中環茶餐廳 (已結業)

今早去了做Body check, 空肚上陣到中環, 俾人拮完, 摸完, 原來未到9:30, 細心地又找一家新早餐地頭. 昭隆街, 最後一戰, 中環茶餐廳. 早上, 本人一向以三文治為主要食粮, 我叫了一個非常例牌的餐蛋治, (鐵行里阿姐一見到我已經知我食乜果種). 蛋算見煎得幾好, 好嫩滑, 但份量比較細, 餐肉不熱. 不過對面已經加價, $19, $20, $21佢仲係 $18, 相信過多一兩日, 昭隆街價錢又會睇齊.

不想爭位催趕，因此避開人潮晚一點來，結果獨霸一張四人檯。是日午餐選擇了焗香草芝士石斑意粉，即焗出來滾熱辣，芝士和斑塊分量不少，鋪滿一碟，都算交足功課，不過香草味就嗅不到了。餐前的霸王花煲唐排亦似乎真材實料，再加一杯夠濃的熱啡，全都合乎要求。

約了朋友去吃下午茶，地點她說要來這裡，原因是，在中環，能全店都可以吸煙的地方不多，是日紅雨，不好去大排檔，這裡已是最就腳的一間。地方麻麻地，眼見客人多是附近上班的門市銷售人員，或是藍領工友，但無論男男女女，都人手一支煙的，真的是檯檯都有人食煙，所以全店都煙霧瀰漫。拿著那不清潔又霉爛的餐牌，要了兩個下午茶餐，分別是豬扒包及BBQ烤肉多士併炒蛋。豬扒包不錯，硬豬熱熱的，加上菜絲沙律及一塊炸雪藏豬扒，叫做交到功課；一時唔醒起，「BBQ烤肉多士」，就即係叉燒。叉燒多士沒有問題，但炒蛋是實實的，自己炒一定好食過這裡。我杯咖啡還算不錯，她的奶茶，就非常之淡。埋單40蚊，唔平唔貴，怕聞二手煙的，千萬不要來，但要一邊吸煙一邊吃飯的，這裡都也是選擇。