世界の山ちゃん (已結業)

好久沒有到名古屋馳名食雞翼的店了要啤一啤先，香橙特飲橙味不濃郁，Hoppy 白啤酒，朋友話整夢幻雞翼，細隻咗好多，同埋味道冇以前咁好食⋯⋯沒有特別了薯仔芝士波，熱辣辣，味道濃郁燒多春魚五條，有點苦苦地酥炸八爪魚，細細件，但太炸了名古屋鐵板扁麺，太鹹了牛肉壽喜鍋，居然醬汁，真的好鹹啊😣⋯⋯

一行二人黎到呢間來自名古屋既炸雞翼。價錢比起名古屋食既貴少少，不過都可係合理價錢首先，原味炸雞翼超好食。味道同名古屋既一模一樣，無走樣。 好脆好juicy。而且個種味道好食到難以形容。其實一口氣食十隻絕無難度至於另一款黑雞翼，佢同原味唔同既在於佢有sauce係外層，唔同原味乾身咁樣。食完一隻又好似上左癮咁。一個食十隻真係無難度不過.......呢間野係無水提供，要收費。所以我地直情叫左杯梳打飲除左食雞翼，食左個菜普炒蛋。味道都偏重不過其實成間野都係重口味。聽聞呢間野初初開都要排好長隊。香港分店我黎左兩次都係直入唔洗等位兩次食兩次都有好多日本人，味道好適合日本人香港人雖然佢無水供應想扣佢分數。不過佢既雞翼實在太好食

買咗個咖哩飯 和 夢幻雞翼個飯食落normal，有少少咸雞翼都唔係太夢幻仲要取都冇杯！仲要水都冇杯！ 原本諗住回味日本美食， 点知。。。人個胃容量係有限， 點解要用呢啲嘢食去浪費多一次享受食飯嘅機會， 呢間嘢啲嘢食真係好無賴無下次

呢間過江龍居酒屋喺香港都開咗好幾年，地方大日本店員好親切，食嗰陣日本味都夠做。不過今次來的目的，係食超級掛住既夢幻雞翼！媽呀好好食！！😭雞翼細細地，用黑椒同鹽落熟油炸，作為鍾意重口味嘅人，食落嗰種好正好正，係會想食盡佢每一寸骨，然後再食第二隻，我哋兩個人叫咗每人五隻完全食得晒😎🍗圖二係名古屋鐵板炒麵，酸酸甜甜， 有層薄蛋做底係幾特別，整體冇咩大驚喜或失望🤓圖三嘅炸蝦飯團真係唔推介，細舊、味道普通，我情願去食元氣炸蝦卷好過🍙結論：喪食佢嘅雞翼就夠啦，記得叫埋啤酒，冇清水提供㗎💁🏻‍♀️💁🏻‍♂️-夢幻雞翼（十隻） | $96名古屋鐵板炒麵 | $68炸蝦飯團 | $48生啤酒（中杯）| $50-

很多年前在名古屋已經品嚐過佢哋最出名嘅雞翼, 一直念念不忘, 好開心香港終於有。我見到有好多食評， 話呢一間餐廳啲嘢唔似居酒屋， 又話冇乜嘢食…… 所以我先忍唔住打幾隻字。 呢一間唔係普通嘅居酒屋， 食物款式一定冇居酒屋咁多， 人哋嘅餐廳喺日本就係咁樣簡簡單單， 最主要食雞翼， 飲酒同埋食一啲小食， 唔好諗住千篇一律嘅日本居酒屋就係你哋心目中嗰啲， 要想食好多好多唔同嘢居酒屋嘅人就唔好嚟呢一度食啦， 餐廳平日 都好多本地日本人放咗工嚟呢度食嘢飲酒， 其實呢度係非常地道。

It was our 1st attempt to this restaurant for a family “Get-2-Gather” weekend dinner for “Japan Nagoya Soul Food”.We were all disappointed with the quality of food which “Japanese” food. Seems there isn’t much “Quality Control” measures taken by the owner.Most of the food items were somewhat pre-cooked . It does not taste fresh!!!Will not recommend this restaurant.

