中西∙環 (已結業)

冇諗過熟食咁ok 因為我本身只好海鮮但呢度既熟食真心有製作越南湯粉 我地食左兩次添牛腩c6話好正 拍得住出面出名既牛腩檔我就愛炒蟹 唔係咖哩炒蟹咁行貨梅子炒蟹（唔記得名）新鮮開胃惹味甜品我冇食 朋友仔都勁讚 唔算特別多甜品但每款都好食（佢地話）有個Candy corner 好岩小朋友 旁邊仲有哈根達斯但只有朱古力同雲呢拿 再旁邊係一排扭蛋機（是追擊小孩心的位置）至於海鮮唔算十分新鮮同出眾有麵包蟹 蜆 翡翠螺 龍蝦 海蝦 長腳蟹腳 青口翡翠螺同蟹腳覺得最好 而龍蝦最麻麻呢張相係我地完場先出去影最後講環境 好舒服 好似話係新裝修過呢個價位通常都砌到密密麻麻但呢度都算好有空間 仲有後面一大片落地玻璃望公路 我覺得值回票價我同朋友上網比錢327 我c6就去到比openrice折扣優惠 346.8

香港百物騰貴，去街市買海鮮都未必平。 而且最近忙到不可交加，沒時間煮飯～！ 如果想平平地，又可以一次過食好多鮮， 位於西環的Island pacific的自助餐就做得到。 海鮮有蟹、蟹腳、翡翠螺、蝦、青口等等。 同時亦有各國美食，輪流比大家品嚐。 今期係越南菜，有現煮的蔗蝦，越南菜還有春卷。 不過Lucas提提大家， 唔好咁搏命食海鮮， 因為自助餐每位送虎蝦及鴨肝一客，確保大家滿腹而歸。 其他菜式當然還有雞翼、炒菜、炒蟹燒丸子、意粉等等。 甜品有各種蛋糕及Haagen diz雪糕、朱古力噴泉等等等。 總括而言，以這個價錢可以同時吃到法越名菜，令人有喜出望外的感覺。

充滿期待的心情越帶著無限食情去品越吃越好吃特味越式自助晚餐，價錢方面都不便宜，地點位置都比較難尋找，這些都是小意思，最重要就是要底食好滋味，越南食物帶有酸香清淡味道口感，但是我們都失望而離。首先是其裝潢都算花心思及佈置格局都優雅寧靜，其食物種類方面比較太多樣化，應該是太平平無奇，味道差勁，我們食得辛苦，不知其味，份量其小，選擇不多，而且晚自都沒有汽水及果汁供應，比較小家，要多付錢，才每次order一瓶汽水，服務員年青，但只企在看看，要每次主動呼喊才收拾碗碟及加白開水，客人當然十分不滿，以這價錢是不值光顧，最重點是是但但做碗太越式牛肉河及春卷來給顧客！何來特色越式風味自助晚餐！

自助餐唔一定要大時大節先至食嘅😗得閒無事都可以食下😜今日就同麻煩友遠赴西營盤食自助餐🍽如果你愛法國🇫🇷越南🇻🇳美食，就唔好轉台啦——港島太平洋酒店🏨為你呈獻「仲夏情迷法越夜」自助晚餐💓☺️。「中西·環Centre Street Kitchen」的裝潢從西營盤呢個本土特色濃厚嘅地方獲取靈感，豐有東方色彩🐉🥢座位數目1️⃣0️⃣0️⃣餘個是夜係平日(星期四)，但全場早已座無虛席🈵空間、走道算不上非常寬敞，但餐桌夠大，可以擺好多嘢食😛。食物方面選擇好多，以法、越美食為主，可以話係一應俱全🤗🦀冷盤：波士頓龍蝦、鱈場蟹腳、麵包蟹、蝦、青口、螺、蜆及各款新鮮刺身等🍛熱葷：清蒸海上鮮、海鮮龍蝦濃湯、法式肉醬意粉、法式油鴨配酸梅汁、招牌薄餅、越南蔗蝦、越南咖啡香茅雞翼、越式炒粉絲、PHO、越式酸子蟹、越式扎肉烤法包等🍰甜品：歌劇院蛋糕、雜莓千層酥、法國焦糖蘋果芝士蛋糕、紅桑子燉蛋、Häagen-Dazs雪糕、各式馬卡龍及豆腐花等。👧🏻🧒🏻為小朋友而設：糖果專區、朱古力噴泉🍬🍫。此外，每位食客仲可以免費獲贈🦐「蒜香珍寶越南大頭蝦配香煎鴨肝伴紅酒梨」🦆一份，鴨肝又香又油潤，令人無法抗拒呀☺️。而惠顧自助晚餐滿2️⃣位或以上，

