中華小館

營業中

休息中

💬係真的好喜歡食叉燒，聽講呢度叉燒好出名，上次食唔到耿耿於懷，今次點都要去食返次。午巿套餐原來都好經濟，唔貴又豐富，有小菜點心燉湯，非常滿意，可以一試再試😊.———————————————————————————🥢蜜汁叉燒皇🐽💬堅係有料，有蜜汁嘅甜包住帶有焦燶嘅叉燒，肉質鬆軟有咬口，多汁而且賣相非常吸引，係好味嘅叉燒之一，會間中記掛住🥰.🥢金沙明蝦球🍤💬又係好出色，鹹蛋黃掛上炸咗嘅大蝦外邊，啖啖濃郁嘅味道，蝦肉超彈牙充斥味蕾🤨.🥢海味雜菜煲🍲💬呢個經典嘅廣東餸，海味粉絲雜菜砂鍋上，係懷舊嘅味道，想起兒時回憶🥲.🥢蒜片牛柳粒🐮💬蒜片香加上牛粒腍身唔韌，調味得宜有鑊氣，餸飯一流配搭😊.🥢紫砂功夫燉湯🍵💬湯要熱先好飲，紫砂茶壺🫖保溫，倒出🫗好多杯，慢慢㗳真燉湯嘅味道，非常有意思🥹

上個月就約咗朋友一齊去食呢間餐廳，以為會好多人星期六都唔洗等位！去到食左朋友必食片皮鴨！見網上大家講得咁開心，又好似好吸引咁，點可以唔叫！上菜嘅時候，個盤好特別！賣相好好，用左我地平時好少食嘅黃皮，我地試過應係加左蛋，所以變左黃色，不過食落無咩特別。可以用返白皮應該會好食啲。啲鴨簡直係失色，無鴨味，片皮鴨嘅皮，一啲都唔脆卜卜，又唔香，完全唔可以叫名菜！結論係叫錯野！之後叫左個叉燒，呢個真係好好食！即刻諗到嘅係好味到連小朋友都會鍾意食，夠林夠香夠味！呢個應該先係名菜！最後仲試左鮮胡椒牛肋骨Well，我地覺得佢同鮮胡椒炒唔上關係🙂唔可以話唔好食，但又未到好好食！總括嚟講，成餐有啲失色。仲有，間餐廳個冷氣有問題，熱到一個點，大家夏天去要留意下。

《😋晴晴港飲港食 #misshcfoodie》好耐無食中菜，放工去咗附近醫肚🤭呢間中菜館喺地鐵站附近好方便，除咗傳統粵菜仲有唔少新派中菜令人大有驚喜😲◆燒味雙拼 $268👍呢度嘅蜜汁叉燒真係一試難忘😍 色澤誘人，選用肥瘦適中嘅腩肉，入口軟腍帶少少肥仲有焦香同蜜汁，一啖食落口超正🤤另外有脆皮燒肉，皮脆肉嫩◆紫砂功夫燉湯 $78呢個燉湯夠唒gimmick，用上紫砂茶壺同茶杯😲 飲嘅時候倒落茶杯到細細啖慢慢飲，花旗蔘加埋瘦肉非常足料，飲落味道清甜回甘◆碧綠淮山雲耳炒百合 $118翠玉瓜配爽口淮山仲有雲耳百合，健康得嚟又可以清清味蕾、減輕油膩感◆翡翠炒帶子蝦仁 $238蝦仁🍤夠唒大隻又爽口彈牙再配上香煎帶子同西芹炒得好有鑊氣人均價錢：$500味道：7.5/10環境：7/10服務：7/10回頭率：7.5/10👍=必食*所有價錢以餐廳為準#misshcfoodie_ 灣仔銅鑼灣📍 中華小館地址: 灣仔駱克道128號地舖及1樓電話: 28800112

weekend同朋友去咗整蛋糕🥰 之後勁肚餓就一齊喺附近搵啲嘢食，我哋就揀咗灣仔呢間中菜，weekend都竟然有lunch set🫶🏻二人套餐 （$438）金沙窩巴係炸米通黎，食落好香脆，仲帶陣陣嘅鹹蛋黃香😍滋潤燉湯今日係沙參玉竹燉翅群，佢用個茶壺仔嚟裝住啲湯，個賣相超精緻，個湯好鮮甜，飲落充滿膠質❤️❤️❤️燒味雙拼係叉燒同埋燒腩仔，燒腩仔仲見到五層嘅花紋，外皮香脆食落軟熟👍🏻翡翠炒斑球嗰班球其實超大塊😆 應該要斑塊先啱😍 炒得啱啱好，肉質結實🥰蒜茸炒菜苗今日係用咗小白菜，夠晒新鮮☺️

