕呢一樣野 梗係要食多d啦甜品類🍨雞蛋仔： 我諗燒雞蛋仔呢一樣野係出邊一定搵唔到 我覺得可以話係呢一間餐廳既特色 不過要留意嘅就係真係好快燶呢間自助串燒既調味料

呢日同朋友去㕵角行街，見到呢間朋友之前介紹過嘅串grill，又見有啲餓想食放題，所以就入咗去食午餐🤤佢哋每個卡位都有個串燒爐，一坐低店員好細心咁介紹架上嘅醬料同放低咗一盤串燒，之後就講解點樣放串燒上個爐上面，同點樣燒啲串串🍢 佢嘅爐係特製嘅，所以上面有好多齒輪，可以卡住串燒枝簽，放啱位串燒就會自動轉，食得好輕鬆！因為佢嘅食材繁多，我想特別講下幾款我認為好好味嘅推介俾大家。第一係款佢嘅豬五花，油脂分布得好平均😋燒完塊皮仲會好脆口，好好味！🤩第二樣係鯖魚🐟一串有兩嚿，燒完好有魚油嘅香味，魚肉亦好嫩滑，果然燒烤就係要燒魚！😌第三樣係棉花糖，佢嘅棉花糖好大粒，但又唔會太甜，放上去幾分鐘已經食到外脆內軟嘅棉花糖，好正！🤤

串Grill 自助燒烤專門店主打任食燒烤120分鐘🤗我想試呢類既自助燒烤好耐啦！可以自己轉轉轉☺️ 簡直係懶人福音💜餐牌有很多款食材任你點🥩🍗🍅🍠🍢🍖有建議既燒烤時間🤗有層架放好一盤盤食物，善用台面空間，我地第一轉order已經打爆左五層架啦😂第一轉當然燒左肉類先啦先啦！事不宜遲，推介下必食次選先😋🔶任食竟然有高質既M6和牛牛柳 🤩有牛味，好juicy! 燒到7成熟岩岩好! 我encore 左三次呀😍評分：😋😋😋😋😋 （5個為滿分）🔷估你唔到咁正既荷蘭豬五花🐽好味到飛起！罪惡感max 😈因為轉轉轉既關係，唔會燒燶，仲燒到金黃色，滴出豬油，一咬落口，香脆之餘，滿口豬油香，肉質嫩滑！我哋食完即刻畫紙要追加多次呀🤣評分：😋😋😋😋😋 （5個為滿分）🔶燒烤不能不點既雞腎🐣落左椒鹽粉同孜然粉既燒雞腎係我既至愛呀！吹水飲野既良伴🧡必點之選評分：😋😋😋😋😋 （5個為滿分）🔷甜品系列-燒雞蛋仔&棉花糖脆卜卜既一粒雞蛋仔同燒到黃金脹卜卜既棉花糖，認真好味😋 評分：😋😋😋😋 （5個為滿分）🔶蔬果系列菠蘿、翠肉瓜、秋葵係我既推介，因為轉轉轉住黎燒，蔬果都好juicy, 火喉岩岩好💜💜💜 評分：😋😋😋😋😋 （5個

餐廳：串Grill 自助燒烤專門店 (旺角)地址：旺角廣華街2-20號翠苑大廈2二期10號舖旺角廣華街有唔少美食餐廳🍽，有好多間我已經食過，平日5點幾經過呢頭覺得超級肚餓，見到呢間開咗3年幾嘅串Grill 自助燒烤專門店 @chuangrill 做緊Happy Hour時段，任飲任食燒烤兩個鐘，7:30pm前離座只需要$208加一，既然可以享受到最平嘅價錢，一於試吓呢間從來都未食過嘅自助燒烤店🍢餐廳每日都分咗3個時段，7:30pm前離座、晚市時段同9:30pm後入座，唔同時段唔同價錢，喺到食嘢真喺啱晒一眾懶人，因為佢哋有名叫做「懶人串燒」🤣，皆因佢哋每枱都有一個全自動嘅烤爐，只要放串燒上去就會自動轉住嚟燒，咁就可以令串燒每邊都燒得均勻同埋無咁易燶，燒完拎起就食得👍串Grill提供最新鮮嘅肉，主張所有嘅肉都喺每日開工嗰陣先切🔪 ，加上佢哋唔會預先醃製肉類🙅‍♂️，而喺準備咗好多自家製嘅醬汁同調味料喺每張枱上面，比食客按自己口味去落，例如魚露、梨汁、燒烤醬、孜然粉等佢哋有40幾款食物選擇：豬🐷、牛🐮、羊🐑、雞🐔、海鮮🐟、菜🥬、丸、腸同甜品，其中一個特色喺佢哋有比較多嘅蔬菜選擇🍄，食串燒有得食

