中南海漁港海鮮酒家 (已結業)

我都係第一次咁激氣,想寫食評控訴一間食店!比佢激死！如果唔係朋友帶我地去呢間食,唔好意思唔比面話走人,我一定即刻閃!一落到去,就見到個收銀處,仲有兩個職員响度,但我地成5大1細咁多人,佢都好似睇唔到咁無主動招呼我地,跟住先有個人帶我地上火煱區!行到埋枱仲抵死,我地要2爐大枱,但佢地跟本未執枱,仲係成枱野,咁都算!我地睇住佢執,負責執野果個人,用條布掃晒枱上面d垃圾落個盤,再用同一塊布o係枱上面打個轉,另一個人就同一時間負責將新杯碟、撈野食隻網放上張枱度,我當堂睇到O晒嘴...張枱都未抺乾淨...我同放杯碟個阿叔講,叫佢抺多次枱,佢竟然答我:「張枱抺左架啦!你見到濕濕地係未乾啫~」.....你當我盲架??好!我算數唔同你計,諗住轉頭用枱上面d濕紙巾再抺,坐低叫左個$1魚翅窩底,再加個$329"五虎仗"套餐既鴛鴦窩底,但朋友話之前有做特價$298,所以想問實個價,咁啱問著放杯碟個阿叔,佢話唔清楚佢新黎,咁我地叫佢幫我地問啦!點知佢竟然答我:「個同事去左食宵夜喎!等佢食完番黎先!」....我又一次O左嘴...火火地忍唔住講左句:「咁不如我地都食完宵夜先番黎問啦!」好彩朋友醒目叫佢問收銀咪知囉

上星期日, 就老人家係呢附近食晚飯, 彩星之前有人食過唔得, 本來計劃係對面既到南北嚼, 六點鬆dee冇人係接待處加上有幾級樓梯, 輪椅唔方便, 轉左來呢間, 都唔期望好高架啦, 落到去得3幾枱客, 可能時間尚早, 服務認真唔得, dee 待應唔知做咩既叫極都唔理, 扮睇唔到, 好啦, 睇到菜牌唔明, 叫左一輪終於有個人來到, 好求期答左一個問題又走左去, 越叫越走, 真係要叫劉生來教下佢今時今日咁既態度係唔得架, 最不滿係洗杯碗發現我地8個人, 佢地擺少左2隻匙&2隻碗, 叩個待應拎2隻匙&2隻碗, 佢竟然不斷問我地少左咩woo, 唔係掛, 好明確話左佢聽少左咩啦, 佢仲不斷重覆問左幾次, 大佬呀, 我地8個人坐晒係度啦, 會唔會計數呀, 叫左: 半隻燒鵝 (好乾, 好瘦) 有屋企人仲以為係燒鴨, 唔係掛, 都係鏞記好味沙拉骨 (好味, but 量少, 每人得一件咁多多)粟米斑塊 (失敗, 斑塊有炸過, 白雪雪, 粉勁厚, 汁少, 其中有1/3斑塊係冇粟米獻汁, 乾爭爭)海鮮雜菜煲 (ok)金銀蛋白菜(本來要莧菜, 但佢話有得chose, 睇下廚房俾woo, )冬瓜盅 (ok, 每人

元旦個日真係好凍, 掙扎左一陣先決定同朋友M出來, 咁又係無理由08年第一日就呆係屋企架飲完HH, 8點幾來到呢度唔爆仲有位, 朋友們之前來過好快諗到要D咩魚翅花膠湯底- 湯同料分開上, 湯底呈奶白色, 魚翅花膠等一次過掉落煲中, 打到咁上下畢來食, 魚翅半溶, 質感好似魚咀, 而花膠細細隻, 幾腍身, 不過其實兩者用於吊味多於食羊肉片- 切得比較厚, 帶點韌雞子- 普通四寶丸- 牛丸, 豬肉丸, 鯪魚球丸和墨魚丸, 味道唔太出色又唔差個隻白鰻片- 入口幾鮮甜爽口筒蠔- 蠔身飽滿, 放入口咬開沖滿蠔味田雞- 第一次打邊爐食, 得五或六條腿, 份量少, 田雞腿奀奀瘦瘦咁, 麻麻炸魚皮- 好脆, 浸一浸湯中腍腍地又係另一番滋味桂花蚌- 呢個反而幾大碟, 幾新鮮爽口, 就算渌耐左畢番起都唔韌全晚哈爾濱啤做價$8, 見啤酒女郎成晚周圍走就知幾抵飲食食下聞到有煙味, 望一望竟然有人公然食煙(圖), 部長, 伙計就睇唔到睇唔到, 唔通呢D就係旺角既特色?

