中華燒鵝傳承

本身睇到社交平台講到熱辣辣又新鮮，甘香肥厚，特登搭車去試結果現實完全唔係果回事先講叉燒個叉燒係無入口會有肥膏溶化嘅，質素同大家樂/普通公屋街巿平價燒味檔叉燒基本上無分別啲肥肉係白色果種，同社交平台佢post果啲半透明肥膏係兩回事。燶邊係有，不過係燒到過龍失左控嘅燶邊，上碟係會連埋碳化左果一part上埋。重有，凍的。再講燒鵝都係凍的，上到枱8成份量都係皮同骨，其餘有兩舊左右有薄嘅肉。皮不甘香不脆(連暖嘅溫度都無)。如果收70幾蚊比咁嘅質素，不論基本份量同對得住價錢嘅味道都無。…查看更多

這家地道燒味店，可見用心。從選材到配搭，都展現出小店對傳統燒味的堅持，成為區內獨樹一幟的存在。招牌金鵝皮脆肉嫩，入味十分，更驚喜的是酸梅汁直接提供整枝讓客人隨意添加，誠意十足。這次雖未嘗試义燒配蘭王蛋，但已列入下次必點清單。店內洋溢著本地傳統精神，服務親切到位。整體而言，性價比極高，價錢合理，是小店經營，絕對值得再訪。飲品係舊式香港奶茶檸啡，配搭燒味飯非常舒服，每次旅行反黎，都掛住香港燒味茶飲，解癮…查看更多

今晚嚟咗食蘭王蛋义燒飯，燒鵝例牌。义燒好腍，但無乜麥芽糖味，碗飯好大，$58仲包埋湯都算抵食。燒鵝入味，無乜肥膏，肉厚，上枱時微暖，$128，不錯。但冷氣唔夠涼，仲滴水，不過唔會影響食飯嘅。舖頭唔係好大，位子不算多。…查看更多

首先間野係零冷氣，一路食一路出汗。一坐低啲烏蠅已經圍住你黎嬲，坐前面張枱個師兄背脊起碼有三四隻烏蠅捕係度，可能佢唔覺。總之成餐隻你要keep住用手撥開啲烏蠅。講番啲野食，燒鵝係正路野，不過75蚊雙拼一人餐，都係比啲下欄位你，兩個部位拼埋，唔係完整一part。另外啲叉燒基本上係用鬆肉粉醃到無曬肉味，味道就正常既。成個餐唯一ok既係碗例湯，夠熱，應該無乜點落味精。總結，如果對衛生有要求，千祈唔好去。PS 啲客食剩既野，啲姐姐就咁倒碗鋪頭最入面啲桶度，坐最入面張枱就等於坐係啲廚餘隔黎😅…查看更多

今日嚟實測吓呢間油麻地近排討論好高嘅燒味店！餐廳嘅燒味全部都係喺自家後廚手工醃製再燒，燒完就拎出嚟賣。同坊間大多數工場做好再運到店唔同先試例牌叉燒$88叉燒採用雲南烏金黑毛豬燒製而成，無需任何額外的添加劑，肉質已經夠晒軟腍。加上部分肥瘦適中，再用用高溫明火炙燒，鎖住肉汁，表面仲有焦糖光澤，帶少少燶邊，簡直係理想中叉燒嘅化身。小編佢嘅例牌同叉燒飯設法有啲唔同，比較薄身，而且蜜汁味會多啲，更加香甜。蘭王蛋烏金叉燒飯$58同例牌一樣係用一樣嘅雲南烏金黑毛豬叉燒，師傅俾我哋嘅位置比例牌再肥同厚多少少，油香會更加突出，配埋蛋汁同叉燒嘅蜜汁撈飯食，真係冇得頂，分分鐘一碗飯都唔夠！燒鵝飯 $58燒鵝都係呢度另一名物，店內即燒，皮脆肉嫩，小編鍾意佢五香嘅味道唔算太重，保留返微微嘅鵝味同油香。佢哋嘅梅子醬仲係上一代流傳落嚟嘅秘製醬汁，酸甜開胃，而且任擠都得，令成件事冇咁膩同滯。油菜 $18整體嚟講，小編覺得佢真係一間好有心做好食物嘅小店，本身睇佢舖頭環境同一般燒味舖冇乜分別，以為都只係普通燒味店。但食過之後，真係感受到佢哋對於味道嘅追求。中華燒鵝傳承 (油麻地)油麻地彌敦道497A號地舖#hkig #hkfoodie #hkfood #hkeat #香港美食 #食評 #香港食評 #香港生活 #香港必食 #燒味 #叉燒 #燒臘 #小店 #隱世 #cp值高 #性價比高 #旺角 #油麻地 #旺角美食 #油麻地美食 #mongkok #mongkokfood #yaumatei #yaumateifood…查看更多