星期日找地方家庭聚會，又想有多款式的食物選擇，又想坐得舒式，看到Openrice 有7折coupon 可用，於是便來了這間cafe 食自助餐。記得print openrice 的coupon，可以平DD 架甜點味道不錯，款式也多小朋友好like 的candy corner有三款刺身，𩶘魚、吞拿魚及三文魚，魚生很新鮮海南雞飯肉質焾，飯很香凍海鮮最like 蝦，很甜熱葷款式多，炒麵很乾身湯有蕃茄薯仔及忌廉粟米Haagen Dazs 雪糕可幫手歸本沙律菜很新鮮

好奈無食自助餐，見到太平洋搞左個法國crossover 越南自助餐，幾有新試試啦！海鮮有凍蟹，蝦， 翡翠螺，長腳蟹腳，仲有青口，蜆，味道唔太甜，可能放左都幾奈，反而越南粉有點驚喜仲有甜酸炒蟹，細細隻但係好好味！甜品就真係好一般般啦， 不過有 哈近帶s任食, 都算不錯啦

炎夏，最愛搭叮叮，漫遊中上環，再深入西環，靜看歲月的變遷。這夜，約了C，未夠六點，已經去到港島太平洋酒店的「中西‧環餐廳」，品嚐新出的「仲夏情迷法越夜」自助晚餐。 上次的蝦膏蟹膏，仍教小妹念念不忘﹗這次，餐廳以法越菜式為自助餐主題，推出一系列法越菜式。看，連餐廳佈置，也繞富越南特色﹗ 六時，已經可以入座了﹗自助餐六點十五分先開始，小妹先繞場一周，鎖定目標﹗冰鎮海鮮、沙律區和甜品區，設在近門口位置，極為誘人﹗ 糖果區、朱古力噴泉和熱飲區，則在左手邊區域，小孩子圍在一起，煞是興奮﹗ 在熱葷區，除了設有即製越式牛肉湯粉檔口外，還有多款法越美食，包括法式慢煮油封鴨脾、自製法式開心果豬肉批、越式酸子蟹、越式蔗蝦、越式扎肉烤法包等。 小妹，為了心愛的蝦膏蟹膏，死守冰鎮海鮮區。當自助餐開始，眾人一擁而上，爭分奪秒，搶奪最吸引人的龍蝦與麵包麵。小妹，不敵如狼似虎的大叔大嬸們，只能站在一旁，等候他們離去。幸而，因為策略得宜，最終，也能取回一隻龍蝦與一個麵包蟹蓋，與C同享。 冰鎮龍蝦，蝦肉鮮爽彈牙如昔，只是，金黃豐腴的蝦膏，變成了粒粒乾硬的蝦籽，另有一番味道與口感﹗ 麵包蟹蓋內，盡是金

今晚係我地結婚半年後, 慶祝拍拖5周年💖一個咁浪漫的日子 我地揀左食法國菜, 最近港島有間酒店自助餐以<仲夏情迷法越夜> 做主題海鮮吧, 刺身區🍣味道不過不失。而最吸引係有多款越南菜作為前菜及主菜🍤🍕🍖淨係蟹都有3款咁多😍, 個人推介一定要食 <法式鴨腿> <越式酸子蟹> 同<生熟牛肉湯檬>🍜 另外, 甜品吧亦有超過十款法式甜品🍰🍮🍩 岩晒鍾意食東南亞菜, 又愛吃甜品的我😋啦Buffet區設於酒店一樓, 不會太多人, 環境寧靜舒適, 最適合情侶或喜歡安靜進餐的人。建議大家去食之前最好訂位, 如果打電話麻煩又怕無人聽, 可以上佢地網頁按兩下就訂好位, 超方便呀。