早排有一日happy friday去咗位於銅鑼灣嘅呢間日本居酒屋度食晚飯～佢最出名嘅炸雞翼就必食㗎啦，但係佢其實比較乾身有啲胡椒粉味同埋甜甜地，唔算太多肉，我就覺得比較一般啦，另外仲叫咗玉子鰻魚卷都幾好食嘅。叫咗個牛肉雜菜煲主要都係食菜，牛肉就比較一般類似吉野家嘅質素。個炒麵係非常之日式甜甜地嘅嘢我個人就唔太鍾意呢隻味啦。

首先得罪晒, 小弟一向直言! 標題絕對沒有誇張!今日年廿八, 同女朋友到維園逛完年宵市場後, 見有少許肚餓,又未到晚飯時間, 便因為方便, 來到了位於美食雲集的燈籠街, 可是選擇了一間偽日本料理餐廳。我知道這家餐廳在日本很有名, 我未曾在日本吃過, 但香港這家的分店, 絕對是一個騙局!餐廳環境: 先說這一方面, 這方面我倒是沒有太大意見, 格局是日式餐廳, 本人是中性的。桌上擺設尚算整齊。員工服務: 員工服務質素方面, 親切有禮, 值得一讚食物質素: 雖然餐廳環境同員工態度不錯,但是食物方面卻是災難級!! 首先, 為什麼我會說是偽日式餐廳? 如果大家有到過日本旅遊,都會知道日式居酒屋是不可能不提供清水給客人享用。而這家作為日式居酒屋的餐廳, 卻沒有提供(我有提出要求)。 那大家可能會說, 冇水而已,沒所謂吧!!那大家又錯了, 因為這裡的食物極度重口味!! 自問也是一個重口味食家, 但這裡的味精和調味料,我也承受不住!!我點了以下:壽喜燒刷刷鍋 - 味道偏甜, 也是可以的。夢之雞翼X5: 所謂的招牌菜!! 極度重手的味精, 得罪講句, 我寧願去國際知名連鎖店M記買雞翼吃! 黑之雞翼X3:

晚餐時間係燈籠街搵食 誤打誤撞黎左依間名古居風(?)嘅居酒屋 餐廳都大 但星期六晚都得一半滿～嗌左一個佢主打嘅夢幻雞翼 一份有5隻（圖中已食一隻） 上碟感覺雞翼好瘦 味道就似黑椒加大量鹽可能預你配酒?味噌湯烏冬(左) 就係好濃嘅麵豉湯配彈牙烏冬 有隻生蛋 入面仲有啲關東煮嘅魚蛋 味道算唔錯最不推薦 柚子味豬肉(右) 個汁係冇柚子味架喎 不過有大量蔥都算加番啲分嘅⋯雞蛋卷 都甜同有蛋味 算ok啦見佢每款食物都50-70好似好平 但其實嗌嗌下都每人過百蚊 其實唔太抵呢

成日聽到身邊嘅人推介世界の山ちゃん嘅雞翼，加上見佢嘅食物都幾平吓，終於決定要食番次啦~🐔夢幻雞翼(5隻*2) $48*2首先當然要叫番份招牌嘅夢幻雞翼啦~ 我地一行4人決定直接一口氣叫兩份5隻😎 雞翼上枱時熱辣辣，加上外皮炸到脆卜卜，入口感覺唔錯~ 不過如果可以更juicy就好了~🥘名古屋咖哩烏冬鍋 $78同樣係上枱時熱辣辣，直頭見到啲咖哩仲bulubulu咁滾緊~ 再撈埋隻半生熟蛋落個咖哩湯底，用啲蛋汁包住啲烏冬嚟食，YUM😋🍝名古屋鐵板炒麵 $68哩個炒麵鋪滿木魚碎，賣相吸引~ 加上炒麵嘅醬汁帶微酸，幾醒胃~🍳豬扒蛋飯 $98無論係賣相定味道都比較一般，而且定價竟然係三款主食中最高，令人有點失望。哩度嘅食物份量唔算好大，我地一行4個女生食完上面嘅食物都係忍唔住追加咗兩個小食~🥚香煎鰻魚雞蛋卷 $78哩個都好一般，玉子唔係太滑，蛋味亦唔夠重，加上個鰻魚又同個玉子唔太夾，可以唔叫。🍞炸年糕 $48雖然係炸物，但因為上枱時係有啲醬油浸住的，所以完全唔熱氣。當我地以為佢又炸又浸好似怪怪地時，入口嘅煙韌同醬油嘅微咸又出奇地幾夾，為上面幾個麻麻地嘅食品挽回少少分數。總括而言，食物平得嚟份量偏細

