世界の山ちゃん

營業中

休息中

從樓梯往下走，門口已經有店員仰頭迎接，一句簡單的日語招呼，進入店內已見日式簡約裝修，加上日本客人的高談闊論，好像進入時光隧道到了日本。 餐牌上有着炸物，鍋物，飯麵等等的選擇，不竟是黃昏六時的晚餐，就來點簡單的吧！ 當然需要點夢幻雞亦，雞亦炸得比較乾身，配上味粉，味道有點似曾相識，如果說是鎮店之寶，卻未免過譽了。 燒多春魚，燒烤程度恰如其份，沒有調味，加上夢幻雞亦，都是佐酒的佳餚。 另點了山醬青瓜，賣相清新，青瓜雖是一般的青瓜，但配以特製面豉醬，味道和諧，用來清清熱氣也不錯。

大阪食完之後有d掛住，知佢香港有分店就要再食啦！一切都好似日本，好有feel!由於我早到左叫定野食，先黎左個扁食，但朋友未黎未食得，等朋友到左，店員主動行埋黎問使唔使加熱，好細心呀😍😍味道岩岩好，不過我鄉下出省，總覺得佢係河粉😅😅夢幻雞翼依然好味道，繼續跟佢個教學食雞翼，不過好似乾身左少少！最後黎個炸蝦飯團，好日本既味道😍😍😍好似去左日本咁😍😍

早前於某遊戲中認識到名古屋的山哥，行經尖沙咀時，發現到熟悉的大大招牌！決定揾一日去試，或者不用刻意飛去日本就可以食到名古屋的味道。午餐時段去到，周圍都找不到門口在那，卒之問到一位好心保安叔叔告知，原來山哥到下午5點才開舖.......心裡只想著，今天要試今天要試！所以去行陣街再回來食晚餐，總算食到了！是正牌的海外分店！日藉的店員服務亦好好，放心，店裡有說廣東話的店員。點了招牌菜：幻之手羽先(即是雞中翼至雞翼尖的部分)，還有其他平時少食的日本菜。等候上菜時間都算長，等到好肚餓，期間閱讀日文的「如何吃雞翼」分散注意力。餸菜到了，等都值得的，味道果然不同凡響。本人身為雞翼狂暴者，5隻、10隻點會夠喉，希望食夠50隻！老實說，雞翼的味道平凡中帶點特別，調味很濃烈，雞翼較乾身，唔係多肉汁那種，但食了會有停不了口的感覺，若有些朋友不太喜歡味道太濃的食物可能會覺鹹，但我呢啲重口味人，啱啱好，雖然最後沒有order 50隻，但都食了15隻，臨走埋單時，店長跟我們說日文，而女友又懂一點點便跟店長交流了幾句，他說我們是對beautiful couple, 額外每人送了我們一個日本酒樽作紀念。好多時，去一間

朋友非常崇日, 每之約會都必選日本餐廳, 今次呢間真係好多日本人去食, 仲要用日文落單, 不過其實都係看圖識字啦...指住個menu就ok了餐具同碟都好有特色, 不過可惜我唔識日文, 純粹感受氣氛吧!入正題了, 先黎一個蝦沙律, 4隻炸到脆卜卜天婦羅蝦, 雖然好熱氣, 但新鮮炸出黎, 如鬆脆但又唔油膩, 不過小心辣親嘴仔, 千祈唔好成隻擺入口呀!!主菜係烏冬鍋, 坦白講其實係甜豉油湯底, 不過d麵索晒d汁, 好入味, 加上本身自己鐘意食甜鼓油, 所以最後我地連湯底都飲埋...... 結果....係勁口渴..... 應該落咗唔少味精招牌雞翼, 嗯....係幾特別ge....不過就乾咗d.....同埋d味粉食完又係好口渴...可能比較適合飲番兩杯果時叫黎食....

有去過名古屋旅遊嘅朋友，都知道當地有一間獨沽一味只賣手羽先 (即係炸雞翅，冇咗雞槌部分嘅炸雞翼) 同啤酒嘅食店，叫「世界の山ちゃん」。個間嘢聞外國內海外，單喺名古屋市已經有36間分店，分店網絡更加發展至東京、大阪、福岡等大城市，而家仲勁到喺國外嘅曼谷市中心同香港尖沙咀開分店！有香港份喎，小妹當然唔會放過去試下佢。入到去，稍為見到有啲日本清酒、海報同埋擺設放喺牆邊，不過裝修就唔算跟足日式食店風格。而間鋪都算有番咁上下大間，應該坐到一百人左右。因為小妹已經喺名古屋食過，所以對於間嘢已經有基本印象。入到去佢會有張紙仔教你點樣正確食隻炸雞翅，in case你連張紙仔都廢事睇，連個筷子套都係教學！確保你食之前一定睇過說明先！至於點解要跟足佢指示做，係因為咁樣食法會確保你可以將雞翅食得乾乾淨淨冇手尾，仲可以快速食完一隻又一隻！主角登場！香噴噴嘅炸雞翼，同喺日本食嘅基本上係冇分別。雞翼以秘制椒鹽醬料醃過，臨上枱前燒起，做到嘅外脆內暖嘅效果。雞翼食落當然係好惹味，不過對於唔係食太濃味嘅人嚟講係會鹹咗啲。而如果你一開頭係有聽書，跟足教學去食呢，雞翼就好容易咬得開嘅。不過，啲雞翼就好細隻兼冇乜肉嘅，兩啖食

