中華小館

營業中

休息中

日式放題食得多，中式放題都係第一次😵 今日去咗食片皮鴨放題 @$498/ 一位首先每人有一份鮑魚花菇扣鴨掌，炆得好淋，鴨掌嘅芡汁濃而不漏🐣之後前菜有桂花鮮淮山、泡椒鮮魚皮；不得不讚啲淮山好清甜爽脆😃之後食咗個屋村碗仔翅，就算係放題都無欺場，碗仔翅好足料，有好多鴨絲及好多木耳，幾充實好味😋仲有個迷你臘腸卷，呢個實屬罕有，細細嘅麵包入邊有臘腸同潤腸，滿足晒兩個口味🌭之後終於到主菜，片皮鴨肉鬆化，皮香脆，為確保能享用到烤鴨之最佳囗感，烤鴨係即叫即烤，會叫一份大概有五六件鴨，當然仲有蒸到熱辣辣既皮😃加埋青瓜同埋海鮮醬，好味最後叫左一個菜，蒜蓉炒菜都係熱辣辣，好新鮮；仲有燒味飯，我選咗燒肉同油雞，真係好滿足😍#中華小館

之前都成日聽人推薦呢間中華小館～ 一直好想食佢嗰個大閘蟹放題，但係因為唔啱季節，咁就唯有放棄，今次又俾我哋發現咗佢地原來又新推左片皮鴨放題，一於又試試先入到黎餐廳裝修好古典，再睇下餐牌都有好多經典懷舊菜式，不過餐廳就用咗新派煮法製作，所以啲菜式賣相都好精緻～～好啱打卡！講返個set 啦，$498/位，限時2個鐘 每位包一份鮑魚花菇扣鴨掌 ，仲有五款小食可以無限refill ，分別係臘腸卷，四季時蔬燒味飯屋村碗仔翅仲有泡椒鮮魚皮同埋桂花鮮淮山📍片皮鴨：呢間餐廳的片皮鴨做得非常出色，每日放題開始前啱啱燒好，保證熱辣辣，店員仲即時喺你面前片 鴨做到皮酥肉嫩，入口即化，加埋配菜同秘製醬汁一齊包住食，令人回味無窮。📍鮑魚花菇扣鴨掌嘩個鮑魚好甜炆得好入味鴨掌亦吸盡冬菇同醬汁既香氣精華正呀～📍泡椒魚皮：呢個嗜辣人必試！佢地用左泡辣黎浸過，嘩嗰種辣味個aftertaste真係不得了，十小辣廢jj 表示：太辣喇！！ 至於口感就爽脆，好似食緊海蜇咁呀～～📍燒味飯：佢啲燒味火候十足，燒腩仔皮脆肉嫩；鼓油雞好入味！仲有仲有啲叉燒肥瘦均勻，香甜嘅蜜汁，聞到都流哂口水～～～📍迷你臘腸卷：臘腸卷做成迷你版，唔會太飽

新春之後有好多人要見，今次揀咗一間精緻嘅中餐廳。茶方面係用咗玫瑰花茶，清新宜人🥰燒肉燒得個皮脆卜卜，不過如果叉燒醃得耐啲會比較好。仲有一個豬手撈粗，一啲都5油膩,ok。比翼雙飛小黃魚有一個有趣食法，就係帶手套，連骨都可以食埋嘅小黃魚，仲有下面有啲好似媽咪麵嘅面底，好惹味呢。呢間餐廳嘅小菜好啱一家大細一齊嚟，下次如果有家庭聚會都可以係選擇之一呢。꧁☬小編食左咩☬꧂✅叉燒拼燒肉✅比翼雙飛小黃魚✅豬手撈粗(◔◡◔) ♥ 人均傷害💰： $200♥