自從上次嚟港島太平洋酒店「中西．環」餐廳食過佢嘅「泰式風味海鮮自助晚餐」之後，就一直念念不忘，因餐廳所供應嘅泰菜，款式繁多，而且海鮮冷盤，鮮味濃郁，款款均水準甚高，為味蕾帶來重重驚喜，加上餐廳經常轉換 Buffet 主題，新鮮感十足！最近從酒店網頁得知，餐廳於 7 月 3 日至 9 月 30 日期間，推出「仲夏情迷法越夜」自助晚餐，既有法國經典名菜、亦有新派越南美饌供應。另外，每位食客可獲贈「蒜香珍寶越南大頭蝦配香煎鴨肝伴紅酒梨」乙份，而兩位或以上惠顧，更會奉送新鮮焗製的「珍寶香橙荔枝梳乎厘」，一次過可以嘗到兩大美食，實在令人期待！今次同之前一樣，網上預訂可享7折優惠，折後連服務費平日成人價只是 $326，的確划算，所以趁小鬼考完試，這晚就一於帶埋佢嚟撐枱腳。趁人未多，先快步去自助餐區走一圈，首先是大部分港人都很重視的凍海鮮，選擇包括有麵包蟹、蜆隻、波士頓龍蝦、翡翠螺、鱈場蟹腳、紐西蘭藍青口、凍蝦等，全部都擺放得整齊企理，而且補充得很快，實在值得一讚！要特別推介爆膏的龍蝦及鮮嫩的龍蝦鉗，食落非常鮮甜，質素唔錯。自助 Salad Bar 吧嘅沙律菜款式不少，而且非常爽脆，用來配西蘭花、椰

自助餐當然唔少得既一定係冷盤海鮮bar 龍蝦、長腳蟹、青口、蝦...仲要有大大隻嘅翡翠螺😋😋唔單止，前菜類仲有冷麵、煙燻魚生、芝士……壽司魚生，呢啲基本上自助餐都唔少得嘅🤔🤔主角嚟啦，主打越南式自助餐，有多款越南嘅美食，外面嘅酒店自助餐一般都好少有加埋嘅一啲熟食...當然越式菜，最唔少得嘅一定係越南粉。即叫即整😋😋湯底好緊要，雖然看起來感覺有點油膩，但食落口唔會覺得好油，只係感受到嗰陣好濃嘅牛肉湯味😏上面嘅牛肉識落好嫩，一啲都唔鞋口👍🏻龍蝦 + 鵝肝唔使爭，人人都有一份，服務員會送到你面前😁焗龍蝦有一陣好香嘅香草加埋芝士嘅味道😋而鵝肝我很欣賞....最頂頭有個經已餣制的雪梨，然後就係主菜嘅鵝肝，下面再加上一啲沙律菜配合醋汁,最底層係炸米餅....有淋到脆...食落層次加埋味道好分明👍🏻👍🏻👍🏻女人最愛嘅餐食，又點少得甜品又係一人一客嘅環節，檸檬疏乎厘，酸酸甜甜有種清清既香味😋😋榛子拿破崙、朱古力布朗尼、檸檬蛋白撻、栗子泡芙、榛子法式多士……焦糖布甸......最極力推介嘅甜品，就係呢個榛子法式多士😋士多啤梨餡，加埋榛子..... 食到一陣肉桂、紅酒的味道，好特別……甜品得來又唔會太甜😁

係Facebook見呢間酒店以龍蝦做吸晴吸客，跟住見Dinner buffet都只係3百幾，所以就即刻book位試一試，點知成個場都幾細，食物選擇就緊加唔洗講，而家做緊泰國主題，但好特色咁有燒魔鬼魚，仲有大蝦冬陰公，串燒，蒸魚，海鮮焗飯，海南雞等等，熱盤選擇唔多。到最令人期待既凍海鮮，有8款咁多，有龍蝦，麵包蟹，翡翠螺，蜆，蝦，青口，應該係好吸引，但呢到員工fill野好慢，龍蝦每次出3，4隻，根本比排前面2，3個人已經拎哂，每次又要等幾個字先再出，真係.....但值得一提係呢到好多泰國水果，好抵讚，龍眼，紅毛丹(出得一次得一盤)，木瓜，青芒果，菠蘿，樣樣都好甜好好味