宜家天氣咁熱，出去燒烤好辛苦，FD知道我鐘意食燒烤，特登介紹左旺角哩間室內懶人燒烤比我，唔洗自己燒就有得食，一定要試試。晚市套餐200幾已經包埋2個鐘燒烤，同埋可以任飲，豬牛羊海鮮都包埋，唔錯。嘢飲雪櫃都幾豐富，有汽水豆漿可以揀。檯面都提供咗唔少燒烤調料，有海鹽，孜然粉，辣椒粉，魚露，燒烤醬等，啱哂唔同口味啲客人。一坐低，店員好快上咗一盤肉，有牛肉，豬肉同雞肉。肉睇落去好新鮮，顏色鮮紅唔似凍貨，即燒啦。串燒放到燒烤爐就會自動旋轉，剛開始會等耐D，夠曬溫度就快好多。雞軟骨最快燒得，咬落好脆口，原味已經好好味。牛肉食落好重牛味，真係唔似雪藏貨，OK。第二轉係自己揀，今次揀咗海鮮，雞皮，臺灣腸等。海鮮唔錯，秋刀魚爆哂魚子，蜆仔一齊燒完都好juice同埋好新鮮。日本甜薯燒完勁甜，FD都忍唔住叫多幾串。食得燒烤點少得棉花糖同埋鳳梨，最後一轉一定要叫埋甜品，棉花糖燒咗一陣已經可以食，入口即化同埋少少焦香味，勁LIKE。食得好飽，都只燒到個半鐘多D，2個鐘好足夠，下次唔想熱又唔想動手燒，揀哩間就啱啦。

串grill係用自轉式燒烤爐，360度轉去確保燒得均勻同方便傾計，嘻！牛M6和牛牛柳可以食下，紐西蘭牛西冷和牛牛柳硬少少，牛味無咁重。最好食係美國牛肋腩，可能有少少肥肉燒出嚟幾香，同牛肉質感軟身！枱上亦放左唔同嘅調味粉同醬料比我邛加落串燒度食更惹味！有孜然粉、海鹽、招牌辣粉、椒鹽、泰式魚露、燒烤醬同埋韓式醬。每樣試哂就岩啦，各有千秋！海鮮都幾種，叫咗蜆肉幾好，無沙，處理得唔錯。多春魚好香口，同360度燒唔會過火！雞雞腎、雞軟骨都好好食好香口！雞腎幾厚肉地！雞翼、雞卷肉趁機食少少雞皮，都可以另外叫雞皮食！豬美國豬肩胛好厚肉肥口！羊既羊卷肉點少得，必叫。孜然粉partner！狂食好多！腸都有3種，除咗之前咗芝士腸之外，台灣腸都食！唔調味，燒到爆皮都脆口！丸多種！魚片頭、豬肉丸、墨魚丸、魚肉年糕、貢丸、魚蛋、街頭燒賣同蝦卷！蝦卷幾有特色，皮薄脆！魚肉年糕姐係麻吉，好彈彈糯糯！飲品有兩個飲品櫃可以自取。種類都幾多，有齊汽水、烏龍茶、OOHA、樽裝涼茶同豆漿等等。完結之前的30分鐘last order快快叫埋甜品！甜雞蛋仔好似食緊熱香餅！菠蘿有啲帶啤酒味咁？比平時韓燒個啲甜些少，勝左唔會黑！棉花

食串燒嘅地方週圍都有，樣樣都想食，比我搵到呢間任食串燒放題，唔洗逐串計唔洗就住Order, 想食就食，超滿足勁抵食。全程120分鐘真正食到飽頭盤有齊唔同種類嘅肉M6和牛牛柳好軟腍仲有每款燒烤嘅建議時間，跟住燒就唔怕過時，變乾變靭啦✨綿花糖放喺呢部轉轉串燒嘅爐，燒得金黃漲卜卜，半溶狀態又唔燶✨ 鯖魚鯖魚厚肉又唔腥，啖啖肉，完全無骨✨多春魚燒完好香口飲品都有好多款樽裝罐裝選擇Condom款嘅濕紙巾好鬼正晚市嚟食仲有Haggen Dazs雪糕添

朋友介紹呢度既串燒，價錢合理，質素有保證，所以一齊試吓一坐低，爐頭已經開着，店員先攞一碟牛串，雞串過來燒住先，然後可以再慢慢諗想食啲咩佢嘅A6和牛同五花腩都係正嘢，勁juicy, 入口即溶，肥瘦均勻 另外呢種燒法，燒菇類可以保留車門水份係入面，一口主爆出嚟，要小心熱飲品方面仲有大量無糖飲品揀，可以解油膩之餘，又唔使驚肥 食完之後仲有靚靚甜咁雪糕🍦開心完結一餐呢度雖然舖仔細細，但坐低都算舒服，燒烤爐做得幾好，燒嘢食嘅時候唔會話勁大油煙最得意嘅係啲串燒識得自己轉，唔使驚小龍燶，每種串燒都有指示要燒幾耐，都幾細心，唔洗驚唔識燒，抵讚