上次同姐妹喺灣仔發現咗呢間粵菜餐廳【中華小館】，只係因為時間緊迫，嚟唔切試就返屋企咗。難得今晚姐妹約咗去食飯，就隨口提咗一下，然後我哋就決定去嗰度探索美食🫰店入面人山人海，等咗一陣，終於有我哋嘅位，心入面特別期待！！我哋點咗鮮胡椒牛肋骨、麻辣惹味鳳爪、XO醬炒花姿片同埋功夫湯。🐂鮮胡椒牛肋骨牛肋骨經過長時間燉煮後，變得滑嫩好食，入口即化。再配上胡椒做調味料，成道菜嘅口感更加豐富🤤胡椒嘅微辣感同鮮甜嘅牛肋骨完美結合，令我特別開胃👍🐔麻辣惹味鳳爪麻辣惹味鳳爪係經典嘅川味小食。濃郁嘅麻辣味滲透咗每一個鳳爪，特別入味！同時鳳爪帶有嚼勁，每一啖都特別享受😋🥒XO醬炒花姿片呢道菜入面有帶子同花枝片，與XO醬翻炒後，特別香甜可口，搭配辣椒🌶️調味，微辣香甜嘅口感令人回味無窮！非常推薦畀鍾意花枝片嘅朋友們👏🥣功夫湯呢道湯品係以紫砂壺燉煮而成，湯底濃郁，帶有濃郁嘅肉甜香，特別暖胃！仲有豐富嘅材料燉煮，每一啖湯都係精華！我同姐妹都對呢度嘅菜品讚唔絕口，從主食、小食、菜品到湯品，各個味道口感極佳，特別適合我哋！非常推薦畀鍾意食粵菜嘅朋友！

今次晚餐就約咗班朋友喺灣仔嘅中菜館「中華小館」一齊食飯🤗，同朋友一齊食飯既時候真係好開心，邊食邊講笑通常都會食得更開胃啲！🌟首道先送上嚟碧綠淮山雲耳炒百合，可以話係健康又美味嘅一道菜😋，淮山雲耳百合都係滋補品種，將佢哋炒埋就變成一道滋補又美味嘅菜式💯。🌟然後就系鮮胡椒牛肋骨，鮮胡椒同牛肉嘅組合真係完美到無話說，仲有骨頭入面嘅骨髓，真係一級棒💯。胡椒既辣係好溫和既辣，食完都唔會覺得喉嚨唔舒服，反而又暖胃又香～牛肋骨好juciy阿，好鍾意嫁💯🌟個晚餐點完絕對唔可以走雞麻香惹味鳳爪，嗰個香味真的可以令人馬上就流口水，每次見到嗰個香噴噴嘅鳳爪，就無法抵擋佢嘅誘惑，一口咬落去，真系幸福感爆棚💯。就系呢間「中華小館」度享受一頓豐富嘅晚餐，選擇豐富，環境又舒適，我哋一定會再嚟嘅！🏆

老豆非常鍾意食鵝，今晩啱啱佢肚餓一個人閒來無事，我就約咗佢去食鵝。我哋父子已經好耐冇一齊兩個人食晚餐，啱啱我喺網上見到呢間位於灣仔駱克道嘅【中華小館】，佢哋都有賣燒鵝，就決定去嗰度食。呢度嘅廣東粵菜選擇好多，菜品好多搞到我哋都唔知要食咩好，最後就隨手點咗4樣菜。今日嘅主角【片皮燒鵝皇】，燒鵝分量好大，然後燒鵝外皮燒得好靚，表皮有光澤，然後非常香。搭配住小菜、醬汁同餅皮食，鮮香無比，肉燒得啱啱好口感唔會柴，食住仲會流油，好香。然後就係【碧綠淮山雲耳炒百合】，各種菜好脆口，然後好清甜，能解油膩。【麻香惹味鳳爪】，如其名好惹味，醬汁都滲透鳳爪嘅外皮，然後口味帶啲麻辣，刺激味蕾，越食越香。【脆皮燒腩仔】外皮真係好酥脆，然後腩肉好香，瘦肉偏多但唔會難咬，好好食。我哋父子食得好開心，下次會帶埋老婆仔女一齊過嚟！