我昨晚食中南海漁港, 點知食到最後的糖水,唔好食都算la, 重要有隻曱甴, 勁嘔心, 好核突個經理勁離譜,一句sorry都沒有, 講d費話,什麼健康最重要, 係人都知la,去左你間酒樓就唔健康la

一行六人8點幫襯晚飯，落到去見無セ客，經理同部長响梯口傾緊計，企响佢哋面前同佢哋話六個人，可能佢哋傾得太入神所以無理到我，企咗一陣同朋友研究緊坐邊度好部長先發現我哋，跟住就帶咗我哋直入到大堂尾上高臺柱後面大枱，枱與枱之間都幾迫吓。坐低後問侍應呢度食唔食得煙，佢竟然答我本來唔得嘅不過你食就比個煙灰盅你啦，我再問咁邊度先可以食煙呢？佢就話唔緊要啦，照食得啦，哈！咁都得。特價小菜都唔係特別平，平均38蚊至48蚊，特別优惠就幾抵，分別有魚、蝦、蟹等等。魚有甚麽海斑同其他兩款唔記得セ嘢魚，2至5人可叫一份，6人就2份，海斑48蚊條，我哋就叫1條斑同1條18蚊嘅魚，但個侍應就話唔得，一定要同一款，一係兩條48或兩條18，想多元化啲都唔得，唔識變通嘅規舉，不如唔好比啦，最後唯有叫咗兩條斑同5個小菜及2個18蚊嘅小食。等咗都幾耐啲菜先陸續咁嚟，嘩！原來兩條斑每條都唔夠1呎長，兩條加埋要成舊水，如果以优惠價嚟講就唔係咁抵啦。其他啲小菜碟頭比一般酒家細，不過味道都ok，而啲砵仔蒸飯除咗用砵仔上特別啲之外，真係無セ可取，啲飯又乾又硬又無飯味。食吓等吓嘅情況下食到尾聲都成個鐘啦，但係重有個葡汁焗四蔬未到，於是

由於世貿關係,喱排突然變得清閒,一大班同事難得坐埋一齊飲茶去.點心水準屬中下,D野可能蒸得過火,好多點心都比較硬,如叉燒飽同腸粉,最好o既算係鴛鴦飯,因為佢用左好多雪藏大蝦,真係好大隻,雖然都係冇咩味架喇,但都算落本.最差就係杯普洱,杯茶非常混濁,真係好似一杯灰泥水咁,細看之下發現好多極微細o既微粒o係度浮浮下,好核突.

N 年前的富大潮州酒家, 輾轉下易了多手變成今日的"中南海" , 服務講真就算一般了, 類似"明星""麗都"那類招乎... 但就算係近期市道好轉後仍保持平價小菜...2人晚起3個菜連一支啤酒, 2個缽仔豬油撈飯都係百一蚊, 真係市道好左之後食唔到呢個價, 而且味道唔差..我就揀了8.00 的西蘭花炒帶子, 估唔到都無欺場, 成個例牌甘size , 雖則帶子唔係大大粒, 但, 數量很多, 又落青紅椒, 賣相絕對拍得著3-50.00 的小菜... 8蚊亦可揀燒鵝例牌, 但只可6款揀1款, 7位以上再揀..除左8.00小菜抵外, 其他晚市小菜18.00 起, (近年明星麗都, 都要9:00後先有此價錢啦) , 而且選擇都算多, 比多少少28.00 已很多選擇, 當晚選了西蘭花炒帶子, 沙嗲粉絲中蝦煲, 酸甜古老骨.. 2個渤仔豬油飯,1支大啤酒.. 都係104.50 (仲送少少生果..)2個人絕對飽到食唔晒.................. 而且可能位置問題主做街坊客, 星期六, 都唔覺有2輪生意... 所以絕對係約埋豬朋狗友聚腳吹水好地方... 平平地AA 坐成晚.. ^^

我幫襯過一次晚飯打邊爐，D 料唔多新鮮，環境迫之餘又多人食煙，服務又唔掂，野食又等得耐，唔會再幫襯。

下午茶食物抵食大件，但侍應態度唔好。

下午茶茶錢:六元位(非吸煙區)干炒牛河18元大大碟另有2.8 元特價點心可惜d 太密