踏入深秋，正值食客們引頸以待的蟹季，相信愛蟹🦀之士已經按耐不住要飽嚐蟹宴。最近🏬中華小館🇨🇳推大閘蟹優惠，每位都係四百幾我就LaLa聲去book位，每次去也是顧客滿滿的！2小時任食真係吸引咗好多人光臨😎食主菜之前飲返碗滋潤燉湯🤗暖胃之餘仲有大大隻雞腳慢慢咬，幾有咬口！💯再嚟一份飽滿多汁的蟹粉小籠包，肉餡裹著甘香四溢的蟹粉，加上特製湯汁，皮、肉、湯汁完美協調，令人回味！💯大閘蟹膏多肉厚，蟹身清洗乾淨，拿上手感覺討好不會滑潺潺！愛蟹之士定必感到飽足滿意!味道不在話下，隻隻都超多蟹膏👅👅店員👍🏻👍🏻👍🏻👍🏻服務態度好，又勤換碟🧫可以好好享受拆蟹滋味。同閨密品嚐這席蟹盛宴談心。

新年期間食得最多就係中菜其中最impress 就係中華小館先來個鳳凰展翅（酥炸小黃魚）口感好酥脆，唔會好油膩，連骨都食埋、夠哂補鈣，而且埋上做完相當靚意頭嘅嘢唔好俾佢停包你撈起 （豬筋撈粗）撈到風生水起，就咁食已經好惹味，配埋花椒油，提升到另一境界！麵質都爽口彈牙！真心好味燒味雙拼冇得輸！佢嘅燒腩仔真係好好食😋五層五花腩非常分明，肥膏同肉亦都比例平均，外皮香脆，滿口都係豬油香🥰蜜汁叉燒亦都做得相當好半肥瘦非常均勻，而且勁Juicy! 肉味濃郁，真係好好味😋呢度真係做節之選～唔講其他嘢，啲野食真心好好食🤤

平時返學成日經過呢一條街，所以都會捐窿捐罅搵嘢食，今年開年飯咁啱呢就係呢一度食，發現原來呢一間小館有啲好特別嘅餸，懷舊菜式新派煮法，鳳凰展翅「酥炸小黃魚」炸到勁脆卜卜，味道偏濃，個炸麵底好有兒時媽咪麵嘅感覺，鳳凰浴火重生，大展鴻圖～ 最好食嘅係上面啲炸蒜，同埋佢嘅調味料粉，撈埋一齊嘅化學作用好強。包你撈起（豬筋撈粗麵）花椒油，第一次咁樣食，嗰種香麻又唔辣嘅感覺好得意😋 配埋叉燒與燒腩仔，外脆而肉感多汁，再撈起撈起，風山水起，好好意頭🐰

灣仔中菜廳經典粵菜配上新派煮法魚骨都可以食，脆卜卜餐廳掛了許多字畫和山水畫，營造一個優雅和古典的風格。枱和隔版都是黃棕色為主。我見阿Bob去過餐廳。佢的評價都好好。餐廳主打懷舊菜式，新派煮法製作。到了晚餐時間有好多已預約的客人到餐廳食飯，樓上的座位都滿了。當日，我們兩人並沒有叫好多食物。🔥🔥最推薦：小黃魚🔥🔥✨️鳳凰展翅小黃魚🔥（極推介）食物名好有創意，都好有寓意。 金黃色的小黃魚被分開兩半，放在炸麵上。這就好像鳳凰展開翅膀在空中高飛，代表著幸福美滿的生活。魚身上有炸蒜和炸羽衣甘藍。香脆可口，有點像食小老板紫菜。魚連魚骨都被炸至脆身但就不油膩， 同時保留魚的鮮味。整個魚頭和整條魚骨都可以食啊🙊🙈正啊！✨️叉燒和燒腩仔正常水準，不過熱d就比較好。燒肉的皮很脆；半肥瘦的叉燒，不油膩，甜味剛剛好。豬筋粗麵豬筋彈牙有嚼頭，不會太淋！粗麵配自製醬汁，好好味。再加上有花椒油，簡直是錦上添花。.

