中國冰室 (已結業)

我很喜歡去懷舊的地方, 尤其是記下一些歷史. 據聞旺角道的中國冰室即將成為歷史之一, 下午決定過去食過午餐. 中國冰室在旺角道 (街巿) 中間, 唔小心就會行過.很難得仍然乾淨, 又沒有甩色的招牌, 彷彿他沒有老過. 叫了茶餐, 老實說, 口感沒有太大的驚喜, 屬於不錯的級別 牛油多士沒有什麼, 幸好炒蛋炒得夠滑唔老配上牛油多士食都算唔錯要了火腿湯意, 喜歡火腿夠厚身, 不過個湯底似乎味精太重.整個餐最好算係杯茶, 檸檬茶香夠濃而不苦澀買少見少的磁磚. 牆上的磁磚也很精彩, 一幅牆就有三種真的希望, 政府可以珍惜一些舊建築物, 因為, 我們需要歷史

出去食飯.光顧一些食肆.有時環境都是考慮因素,位於旺角廣東道的中國冰室.位置在街市排檔背後也很多人冒名光顧.因環境舊,舊的冰室越來越少,始終有一天會消失.環境一定有輕微的裝修.但仍保持舊有的綠色雲石磚,舊有的電掣.告示牌,汽水箱等,什至有樓上雅座.這些環境.什有那些年感覺,至於服務也有效率同有禮貌.凍華田同奶油西多士25元.凍華田:奶味重於華田味.味道相當重.的確真材實料..但同時味道亦太甜.難以忍受.奶油西多士:我相信是即製.入口熱辣辣同香脆.沒有糖漿給我.我已心知不妙.味道同華田犯同一個問題,我每吃一啖.感覺就似飲了很重很溶的糖水,甜度蓋了牛油,什至一切的味道.老一輩的店.的食物很重口味.只是現代人重健康.現代食店才改變,下一次我去舊冰室我會叫火腿通粉就行.食物一定喊臉.但環境服務值OK...OK就俾呢間歷史店作禮物.

星期六的下午, 全旺角都是人、人、人可能中國冰室比較"隔攝", 所以人都少D下午茶時間, 一入到來都有好多空位(1) 西多: - 好味過大家樂, 上碟熱辣辣, 軟淋淋, 好香(2) 凍奶茶 - 茶多過奶(3) 奶央多: - 應該係中國冰室既皇牌? 我見好多人都食, 所以都試下先...D奶真係好豐富, 好似成件包浸落去咁, 好好味...(4) 芝士飛碟: - 呢個就差左D, 雖然都係即叫即整, 但芝士就少左D, 好似淨係食緊個脆包咁...(5) 紅豆冰: - 都幾大杯, 紅豆夠, 冰室出品既果然有番D水準!

熟客在打躉，他們吃的也離不開咖秧多，往時我也喜歡貪佢又脆又甜，但今天為工作而來，除了紅豆冰外也只能多叫一味蛋牛多。其實店的蛋類菜式不是最大賣點，奄列和炒蛋也不及「澳牛」的滑（參閱我的蛋饌推介），對流心蛋迷，我只會推介篤穿後會瀉出蛋黃的荷包蛋，而不會是眼前得過熟的蛋牛治。

第一次黎中國冰室食晚飯。之前黎食過幾次午餐都好滿意，因為佢既牛肉麵既湯係自己整的，有好牛味！可惜今日第一次黎食晚餐，最愛既麵竟然變了福字麵加味精湯點解會咁嫁，唔想無左間好味既野食我同女朋友每次都叫右上角既自選雙拼，牛肉係必叫既，之後再自己選一樣！包埋野飲都只$29。一直都抱著期待既心情等佢黎。點知一黎到就發現有少少唔對路，點解個樣好似唔同左既？一食落去就發現味道都唔同哂，牛肉湯變了味精湯，麵既質地都唔同了，依家明顯係福字麵黎！同之前午餐比較下，好似去落左地方食野咁除左兩碗麵外，我地仲叫左奶油多(多)奶，依個就抵讚！好脆，奶既份量都岩岩好總括黎講，今次真係好失望！只希望佢係因為廚師岩岩休息所以先咁，希望下次番黎叫可以有番最愛既牛肉麵喇ps.依張係之前午餐食既牛肉麵，大家可以見到無計湯定麵都係唔同嫁