好耐冇食正宗中菜啦，今日放假，揀咗喺灣仔既《中華小館》。一去就見到牆上嘅菜單選擇眾多，應有盡有！首先，要讚下度嘅服務真係好好，員工態度好，超級貼心👍。叫嘅菜好快就嚟，真係可以放心食。1️⃣ 先嚟個XO醬炒花姿片，佢嘅XO醬料配得好好，XO醬味又香又突出，炒功一流，花姿片肉質緊實，清甜得黎唔膩口，又食得到XO醬嘅豐富口感，好惹味呢👍。2️⃣然後就皮燒鵝皇啦，個皮烤得剛剛好，肉汁響口裡面散開，味道非常之豐富又滋味，係我咁多次食燒鵝中算上數一數二😋。3️⃣鮮胡椒牛肋骨啲牛肉好滑， 肉質緊實多汁，鮮胡椒嘅香味都突出咗原本牛肉本身嘅美味，真係夠水準。總括而言，《中華小館》相當唔錯，啱晒我呢個愛食之人，都想再嚟試吓其他菜式喇！讚＠＠！！！！

鍾意中式裝修嘅朋友肯定鍾意呢度，裝修非常古色古香，仲未入去我同男朋友就瘋狂喺鋪頭外面影相打卡~ 我同男朋友冇book枱，但係好彩好快就安排我哋入座。餐牌非常豐富，有好多中華美食選擇，我哋睇到眼都花埋😵‍💫😵‍💫最後我哋都點咗店員推介嘅：⭐️ 鮮胡椒牛肋骨牛肉經過長時間燉煮已經變得好腍，仲有鮮胡椒帶嚟嘅辛辣香味，係呢道菜嘅亮點之一！一啲腥味都冇，再加上青椒紅椒嘅味道，豐富咗成個口感！⭐️ 脆皮燒腩仔經典粵菜之一！外皮烤得金黃誘人，但係肉質好鮮嫩，豬腩肉嘅肉香味經過烤製後更加濃郁！一口一塊真係唔夠我食！⭐️ XO醬炒花姿片花枝同埋帶子都非常新鮮！花枝本身嘅鮮味同XO醬嘅咸香味完美結合，真係好送飯嘅一道菜！

雖然好鐘意食日本野，泰國野，西餐等，但每次都會忍不住回歸到最初嘅喜好 - 中菜。今次嚟到呢間灣仔人氣好高嘅中華小館 ➡️ 中菜館首先先嚟返個片皮燒鵝皇 ⬅️ 嗰種燒得剛好，外皮焦脆嘅燒鵝，個皮烤得香脆，但又入口即化，燒鵝好香嘅同時又唔會膩口，鵝的肉質更加鮮甜多汁，燒得剛剛好，而且肥瘦俱全，真係吸引👍🏽。然後食埋個碧綠淮山雲耳炒百合⬅️淮山超幼滑，雲耳爽口，百合清新，每一口都清新怡人 。再黎個脆皮燒腩仔⬅️腩肉燒得又脆又唔油，外皮真係有一個好鬆脆既口感，而肉又透出肉汁，混合陣陣香味，真係食落去好有滿足感。每次嚟呢間中菜館，都係食得好開心飽滿嘅，食物好味，服務又好，下次又再黎lu！

餐廳位於灣仔駱克道，修頓球場對面，灣仔地鐵站岀，走不到1分鐘就到😲。門面金碧輝煌，內裏樓底甚高，而且每張圓枱分隔亦夠開，我和朋友都坐得很舒服👍🏻我和朋友二人定了紫砂功夫燉湯、燒味雙拼、碧綠淮山雲耳炒百合、翡翠炒带子蝦仁😲🌟紫砂功夫燉湯 $78餐廳用上紫砂茶壺及茶杯😲，紫砂茶壺一直都是其中一種高級茶具，沒想到也可以用來上燉湯，別有一番風味👍🏻。打開茶碗蓋，終於了解到湯那麼甘甜濃郁的原因，原來餐廳用上新鮮豬肉、人蔘😳。職員都好好，另可提供豉油，配湯渣食也可🤤。🌟燒味雙拼 $268我們選了脆皮燒肉及蜜汁叉燒。價錢雖然稍貴，但食落總算得知原因。脆皮燒肉燒至金黃色，而且皮脆內嫩😍。蜜汁叉燒選用半肥瘦豬肉，咬落有口感之餘，更滑口😋，表面更有焦糖👍🏻🌟碧綠淮山雲耳炒百合 $118碧綠翠玉瓜配爽口淮山，大廚炒得好有鑊氣🤤，亦可減輕食其他肉的油膩感👍🏻🌟翡翠炒带子蝦仁 $238材料豐富又多，蝦仁用上新鮮蝦🍤，既大隻又爽口！再配上香煎帶子及西芹😲最後更有雪耳紅棗桂圓茶，滋潤又清熱，甜度適中，老人家都啱食😋