🍴蜜汁叉燒皇拼脆皮燒腩仔厚切叉燒色澤自然，並無多餘誇張嘅色素，尚算軟腍，如果再燶啲就更合我口味。相比之下，燒腩仔更加出色，豬皮夠脆，豬肉肥瘦相隔，鬆化甘香。🍴酥炸小黃魚第一次用手拎起成條魚咁食，成條魚都炸得好酥脆，碟底一滴油都無，油炸確有功架。主要以椒鹽同炸蒜調味，如果有埋喼汁相信會更加豐富。🍴豬筋撈粗麵撈粗麵算得上係香港懷舊麵食，配牛筋就見得多，但配豬筋就第一次食，配搭新穎。粗麵爽彈，無乜鹼水味，帶淡淡豉油香，撈埋花椒油，又麻又香，令味道更有層次。📍中華小館灣仔駱克道128號地下及1樓

朋友好耐無見過我，就帶我食好中菜我自己有時候好驚食中菜，因為兩口子好難叫餸食，因為樣樣都想食🤣呢間中菜餐廳，地點就腳，地鐵站一出就响隔離，而且都响酒店旁，唔好以為餐廳細細間，原來有兩層既，而且餐廳闊落，讓客人坐得好舒服。裝修一啲都唔老土， 反而好岩年輕人口味❤️✨️燒腩仔拼叉燒燒腩仔外皮係脆口，而唔係硬同淋哂，肉質唔鞋口，而且咬落有肉汁叉燒肥瘦分明，入口鬆軟，而且醬汁沒有蓋過肉味✨️鳳凰展翅新年吃這個菜十分之好，有喻意，盼新一年各方也好。而且酥炸小黄鮮，炸到連骨都酥脆，而且炸到骨也可以吃，炸蒜蓉再加辣粉，令魚味層次感更提升。店家十分有心，比手套食，食魚似食到食雞脾甘🤣✨️瑞士汁牛筋腩粗麵平時都係食開干炒牛河，今次試下瑞士汁牛筋腩粗麵，瑞士汁够甜而且粗麵又無撈埋一撮，最正係牛筋牛腩份量勁同够淋，浸淫瑞士汁。 平時食乾炒牛河一定要豆瓣醬，但呢間餐廳好好放咗一小碟油響隔離。開頭我唔知係咩，但都照伴落粗麵度，味覺勁提升👍

中華小館 (灣仔)-今次嚟到灣仔，見到呢間古色裝修風嘅餐館，入到去仲見到有啲字畫，充滿中式古風🏮 今次嚟堂食，但我見到佢嘅外賣menu都好抵食，下次要試吓先得！叉燒燒腩仔雙拼見燒味係多人叫所以要試試佢！燒腩仔肥瘦分明，外皮香脆，亦見到佢好靚嘅一層層🤤 叉燒偏瘦，適合鍾意食瘦啲嘅健康人士香炸黃花魚呢個外表已經好吸引，係飛魚展翅🤩 而且炸得好香口，再配合好多炸蒜，食落有避風塘嘅味道，而且仲好貼心咁俾埋手套，方便人揸住黎啖啖食豬筋薑蔥撈麵新年流流點可以少得撈起🤩 食呢個簡直好意頭，豬筋浸得好入味，薑蔥亦都有好多，食落好惹味-📍中華小館 (灣仔)灣仔駱克道128號地下及1樓

位於灣仔駱克道的中華小館主打明爐燒味，亦有多款特色小菜。店舖裝潢富中國風，牆身掛上不少名畫，是灣仔酒吧街小有嘅中式餐廳！燒味雙拼 $208 叉燒同燒腩仔雙拼！半肥瘦叉燒油光十足，而且蜜汁纏繞，濃郁多汁好味道；燒腩仔帶帶微微炭香，肉汁豐富，肥肉分明，如果外皮再脆啲就更加好了！鳳凰展翅 (酥炸小黃魚) $138上枱每人一對手套，直接揸住食！小黃魚口感又酥又脆，香酥不油腻，連骨食都冇問題！包你撈起 (豬筋撈粗麵) $188撈起撈起，撈到風生水起！豬筋大約有兩小舊，唔係好夠喉，不過值得一讚嘅係配埋個味香且麻的花椒油用嚟撈粗麵，超香超惹味！