尋日突然心血來潮,好想歎番個靚早餐於是就做下資料搜集,,,見呢間好有懷舊feel,,加上之前睇PTU見過所以最後揀左呢間一入到去就行左上二樓搵左個可以附望樓下既位坐底感受一下懷舊風味一坐底就有姨姨遞上餐牌,佢地d服務態度好好架睇左一陣,決定食早餐A牛油多士還可以吧~沒有什麼特別之處煎雙蛋不錯不錯~~煎得幾好架~兩隻蛋黃仲係生生地,,正合我意夾埋多士一齊食個味好夾火腿通粉正!!不得不提既係通粉口感滑嘟嘟,軟硬適中.可以食得出個湯唔係用味精整架熱奶茶一擺落黎就聞到陣陣茶香輕輕咁試一啖,睇下要落幾多糖點知奶同茶既比例恰到好處不用加糖亦可今次係我第一次飲奶茶唔落糖或者有人會覺得呢d食物同澳X牛奶XX差唔多但係呢度勝在於無人催你走可以慢慢咁歎早餐整體黎講,一個$25既早餐A加上周圍懷舊環境帶黎既風味真係一個好寫意既早上

最近，位於土瓜灣，一間具五十多年歷史，裝修具五十多年前開業時的風格的白宮冰室(其實嚴格來說，應該叫茶餐廳才對)，終因敵不過時代的巨輪而結業了，充滿本土風味的冰室，又少了一間。要體味具濃厚的本土風格的用餐體驗，也愈來愈難了。不過，隱藏於旺角的廣東道小販市集內，裝修同樣具上世紀五、六十年代的風格的中國冰室，至今仍然屹立不倒。為了對本土冰室文化的一份支持，我在下午下班後，便專程前往該處，好好地品味一下。我最初以為中國冰室，是在車來車往的街道上的，誰料才發現，它原來是位於小販排檔林立的廣東道上，而且前面又被排檔所遮蓋，若不是我的細心觀察，恐怕已經與它緣慳一面了。走進了冰室，為了更充份體驗本土的冰室文化，我沿著木樓梯，一路上到去闊樓。行呀行，感覺到冰室內的木樓梯，雖然與冰室一樣，已經有五十多年的歷史，但穩固依然，與冰室本身，一樣經得起時間考驗。上到去閣樓，發現坐下來吃東西的，多半是為了感受該間冰室的懷舊氣氛的年輕人，當中有些更舉起照相機或智能手機拍起照來。好了，說了這麼多，走入正題。我在餐牌上選了又選，終於選擇了牛肉會意粉及熱咖啡。首先端上來的是熱咖啡。喝起來，咖啡的味道醇厚，而且與淡奶配搭得宜

星期天下午,偷閑去感受眾多師兄師姐們稱讚的懷舊冰室。剛步入冰室門口，尤如進入了時光隧道,回到六,七十年代的模樣。那熟識的地磚，相信大部份屋邨長大的60,70後肯定見過，那時候幾乎家家户户都用同一欵地磚！看一看餐牌，叫了下午茶餐 - 牛肉疍通粉+熱奶茶。牛肉蛋通粉看上去無什驚喜。但當你慢慢品嘗，便會覺得那湯底與一般茶餐廳不同。肯定不是一般味精水！他們沿用六,七十年代的湯底做法，用魚肉去弄湯底，所以渴後也不感很口渴！間中你還可以食到那粉紅色的魚肉碎粒！至於牛肉，沒有梳打粉味，非常可口！而雞疍則平平無奇！唯一可彈就是通粉，可能此冰室大部份都是老街坊，為照顧他們，通粉煮得太過爛，全冇口感！奶茶則可算是中上。唯一可惜是次沒有試一試出名的紅豆冰！此冰是需要獨立叫，不能跟餐。而你想加一点兒錢也不接受。唯有下次再試！

坦白說，本人一年行不到兩次廣東道。孤陋寡聞的我，若不是PTU那套電影，確實不知道中國冰室的存在。問及波友，原來他也不曾幫襯過，亦不抗拒這類舊式冰室(雖知道有些人會覺得污穢的)，於是星期日運動前的午餐，便定在這裡。雖然是首次造訪，對這類的環境其實亦沒覺得太新奇，畢竟頭頂的轉扇，紙皮石地板及牆身等，都是跟油麻地的美都餐室、深水埗的雪山餐廳，甚至長沙灣的新華茶餐廳有幾分相似。波友說吃什麼由我話事，那我就老實不客氣，全都叫些我喜歡的食物。貪心既我，點燴意粉也要花心過人，來一客公司燴意。我想不用我解釋「公司」是什麼了吧！這碟意粉，個人稍嫌煮得太久，吃時軟趴趴的，勝在燴汁未算太杰太厚，亦不會過酸，把蛋黃汁撈埋一齊食，是我的吃法，其他腸仔、餐肉、火腿等就不長氣說了。另加份奶央多，即叫即烘，弄得香脆，煉奶加咖央醬的配搭，唔使審，肯定是甜掉牙齒。到冰室也不忘吃甜品，這次叫來的鳳凰奶糊，相信老一輩的朋友不會陌生。以蛋、奶、糖以及吉士粉製成的漿糊狀甜品，既滑溜又香甜，或許青年朋友會認為是過甜，或者感覺很古怪，但對於甜魔而言，這才是人間美味。但願比等極品不要在人間消失。奶茶也很不錯，香濃幼滑，喝得順喉舒服。