自己並不算是一個走過很多地方的人，很多的旅行風景的印象已經迷糊到只餘下那地方的名字。學涯時的每一個暑假，家人都會全家總動員去一趙旅行，可惜少時無知，刻不進腦海的景象，無法成為閉上眼晴就成為眼角瞙的投射。「讀萬卷書不如行萬里路」耳熟能詳的一句話，多少人真的去深思說這句話的人，其實一早已閱書萬冊？走過了繁華大地，沒有容納這個世界的知識量，沒法裝載這一片花花世界。太多的誘惑，太多的物質，最後只會扭曲自己的價值觀，道德底線，或許說得太過誇張，但不反觀自身，太多人只會一直沉淪，遍體鱗傷。人一生都在尋找自己，但走太遠，會容易迷路。世界之山自不必詳盡介紹，源自名古屋的被稱作夢幻手羽先的她，在香港尖沙咀金馬倫道開設了日本外的第一間分店，只做晚市。一個轉角大大的世界之山哥就掛在當眼處，就在之前八八八拉麵的地庫，六時開業七時就很容易從樓梯排到上地面，所以如果不想排太久，還是在開業後不久來吃較好。開業都挺長的一段時間，還有如此多的客人，還算是挺難得的。世界之山的店舖雖然立於地庫，感覺卻開揚而光線十足，給人一種輕鬆活潑的感覺。環境絕不寧靜，甚至有點嘈吵，半數都是日本人，一人一杯威士忌梳打下肚，更是高談闊論，把

之前去名古屋時巧遇世界之味美雞翼，得知他們在港開了分店，我和男友一起拜訪。我們order左雞翼，牛肉壽喜燒同鰻魚飯。雞翼比我在日本吃的大少少，味道香口汁多，不知不覺間輕易Ko 左成碟。鰻魚飯三食：原味吃，沒有什麼特色，味道對位，鰻魚也算大件；伴紫菜吃，有點不同，但也不是十分特別；最後伴芥辣混生蔥紫菜及上湯一起食，味道果然不同凡響！靑蔥的香加芥末的刺激同上湯的鮮配合鰻魚飯的焦香，十分滿意。但牛肉壽喜燒則平平無奇，配菜充足但牛肉偏肥仲有D咸同鞋。總括而言，雞翼同鰻魚飯值得推介！

係尖沙咀嗰頭行完街都8點幾9點，無意間搵到呢間鋪頭，見佢大大個黃色招牌好sharp，而且附近好似又無乜嘢食，就入去試下。可能都夜啦，唔洗等位就入得，入到去環境好有日本嘅調調，仲有好幾枱客都係日本人，都幾似去左日本咁不過就有少少up味.....扣左少少分枱面上都放左張教人點樣食雞翼嘅單張。既然雞翼咁出名點可以唔試呢...雞全翼有5隻，係有少少似譚仔嘅土匪雞翼，不過佢嘅味道再咸香啲!適合重口味嘅朋友。只可惜佢整得比較乾，完全無肉汁可言-___-"食到咸香味但無乜雞味!係日本餐廳竟然嗌左一個唔係日本菜嘅食物!哈哈~~但係意想不到咁好味咁好味喎！佢用薄薄嘅蛋汁鋪底..用鐵板上熱辣辣。番茄嘅味道好突出，甜甜酸酸，中意食番茄炒意粉嘅朋友一定唔可以錯過呀!絕對比一啲意大利餐廳煮得更出色!又係用窩嘅形式上菜，幾好可以保暖。咖哩選用甜咖哩，相對無咁辣，但咖哩湯底依然好濃郁!烏冬幾彈牙煙韌不過啲牛肉就老左少少本來都好期待試下啲新嘢，點知出黎奶味比水蜜桃味重，只係有淡淡嘅水蜜桃味，成杯整體味淡一般。補充: 店員收碗碟嘅速度好快，見到你食完就即收，係趕收工定本身就咁快呢？