首先，餐廳係朋友介紹，佢預約咗，私底下話$199任食串燒兩個鐘，咁就試下無理咁多。去到坐低，見餐盤賣相都唔多吸引，肉類用肉眼睇就知唔新鮮。食落仲出事，都唔知食緊D咩。先唔關燒得耐唔耐事，肉質咬落去好奇怪，尤其牛肉，都懷疑係合成肉。一咬唔對路已經即吐。成餐主菜惟有食瓜菇丸類。講吓個爐，細、火力弱、如果多幾個人食就真係你眼望我眼，有排等。燒條腸仔都十分鐘先達到可放入口嘅水平。講吓調味，無的。所有食材都無醃製過，完全靠調味粉自己落。仲有搽「怪味蜜糖」… 而家我終於知點解呢隻蜜糖顏色深灰又怪味，咪就係N手蜜糖，個蜜糖掃搽俾無數嘅人搽過，沾滿過唔同食物，再插返落個樽，集結曬油溢味、肉味、丸味…. 諗返都想作嘔仲有個「燒烤醬」太結身，再配乾燒食物，根本係令到件事更加差。建議提供液體燒汁醬點下、我諗件事都無咁差…食物種類，真係幾少吓，唔多選擇。飲品都算啦，都唔預會飲到幾多。話就話貴精不貴多，但呢度完全唔係果回事。好多時火候時間燒得好就放到入口，太早拎起 或者 燒太耐就 變肉乾 / 食垃圾咁。佢個牌有建議時間、但又唔提供Timer… 大佬點預得咁多。出面食串燒應該係香噴噴，有肉汁，呢度員會貼錢買難受。

絕對係又想食串燒又懶嘅懶人恩物！放上去就會自動轉，所以食物受熱得好平均，轉到差唔多就食得！枱面仲有燒烤時間參考，所以唔驚唔知要燒幾耐搞到過熟或者過生～串燒同嘢飲都係飲食的！燒烤食物有9類，估唔到竟然有雞蛋仔！個人覺得必叫M6和牛牛柳、紐西蘭牛西冷、牛舌、雞卷肉、荷蘭豬五花曲雞蛋仔每個時段完結之前嘅30分鐘店員都會提醒last order，所以唔驚叫唔夠嘢食～最後每人仲會送一杯Haagen-Dazs迷你雪糕添！

知道旺角一直有間串燒放題，未食過好想試。咁啱個日早收工就同朋友去食。食5點半，可能太早所以去到冇嘜人，早起的鳥兒有蟲吃，立即有位～ 120分鐘 $208 一位 任飲任食🤭🍡🍡🍡入到去，店內簡潔，坐第一行，位置有啲逼，不過ok既，最緊要有野食。有30幾樣野食，唔算好多，但好夠食既～落order好快就送到黎，用木盤裝住一串串，賣相都幾靚🥰推介既係• 牛助腩: 牛味重 有油香 唔會乾身👍🏻👍🏻👍🏻• 雞蛋仔: 其實係迷你pancake黎 有微微既蛋香🥚 脆卜卜 外脆內軟👍🏻👍🏻👍🏻• 雞軟骨: 燒烤必備 加啲孜然粉 好似出面食個啲燒雞軟骨咁👍🏻👍🏻👍🏻• 菠蘿: 又甜又juicy👍🏻👍🏻👍🏻•棉花糖: 平時燒野食好容易燒到溶哂 但佢個爐有個好處 就係可以燒到啱啱好😍👍🏻👍🏻👍🏻枱上面有啲調味料，孜然粉、椒鹽、辣粉、燒烤汁。 小瑪法推介孜然粉同椒鹽，同大部分食物都好夾！！！🤗食飽飽都天黑黑啦，估唔到都可以食到好飽好夠食！😚😚 下次都可以再黎🤭🤭🤭

約咗好姊妹食晏，嚟到LEE 間自助串燒放題既餐廳🍢🍡，間餐廳地方比較細，但冷氣同抽氣都好好，用餐完後都唔會成身燒烤味👍一坐低，店員會詳細講解個燒烤爐嘅運作，有咩調味料等等，首先佢會比一盤什肉串燒放D 串燒落個燒烤爐齒輪上面，就會自轉本身D串燒係冇調味同醃制過，燒到7成熟時就要掃D醬汁調味，整體上D 串燒都好新鮮，自轉燒法燒得好均衡，同埋可以鎖住D肉汁🍡🍢串燒款式多達40款以上，有齊雞，牛，羊，豬，海鮮，蔬果，丸類，腸類同埋甜品必食推介~ M6 和牛牛柳，牛肋腩，多春魚，豬五花，豬肩胛，雞皮，雞腎，雞中翼，菠蘿，台灣腸，墨魚丸，棉花糖 🍯🫙醬汁同調味粉有: 泰式魚露，韓式梨醬，燒汁，鹽，孜然粉，串GRILL 辣粉等等..個人鍾意孜然粉同串GRILL 辣粉，夠晒香口惹味 🧃🥤飲品款式都有10以上，鴻福堂樽裝飲品(凍檸茶，豆漿，菊花蜜，凍檸蜜)，罐裝汽水等等… 120分鐘任飲任食(3:00PM前入座)大人$198/位小童$108/位