呢日繼續陪英國返黎嘅朋友行街之前搵左間係佢酒店附近嘅中菜✨呢間中菜環境都幾舒服，牆身掛左好多畫❣️燒味雙拼我地叫左燒腩仔拼叉燒🤩燒腩仔個皮燒到脆卜卜，肥膏部分唔算多，腩肉軟腍，正！叉燒肥瘦適中，每一嚿厚切叉燒都沾滿蜜汁😚仲帶點濃邊！鳳凰展翅小黃魚小黃魚炸到金黃色，好靚仔！成條魚包埋魚骨都炸到酥脆酥脆，可以整條食哂😋調味方面係有大量炸蒜粒，好香口好有椒鹽避風塘嘅風味！豬筋撈粗充滿着骨膠原，入口即溶嘅豬筋！粗麵微微帶點梘水味，麵質爽口彈牙每條粗麵都掛滿豉油王嘅味道😋仲有好多蔥絲可以撈埋一齊食夠哂惹味！中華小館 (灣仔)灣仔駱克道128號地下及1樓

正月都係中意食中餐，多意頭菜式更有節日感覺。牛筋撈粗麵（包你撈起)撈起捞起喻意撈到風生水起將麵條連醬汁由底到面撈勻放埋些少葱花切絲添香牛筋幾軟腍入味按個人喜好落幾滴花椒油麵條食落更香滑更有椒氣新一年有魚有肉好意頭鳳凰展翅小黃魚一如其名，原條小黃魚開肚瓣開外層炸衣上得好薄乾身生動游弋姿態活現眼前魚身色澤金黄酥香仲有少少辛香炸蒜爆脆感覺一咬就感受得出魚肉嫩滑，尢其魚骨炸到接近脆化魚鰭魚尾魚頭仲幾夠咸香喎燒味雙拼叉燒燒腩仔叉燒係瘦底唔會肥淋淋皮邊帶玫瑰紅又有焦香肉質Juicy幾有層次上埋自家製蜜汁甜甜地入口好惹味腩仔皮燒到卜卜脆埋口又有油香皮下脂唔會成層厚細嚼回彈仲有脂香點少少芥末醬食更添香

放假去咗灣仔食午市中菜，茶樓格局，主打懷舊菜式，新派煮法製作而成，所有菜式賣相精緻，適合打卡🔥火焰叉燒燒腩仔一上枱就俾佢吸引住，因為用火焰熱爐放置叉燒燒腩仔，有保暖作用，但小心易燶啊好鐘意燒腩仔，燒肉勁脆皮，唔肥膩叉燒燒得香又腍，唔會太甜，亦都有蜜汁嘅微甜味🥢包你撈起個名改得好聽，襯返新正頭，實際上係豬筋撈粗麵，加埋少少蔥絲更香口，鮑汁撈麵好夠味，豬筋夠腍，仲配上花椒油加埋落去更加惹味🐠鳳凰展翅小黃魚餐廳招牌菜之一，用上小黃魚，醃好後炸至金黃色脆卜卜，連魚骨都可以食，加上炸蒜口感更豐富，另外要讚埋佢嘅炸羽衣甘藍，加咗少少鹽調味，個人認為生色不少🚩中華小館 (灣仔) @theorientcuisine 📍灣仔駱克道128號地下及1樓

平時食日式同西式野多，今次就同朋友去食下中菜🐷燒味雙拼叉燒厚切而且夠冧身，燒腩仔個芝麻皮夠香脆，而且仲係肥瘦相間🐷豬筋撈粗牛筋食得多，豬筋都係第一次食，冧滑黏口，感覺充滿骨膠原。口感似牛筋但幼身d。醬油經過特別調製，味道甜甜地好開胃，撈麵用既係粗梘水麵，比幼麵掛到更多既醬汁。而且生熟度岩岩好，唔會過淋亦都唔會過硬。食之前仲可以加d花椒油，除左提香，仲有麻麻地既感覺，幾有趣。🐟酥炸小黃魚其花魚炸得好香脆透身，連朋同魚尾、魚鰭都可以食，但魚肉仲保持到肉汁，加埋辣辣地既椒鹽，令黃魚更惹味香口👍