和朋友飯局慶祝友人生日，他們選了這家日本餐廳。這家店是由日本名古屋引入香港的，先看看裝修，牆壁貼有名古屋的名勝相片，有日本的風味。餐牌印刷精美，圖文並茂，並附有日語。而且，有一幅圖介紹如何吃它的名物-鹽燒雞翼，十分可愛。餐桌和餐具佈置都充滿日式風情，亦有一份「食雞翼講座」的單張，感覺細心。加上有日本藉的服務員，令我們感覺像置身於日本。經過一輪討論，我們決定好要點哪些美食。可是，這裡不會提供清水或清茶，要點它們的飲品。我們點了以下食物：廚師沙律用大湯碗盛載，份量很多。表面鋪滿蕃茄和青瓜，還有一大球薯蓉，顏色豐富鮮豔，視覺效果不錯，亦令我們垂涎三尺呢！底下有大量生菜和椰菜絲。蔬菜新鮮爽口、冰涼開胃。鹽燒雞翼這家餐廳的名物，一客五隻。侍應把它放上枱面時，我們已經嗅到強烈的鹽香味。我們跟隨那份單張去品嚐那隻雞翼。噢！有濃濃的鹽燒味，雞翼外皮乾身香脆，內裡肉質嫩滑，令人齒頰留香，味道不錯啊！玉子鰻魚燒一客六件，淺黃色嫩滑的玉子包裹著鰻魚。玉子滑不溜口，一層一層，味道煎得很香。內裡的鰻魚味道濃郁。稍為美中不足的是鰻魚太少太薄身了。味噌湯烏冬我們前來這家餐廳，當然要一嚐它的招牌菜-味噌湯烏冬啦！服務

老老實實，睇完毛記電視個節目，所以先想黎。可能受電視節目影響啦，先旨聲明，我WALKIN等左10分鐘左右，呢度係要等位的，最好MAKE BOOKING。埋位...擺設好似幾正路，放有垃圾桶，好似預你食好多咁... 間野對自己真係咁有信心?!D碟有埋LOGO PRINT，令人期待....主角上場 --- D雞翼好細隻，而且...表面乾到呢... 不過咁，味道係對辨的，可以一試咁啦。小食方面，我叫左一口炸芝士，味道OK，但竟然冇溶....芝士內涵...清晰可見的狀態!牛肉烏冬鍋 --- 味道一般，份量少，當食下菜囉... 麻婆豆腐 --- 全晚最唔掂之選，味道唔對辦，份量又少，相當之失望。

同事知道青蛙愛吃辣之餘亦愛吃雞翼,於是推介青蛙必定要到''世界の山ちゃん''一試它家有名的夢幻雞翼。是日跟豬大人在尖沙咀拍拖拖,到差不多晚飯的時候, 青蛙特意向豬大人提議到''世界の山ちゃん''用餐,嘻嘻~~~ 就是為了滿足自己對雞翼的慾望 ^^不論大大的黃色招牌, 還是入門口的位置,都會見到這個大大的、又kawaii的Q版老闆嘜頭!!由於餐廳位處於地庫,所以要先落一條長樓梯~而由於深在地庫的關係, 青蛙的電話即時沒有了訊號....還好, 可以暫時跟外界斷絕來往,與豬大好好享受一下二人世界 ^^餐廳內環境開揚, 檯與檯之間有一定的距離,感覺挺舒適~唯獨冷氣不足、有點悶熱。餐牌上的圖片就是夢幻雞翼喇!!!日本人就是如此這般的貼心~吃雞翼前, 會提供教學說明;吃雞翼時, 會提供盛載骨頭用的器皿~那當然, 整齊排列好餐具也是基本的。牛肉壽喜鍋青蛙與豬大人無論吃日式火鍋、抑或光顧日式餐廳, 只要見到有壽喜的字樣就會心動!!今次亦沒有例外呢~~~~由生煮到熟的食材, 店員不時在旁熱情的幫忙~牛肉入口嫩滑、炆煮的時間剛好,當然甜甜的壽喜湯味道恰到好處,配上其他易索味的蔬菜來吃,著實令人想一吃再吃,

一入到去，同職員講book左台6:45pm，拒一臉懷疑問貴姓幾多號電話，之後話無呢個booking搞到我地好似白撞咁😡 我地即刻show個手提撥號紀錄show比拒睇，拒都仲要加多句話打過泥未必等於book左！！寸到呢⋯最後比左台，話兩個鐘後交台（其實係咁巴閉就唔會係兩個鐘啦）。坐低左，熱到呢⋯我地係坐入門口之後轉右果個corner，隔離台都熱到發燜～好，都算，我同男朋友講，the food better be good .\/. 點知叫左夢幻雞翼、雞親子丼、鰻魚蛋卷，全部都一點也不特別，很失望！lum住小怡係tvb介紹過會好食，點知一d都唔值！份鰻魚蛋卷成$7x,但份量就細到死味道一d都唔特別，價錢又貴。我係西環食超值好多，人地料同心機都好過拒十條街。拒個親子丼一睇個蛋既texture就知拒地對食物要求很低，因為日本人最講究就是蛋- tamago! 又老又唔滑⋯ 唔洗講喇真係，超唔抵，唔洗20分鐘我地埋單走人～一出到去見到成條隊，我心lum，別跟我們一樣做水魚吧。