去年在名古屋一個戶外的 "雞翼Summit" 試過佢啲招牌雞翼，真係好好味，又大隻。就係抱住少少希望來香港分店幫襯下，點知由坐低一刻開始已經令人黑面。侍應帶我們四人到座位，咩都無講就走左，一杯水都無。問佢地比杯水，佢地話$10一支礦泉水。堂食啊！你不免費提供食水無問題，但點解堂食時製造多件膠樽垃圾呢？我明白日本的居酒屋文化係飲啤酒、hi ball 類的飲品，但印象中日本都會提供清水或茶的。Menu 上的價錢的確係好便宜，但無人諗到佢啲份量可以少得咁可憐。$38左右，五隻細雞翼，細隻到到我地成家人個心沉哂。連影相嘅心機都無哂。麥記或KFC 啲雞翼都大隻過佢。味道係好，但主要都係啲味粉囉。成件事同日本差好遠。土手飯，即是味噌豬腸飯，另一招牌菜。$58左右，原來只係普通一個飯碗的份量，勁少呀！我地真係反白眼 味噌夠甜，所以都好重口味。咖喱烏冬鍋，份量終於正常返啲，有好多材料，不錯。心情好返啲，之後都有影相啦 抹茶炒飯應該係想餐飯最好味嘅。 淡淡的抹茶香味加上洋蔥和醃蘿蔔嘅甜味， 算係成餐飯最有心機做嘅一道菜。 之後我哋仲追加多一碟添。炸池魚， 見到佢係用一個手寫menu喺旁邊，特別推介所以

水準唔算好高，但勝在家庭式，帶小朋友去食仲有野玩會幾開心！野食唔大碟唔貴，兩公婆食都可以叫多幾款！已經食過幾次，次次入去都有種去左東京（平民）既感覺，很好👍會再去再去再去!Quality is not supreme however it gives you a sense of ordinary tokyo diner (in hong kong). Small portion with affortable price therefore you can order more variations even if you are only two people. Will come back for sure!

My wife and I paid 200HKD for a bowl of rice, 5 salted chicken wings and a pot of cabbage with bacon. The food was okay, but slightly overpriced.What really disturbed us what’s that it was a few guests that was really noisy and inconsiderate and we had to ask the staff to tell the noisy guests to quiet down. They finally told them but a few minutes later the noise and screaming was back to same level. We moved to the other side of the restaurant to get away from the noise but it didn’t help beca

見到個店名，就想試一試是否與本店相符，就抱住試下無妨的心態去試試。。。一坐底，由於有點肚餓，就一次過點了一堆嘢，包括夢幻雞翼、蟹肉忌廉薯餅、薯仔芝士年糕、咖哩烏冬鍋、香酥炸雞、炸蝦飯團等，上菜速度極快，以上的食品味道都不錯，夢幻雞翼就略為不夠熱，但味道都合符預期，後來我老公追加了兩道食物，分別是香煎雞蛋卷 + 泡菜雜炊，蛋卷算是有水準，但泡菜雜炊就有點過分好明顯是熱水加飯加泡菜，啲飯都未煮開就拎出嚟，我差點想退貨，但為了不浪費，我老公就說算了！但建議大家唔好點這個了。。。

一直想試一試傳說中既雞翼打電話預約既時候店員用譚仔呀姐口音表示已經FULL BOOKING咁收工同友人A係銅記行陣就上嚟WALKIN睇下會唔會有位上到嚟店員帶位時見到全場得一半滿咦??乜咁多人甩底呀?_?三文魚沙律ER....其實個賣相會唔會頹咗少少呢?而份量亦都係偏少有啲令人無語刺身拼盤(三款)當你以為沙律個賣相已經夠頹點知低處未算低刺身拼盤個賣相更加頹 完全係同本人放工之後個樣相映成趣魚生係一般般，唔算好新鮮，但未去到有腥味既但呢碟野係咪值$138呢?本人唔直接答你黑色雞翼係脆既，但味道偏咸，得個咸字其實食落冇乜特別味噌豬肉串係好咸，好濃味，並唔係好食到有味噌味而且食到有啲豬肉既腥味應該係所加入既碎肥豬肉唔多新鮮就算個醬幾濃味都遮蓋唔到陣腥味唉食到本人有啲不安鰻魚玉子燒全餐最滿意應該係呢個味道叫做正常，鰻魚有鰻魚味玉子未去到算好滑就係日式家庭既普通玉子口感雙份威士忌梳打水啲野食咁樣令人好難振作唯有每人都叫杯酒叫自己唔好咁清醒食完呢餐唔知點解個人係好頹埋單見到個價錢更加頹，咁既質素每人都要兩舊幾水完全係頹居酒屋既表表者埋完單好似有發咗場夢既感覺