世界の山ちゃん (已結業)

很多年前在名古屋已經品嚐過佢哋最出名嘅雞翼, 一直念念不忘, 好開心香港終於有。我見到有好多食評， 話呢一間餐廳啲嘢唔似居酒屋， 又話冇乜嘢食…… 所以我先忍唔住打幾隻字。 呢一間唔係普通嘅居酒屋， 食物款式一定冇居酒屋咁多， 人哋嘅餐廳喺日本就係咁樣簡簡單單， 最主要食雞翼， 飲酒同埋食一啲小食， 唔好諗住千篇一律嘅日本居酒屋就係你哋心目中嗰啲， 要想食好多好多唔同嘢居酒屋嘅人就唔好嚟呢一度食啦， 餐廳平日 都好多本地日本人放咗工嚟呢度食嘢飲酒， 其實呢度係非常地道。