冰室就像代表著上世紀的香港閑日的兩點幾,人不太多, 一勁兒跑上二樓, 好多卡位坐香滑奶茶,不過不失夠濃,無俾D冰溝淡了普普通通,味精好濃喔這個就太淡了,有少少失望一擁而入的芝之味,正喔~~~同茶餐廳無咩分別0_0燈暗暗的,彷彿帶人回到過去, 走到上個時代整體來說,食物不是特別好吃,賣點是冰廳的價值。另外, $25一個午餐,在旺角好難找到了!仲要坐得好舒服(由於坐樓上,基本上落左單﹑傳了菜,就沒有侍應, 安靜非常,也沒有人催你走)如果同長輩食野聚舊,呢間我推薦;)

行經呢part 既mk, 其實都幾奇特, 一邊係繁盛的商業區, 另一面卻係超豪宅, 中間卻有這個小小的community 社區o岩o岩先行完h&m出o黎, 過左馬路卻有個豬肉佬 o係度斬豬骨, 同是亞皆老街, 但真係變得太快喇~再行幾步已到達目的地, 呢間拍過好多戲的冰室; 我一直都想來幫襯.門口招牌 o個幾隻字一睇都估倒係正野~ 能多年都迄立不倒, 必有d 野o既~雖樓上冇電視睇, 但都係上喇, 有feel 一點嘛. 找個卡位坐下.menu 好簡單; 都係叫個大家推介的紅豆冰同义燒麵~义燒係瘦的; 切到火腿咁薄, 但都幾多片吓, 感覺上好似抵食左麵似係大光多過福; 加左少少好似係菜油, 雖冇麻油咁香, 但都有d 效, d 麵真係滑左d~ 算ok 喇.紅豆冰好大舊冰, 篤極都唔碎鐵達尼號都死多次呀...食物係ok 的, 也幾有特色, 不過當然係食個地方多一點, 看到這些裝修, 真係回到5歲的感覺.希望呢d 集體回憶能保存下去!

身處於一個人多車多的旺角區再穿過熱鬧非常的廣東道街市舊冰室就在我眼前出現入到冰室，同外面嘈雜環境截然不同寧靜，舒適，懷舊好像跨過了一道隨意門置身於70年代的環境中凍奶茶及凍鴛鴦啡香奶滑全部到位準備一二三流黃喇蛋沒有燶邊不夠香但有太陽蛋，我已經滿足了腸，只是普通的雞肉賜火腿通粉通粉沒有坑紋，但佢滑嘟嘟呀咖央西多，名物咖央西多煎得金黃香脆薄薄一層咖央，淡淡椰香，不太甜好好享受，食個早餐開始之後的辛勞吧!!!出門口那刻感覺真有點返回現實!

前幾日同左女友去左呢間店到食下午茶,呢間店聽講以前係好多電影既場景,佢個環境都真係經典啦,難得佢D小二服務態度幾OK,呢個抵讚.佢D野食就一般啦,我就叫左炸脾,女友就叫左咖央西多,同出面差唔多,冇咩特別,價錢都幾貴,一人都要$28,龍友會好鍾意呢度.

我好鐘意中國冰室裹懷舊的紙皮石，幾種不同圖案的紙皮石撞在一起更有趣。隱藏在街市裹，每次去都要經過衝衝的人群人聲鼎沸後轉入，突然就好像身處在七十年代的悠閒氣氛中。我好喜歡坐在樓上，也許是因為PTU的原故。今天叫了炸雞翼，西多士，凍檸茶。這裹的雞翼炸得香脆熱辣，加少少鹽巳係人間美味，至少對我來說係。西多炸得金黃又唔太油，雖然西多士係茶餐廳最致肥的食物，但管他呢!凍檸茶正常。去親旺角都要來坐一坐。

IMG:1]搜尋全港的懷舊茶餐廳, 中國冰室算得上懷舊之最, 單看外觀地點已經一絕![ 還有嚴禁隨地吐痰的標示, 十分有趣, 還有樓上雅座, 很有粵語殘片feel, 點了咖央多士, 紅豆冰,熱央, 凍檸檬茶, 食物質數一般, 紅豆冰稍為優勝, 但看旁邊的人點了炒粉麵好似好有鑊氣甘, 下次可以試試!