除咗傳統粵菜 亦有新派中菜 中華小館食物選擇相當多🥢同朋友嚟lunch點咗幾款小菜ꕥ 燉湯呢度嘅燉湯都會用紫砂壺去燉 一見到成個茶壺仔咁都幾得意🫖點咗一款功夫燉湯 一款海底椰川貝燉鱷魚肉 我特別鐘意後者 清甜滋潤🍵飲到尾時可以倒出嚟杯仔度 會更方便飲用ꕥ 養生桂花淮山係一道清甜冷盤 淮山爽口 桂花入口有淡淡清香🌼ꕥ 燒味雙拼叉燒拼燒鵝🦆燒鵝係鵝胸位 所以好多肉 夠油份 入口唔會乾皮 另外厚切叉燒入口鬆化 蜜汁調味得宜🐷唔會有平時食燒味嗰種越食越好乾嘅感覺ꕥ 乾逼拆蟹肉粉絲煲懶人如我想食海鮮嘅話 呢款就啱晒😆蟹肉已預先拆好 仲要有埋蟹籽 好鮮味 粉絲就索晒啲精華✨而且粉絲比我想像乾身 唔會好油店內嘅木系裝潢顯得典雅 而且都幾舒適 都好適合一班朋友或同家人嚟飯聚🧑‍🧑‍🧒‍🧒

母親節諗住帶阿媽食好啲，我哋去咗灣仔嘅中華小廚, 餐廳地點好方便地鐵站一出左手邊就係, 由於我哋有提前訂位，所以去到唔使等好耐就有得入座，餐廳分兩層你就坐咗喺地下大堂! 母親節就有媽媽發辦睇吓佢想食咩啦!我哋就叫咗一個乾逼拆蟹肉粉絲煲, 一人一個紫砂功夫燉湯，一個燒鵝叉燒拼盤，仲有一碟菜心, 兩個人份量啱啱好！首先嚟嘅係紫砂功夫燉湯, 店員有特別提醒紫砂壺溫度好高叫我哋小心！湯底飲落好清甜而且足料, 我哋飲到最後都仲係熱嘅！乾逼拆蟹肉粉絲煲: 我哋見差不多每台都會點呢個菜式,粉絲煲上枱嘅時候好香,配有海量嘅蟹肉,粉絲嘅份量唔少, 而且好乾爽，唔會覺得好油膩！叉燒燒肉拼盤: 見到鋪面有隻巨大燒鵝模型，就知道舖頭招牌菜一定有燒鵝！燒鵝嘅外皮燒得香脆,而且保留咗肉汁！好令人回味！最後餐廳仲送咗一個黃桃甜品俾我哋！整體嚟講係一間值得encore同適合一大班人gathering嘅中菜！

灣仔發現特色滋味中菜 先來一客前菜桂花淮山凍食嘅淮山， 配上桂花蜜糖， 甜甜的，淮山爽脆，非常清新開胃。 而且又養生又有益。再來一客惹味小吃金沙鍋巴平時多數吃三鮮鍋巴或者蕃茄鍋巴第一次吃金沙。 炸得好脆， 好食過薯片。非常多蛋黃醬，鹹鹹香香，勁正。仲有片皮鴨。 鴨香肉嫩， 片出嚟是皮和肉一起的，鴨皮唔會好多肥膏。 附上兩種醬汁還有京蔥同埋青瓜。麼麼皮係蛋皮，微微蛋香，都幾特別。 非常適合一家大小晚餐聚會。甜品都有好多款選擇。 而且價錢合理。

早幾日去咗修頓睇朋友球賽,之後去咗灣仔區揾食,朋友話要帶我去試間好多人去嘅中餐館,餐廳喺駱克道,裝修有種古典風格! 分上下層,我地同嗰陣時已經8成滿,我地叫咗幾樣野食啦！紫砂功夫燉湯: 入面有d瘦肉,湯底好清澈,每一啖入口都好舒服,店員上菜嗰陣時貼心提醒整個紫砂壺都好熱要小心飲用！乾逼拆蟹肉粉絲煲: 上菜嗰陣時我地都被蟹餅震驚了,蟹肉份量好似蟹餅咁,粉絲爽口彈牙!兩個人食啱啱好！燒鵝叉燒拼盤: 我好中意食肥燶叉,朋友中意食燒鵝,燒鵝外皮燒得好香脆,仲有肉汁, 齒頰留香！半肥瘦叉燒好滿足! 配搭埋鮮嫩嘅炒菜心！