在PMQ 沖繩夏祭想買山哥雞翼，不過遇著機器失靈，於是朋友做提議到不如到其尖沙咀食店晚飯。約7時15分到達，人龍不算短，要立在樓梯等待，加上沒有冷氣很焗好熱。45分鐘過後終於有位，不過被安排較入偏暗的位置，不是正中間，感覺不是太舒服。因為沒有水供應，只好迫著點飲品，分別是常夏姑娘（芒果汁加橙汁）$38、荔枝特飲 $38，味道普普通通吧。夢幻雞翼 $48味道只是偏鹹，有點乾，我覺得佐酒應該一流，因為上次朋友嚐過是點啤酒，但我們今次是果汁，格格不入。香煎雞蛋卷 $48熱騰騰上檯，質感算是嫩滑，不過蛋味未夠濃郁，有點美中不足。炸薯條 $38算是新鮮香脆，不會太乾，不錯不錯。帶子刺身 $78算是大粒，不過不算是太鮮甜。名古屋炒麵 $68質感較乾，而調味也是偏鹹。原來炒麵下有煎蛋，可是時間顯得很老。金鯱卷 $48炸蝦卷物，是全餐我覺得最美味的，因為最少調味不鹹，炸蝦幾鬆脆不厚粉，被厚厚的飽包著不俗。味噌豬肉串 $48味道繼續是偏鹹，我覺得這食店大部份是佐酒食物，所以對我不好杯中物來說不太適合吧。

Bookmark左呢間餐廳都幾耐, 因為餐廳個雞翼個鳥良雞翼有好幾分似...襯住黎緊去東京試鳥良, 試一試山哥先...位置係尖東中心對面間當舖隔離條樓梯落, 金馬倫中心搭lift都得, 不過會係後門入...估唔到超多人排, 等到2046之後我地終於入到去...我地叫左 夢幻雞翼, 炒麵, 啤酒... 夢幻雞翼: 一份有5隻, 叫左兩份...好香, 不過雞翼size比較小...睇完山哥食雞翼講座就試下佢既方法食, 竟然真係可以一啖食左雞中翼d肉 ...香料用左胡椒粉同孜然, 味道食落似淮鹽...比較咸, 咸過譚仔土匪雞翼, 但我比較重口味, 所以好OK ...另外配啤酒都一流, 好正...雞翼炸得好脆, 肉都比較少, 所以比較乾身...但我覺得主要應該係食雞皮同香料 ...因為有好多胡椒粉, 所以食完雞翼個口會好辣...唔怪得知要飲啤酒食啦 ... 炒麵: 因為食雞翼係唔會飽, 所以可以用炒麵黎墊胃塞飽肚...我真係好鐘意日式炒麵, 酸酸甜甜既味道上哂有咬口既麵 ...呢到既炒麵味道唔似平時自己煮咁濃味, 麵條淋左少少少少 ...反而蘿蔔可以淋d, 洋蔥就幾OK,

難得去到尖沙咀食野又吾係同酒友，當然想試下其他野，今次我地選了間日本料理，見到openrice食評吾錯就試下，點知絕對中伏….去到待應話只可坐1.5小時，沒問題啦，入到去似日本居酒屋感覺（這間店是由日本名古屋來香港的，話東京都有幾十間分店，我都吾知點開出黎）。因地庫關係沒有網上而又沒有wifi都由佢，佢主打夢幻雞翼（係日本拿獎所以一定會叫），飲品連水或茶都沒有，要比＄28左右才有烏龍茶之類，最後我地再叫左幾款食品和2杯酒，最後…唉…佢桌上有一張教點食雞翼，都幾有日本特色，都滿有希望等個雞翼黎。點知黎到….夢幻雞翼5隻＄48：細隻又乾身，勁多味粉，肉又吾多又冇雞味。好似食緊柴皮咁，都吾知為何可以拿獎。炸牛蒡條$38：係成餐最好味食品，炸得香口但吾多油，牛蒡炸完都吾乾仲有牛蒡味道同質感。送啤酒一流。泡菜火煱＄68：上桌見到好靚下，有泡菜，豆腐，4片豬肉，少少菜。諗住可以飲下泡菜湯，點知….酸都入吾到口，冇泡菜味，又咸。超失望！～最好味係豆腐和菜，豬肉硬又冇味，食左一半已經吾想食，味精勁多。鰻魚雞蛋卷＄78：鰻魚好細粒又冇味，雞蛋整得太老吾滑身。一拿起2舊已經分離左，好明顯係蛋煮得老左先放鰻