見網上宣傳有7折晚市優惠，網上訂坐與家人一齊試下約300蚊每位的價錢，以泰式美食主打既buffet 令人失望海鮮 ， 最基本的都有，有蝦，東風螺，藍青口，龍蝦，長腳蟹，仲有期待已久麵包蟹°失望海鮮太淋無彈性既青口，有d唔新鮮感覺，龍蝦，長腳蟹好咸，麵包蟹算多膏，泰國buffet海鮮靈魂欠缺供選擇熟食少，最好味的是冬陰功湯仲有好多水果，新鮮菠蘿最正，但竟然無榴槤基本上全個場細，食物選擇唔多，唯一食得最多係雪糕movenpick 還可以接受既迷你香芒糯米飯唔算好好食，但又唔算好難食既雞蛋仔，有少脆

她說，這間酒店的自助餐，可以一試。由即日起至 6 月 30 日期間，提早 3 日透過官網預訂，並用信用卡先付款，可享最高 7 折優惠，折後連服務費最平成人每位 $327 起。放工後，天仍十分光猛。在巴士上，被斜陽照射得，雙眼睜不開﹗踏入酒店，一樓大堂，有滿是中西環懷舊情懷且田園風光的擺設。 拾級而上，就是享用既優惠，又高質的泰式風味海鮮自助晚餐區域了﹗ 坐下後，先繞場一周，為稍後的作戰，細心地謀劃一番﹗最近座位的水果枱，放有各式各樣的時令水果，以及朱古力噴泉、三色冰和自助的茶水間。 中間長枱，左手邊是甜品區，中間是煙燻三文魚和數款火腿，右手邊就是全場最受歡迎的冰鎮海鮮區和沙律區﹗ 自助晚餐冰鎮海鮮陣容鼎盛，有翡翠螺、鱈場蟹腳、紐西蘭高級青口、波士頓龍蝦、蜆、麵包蟹和凍蝦。 清爽健盈的沙律區，是女士的大愛﹗ 喜歡的刺身，這晚有三文魚、吞拿魚、希靈魚和八爪魚等，不容錯過。 泰式風味海鮮自助晚餐，當然少不了泰式海南雞飯這一道名菜﹗看見櫥窗內，掛滿了一隻隻海南雞，教人莫不垂涎三尺﹗ 泰式咖哩炒蟹，蟹隻碩大肥美，大廚以辣椒等香料炮製，色香味俱全。 泰式海鮮炒金邊粉，炒料甚足，

餐廳比以前感覺開揚左,寬敞左,空氣好左。擺放了candy corner,多左份色彩,吸引了我的眼球。簡單一張餐紙訴出西環的美食。魚生區唔太新鮮,微出水,冇試。可以自由盛載自己想要的份量,又可同時保存飯和雞的温度。各款炸物都處理得可以。蘿蔔入味冇根,牛腩的根位都可以處理得軟腍。魚都算滑,一出好快就冇,但打鱗打得唔乾淨。冇試食很新鮮,炒得不錯。食完唔會成口油。豆唔會過腍,爽脆。一D都唔韌,但味道爭D。冇試食有廚師即整俾你,夠熱,料都新鮮。竟然有薑醋,實在係一大驚喜。炆得好腍軟,會有肉,唔會只係得骨。我試左中湯,過得去啦!甜品款色多之外,令我喜出望外呀!桂花糕一般,唔夠實。蛋撻脆,蛋味唔夠香。泡芙新鮮,和香橙好配合,cream唔會太多太漏。提子撻,撻的酥皮一般脆,提子新鮮又起左核。黑森林蛋糕,朱古力唔益,蛋糕軟滑,櫻桃新鮮。三色糕似泰國榴槤糖,冇特別。仲有movenpick ice-cream,忍唔住試多件藍莓撻。士多啤梨蛋糕的士多啤梨味好重。另外再試少少我平時食自助餐唔會揀的蛋糕,就係要自己切個D蛋糕,右下角個件我只切少少試,好重抹茶香味,蓋過了朱古力味。仲有雞蛋仔都算罕見 (冇試,因好飽